أسر سودانية محاصرة في عدن تستنجد بالخارجية

07:07 AM Apr, 03 2015
سودانيز اون لاين
نعمات عماد-khartoum
مكتبتى فى سودانيزاونلاين





السوداني ( 03##04##2015 )

الوطن ( 03##04##2015 )

ندعو لهم بسلامة الخروج لمكان آمن وعلي الخارجية السودانية تسخير اموال الدولة لإجلاء هؤلاء المواطنيين بأسرع فرصة بدل هذه المماطلة.

لك التحايا يا نعمات.

Quote: مضيفا بأنه لا يوجد حتى الان ما يدل على تدهور الأوضاع

الكلام الفوق دا منسوب للسيد السفير السودانى في صنعاء حسب المداخلات أعلاه..

الله يرحمك يا الطيب ود صالح..
حقـاً من اين جاء هؤلاء؟

الاخت المحترمة نعمات
ما ورد في الصحيفة كلام غير صحيح وغير مسؤول ويجب محاسبة من نشره

يستحيل ان تقول منظمة الهجرة الدولية ان السودان لم يطلب اجلاء رعاياه
لان المؤكد والثابت ان السودان طلب ذلك قبل اسبوع والمنظمة اعلنت عن ذلك في موقعها

http://www.iom.int/cms/en/sites/iom/home/news-and-views/press-briefing-notes/pbn-2015/pbn-listing/iom-yemen-responds-to-latest-vio.htmlhttp://www.iom.int/cms/en/sites/iom/home/news-and-views/press-briefing-notes/pbn-2015/pbn-listing/iom-yemen-responds-to-latest-vio.html




من يقوم بتزوير الحقائق ولمصلحة من؟

Quote: أضف الى ذلك أن الجهات المسؤولة فى السودان قد (دفعت) تكلفة إجلاء 2000 سودانى عبر الطائرات

ياخ انتو ما تقيفوا لحظة من إغاظـة الناس.. شنو دفعت تكلفة إجلاء.. صحيح انتو تجار فقط لا علاقـة لكم بالدولة ولا بالمسؤولية ولا بالوطنية ولا بالحس الإنسانى.
الدول القاعدين تتطاولوا عليها رئيسها يسهر الليل ويقف على اى خطوة نفذت في إجلاء مواطن واحد من مواطنيه.. أمريكا اطلقت سراح خمسة من عتاة محاربى طالبان عشان
عسكرى واحد، وارسلت طائرة خاصة للجبال التي تسيطر عليها طالبان في شجاعة نادرة، والرئيس يتابع بالشبكة المغلقة تنفيذ خطوات الإستلام.. تقول لى طلبنا من الوكالة
ترحيل السودانيين، وكمان زعلانين عشان نقل عنها انها نفت الخبر.. وكما تقول دفعتم تكاليف 2000 سودانى.. ديل سودانين واللا خراف اضاحى..

دعواتنا الله يشيلكم زى ما ختاكم.

يا ابا الريش سلام
تم دفع تكاليف )اجلاء( الفين سوداني
للتوضيح
والموجودين هناك لا يمكن تشبيههم بالاسير الامريكي
وانا علی علم تااام بي انو قيادتنا تتابت موضوعهم لحظة بلحظة وتم تكوين غرفة طوارئ خاصة لمتابعة الموضوع
الفبركات والاشاعات في مثل هذه المواضيع الحساسة يجب دحضها وبسرعة لانها تسبب هلع ورعب غير ضروري لاسر هؤلاء المغتربين
لا للمزايدات
لا للمتاجرة
خلو المسؤولين الحكوميين يشوفوا شغلهم في جو هادي ورايق

(خلو المسؤولين الحكوميين يشوفوا شغلهم في جو هادي ورايق)

يا الشفيع انا لا ازايد ولا عندى حزب ولا ساعى ورا سلطـة.. أنا اساهم برأيى لإصلاح الحال ولكن لا حياة لمن تنادى.. قالوا دفعوا تكلفة 2000 وما فصلوا طيب المواطن العادى
اللى هو انا برضو ذنبنا شنو؟ ما كان يفصلوا واللا هم أكبر من ان يفصلوا للمواطنين.. لو ما فصلوا حأعتبر دفعوها لوكالة ترحيل ورجعوا الكرسى ورا وقعدوا.. لو المواطن العادى
لا يستحق ان يوضحوا ليه الحاصل اول بأول وقاعدين يعملوا في شنو بالضبط ووصلوا وين، عشان لو مقصرين ينتقدهم ويصحح مسارهم قبل فوات الأوان.. لو ما تحترمون المواطن.
الذى تغاضى عن قفزكم في هذه الوظائف دون ان يعينكم وواصل دفع مرتباتكم فلن تجدوا منه اى احترام. ما في عمل عام في الظلام ويجب الشفافيـة وإشراك المواطن عبر
الإعلام في اى خطوة تخطوها الحكومـة، خصوصا في امر خطير وهام مثل هذا.. المسؤولين محاسبين امامنا نحن الشعب وعشان نخليهم يشوفوا شغلهم يورونـا هم بيعملوا في شنو.
لكن حكاية خلوهم يشوفوا شغلهم بدون ما يورونا هم شغالين شنو دى زمنها انتهى.. هذا ليس وقت الطائفية وإعتبار السلطة تشريفات وبيارق على المواتر.. هذا وقت المواطن
العادى الذى هو سيـد الحكومة والحكومـة خادمته.. سمعت ليك بخادم ثقول لمخدمه خلينى اشوف شغلى. ممكن تسكتوا الأعلام داخل السودان ولكن في الخارج سيكون لكم شوكة حوت.
أعملوا غرفة عمليات وخط ساخن لأسـر العالقين ومؤتمر صحفى مرتين في اليوم.. بعد داك اطلب منى عشان اخلى الحكومة تشوف شغلها.

سلام و تحية استاذ أبو الريش

أشكرك و أحي الفهم العالي كل ما ذكرته عن الشفافية و التخطيط السليم بدلا عن التخبط أثابك الله عنا و عن السودانيين في اليمن .

سلام أستاذ الشفيع وراق

رجاءا أخبر الجميع عن السقف الزمني لخطة الإجلاء أن كنت تعلم . كما قال أبو الريش توفير خط ساخن علي الأقل ليطمئن الجميع .

Quote: ندعو لهم بسلامة الخروج لمكان آمن وعلي الخارجية السودانية تسخير اموال الدولة لإجلاء هؤلاء المواطنيين بأسرع فرصة بدل هذه المماطلة.

سلام أستاذ سيف اليزل سعد عمر

ساعات الإجلاء تحولت لأيام كما قالت " السوداني " و " التيار ".

دعواتنا للجميع بالسلامة و النجاة و أن تتوقف الحرب .



السوداني ( 04-04-2015)

التيار (04-04-2015 )

في عنوانين الصحف اليوم

تأجيل مفاجئ لاجلاء السودانيين من اليمن

حاجه عجيبه
؟؟؟

Quote: في عنوانين الصحف اليوم تأجيل مفاجئ لاجلاء السودانيين من اليمن حاجه عجيبه

سلام و تحية أستاذ اباذز عبدالعال

للأسف حتى هذا الصباح لا توجد تصريحات بشأن إجلاء السودانيين من اليمن .

اللهم أحفظ السودانيين و اليمنيين و جميع العالقين وسط الحروب .

النتيجة حتى الآن ..
الحكومة السودانية لم تجل أي مواطن من اليمن..
الخروج من اليمن مسؤولية المواطنين الفردية ..

سلام
لكل نفس في اليمن سلام.

Quote: الحكومة السودانية لم تجل أي مواطن من اليمن.. الخروج من اليمن مسؤولية المواطنين الفردية ..

سلام اسامة
ومسؤليتنا نحن ديل ومن هنا تبداء انطلاق حملة دعم السودانيين
في اليمن

Quote: ومسؤليتنا نحن ديل ومن هنا تبداء انطلاق حملة دعم السودانيين في اليمن

سلام أستاذ عمر نملة

اقتراح موفق . لأن الوقت يداهم السودانيين العالقين وسط الحرب ينبغي علينا التنسيق سريعا

كل من لديه فكرة كيف نبدأ الرجاء التكرم بطرحها .

شكري و تقديري .


الجريدة ( 07-04-2015 )


التيار ( 07-04-2015 )
ومن صحف الأمس

التيار ( 06-04-2015 )

السوداني ( 06-04-2015 )

الجريدة ( 08-04-2015 )


التيار ( 08-04-2015 )

الجريدة ( 09-04-2015 )

التيار ( 09-04-2015 )