رسالة علنية إلى الأعضاء المؤسسين لسودانيزاونلاين

11:03 AM Mar, 28 2015
سودانيز اون لاين
ودقاسم-
مكتبتى فى سودانيزاونلاين



لكم التحية أيها الأماجد
أعرف أنكم تنتمون إلى أجيال الشموخ والعلم والثقافة الراسخة .. لذا كنتم روادا لهذا المنبر ولغيره من المنابر السودانية المتميزة
وأعرف أن المنبر بالرغم مما يقدمه لقرائه ومتابعيه إلا أنكم دخلتم إليه وأنتم الراشدين المستنيرين المتسلحين بالمعرفة ، معلين من ثقافة الحوار
والتنوير ، والبحث عن الحقيقة ، والدفاع عن الحق .. لم يكن ما قمتم به مجرد صدفة أو فورة عابرة ولا بيضة ديك .. لكنه كان نتاجا طبيعيا
للتربية التي انتهجها المجتمع كله ولمنهج تعليمي رفيع المستوى ، قاد البلاد كلها إلى التعايش باحترام متبادل وبفهم عميق لكل ما هو إنساني
فصارت القيم المثلى هي الأعلى وهبط إلى القاع كل رخيص وبخيس ..
نعم كانت هناك حالات شاذة لكنها كانت رغم الضرر الذي أحدثته في تاريخ الأمة ، كانت في الحد الأدنى وكان مقدورا عليها .. لذا قامت ثورة أكتوبر
وانتفاضة ابريل وحركة شعبان وثورة 76 وغير ذلك من نضال الشعب السوداني العظيم لإسكات كل الأصوات النشاز ..
وأنتم ايها الرواد الاسفيريين كنتم أحد أروع حلقات هذه المسيرة التي كتبت على هذا الشعب ... ووضعتم اللبنات الجادة والمؤسسة للحوار الإسفيري
ليتمكن أبناء الشعب في كل مكان من إقامة حوارات مفيدة في مجالات شتى .. منها الاجتماعي ، والاقتصادي ، والسياسي ، والثقافي وكل الأنشطة الإنسانية
ومن يعد للأرشيف في السنوات الخمس الأوائل أو ما يليها بقليل ، يجد التجويد والجدية في كل ما كتب .. وفي تبادل الحوار وأدب التداخل
وقامت علاقات متينة ورائعة بين العضوية رجالا ونساء وبكل انتماءاتهم وطوائفهم ونتجت عنها لقاءات على الأرض وخرجت منها جمعيات وأعمال خيرية وخدمات
انسانية رائعة ، وقامت زيحات وعلاقات بين الأسر وتواصل الناس في بيوتهم دون ريبة أو ظنّ او خوف ..
لكن المنبر اهتز كثيرا وعصفت به بعض الأيدي والأقلام الآثمة فترك البعض منبرهم وهجروه ظنا منهم بأن الزمن وحده كاف لمعالجة الهبوط بالمنبر
لكن طال التباعد بين المنبر وكثير من مؤسسيه من الكتّاب ذوي الرصانة والذوق والأدب ، وكلما خرج أحد المجوّدين دخل إلى المنبر جماعة من المفلسين
وأنصاف المتعلمين من مخرجات الواقع المؤلم الذي نعيشه ..
ولا أقول أن كل من انضم إلى المنبر بعد أعوام النجاح الكبير ، لا أقول أنهم كلهم سواء ، بل فيهم من هو في قمة الرقي والنصاعة والجمال .. لكن الأصوات
التي تبث السموم في المنبر تكاثرت و( اجتهدت ) حتى أصبح صوتها أكبر من حجمها ووجدت عونا من البعض وربما بدون انتباه للأهداف االحقيقية وراء هؤلاء القادمين الجدد.
اليوم حال المنبر لا يسر ، والأقلام الجديدة التي ظلت مثابرة ومواصلة لمسيرة التنوير والتثاقف اصبحت قلة ، وبعضها أصبح يجامل الغث والهزل .. ويتماشى مع عدم الجدية
فأصبح المنبر منفرا لكثير من قرائه ومتابعيه فضلا عن كتّابه ..
وهذه رسالة مشفق على حال المنبر باعتباره أداة من أدوات البناء المعرفي والتثقيفي ، ومصدرا للخبر الصادق الأمين ..
أرسلها لكم كلكم ، حتى الذين ابتعدوا ، وحتى هؤلاء الذين وصفناهم بعدم الجدية وبضعف المعرفة ولين الثقافة ، أن نتفهم جميعا دور هذا المنبر
وأن نعمل على إعلاء شأن الحوار وأن نسعى جميعا للإفادة والاستفادة من الفرصة التي يتيحها لنا المنبر لنقدم من خلالها شيئا لمجتمعنا ووطننا وأمتنا

المؤسسين دي تشمل لحدي سنة كم كدا؟

Quote: المؤسسين دي تشمل لحدي سنة كم كدا؟

لحدي 13/11/2006 يا هندسة
ههههههههههههههههههههههههههههه




______________

معليش يا ود قاسم يا حبيبنا
البوست جاد
وهام
ومتوقع منك أنت أحد المحاربين القدامى بهذا المكان

لكن التعليق الفوق دا غلبني أفوتو ......


سوف أعود بحول الله بالرواقة

عاطف
تحية واحتراما
إنت زول فاعل ووجود أمثالك في هذا المنبر مكسب لمرتاديه
لا بأس أن نأخذ استراحة داخل كل عمل جاد
فالنفس البشرية تأخذ قوتها من سعادتها الداخلية ولابد من الترويح
أنتظر مجيئك الذي أتوقع أن يعين المنبر على استعادة نشاطه الفعال

كل الحب كل التحايا لكل الزملاء قدامي المحاربين والجيل الجديد

المحترم محمد البشرى الخضر
كل من يأخذ الأمر بجدية فهو مؤسس
وكل من يحاول ترك المهم إلى الأقل أهمية فهو خارج هذا النداء

ودقاسم: يا حليلهم دوام بطراهم...


تخريمة:عاطف عمر : تعني قبال النكسة بي فد يوم!!!

( لم أبتسم، ضحكت كمن... )

تحياتي ود قاسم
وضيوفه
متابع وغير محايد

عبدالحفيظ أبوسن
مرحبتين حبابك
انت من المتأخرين ، لكنك ممن يضعون لبنات الجمال والصدق والجدية
تجدني من المتابعين لك
فقط آمل أن لا يشغلنك المشاغبين فتفقد جزءا من وقتك وطاقنك في مداخلات لا طائل وراءها

جورج
كتير التحايا والأشواق
اضحك وتبسم .. فالنفس الطيبة تتبسم في وجه الآخر فتفسح له الطريق إلى الدواخل
حتى الآن أنت تمتلك 1056 بوست ، كلها قيمة ومفيدة ورائعة
جاء بعدك أقوام امتلكوا عشرة آلاف من البوستات ،، ولا فائدة منها
ليتهم ارتاحوا وأراحوا وليتهم علموا أن نوم الظالم عبادة

شكرا ود قاسم على التوضيح

أها يا عاطف طلع ما عندها علاقة بسنة التسجيل, بل بكيفية التناول :)

Quote: بعدك أقوام امتلكوا عشرة آلاف من البوستات ،، ولا فائدة منها

كر علينا

:)

ود قاسم سلامات

اعتبرنا من المؤلة قلوبهم

:)

د. محمد حسن
تحيات زاكيات
أنت من الراسخين .. أقرا ما تكتب .. وربما لا أتداخل إلا قليلا
بس خفف المعارك يا دكتور وقصيدتك الأخيرة - والتي أتت نتاجا لاستفزاز أحمد الشايقي - رائعة
لكن لا يحملنك كل الاستفزاز للكتابة
اكتب وأنت في منتهى الهدوء فهم يقصدون إخراج العاقل من طوره ..
هذا حالهم ..
لك الاحترام

Quote: كل من يأخذ الأمر بجدية فهو مؤسس

نعم
حبيبنا ود قاسم
إن تحمل الرواد الأوائل مشقة التأسيس والتأسيس كما نسميه في مجالنا الهندسي The dirty work
ولعل كلمة dirty هنا لا تعني ذلك المعنى المسئ الذي قد يتبادر للعقل إنما تعني العمل الأكثر مشقة وفي مرات كتيرة بدون الحصول على ( نتائج واضحة ) ...
للأمانة نقول حتى هؤلاء لم يكونوا على ( جدية ) رجل واحد ... أو جدية ( إمرأة ) واحدة ...
ولعله لولا كثير من ضرورة وكثير من تحمل لفشلت التجربة في مهدها
فكرة النقاش أو ثقافة النقاش لم تكن جزءاً أصيلاً من ثقافتنا السودانية دعنا نعترف بهذا
ولعل هذا مقام أحيي فيه أصدقائي الجمهوريين وتجربة أركان النقاش في الجامعات
ولعل هذه التجربة - تجربة دالي وأخوانه - سوف تكون خير معين لى لتوضيح مقاصدي
فالأستاذ أحمد المصطفى دالي قد بذل من عمره سنيناً لـ ( ترسيخ ) فهم النقاش... والآلية الصحيحة للنقاش العلمي المبنية على عدم المقاطعة .... وعلى نظام الفرصة والفرصة المقابلة .....
بذل سنيناً وبذل من عمره وشبابه مجهوداً قاده لأن يضرب حتى تسيل منه الدماء....
جاء بعده أقوام ... جمهوريين وخلافه.... وجدوا الأرض صالحة و المسرح مهيأ ( لحد كبير ) فانتقلوا للخطوة التالية ... خطوة نقاش الأفكار ....
لحد كبير كان هذا هو حال المنبر
أيام التأسيبس يمكن بسهولة تشبيهها بالفترة ( الدالية ) ..... فترة ترسيخ الحوار
وهى فترة لم تكن كلها وردية فالأخوات يشتمن لمجرد ظهور صورهن ( بدون طرحة ) .....
لكنهن كن شجاعات للمدى الذي أجبر الجهلة على النظر إليهن كـ عقول ... كـ إنسان كامل الحقوق ...
تحياتي رجاء العباسي وجيلها
عشنا جميعاً في تلك الفترة عشنا ( تجربة التوابيت ) لأقل خلاف
وعشنا تجربة ( القوائم ) .... في صمة خشمك تلقى نفسك ضمن قائمة مطلوب رأيها في المشكلة الفلانية

وتماماً كما في المثل ( الدالي ) السابق
جاء بعد فترة التأسيس أقوام آخرين للمنبر
وأيضاً لحد كبير وجدوا أن ( الأرض صالحة و المسرح مهيأ ( لحد كبير ) فانتقلوا للخطوة التالية ... خطوة نقاش الأفكار .... )
والخطوة التالية كانت ( تثبيت المصادر )
وأيضاً هنا لم تكن الحياة كلها وردية
فيها من يعيدنا لأيام التأسيس وفيها من يتعامل مع البورد بـ ( بقجة غبائن ) لا يغادر محطتها
وفيها قطعاً النجوم والكواكب

للبورد يا حبيبنا دورات حياة
لكل دورة نجومها
ليس هناك بالطبع ما يمنع إستمرارية النجومية لدورات عديدة
لكننا كشعب سوداني ( أصيل ) قليلي الصبر ......

طيلة هذا الدورات مر على المنبر نجوم أضافوا بعمق وفي شتى ضروب المعارف
سياسة ، أدب ، فنون ، رياضة ، هزليات
وطيلة هذه الدورات ومنذ زمن التأسيس مر على المنبر أقوام لم يضيفوا لأنفسهم ولا للمنبر شيئاً يذكر

لذلك تجدني أتفق معك على أن ( كل من أخذ الأمر بجدية فهو مؤسس ) .....

عاطف
كلامك جميل ورائع
ويعبر عن وعي كبير في الفهم المتبادل والتعاقب الإنساني في إدارة الحياة
وهذا مستوى متقدم كثيرا على الذين يكتبون كلمة أو كلمتين تحت عنوان طويل تسبقه كلمة عاجل أو حصري
وأجزم أنهم لن يتفهموا ما كتبت هنا إلا بعد إعادة القراءة مرات ومرات
أين نحن من دالي وسعة فهمه وصدره وصبره وشجاعته ، واين نحن من القراي ومن جاء بعده ؟
هؤلاء العلماء يوصفون الآن بصفة الكفر من قبل المسطحين
بدلا من مبادلتهم الكلمة بالكلمة والفكرة بالفكرة يتم تكفيرهم ..
لذا بعد أن أعدت قراءة ما كتبته يا عاطف عددت جزءا منه كلاما ديبلوماسيا فيه مجاملة
وأرى أن البعض لا يستحق هذه المجاملة
صدقني هناك البعض ممن ساهم في تنفير الناس من هذا المكان الجميل
بالكذب وبالنفاق وبالمغالطة وبقلة الأدب وسوء القول
لاحظ معي تغيرات الصفحة الأولى ، خذ نومة ، ثم عد للمنبر تجده كما هو
متى كان المنبر هكذا ؟
القراء نفسهم تراجعوا ، وأصبح المنبر ضعيفا ونوره يكاد ينطفيء بسبب الهزال المعرفي لبعض عضويته

عمنا ود قاسم ..
تحياتنا واحترامنا ...

في كل خير ... سواء الأعضاء القدامي أو الجدد ...

لم لا تدعو لتجويد الأداء للكل ؟

هاني عربي
لك التحية أدعو لتجويد الأداء للكل ، قدامى وجدد ..
أدعو لإسهام أكبر ليصبح المنبر جاذبا ، نشطا وحيا
أدعو للكتابة الإيجابية والبعد عن السلبية
أنا ضد انبهلت وتكومت وانشرطت
ضد الألقاب القبيحة والصفات الذميمة التي يتبادلها البعض
نريد الارتقاء بلغة المنبر والارتقاء بالحوار والطرح

ود قاسم لك اشواقي والغربة اعادتني ثانية لفراق الوطن

بالجد حديثك رائع ومعبر وواقعي

لن نجتر ذكريات الزمن الجميل في سودانيس اون لاين

ولكن نطلب ان يود المنبر الى اهدافه الاصلية في الحوار الجاد

وثقافة الحوار ... و الى علاقات اجتماعية بين الاعضاء لا علاقة لها

بالخلافات الفكرية والعقدية ...

لنلتقى اذن

صلاح غريبة - القاهرة

00201112892835

تحياتي
أستاذ قاسم
حمداً للذي فينا لم نبلغها عشراً
مازالت هذه الأرض مرتعاً خصباً لقادمين ليبذروا فيها نتاجهم
فتجرفها خيوط الهواء كما تشاء فالمراحل تحكى عبر ما يدفقه الواقع
فالجمهور يصطف حسب تذوق ما ينال
هل بيننا قديس يرش الكلمات بالماء الطهور
أو ذو جبه يحرق بخور من عطارة التيمان مر المذاق
أبو سن أطول مني
لذلك تراني عند حِزية أبطه

حضور وتحيه ومتابعه ياود قاسم

ملهم
لك التحية والتقدير
سعيد بمتابعتك
كن معنا لننهض معا بالمنبر

عادل البراري
لك التحية مداخلتك القصيرة هذه حملت لي وللقراء الكثير
لم ننادي باحتكار الملعب لأحد .. وقد كتبت مرات عديدة طالبت فيه بفتح المجال لقادمين جدد
وربما أن بكري يعلم عدد من أوصيت لهم بالعضوية حتى مل بكري توصيتي
وأسميت المنسحبين العاطلين عن الكتابة ، وقلت لا أجد سببا لتضخيم عددية العضوية ومن يكتبون يظلون محدودي العدد .
فقط اقول أن بذورا سيئة السمعة تبذر منذ فترة ولبرما أنها بذور محوّرة
هذه واضحة في بعض الكتابات والمخاطبات والمشاحنات .
وواضح أن حركة المنبر يصيبها الضعف تماما كحلقة الذكر في ليلة المولد كما وصفها المجذوب
ومشى في حلقة الذكر فتور
ذلك بعد أن كانت
ترجحن وتئن وترن
ثم ترفضّ هديرا أو تجنّ
فلا قداسة لأحد ولا إعلاء لجيل فوق جيل
لكن إذا كنت تتابع المنبر ربما حتى 2009 ، وتقارن ، فلن تجد إلا منبرا هزيلا اليوم

مهندس صلاح
لك تحياتي وإن شاء الله تكون بلغت الصحة
أنت رجل ودود عندما تكون قريبا
ورجل كريم
ومجامل ، وعشمك في الإنسانية كبير
بس أفكار حبوبتك دي شوية ابعد منها
وستكون بخير

تحياتي أبا طلال

***

فأصبح المنبر منفرا لكثير من قرائه ومتابعيه فضلا عن كتّابه ..
وهذه رسالة مشفق على حال المنبر باعتباره أداة من أدوات البناء المعرفي والتثقيفي ، ومصدرا للخبر الصادق الأمين ..
أرسلها لكم كلكم ، حتى الذين ابتعدوا ، وحتى هؤلاء الذين وصفناهم بعدم الجدية وبضعف المعرفة ولين الثقافة ، أن نتفهم جميعا دور هذا المنبر
وأن نعمل على إعلاء شأن الحوار وأن نسعى جميعا للإفادة والاستفادة من الفرصة التي يتيحها لنا المنبر لنقدم من خلالها شيئا لمجتمعنا ووطننا وأمتنا

***

هذا هو بيت القصيد ولب الأمر وسنام القضية

كلنا ذاك الرجل المشفق على حال المنبر

دمتم

بس يا جماعة
أنا مبسوط شديد بمداخلة صديقي ابوجهينة
أعرف أن بعض الناس سيقولون عني أنني أكثرت من هذا الكلام
وأنني فقط إنسان يوزع اتهاماته هنا وهناك
وقبل سنوات طالبت بتحسين لغة الكتابة وتجويدها فقالوا إنني عنصري
لكني أشهد أن صديقي ابوجهينة رجل رصين واعي ويمثل إحدى قمم هذا المنبر
وقيادي في مجموعة البورداب
إذن أحبتي أبوجهينة مشفق على المنبر مثلي تماما
ولم يضف من عنده وهو مالك لناصية الكتابة ، بل نقل إليكم ما كتبته
إذن أنا لست متجنيا على أحد ولا على مجموعة ولا على نوع ، إنما أردت إصلاحا
شكرا الحبيب الراقي أبوجهينة

سيدي الجميل
قاسم ...
غيرك يقاتل صفير الريح

Quote: إنت في خوفك تقاتل رفة الطير و الهفيف وإنت في شوفك تخاتل عينة الجلب التريف أنت في اللالوبة مصلبة البنيات النسيمات الهفيف ... إنت في اللالوبة مشنقة الوليدات ناس نجومي ومحبس النفس الرهيف ....

هؤلاء لم ينسلو من ويد نبي
في الوقت .. الواقع .. تينع الكلمة وتطش سهام المتشردين
فالحجة عند أدب الخاصة فرض يقام بلا وضوء

لك ودي

ود قاسم سلامات .

وين اراضيك ......

حتى تجمع بورداب الخرطوم لم اراك فيها

اخر لقاء مع البورداب فى الخرطوم كان فى منزل ذو اليد فى رمضان القبل الفات وهاهو ذا رمضان يعود مرة اخرى

ياريت يكون فى لقاء فى رمضان هذا العام

ود قاسم، سلام وتحية...
المنابر، كما هي شأن كل حي، تتاثر بعاملي المد والجذر...
الجذر ياتي لان الجديد لم يات، ولا المثير الخطر...
فضلا ان وسائل الاتصال الاحدث والاسهل، ربطت كل اتنين يتعارفا، فكونا قروبا، وصار الكل
يدور حاجات لافة، بلكزة تلف منك وتدور وتجيك تارة تاني...
اعتقد ان الفيس تراجع، والواتساب في طريقه... للانزواء،
اي جذر هناك مد هنا...
وتبقى المنابر، لها بريق لا يقاوم لكل من يبحث عن الالق من رائعين امثالك....
كنت حتى 2009، ارجع من الدوام ومعي الشرق الاوسط والحياة، والخرطوم- قبل ان تُختطف -
وكان يوم ان جاء معي صديقي، القادم من مدينة اخرى: يا زول انت لسع في جرايدك دي!!!
واداني الفكرة كلها، وجري امتلكت اول جهاز خاص،
وصرت من المكتب للبيت، اقضي ساعاتي الطوال امام هذا الكشف المذهل، حتى امتعض سكان البيت؛
وبالمناسبة لم اعد اشتري اي جرايد؛
اها تبقى المنتديات، وهذا المنتدى العمدة ملاذا، ومكانا للكتابات الفارعة،
هنالك بوستات، وكتاب، تفرح لمن تقرأ لهم، تجد العبارة الذكية، اللماحة، والمداخلة البهجة،
وانت تقرأ وتندب حظك ان هؤلاء السودانيون مبدعون ورائعون، وانسانيون ولكنهم غير محظوظين....
يظل الشعب دائما اعظم من حكامه... ومتجاوزا لهم،وتلك الماساة كلها...
سيظل الشعب عصى عن الادلجة حتى ياتي حكاما لنا زيك، وزيك عزيزي القاري،
هذا المنتدى واحدا من اشراقات هذا الشعب العظيم، قد يخبو قليلا، وقد يرفده بعضهم بالغث،
ولكنه لا يموت،
لن يموت...

نعم يا ود الطيب
نفراً عزيزاً علينا رحيم علي ما نحمله بين مخلاية وعينا السياسي
وجوعنا الذي يجرح دهشة المتعه في كيفية صبر معدتنا الخاوية ليس لها من مواعين غير الفراغ

ود قاسم سلام و سلام على من تداخل وأضاف و حذف
ود قاسم انا سجلت فى هذا المنبر من أجل الإطاحة بهذا النظام الفاسد و البشير الخائن و جبناء الكي زان أشباه الرجال يا خ قوم لف
ملحوظة بس نبه الأم نجية يخلوا قلة الأدب

Quote: إن تحمل الرواد الأوائل مشقة التأسيس والتأسيس كما نسميه في مجالنا الهندسي The dirty work ولعل كلمة dirty هنا لا تعني ذلك المعنى المسئ الذي قد يتبادر للعقل إنما تعني العمل الأكثر مشقة وفي مرات كتيرة بدون الحصول على ( نتائج واضحة ) ..

و ال dirty work بيحتاج لى hard workers .. و قد كانوا
التحية لك استاذى عاطف وللرواد المؤسسين
ولاستاذنا قاسم و ضيوفو الكرام

جلالدونا
لك التحية
نبحث عن الجدية لنعيد التأسيس

عبدالمنعم الطيب حسن
لك الود
سبق لي أن كتبت في الفيسبوك عن أن الكتابة فيه ضعيفة ، وأنني لا أتوقع منه الكثير
الواتساب لم أستخدمه مطلقا ، لأنني أرى أنه ليس كل حامل هاتف جوال يمكنه أن يفيدك
المنبر مختلف تماما ، وقد سبق أيضا أن قلت في ندوة في الخرطوم في مركز الخاتم عدلان بحضور المهندس بكري
وعدد من البورداب وغيرهم أنني دخلت إلى الكثير من المنتديات العربية فلم أجد مثيلا لمنبرنا من حيث الجودة والقوة
اتفق معك في أن تخلفنا السياسي المعاش يؤثر سلبا في أداءنا الكلي .. لكن أضعف الناس في هذا المنبر هم الموالين للنظام
وهذا لأنهم لا يجدون ما يعينهم على الدفاع عن النظام فيلجأون للتهاتر

ود قاسم سلام
انا دايراك تبعد من المجاملات وتخت بوستيك دا فى اتجاهو الفتحتو بيهو
حقيقى انتو ناس 2002 و 2003 و2004 ونوعا ما ناس 2005 هم المؤسسين
الحقيقين كنتو كوكبة مثقفة ونخبه واعيه باختلاف اتجاهاتكم السياسية
ما القصة انو تتفتح موضوعات وبوستات القصة فى مستوى الوعى والنقاش داخل البوستات
سودانيز كان كل الناس فى مواقع اتخاذ القرار بتهتم بالنقاش الداير فيها لانو
نقاش بناء ومثمر .. ومن اشخاص متخصصين فى مجالات مختلفة
كانت القضايا بتناقش بواسطة نخب وبتاتى اكلها
لكن هسه تلاقى واحدة او واحد فاتح بوست مستوى تناول القضية فيه يفقع الكبد
ويشبكنا عدل عدل عدل ويغتى بالبطانية ويدى 22 حقنة
سودانيز كادت ان تصبح مثلها مثل اى موقع للجات
كادت ان تفقد مكانتها كموقع لبلورة الراى فى القضايا الانية والفكرية الخطيرة ،
كادت ان تصبح كما يصفها الحاقدين. دايما .
كادت ان تكون سودان فور ايز. لو لو لوووووب ..،
المهم
شكرا لاتاحة الفرصة







----------------
طبعا الكلام الفوق دا كلو اذا استثنينا بعض الرجرجة والدهماء
من امثال اساسى والفاروق ونوبى الله يرحمو الذين جلبوا. لكف العين وكدا ..

أخي المبجل ودقاسم
لك مني كل التحيا
في البداية والله قصة أنا من المؤسسين دي ماأظن لكين زول مزعج بس المهم تعرف من أتعس الاشياء التي نعيشها الان في السودان وخاصة الفضاء بالاسفيري أننا لا نسمع أصوات بعض البعض
ولا نعطي الراي الاخر مساحة يستحقها المهم عافي ربي من سابقات الايام ونحن الان في لحظة جديدة ونداء جله حب للوطن وأهله أنا معك ولكن لقد ضاعت مني البدايات والاستهلال الذي أعبر
من خلالها لفكرتي ومساهمتي أنه الليل أيها الصديق نسوق فيه النفس بكل كدر الزمن ومعاناة الانسان في الوطن الحبيب سودان الاعماق أرض الكرام وعسانا نكون أبناء عزة الاوفياء لا العاقيين
قد أعود ولكن هي محاولة للبدء في حوار عله خلاق يفضي لخير أو يكون أعلان مباديء لنا في حقبة الجنون هذه ولازل مسيطر فيها علي الكل أسال الله لك وللجميع الرشاد في الفكر والممارسة
لك مني كل الاجلال والود أيها الاخ العزيز

مرحبا ود قاسم
والاصحاب هنا
ولك الشكر برابري يا صاحب لجسن ظنك
قضية قدامي وجدد في الاسافير لا تشبه الواقع . بإفتراض العمر والتجربة
الدخول للنت بشترط فيه تملك ادوات النت . فرب جديد قديم في تجربة الكتابة والمعرفة فقبل النت كان الورق
والدخول لسودانيز مربوط بموافقة بكري !
التحية والتقدير والاحترام لمن كانوا نواة هذا الموقع . ولمن حافظ عليه حتي الآن
الاسفاف والتهريج لا يخص قديم او جديد . بل وللقدامي القدح المعلي في التهاتر . وهذا ما منعني بشكل شخصي للاشتراك فيه لسنوات
بلاشك يذخر الموقع بكتاب لهم قامتهم في تاريخ السودان الثقافي والسياسي والادبي . فبه كتاب قرأت لهم وانا ما ازال يافعا في المجلات الادبية التي اندثرت والصحف قبل صناعة النت
توجد قضية ملحة بلاشك
قضية تحص سودانيز كموقع عملاق ومن اوائل مواقع النت بالسودان
القضية هي
طغيان الحاص علي العام
تحول الجوارات الفكرية لحوارات عقيمة تجنح نحو التهاتر والانتصار للذات
تحول الموقع لركن نقاش جامعي
طغيان النشاط السياسي الهتافي الدعائي من انصار الحكومة ومناهضيها
تدخل السلطة في الحوار بتشكيل ما سمته كتائب الجهاد الالكتروني بتخريب البوستات وبث الاخبار الكاذبة
ف القضية يا صاحبي
تهم كل الاعضاء الذين يريدون الارتقاء بالموقع
من يترك سلاحه ويهرب فهو عاجز عن تحمل اوار القتال . لايبن المجد سهلا
اكيد الود والاحترام

ود ابسن حبابك
انت فقط ......شفت كيف


و في مضمون قول شاعرنا السد السد قدونا قدونا قد
مشكلتهم تهاتروا والشباب له اهتمامات اخري
طردوا نون النسوة ولا زالوا
ويتباكون

تعرف يا ود قاسم البوست حقك ده قلبتو فوق تحت يمين شمال عدلا قلبا ما فهمت الرسالة العايز توصلا فيو ..
من النظرة الأولى الزول بيحس الفكرة واضحة وإنك عايز تقول شنو ..لكن لمن الزول يرجع البصر كرّتين بيلقا في تناقضات أو حاجات ما منطقية أو خليني أقول تقاطعات بين المستوى النظري والعملي..
أوول شي وببساطة شديدة جداً لاحظ ودون أن تشعر وبطيبة السودانيين والمجاملات ديك أييي زول جاك في البوست حقك هنا ده و ردّ ليك طلّعتو ممن يثرون المنبر ومن الكتّاب الرائعين وممن تقرأ لهم وانا متأكد لو وصل عدد المتداخلين ألف متداخل فالألف متداخل عندك حيكونو كويسين ..طييب الكعبين وينهم ؟؟؟
غايتو انا بدّيك فرصة تبدا بي انا ده وتغيير وتيرة الردود وتاخدني سامبل للعينة التي تعني عشان نقدر فعلاً نناقش موضوعك بشئ من الجدّية ..
العايز أقولو تاني فيما يتعلق بالتناقضات وعشان أكون معاك صريح معظم العضوية القديمة فيها ناس ما متعلمين ولمن أقول ما متعلمين بقصد ما قارين جامعات وفيهم القرو جامعات أي كلام وفيهم الناس الساااي ..ولو عايزنا نكون عمليين تعال أكتب لي لستة الحرس القديم الإنت قاصدو ده وتعال نشوف قرو وين ومؤهلاتهم العلمية شنو ..
أما الكلمة المطاطية بتاعت (مثقف) دي فوالله انا ومعليش للكلمة (كرهتها) في سودانيز ده ..الواحد يكون قرا ليهو كتاب ذات طنقعة أو بوبار ويجي يحشر ليك روحو مع المثقفين ..صاح هنا في عدد مقدر من الناس (الممكن) تقول عليهم مثقفين لكن صدقني ما بالعددالإنت راسمه عن ما يسمى بالحرس القديم ..بالمناسبة أكتب وانا مصنف روحي من الحرس القديم(صاح ما القديم شديد) لكن حضرت الناس الإنت قاصدهم ديل ..
سودانيز أون لاين موقع عادي زيو زي باقي المواقع الإسفيرية تم تحميله أكبر من حجمه ومن طاقته ..يحسب للموقع حق الريادة ودي ما فيها كلام ولا نقاش ..ويحسب ليهو المواصلة ودي ما فيها كلام ويحسب ليهم الثبات على الشكل (الألوان طريقة العرض الخ الخ ) لكن في النهاية هو موقع إسفيري مفروض يكون لامي ..
ياخ مش عايز المثقفين ؟؟ قالوا في منبر إسمو سودان فو أول فيو النخبة ..انا ما شوفتو لكن من البقراهو عنو هنا فهمت إنو فكرة النخبة والمثقفين فاشلة ومطرشقة ..
يا ود قاسم واحد من أقدم المؤسسين في المنبر ده هو أساسي ..أساسي ده هنا محسوب من أفضل تلاتة كتّاب في المنبر وبتنطبق عليهو كل المواصفات الإنت بتتباكى عليها فوق دي ..ورغماً عن ذلك ونسبة لمواقفك الشخصية ضده إنت مطلعو زول ساي ..
ليي ضرت ليك المثل ده ؟ ضربتو عشان أوريك إنو إنت في نوعية البوستات دي بتحكمك مزاجيتك الشخصية وكأنك ماسك صكوك الغرفران وبتوزع فيها ده مثقف ..لأ ده ما مثقف..ده يكتب ..لأ داك ما يكتب..ده كويس..لأ داك ما تجيبوهو لينا ..
بعدين يا ود قاسم خلينا نكون واضحين ونبطل مجاملة ..لبنا إسفيرية بتاعت الساعة كم البنتكلم عنها ..اللهم إلا اللبنات الإسفيرية بتاعت تصفية الحسابات والألفاظ البذيئة والفجور في الخصومة ..
ياخ الشوفناهو في سودانيز ده (بالقديم والجديد) والله ما شوفناهو في منتديات تانية..والألفاظ الكانت مبذولة هنا وللجميع والله انا عن نفسي أول مرة أقراها واسمعا هنا..وحكمة الله قريتا وسمعتها من ناسك الإنت مصنفهم قدامى ومثقفين ومتعلمين ..
صدقني يا ود قاسم الموضوع أبسط مما تتصور وألخصو ليك في جملة واااحدة إسمها الحنين إلى الماضي...
ياهو حالنا كسودانيين ..نتباكى على الماضي ونشتاقه ونحنّ إليه ..
ياها ثقافة يااا حليل سينما برمبل وقهوة جورج مشرقي..
ياها ثقافة يااا حليل جامعة الخرطوم أيام الداخليات والأكل فيو كستر مجااان ..
ياها ثقافة ياااا حليل أيام كنا بنركب المواصلات بي الأبوني ..
ياها ثقافة يااا حليل غنا الحقيبة ..
ياها ثقافة يااا حليل أيام جكسا وكمال عبدالوهاب..
ياها ثقافة يااا حليل الإستعمار..ثم يا حليل الأزهري..ثم ضيعناك يا عبود..ثم يا سلام على الديموقراطية الأوى ثم الله عليك يا نميري يا أبعاج ثم هييه على أيام الديموقراطية الثانية ..وقريباً حن قول يااا حليلك يا عمر البشير..
ما تصدق لي قصة المنبر بقا طارد ووالله انا خليتو عشان ما بقت فيهو حاجة والبيجي يشبكك والله من وقف فلان عن الكتابة انا بطلت المنبر و و و و..
الناس إنشدهت يا ود قاسم ..الناس إنشغلت ..عجلة الدنيا بقت في تسارع والحاجات بتتغير وأي زول عايز يحصل..
التكنولوجيا زاتا إتغييرت وبقا الواتس أب مكان أجمل لتتجمعات من المنتديات ..وبقا الفيس بوك حتى ألطف للزول العايز يحب ويشاغل ..وبقا تويتر أحسن للزول العايز يتابع اخبار الدنيا ..
أقبل الواقع ده وحاول إتعايش معاو يا ود قاسم وما تحاول تغش روحك بي إنو الموضوع حرس قديم وحرس جديد ومثقفين ومتعلمين ضد جهلاء وفاقد تربوي ..
صدقني وأتحداااك التسجيلات الجديدة دي انا متأكد بيكونو علمياً مؤهلين أكتر من حرسك القديم ده ..وثقافياً ما تستبعد يكونو مثقفين أكتر ..
لكن وكما يقول المثل الإسباني :
إنت مو وإنت وإنت جوعان ..

تخريمة :
قالوا الظار ما حق زول ..لكن الظار حقي وانا ستتتو ..اااي ستتتو و انا قلتتتو.. والناكرة تحلف إسم الله .. سمباتة دي أهل الواطـــــة ..فطايس ما معانا ..وبي دستوركم يا أولاد ماما ..
ويا أززرررق ..

عمر الفاروق .. أنت لست جديدا .. لكنك تطورت نوعا ما .. إلا أنك ما زلت تحب عكننة مزاج الآخرين
علاء الدين يوسف وعمر الفاروق علاء الدين يوسف وعمر الفاروق
الآن أنت تكتب بشكل افضل تماما كصديقك اساسي ، وكلاكما تجنحان إلى الشيطنة والتذاكي ، ويتم ذلك على حساب كل ما هو مبدئي
وأنت يا عمر ممن بذروا خميرة العكننة في هذا المنبر .. لكن لأني التقيتك وتعرفت إليك أصبح الأمر بالنسبة لي عاديا ـ
لأني عرفت أنك لست جادا فيما تكتب إنما أنت تكتب للتسلية والطرفة والمكايدة .
وهل الماضي الذي تباكى عليه السودانيون لا يستحق التباكي ؟ وهل الداخلية التي تقدم الأكل مجانا ـ نظيفا صحيا ، خير أم تلك التي تجعل الطلاب يطبخون داخل غرفهم؟
وهل وجود دور السينما في المدينة خير أم عدمها هو الخير؟
وهل المواصلات بالأبونيه أفضل أم المواصلات ذات التعرفة المتزايدة يوميا ؟
والحقيبة ما زالت الأجود والأنقى ، وجكسا وكمال عبدالوهاب ما يزالون المثال للموهبة السودانية ولم يرسخ في داكرة الناس من أنى بعدهم
الواقع يا عمر نصنعه نحن ولا يصنعه الآخرون .. لابد أن يكون لنا دور ورأي ومزاج كمان ..
المنبر الآن منفر جدا ، وأنت بمثل ما تقول تشجع الركود

Quote: صدقني هناك البعض ممن ساهم في تنفير الناس من هذا المكان الجميل بالكذب وبالنفاق وبالمغالطة وبقلة الأدب وسوء القول

ده الكلام ، بس ما هو الحل؟

أبو قصي

Quote: [سودانيز كادت ان تصبح مثلها مثل اى موقع للجات كادت ان تفقد مكانتها كموقع لبلورة الراى فى القضايا الانية والفكرية الخطيرة ، كادت ان تصبح كما يصفها الحاقدين. دايما . كادت ان تكون سودان فور ايز. لو لو لوووووب ..، المهم شكرا لاتاحة الفرصة

كادت!!!

والله أحى تفاؤلك يا دينا..

سلامات ودقاسم
وأتمنى أن تكلل مساعيك بالنجاح وتوفق فى إعادة كل المبتعدين..

Quote: صدقني يا ود قاسم الموضوع أبسط مما تتصور وألخصو ليك في جملة واااحدة إسمها الحنين إلى الماضي...

كفيت ووفيت يا عمر الفاروق
يا ود قاسم اقراء كلام الفاروق ده
كويس حا تلاقيهو اداك النجيضة ولخص ليك
الوضع الحاصل سواء في سودانيزاون لاين او نفسيات السودانيين عموما ...
وتقبلو تحياتي ....

محمد عبدالله الأمين
قرات ما كتبه عمر الفاروق ..
عد أنت لردي عليه

أزهري عوض الكريم
لك التحية
من منا لا يرى السوء الذي يعتري المنبر ؟
نأمل خيرا

لووووووووب يا فاروق هسه ود قاسم ذنبو شنو ؟
خلاص نتحداك جيب لستة 2002 ------- 2005
ونقييم بعد داك. ومنو قال الثقافة شهادات ؟
ما تراك انت مكسر راسنا بالكورة ،،،
قايلنا ما عارفين انو النقد مدارس وشهادات ؟







-------------
ساعدنا بى قصر الردود عشان بصراحة انا ماقريت الكواريك الفوق دى ؟
وطبعا انا قلبى اسود قاتم كما تركته نفسى اعرفك بدافع عن منوو؟
اكيد واحدة جيب وش سنون مكررجا ،...

ابوقصي
لك التحية
الحل هو أن يحاسب كل مخطئ نفسه أولا ويتراجع عن الخطأ
فكل واحد يعرف المعاملة الحسنة ويفرق بينها وبين السيئة
ومن يصر على الخطأ فلابد من بتره ، أو أن الناس سينفضّون عن المنبر

اخلاص المثابرة
لك التحية والتقدير

عبدالحفيظ أبوسن
القدامى في سودانيزاونلاين يختلفون يا حفيظ
إذا عدت للقائمة فهم الشعراء والأدباء واهل المسرح والصحافة والفن والسياسة
هم نشطاء الحق ، والفكر المتجدد
التعاتر نفسه مستويات ، هل يمكنك أن تأتيني من آرشيف القدامى بكلمات مثل
الظربون ، الهطلة ، بربار ، التليفة ، الكبس الفاضي الزمزغة ، وغيرها من تفاهات هذا الزمان
كيف يمكنك أن تتحاور مع شخص لا يحترمك ولا تحترمه
أعتقد أن الأدب والذوق مهم جدا للحوار الناجح
أما الأبواق فنحن الذين ننفخ فيها ثم نشتكي من زعيقها
وقد قلت لبعض بورداب الخرطوم مرة ، لماذا تتداخلون مع من لا يستحق ؟ لماذا لا تتركوا الكلام الفارغ ليسقط في القاع؟
بأتي أحدهم ويكنب كلمة واحدة ، انبهلت ... فيتدافع القراء والكتاب ليحصدوا العدم من هذا البوست

صديقي زهير
لك التحيات النواضر
إذن أنت تتلمس الداء ، وترتجي الدواء ..
وكأنك تقول أن منبرنا الحالي لا يشبه عزة وابناءها
انظر معي إلى التراجع هنا ، والتراجع الكبير الذي أصاب بورداب الخرطوم
ستجد الأمر مهولا
لكنه ليس عصيا على العلاج

دينا خالد
أحييك وأحيي صمودك في هذا المنبر
صحيح أنني قبل أن أكتب تلبستني روح قاسية ، لكنها ليست شريرة
وأنا اتابع المنبر بشكل منتظم ، كنت كثيرا ما أشعر بالملل ، والرتابة
وأراجع الكناب فلا أجد أبوساندرا أو نزار عثمان أو الجندرية أو أسماء الجنيد
وتعرفين الكم الهائل من الغائبين
لوعدتي إلى مجاملاتي ، لم أجامل إلا من يستحق المجاملة ،
لكني أرد التحية وأستقبل المتداخلين كضيوف ، وأتمنى أن تقوم الصداقة بيني وبين من اختلفوا معي
نعم ، مستوى المنبر تدهور كثيرا ، وكل يوم يتراجع ويزيد في التنفير
لكني لست يائسا من العلاج ، لكن العلاج لابد أن يكون بتعاون الأكثرية ، وتعاون الإدارة ..
ويمكننا تقديم مقترحات في هذا الجانب

Quote: تعرف يا ود قاسم البوست حقك ده قلبتو فوق تحت يمين شمال عدلا قلبا ما فهمت الرسالة العايز توصلا فيو .. من النظرة الأولى الزول بيحس الفكرة واضحة وإنك عايز تقول شنو ..لكن لمن الزول يرجع البصر كرّتين بيلقا في تناقضات أو حاجات ما منطقية أو خليني أقول تقاطعات بين المستوى النظري والعملي.. أوول شي وببساطة شديدة جداً لاحظ ودون أن تشعر وبطيبة السودانيين والمجاملات ديك أييي زول جاك في البوست حقك هنا ده و ردّ ليك طلّعتو ممن يثرون المنبر ومن الكتّاب الرائعين وممن تقرأ لهم وانا متأكد لو وصل عدد المتداخلين ألف متداخل فالألف متداخل عندك حيكونو كويسين ..طييب الكعبين وينهم ؟؟؟ غايتو انا بدّيك فرصة تبدا بي انا ده وتغيير وتيرة الردود وتاخدني سامبل للعينة التي تعني عشان نقدر فعلاً نناقش موضوعك بشئ من الجدّية .. العايز أقولو تاني فيما يتعلق بالتناقضات وعشان أكون معاك صريح معظم العضوية القديمة فيها ناس ما متعلمين ولمن أقول ما متعلمين بقصد ما قارين جامعات وفيهم القرو جامعات أي كلام وفيهم الناس الساااي ..ولو عايزنا نكون عمليين تعال أكتب لي لستة الحرس القديم الإنت قاصدو ده وتعال نشوف قرو وين ومؤهلاتهم العلمية شنو .. أما الكلمة المطاطية بتاعت (مثقف) دي فوالله انا ومعليش للكلمة (كرهتها) في سودانيز ده ..الواحد يكون قرا ليهو كتاب ذات طنقعة أو بوبار ويجي يحشر ليك روحو مع المثقفين ..صاح هنا في عدد مقدر من الناس (الممكن) تقول عليهم مثقفين لكن صدقني ما بالعددالإنت راسمه عن ما يسمى بالحرس القديم ..بالمناسبة أكتب وانا مصنف روحي من الحرس القديم(صاح ما القديم شديد) لكن حضرت الناس الإنت قاصدهم ديل .. سودانيز أون لاين موقع عادي زيو زي باقي المواقع الإسفيرية تم تحميله أكبر من حجمه ومن طاقته ..يحسب للموقع حق الريادة ودي ما فيها كلام ولا نقاش ..ويحسب ليهو المواصلة ودي ما فيها كلام ويحسب ليهم الثبات على الشكل (الألوان طريقة العرض الخ الخ ) لكن في النهاية هو موقع إسفيري مفروض يكون لامي .. ياخ مش عايز المثقفين ؟؟ قالوا في منبر إسمو سودان فو أول فيو النخبة ..انا ما شوفتو لكن من البقراهو عنو هنا فهمت إنو فكرة النخبة والمثقفين فاشلة ومطرشقة .. يا ود قاسم واحد من أقدم المؤسسين في المنبر ده هو أساسي ..أساسي ده هنا محسوب من أفضل تلاتة كتّاب في المنبر وبتنطبق عليهو كل المواصفات الإنت بتتباكى عليها فوق دي ..ورغماً عن ذلك ونسبة لمواقفك الشخصية ضده إنت مطلعو زول ساي .. ليي ضرت ليك المثل ده ؟ ضربتو عشان أوريك إنو إنت في نوعية البوستات دي بتحكمك مزاجيتك الشخصية وكأنك ماسك صكوك الغرفران وبتوزع فيها ده مثقف ..لأ ده ما مثقف..ده يكتب ..لأ داك ما يكتب..ده كويس..لأ داك ما تجيبوهو لينا .. بعدين يا ود قاسم خلينا نكون واضحين ونبطل مجاملة ..لبنا إسفيرية بتاعت الساعة كم البنتكلم عنها ..اللهم إلا اللبنات الإسفيرية بتاعت تصفية الحسابات والألفاظ البذيئة والفجور في الخصومة .. ياخ الشوفناهو في سودانيز ده (بالقديم والجديد) والله ما شوفناهو في منتديات تانية..والألفاظ الكانت مبذولة هنا وللجميع والله انا عن نفسي أول مرة أقراها واسمعا هنا..وحكمة الله قريتا وسمعتها من ناسك الإنت مصنفهم قدامى ومثقفين ومتعلمين .. صدقني يا ود قاسم الموضوع أبسط مما تتصور وألخصو ليك في جملة واااحدة إسمها الحنين إلى الماضي... ياهو حالنا كسودانيين ..نتباكى على الماضي ونشتاقه ونحنّ إليه .. ياها ثقافة يااا حليل سينما برمبل وقهوة جورج مشرقي.. ياها ثقافة يااا حليل جامعة الخرطوم أيام الداخليات والأكل فيو كستر مجااان .. ياها ثقافة ياااا حليل أيام كنا بنركب المواصلات بي الأبوني .. ياها ثقافة يااا حليل غنا الحقيبة .. ياها ثقافة يااا حليل أيام جكسا وكمال عبدالوهاب.. ياها ثقافة يااا حليل الإستعمار..ثم يا حليل الأزهري..ثم ضيعناك يا عبود..ثم يا سلام على الديموقراطية الأوى ثم الله عليك يا نميري يا أبعاج ثم هييه على أيام الديموقراطية الثانية ..وقريباً حن قول يااا حليلك يا عمر البشير.. ما تصدق لي قصة المنبر بقا طارد ووالله انا خليتو عشان ما بقت فيهو حاجة والبيجي يشبكك والله من وقف فلان عن الكتابة انا بطلت المنبر و و و و.. الناس إنشدهت يا ود قاسم ..الناس إنشغلت ..عجلة الدنيا بقت في تسارع والحاجات بتتغير وأي زول عايز يحصل.. التكنولوجيا زاتا إتغييرت وبقا الواتس أب مكان أجمل لتتجمعات من المنتديات ..وبقا الفيس بوك حتى ألطف للزول العايز يحب ويشاغل ..وبقا تويتر أحسن للزول العايز يتابع اخبار الدنيا .. أقبل الواقع ده وحاول إتعايش معاو يا ود قاسم وما تحاول تغش روحك بي إنو الموضوع حرس قديم وحرس جديد ومثقفين ومتعلمين ضد جهلاء وفاقد تربوي .. صدقني وأتحداااك التسجيلات الجديدة دي انا متأكد بيكونو علمياً مؤهلين أكتر من حرسك القديم ده ..وثقافياً ما تستبعد يكونو مثقفين أكتر .. .. ----------- القومه ليك ياود الفاروق وصح لسانك ود قاسم سلام عليكم

Quote: لكن الأصوات التي تبث السموم في المنبر تكاثرت و( اجتهدت ) حتى أصبح صوتها أكبر من حجمها ووجدت عونا من البعض وربما بدون انتباه للأهداف االحقيقية وراء هؤلاء القادمين الجدد.

جبت النجيضة يا ودقاسم اخوي
المنبر سابقاً كان مركز اشعاع ، تجد فيه ما تريده وكان المطلع يمارس النهم حتى يشبع نفسه من كل انواع الكتابات
ولكن حسع صار قوون وباك
والذين شاركوا في التدمير لا يرجى منهم الإصلاح
الطغاة لا يخجلون

ولك ودي وتحياتي

تسلط وحجر علي الآخرين
يا باشمهندس بكري الجماعة ديل قالو لك شيل الباسوردات ال = انبهلت دي = وشيل معاها ود الباوقه
ما رأيت مثل هذا قط
العاملين فيها هم هم ووووو ما يكتبوا في زول منعهم
عزمتهم ما جو زعلان من الجديدين مالك
=

Quote: تسلط وحجر علي الآخرين يا باشمهندس بكري الجماعة ديل قالو لك شيل الباسوردات ال = انبهلت دي = وشيل معاها ود الباوقه ما رأيت مثل هذا قط العاملين فيها هم هم ووووو ما يكتبوا في زول منعهم عزمتهم ما جو زعلان من الجديدين مالك

بت عمي اخلاص

الخال ود قاسم لم يتطرق للكثير من الاساء ة والشتم وانتهاك خصوصية الاخرين من بعض القادة المؤسسين
الذين يتحسر على فقدهم
وقفز على انبهلت وزغللت
المعالجات لا تتم هكذا صحيح غادر الكثيرون من المنبر وهي دورة حياة يذهب زيد لياتي من بعده عبيد
ويذهب عبيد ليدخل من نفس البوابة زعيط ومعيط
اعجبني جدا كلام اخونا عمر الفاروق فقد ابان فيه الخيط الابيض من الاسود
وفي انتظار طلوع الفجر بعودة القادة المؤسسيين

تحية خاصة عبرك للخال ود قاسم

نجضت

التعديل لاضافة نجضت

وشكرا

عمر عبدالقادر
الرسالة عبر إخلاص وصلت

ليس لدينا الحق في الحجر على الآخرين
فقط نسعى للإصلاح

عرفت ليي يا ود قاسم قلت ليك كلامك ما واضح وفيهو تناقضات ؟؟


ده كلامك مش؟

Quote: القدامى في سودانيزاونلاين يختلفون يا حفيظ إذا عدت للقائمة فهم الشعراء والأدباء واهل المسرح والصحافة والفن والسياسة هم نشطاء الحق ، والفكر المتجدد التعاتر نفسه مستويات ، هل يمكنك أن تأتيني من آرشيف القدامى بكلمات مثل الظربون ، الهطلة ، بربار ، التليفة ، الكبس الفاضي الزمزغة ، وغيرها من تفاهات هذا الزمان كيف يمكنك أن تتحاور مع شخص لا يحترمك ولا تحترمه أعتقد أن الأدب والذوق مهم جدا للحوار الناجح أما الأبواق فنحن الذين ننفخ فيها ثم نشتكي من زعيقها وقد قلت لبعض بورداب الخرطوم مرة ، لماذا تتداخلون مع من لا يستحق ؟ لماذا لا تتركوا الكلام الفارغ ليسقط في القاع؟ بأتي أحدهم ويكنب كلمة واحدة ، انبهلت ... فيتدافع القراء والكتاب ليحصدوا العدم من هذا البوست

ثم هاك ده :

Quote: ود الباوقة تاريخ التسجيل: 09-21-2005 مجموع المشاركات: 38634

طبعاً إنت قاصد عمر ود الباوقة ودي ما دايرة ليها درس عصر ولااا محتاجة تجي تقول لي انا ما حددت زول بي عينه ..
يلا عاين تاريخ إنضمام عمر ود الباوقة للمنبر..
2005
يعني قبل عشرة سنوات ..
لكن طبعاً إنت لأنك بتاع ناسات فالحرس القديم عندك أسماء بعينها ..
وطبعاً لمن ود البشرى سألك سؤال مباشر جابوته بدبلوماسية وما حددت تاريخ ..
أها أسة ناس 2005 ديل حرس قديم ولا حرس جديد ؟؟
إنت ما تقول عدييل جيبو لينا ناس 2002 ولحدي 2003 وقرضو على كده ..
أو حدد بالحرس القديم فقط تاريخ إنضمامك للمنبر علماً بأنو الفرق بينك وبين ودالباوقة فقط سنتين..
عليه يا ودقاسم قصة حرس قديم وحرس جديد ده وتر ما تعزف عليهو شديد وخليكا واضح يا جميل وقول عايزين الحرس الما كيزاني وشيلو لينا الحرس الكيزاني كده بتكون حلوة وفيها مساحة ما بطالة يجوك السياسيين وتقعدو تدقو في الناس..
يا ود قاسم إنت أوول زول مارس دور إقصاء الرأي الاخر وبصورة كانت شينة وما بتشبه أخلاق السودانيين يوم رفضت أن تستضيف ضيف قادم من السودان فقط لأنه كوز حسب تصنيفك ..بينما كنت تقيم الولائم والحفلات واللمات لي ناس شيوعيين ..
عليه يا ود قاسم أفرز لينا ..بوستك ده حرس قديم وجديد ولا كيزان وما كيزان ؟؟؟

Quote: Quote: ود الباوقة تاريخ التسجيل: 09-21-2005 مجموع المشاركات: 38634

اخي الفاروق

انضممت للمنبر في بداية 2004 ولكن غيرت اسمي ( فربت ) في الصف الاول

جزيل شكري وعميق تقديري

ما قلت ليك يا ود قاسم إنت زول متناقض !!!
لحدي أسة ذكرت تلاتة من الحرس القديم وقلت إنهم خميرة عكننة وإنهم بيمارسو إسفاف وكتابة غير جيّدة تطورت لاحقاً ..
وفي ذات الوقت تطالب الناس يمشو الأرشيف ويجيبو ليك شي بطّال أو شي هابط من الحرس القديم !!!
يبقا ببساطة عندك نحن تلاتة أمثلة حيّة لتوضيح إنو المنبر من زمااان هابط ومنتهي وماف داعي لي أرشيف فمجرد ذكر أساسي وود الباوقة وعمر الفاروق مثال حي ..
يبقا الحرس الجديد ما عمل شي فما ترميها فيو ساي ..
طبعاً نسيت أقول ليك الحرس القديم ده فيو حميدة ..
وفيو علاء الدين ..
وفيو ود البشرى سيد الإسم ..
وفيو محمد حامد جمعة ..

بالنسبة لي كتاباتي فمعليش يا ود قاسم الفيصل بيني وبينك بوستاتي وعدد المشاركات وعدد المشاهدات وبوستاتتك وعدد المشاهدات وعدد المشاركات ..
يا ود قاسم ياخ إنت مرة كتبت بوست إسمو رسم حنتك ..وتجي تقول لي الطيارة فيها بوري؟؟؟
كان كتاباتي إتطورت ما بعرفو ليك ..

Quote: إسمو رسم حنتك

دا غزل ( مستتر ) مافيهو حاجة

ركز لينا على انبهلت دي

بس
وبطل بربرة

ههههه

عمر
الهابط والبطال درجات .. الحال الآن سيء جدا ومشين
هذا ليس تناقضا
ما رميت شيئا على أحد
والآن يمكنك أن تجد بعض البوستات بلغت ثلاث صفحات لكنها عديمة الجدوى وربما قصد منها إلهاء الناس
رســـــمة حنّتك رســـــمة حنّتك
يمكنك أن تقدم نقدك لهذا البوست في بوست منفصل

عمر ، أنا ما متناقض أبدا
قلت أن ماحدث في المنبر في بداياته يشبه ما حدث في تاريخ السودان
حالات شاذة تمت معالجتها بالثورة والتغيير
إذا انت فهمت بهذا البوست أنني أقصد ودالباوقة فقد ضيقت واسعا وسعيت لفتنة لن تقوم
فأنا وودالباوقة نختلف لكنا لا تقاشر بعضنا فعلاقتنا لم تبدأ بالمنبر ولن تنتهي به
لكن العلاقة الشخصية شئ والكتابة أمرها مختلف
وقلت فيما قلت أن في الجدد ايضا خير كثير ومنهم من أتى بما لمتأت به الأوائل
مشكلتهم أنهم تركوا الحبل على الغارب للمنفرين ، بل وأعانوهم
أنت فقط اهجر الشيطنة وستكون بخير

حمزاوي
أنت مثال حي على المؤسسين
كلام واضح ومحدد وصريح
رأي قاطع
لا لف ولا دوران
أحييك

مرحبتين عمر عثمان عبدالوهاب

ود قاسم

والرهط الكريم

أنا غايتو بكون من العشرة الأوائل المؤسسين

وفى قول آخر العشرة المبشرين بالاشيئ

بالأسم القديم الأولانى طبعا سنة 2002م

عموما

لما تبقو على تقسيم التركة

قولو لينا عوك

هههههههههه

يساريين هم = حناجر وحفظة =
الواقع أمامهم لايستطيعون تحليله او ان يأتونا بما يفيد
زعلانين علي تأييد السعوديه ولا مانع في عمل الخادمات
يمين الله لو دي انا العكاكيز تتخابت
حفظ كرامة مليون سوداني عامل بالمملكة خيانه والانحياز
= لمسلم ضد اخر فقط لان الاخر السعودية = صار تقدم
كلاهما يأخذ من نفس المنهل
شوفو مصلحة السودان وين ونظرو نساء ورجال ب راااااحتكم

والله لا أفهم ما قصدك

ود قاسم
تحياتي
امل ان يكون هذا البوست بداية لعودة الغائبين


تقديري وشكري
عبد الله جعفر

Quote: مرحبتين عمر عثمان عبدالوهاب حياك الله ود قاسم وحياتك اخوك مؤسس ومما قسمو الشغله معارضه وموالاه هجينا وقد اهاجنا الحنين الي اخوة لنا مازالو قابعون هاهنا فعدنا و قلنا النجي نقبع معاهم حبه ولا مقارنه بين منبر اليوم والامس فاليوم هذا المنبر يشع ويتوهج دارعا ابهي حلله خلطه سودانيه خالصه قمه في الروعه والجمال

عمر عثمان عبدالوهاب
إنه اختلاف الأمزجة والأذواق الذي منع بوار السلع
إذا اختلفنا فلا خوف علينا ، لكن الخوف كل الخوف من قلة احترامنا لبعضنا وإضاعة المودة
ابقوا عشرة على المباديء مهما كانت مصالح الأفراد والفئات

نسأل الله أن يجمعهم ثانية جميعهم وعلى رأسهم عبدالمنعم عجب الفيا ويحى عبدالمجيد والناقد أبوسن وما ذكرهم الآخرين ولكن يا باش مهندس عاطف
بقج الغبائن دى طردت الناس دى كلها فوين بيان ووين بشرى الفاضل ألف سلام يا ود قاسم وخليك من دينا دى بتشتت الكوره

شكرا كبيرا استاذ منصور
فهذه الأمنيات وهذا النداء هو هدف البوست

تحياتي يا ود قاسم

Quote: التعاتر نفسه مستويات ، هل يمكنك أن تأتيني من آرشيف القدامى بكلمات مثل الظربون ، الهطلة ، بربار ، التليفة ، الكبس الفاضي الزمزغة ، وغيرها من تفاهات هذا الزمان

والله بكري ده لو فتح الخور القديم لاغمي علينا من نتانة ما كب فيه
بعدين في الظلام تتساوى جميع النساء الا .....
وفي الاختلاف يستاوى جميع السودانيين فيكيلو لك بالمكاييل المليئة ببديع الشتم البذيئ لا فرق بين مثقفهم وجاهلهم ولا استثني الا القلة التي عصمت نفسها بادبها

مرحبا محمد ابراهيم علي
لو أن بكري استمر في نقل كل قبيح إلى الخور لكنا بخير
بس حكاية الليل والنساء دي غير مناسبة

عبدالله جعفر
آمل ذلك
ولك التحية

أبوذر .. مطر خريف الخير
حقك محفوظ ..
فأنت الرصين المهذب الخلوق
وأنت الأرقى
والأجمل
ولو كنت مكان بكري لمنحتك خمسة عشرة من الأوسمة
وسام عن كل عام

Quote: قلت أن ماحدث في المنبر في بداياته يشبه ما حدث في تاريخ السودان

تاريخ السودان لم يخطو عبر مسافات وجوده المستمر بشكل لا يعتريه التبديل والتحريف والتجديف فيما لم يكن به
فمازلنا غارقين في شكوكنا تنازعنا هوية غير مستقرة وحين نركض يفلظنا الإنتماء جهراً
هل سودانيز هكذا ؟

يا ود قاسم تناقضك في إنك بتستشهد بالمنبر في أيامه الخوالي (على حسب تعبيرك) وبتنادي في قدامى الأعضاء بينما جوة البوست هاجمت كتابات وكتّاب هم من الحرس القديم..يبقى يا ود قاسم الإنحطاط موجود من زمان ما هو شييتن جديد على المنبر..
بالنسبة لي ود الباوقة فما يحتاج يا ود قاسم إجتهاد وتفاسير لأنك كتبتها عديييل وإستشهدت بي تدهور المنبر بما يكتب ود الباوقة ..أكرر فقط ما يكتب ود الباوقة ..علماً بأنو ود الباوقة من الحرس القديم..

يا ود قاسم انا أختصر ليك الحالة النفسية الإنت كتبت فيها البوست وربما ما كنت تشعر وقتها ..لكن ببساطة الحاصل ليك ده بيشبه تمامً هيجة الفنانين القدامى في جيل الفنانين الشباب الحايمين أسة ديل والسبب بسيييط إنو الفنانين الشباب الأسة سحبو الأضواء من الفنانين الكبار وبقت هم العداداتهم ماشة وحفلاتهم مدورة قامو الفنانين القدامى مسكو في حنك بيغنو غنانا وما بياخدو الإذن..قاموا الفنانين الشباب خلّو ليهم غناهم وعملو الغنا حقهم ..وبرررضو عداداتهم ضاربة في السما بينما بارت أغنيات فنانين قدامى..قامو الفنانين القدامى طلعوا بي حنك الغناء الهابط وإنو ده إسفاف وده سقوط ..
إنت يا ود قاسم غبت من المنبر وجيت لقيت الدنيا إتغييرت وفقدت مكانك وما قادر تتعايش مع الحتة دي ..فعشان كده بتنادي في ناسك الزمان وعايز تصر إلحاحاً إنو وش البامية ما ياهو ..
يا ود قاسم دي سنة الحياة ودي دورتها ولو دامت لي غيرك ما كان جاتك.. عشان كده صدقني في ناس أسة من الجيل الجديد مستمتعين بالمنبر ده وعندهم روادهم ومعجبيهم وبوستاتهم ممتعة فخليهم ياخ يعيشو إحساسهم الجميل ده ..وصدقني لو ربنا أدانا عمر إن شاء الله حيجو الأعضاء تسجيلات 2012 وح يكتبو في سنة 2017 بوستات بعنوان أعييدو لنا ألق المنبر وروعته أيام 2014 أيام كان بيكتب فيهو الجقر الخفي والعجوز المتصابية ..

عمر
التناقض ، وأنا رديت عليهو
ودالباوقة وأنا رديت عليهو
الجديد ، لم أغب عن المنبر ، أنا موجود باستمرار
ويمكتك أن ترجع للآرشيف ليثبت لك أنني موجود
وهذا ليس أول ولا آخر نداء أطلقه لمن أثق في قدراتهم وأثق في انتمائهم للجمال والأدب والذوق

ياعادل الموضوع هنا المنبر وليس تاريخ السودان
البوست الواحد لا يمكن أن يحتمل كل شيء يخطر ببال المتابع

يا ود قاسم كلنا يعلم تماماً سودانيز أون لاين مبني على الشلليات ..وشيلني وأشيلك وحبيبي أكتب لي وانا أكتب ليك ..
غيابك المعني هو إنفصالك عن المركبة الأم من بورداب الرياض ..وخلينا من الكلام النظري بتاع بيني وبين بورداب الرياض لازال الود محفوظاً ونتواصل على الصعيد الشخصي ووو.. لأنو أكيد بتكونو على الصعيد الشخصي متواصلين ..لكن زي ما بيقول المثل البعيد عن العين بعيد عن القلب..
أرجع أعمل مقارنة بسيطة بين بوستات ود قاسم عضو سودانيز أون لاين لمن كان من بوداب الرياض وعاين لي ود قاسم عضو بورداب الخرطوم ..
أولاً شوف كمية المتداخلين من ناس الرياض أيام إنت كنت في الرياض وعاين للأسماء كويييس.ثم عاين لي نفس الأسماء دي إختفت من الردود تماااماً بعد فترة من إنتقالك للخرطوم ..
وده ما فيهو أي تقليل من شأن الناس ديل والله أبداً لكن عشان أبره ليك إنو التواصل زمان مبني على المجاملات واللقاءات وشيلني وأشيلك وليس من باب إلتقاء الأفكار..
لاحظ لمن إنت مشيت بورداب الخرطوم ما لقيت الترحيب البوستاتي (ما بقصد الترحيب الحقيقي بقصد إنو بورداب الخرطوم يشاركوك بوستاتك) وده تأكيد تاني إنو ما تكتب هنا يا ود قاسم من أفكار لم تلامس شريحة بورداب الخرطوم ..
أها ده الغياب الانا قصدتو ليك والحزّ في نفسك وخلاك تفتش دفاترك القديمة ..
الكلام ده ما بيشملك إنت بس بيشمل ناس كتار حصلت ليهم الصدمة دي ..
يا ود قاسم المنبر ده ببساطة شغال بي مفهوم حضارات سادت ثم بادت .. يلمع نجمك لفترة ثم ينطفئ..
في ناس في المنبر إسمهم نجوم الشباك وعاملين زي دعاية موبيتل (أي زمان أي مكان) ..وديل هم ناس غيب وتعال تلقانا نحن يانا نحن ..وديل هم البيتحكمو في إيقاع المنبر صعوداً وهبوطاً وديل هم الأحق بي إنك تناديهم عشان يعيدو ليك المنبر سيرته الأولى ..

تحياتي للجميع
ود قاسم حبابك
دعنا من الماضي قريبه وبعيده . ومن ذكر النماذج
الحادث في المنبر الآن غض النظر عن مسيرته السابقة هل يحتاج للوقوف عنده ام لا

ابوسن
مرحبتين
أنا حريص جدا على ان يصبح المنبر مقروءا وأن لا يتنازل البورداب عن الريادة بين المنابر
لكن تشخيص الحالة يعتمد كثيرا على شكوى المريض ، وكثيرون هنا يرون أن منبرهم لا تشوبه شائبة
لذا رايت أن الدعوة لعودة الأقلام المؤسسة للمنبر سيكون مفتاحا للحل حتى تقوم العملة الجيدة بدورها في طرد العملة الرديئة
وقد أوضحت من قبل أن دور صاحب المنبر كبير في دعوة الغياب ، لأني أتوقع استجابة نسبة كبيرة منهم لندائه
كما أرى ان يتم إلزام كل كاتب يبتدر بوست جديد بأن يكتب ما يريد طرحه كاملا أو على الأقل الجزء الأكبر منه .
ولا قبول مطلقا لبوست رئيسي يحتوي على كلمة أو كلمات محدودة دون تفصيل ..
وأسوأ ما في الأمر الصراعات السياسية بين المسطحين من الطرفين ( حكومة ومعارضة ) .. ناس انبهلت وعاااااااجل وحصري
لابد من ترقية سلوك هؤلاء ليرتقوا إلى مستوى رفيع من العمل السياسي الذي ينفع البلد وأهلها
وهذا أمر لابد من أن يقوم به الشخص نفسه والقريبين منه .. ويمكن أن يجتمع ناس الحكومة أو المعارضة ويتفق كل طرف بالكتابة الجادة والمنحى الفكري
بعيدا عن الكيد السياسي والمصالح الضيقة
هذه مجرد أمثلة يا حفيظ

عمر
أنا لست مهتما ب ( ودقاسم ) في هذا البوست
أنا مهتم بالمنبر ، وارجع مثلا لمداخلة ابوجهينة لتجد رأيه حول واقع المنبر
الصفحة الأولى على حالها يا عمر لا تتغير طيلة اليوم
لم يكن هذا حال المنبر
والمواضيع رتيبة وغير مقنعة للناس وليست جاذبة ..
اليوم في واحد تداخل هنا وقال إن المنبر بخير ، لكني أتابع البوست الذي انزله اليوم هنا ، أتابعه كمثال
فهو قد تداخل شخصيا بما نسبته 90% من المداخلات
ويغالط أن المنبر بخير

يا ود قاسم يا جميل ...

المنبر مرآه للواقع و الحال السوداني ...

و ما اعتقد انو خافي عليك حال البلد من 2002 بداية المنبر و الآن ...

كان الوضع سيئ و صار الان أسوأ بي عشرات المرات ...

الناس تجيب الجمال من وين و هي لا ترى الا القبح و التقتيل ...

بعدين بي أمانة ...

لا اعتقد انو المنبر كان جنة رضوان ...

فقط المسألة كانت جديدة على الناس ...

و الناس كانت بتتعامل مع التكنلوجيا بحذر ...

( الصعلكة ) الاسفيرية دي هجمت مؤخراً لما الامر صار متاح و بسهولة...

بعدين ما تنسى الواتساب و الفيس بووك ...

كتير عملو قروبات و حصروا نفسهم في من يريدون ...

و لهم في ذلك كامل الحرية ...

تحياتي ود قاسم والمشاركين

نتفق في إنو كانت بالمنبر أقلام مشهود لها بالتناول الراقي والمتمكن في المواضيع والكثير منهم ملتزم بقضايا سياسية التزام صارم

بس أصابهم الإحباط وهجروا المنبر

السبب إنو الكتير منهم كان معول على المنبر في تشكيل وعي سياسي يؤدي لإسقاط النظام
ما حصل الكلام دا موش بسبب الكتابة الركيكة من البعض ولكن لضعف وصول المنبر للشرائح المعنية
تدرك إنو لسنوات قليلة مضت لم يكن الإنترنت متاحا لغالبية الشعب وإلى الآن لا تزال النسبة ضعيفة
لأنو لو المنبر دا مقروء لشريحة كبيرة كان عداد القراءات دا إنكسر ودا ببرهن إنو قراء المنبر في غالبيتهم ياهم الأعضاء المسجلين ودا واضح
في بوستات المشاكل تلقى القراءة في ثواني حصلت أرقام كبيرة لأنو الناس عايزة تعرف فلان شتم فلان بشنو

أضف لذلك نحن شعب القليل منا مهتم بالأدب والقراءات الطويلة والكثير تروقه الأخبار والأحداث العاجلة وقشور الأدب
وأضف أيضا الناس لما انضمت للمنبر كانوا شباب تقريبا (أو حديثي الزواج ) بدون اعباء أسرية كبيرة
وهسة الحال تبدل بالكثيرين وأصبحوا في أنفسهم (يعمهون )

عموما نتمنى عودة القدماء فالفضاء مفتوح ويسع الجميع

حمد عبدالغفار
لك التحية والتقدير
أسباب عديدة غيبت بعض أفضل الكتاب
لكن من بينها تعامل بعض الزملاء مع الآخر ، والتهريج ، وعلو اصوات الطبول الفارغة
معك أوجه الدعوة للغائبين للعودة

باشمهندس قباني
حين ألتقيك في المنبر تسقط نظرية قدامى وجدد
بل تنقلب ..
لا أجاملك ، لكنك رجل تفيض بالجمال والأدب والذوق
وليس من جديد علي فأنا على معرفة لصيقة ببعض أفراد الأسرة وهم كبار في كل شيء
وهذا تحليل صائب في كثير من جوانبه ، وكما قيل الناس على دين ملوكهم
طبعا سيأتي من يقول أن الأسافير نفسها أتت مع الإنقاذ
وهذا صحيح ، والصحف على أيام الإنقاذ أكثر مما قبل ، والقنوات الفضائية تعددت
والأحزاب أصبحت بلا حصر .. لكن ... كل هذا كغثاء السيل ..
تعرف يا يحيى ، لا مانع لدي من الصعلكة الإسفيرية ( ولك حق الملكية في المصطلح )
لكني أودها صعلكة إيجابية خاصة وأن الشأن الوطني مصاب بالضعف والتناوش والتنازع

المنبر فيما مضى لم يكن بكل هذه الصورة الزاهية ..
التي تحاول عكسها حبيبنا ود قاسم ..
بل كان فيه الكثير من الغث والشلليات ..
وكنا متابعن جيدين لما يكتب فيه .. قديماً وحتى حديثاً ..
فالأسافير لم تكن حكراً على سودانيز ..
طرحكـ أعتبره نوع من الحنين للماضي ..
أو للمجموعة التي الفتها وتآلفت معها ..
مسألة تقييم الأفضل اعتبرها مسألة نسبية ..
فما تراه أنت جيداً ..
ربما رآه غيركـ غير ذلكـ ..
بعدين ليس بالضرورة أن كل المنضمين مؤخراً ..
من الأجيال الجديدة .. إن كنت تعنيها بقلة الثقافة ..
وحتى هذه النظرة لا سند متفق عليه يمكن أن يحكمها ..
بعدين لاتنسى أن باب العضوية كان مغلق لمدى زمني ليس بالقليل ..
فشكّل وجهة بعينها يتوجهها سودانيز ..
حسب العضوية التي كانت حصرية حينها ..
وحتى القادم يكون بالتزكية ..
وما أظن يتم تزكيتك لمن يخالفك الرؤى أيدلوجياً ..
هجرة الحرس القديم فرضتها نظرتهم للموقع ..
كونه كان محسوب من قبلهم كأداة لتغيير للواقع السياسي ..
وفق مفاهيم ورؤى أيدلوجية بعينها ..
وتتبنى فرضيات محددة ..
فحين إنفتح باب العضوية على مصراعيه ..
ضاعت البوصلة من الحرس القديم ..
لقدوم أصوات جديدة تخالفهم وتطرح فهما وفكراً متبايناً ..
وأصبح المنبر حينها ..
شاملاً وليس حكراُ على مفاهيم ورؤى بعينها ..
كما لا تنسى ما للواتس أب تحديداً ..
من تأثير طاغي على كل المنتديات ..
الصاق صفة الثقافة بالحرس القديم ..
كلام عاري تماماً من الصحة ..
فليس كل من تم طرحه مؤخرا يمكننا تصنيفه كغث ..
ولا المطروح قديماً ..
كان من وادي عبقر ..
الفارق ..
كانت تحكمه رؤى أيدلوجيه بعينها ..
ضاقت عليها المواعين ..
فالتدافع سنة حياة يا ود قاسم ..
والحشاش يملا شبكتو ..
ما حدث أراه من وجهة نظري ..
انهزام لرؤى متبناه من حرسك القديم ..
ليس الا ..
مع احترامي لوجهة نظرك طبعاً ..
دمت ....

Quote: أساسي ده هنا محسوب من أفضل تلاتة كتّاب في المنبر

تالتنا منو يا ود الفاروق :)

Quote: تالتنا منو يا ود الفاروق :)

نحن التلاتة أخوات أحبة :)..
علماً بأنو تلاتن دي بتجيب لي الكلام لكن أتوكل غايتو وأبقى تالتكم..
طبعاً خوفت أقول ليك تالتكم الشيطان وأختكم في موقف بايخ :)

المليون سوداني الفي السعودية قالوا ليك دافعي عننا يا اخلاص المشرف؟
و هل الدفاع عن السودانيين الفي المملكة لا يمكن أن يتم الا بزي سواتك دي؟
ثم ود قاسم ده ذاتو كتب عن السعودية بعد أن غادرها كتابة لا تعاني من اي شبهة hypocrisy
ولا ادعاءت ضخمة من نوع الدفاع عن مليون سوداني رفعها بها إلى مصاف الدول الكبرى فتأملي.

تحياتي ود قاسم والحضور

Quote: بعنوان أعييدو لنا ألق المنبر وروعته أيام 2014 أيام كان بيكتب فيهو الجقر الخفي والعجوز المتصابية ..

الجقر الخفي
والعجوز المتصابية
انت قاصد منو يا الفاروق
شوف يا ود قاسم
ان ماشفت ليك طريقة ل عمر دا
او استخدمت الاستيكة الجديدة
بوستك الا تغير موضوعو
او عمر دا ينوم

الصادق الخالدي
لك التحية
عمر ده أنا معتاد عليه من زمان
أقهمه وأفهم مراميه
ويهمني أن يكتب ويعبر
وأتقبل أي كتابة طالما أنها واضحة ومفهومة
لك شكري

لم استطع فخم العزيزة إخلاص
وكتبت لها ذلك علها تجعلني أفهم
فما زادتني إلا عدم فهم
شكرا لك سيف النصر محي الدين
والسعودية دياري ومسقط رأس أولادي
ومنها جمعت خيرا كثيرا ما زلت أواصل االحياة باسبابه
وهذا ما كتبته عنها .. وطبعته وسلمت نسخة منه للسفير السعودي قبل سنوات
كنت مقيما في السعودية كنت مقيما في السعودية

الثلاثة فيهم واحد أكيد = غمه -= وهو القائل انه ينتقد الكاتب الاستاذ بشري الفاضل وآخر
ديل بحقهم اما هو ما سمعنا باسمه من = اساسو =

ان للجدد ان يمدوا ارجلهم و = ولسانهم ويتطاولوا
كويس انو الجدد لِسَّه متواجدين

أستاذ سيف النصر
شكرًا لأنك أبنت سبب الزعل
هو رأي قلته لا أغير من الامر ف لست سلطة وقد ضاق به كثر وهذا مبلغ ديمقراطيتنا
استهزأ بالأخر وطرد من المنبر لو استطعتم له سبيلا

Quote: وأنصاف المتعلمين من مخرجات الواقع المؤلم الذي نعيشه ..

بصراحة يا ودقاسم ماليك حق في الجملة الفوق دي وانا اعتبرا عنف لفظي بدون لزوم ، هل حق الانتماء والمشاركة او العضوية فقط للمتعلمين ؟ ومن هم المتعلمين؟ هل بالضرورة ان نقرأ لكافكا او نحفظ كتب ميشال فوكو حتى نشارك في المنبر؟ المعرفة خشم بيوت ، هنالك الفن والرياضة وحتى الونسة المحضة لا ضير فيها ان خلت من كل ما هو شائن.
اتفق معك في هجرة الكثير من العصافير ، لكن لكل منهم سبب ، لا اعتقد ان هنالك سبب واحد ولا اعتقد بضرورة اقناعهم بالرجوع فقد ذهبوا لشأنهم وبمحض ارادتهم.
سلامي

عبدالله إدريس
بصراحة أكثر أنا لست مبتدعا لفكرة ضغف التعليم ومخرجاته في السودان
هذا كلام عام ، حتى أن الحكومة نفسها أعادت دراسة الأمر مرات عديدة
وما زالت ..

ود قاسم التحيات النواضر – من باب شوفوني ،
فالبوست وشوشني فأنتشيت حتى أصبح بيني وبين الطبقة المستنيرة قاب قوسين أو شولة في هذا المقام.
يازول هنا زي هناك زي أى مكان في الواقع العادي أو الإفتراضي بتلقى النطيحة والعرجاء والمنخنقة والموقوذة والمتردية جمباً إلى جمب السليمة هنا ما في معايير ولا مقاييس تحكمها اللغة مفردة وتركيب أحرف أو قواعد النحو والصرف ، فعلي سبيل المثال شخصياً كتبت هنا وتداخلت في موضوعات كان صداها لدى بعض الأعضاء الذين لا أعرفهم إلا من وراء هذا الستار تهليل وتكبير وتقدير وكأنني أتيت بما لم يأتي به الأوائل بالرغم من أنني بجليها ثابته وبشوتها ضفاري ومستواى الأكاديمي تحت الحزام يصبح حتى مناقشته من الممنوعات بحكم قوانين الملاكمة.
يا أخي البعجبك أعمل بيهو والما بعجبك طنش أو علق كما تحب عليه وأصبر وما صبرك إلا بالله ولا تحمل نفسك فوق طاقتها ففي الأسواق يباع كل شئ وعلى الهواء مباشرة وكثير من البضائع تكون خدعة كبيرة زي صابون التخسيس وحزام شد الجوف وترهل الكرش وكريمات تكبير وتصغير وتهليل وهلا هلا أو هالله هالله يا عبد الله.
التوقيع المله عمر
عضو قديم جداً وغير مؤسس وغير معني بأمر التأسيس وما فارقه معاهو كان شطبوهو من المنتدى
======
نصيحة: حاول أشرب نعناع وأسمع أغنية من بف نفسك يا القطار بعد صلاة العشاء ثلاث مرات في الأسبوع

صديقي القديم المتجدد الملة عمر
والله مشتاق ليك وانت ركن في التأسيس
تعرف أنا دائما بصنف نفسي مع ناس المواصفات وناس حماية المستهلك
يعني عادي ممكن أقول لي زول فارش طماطم في السوق الشعبي ، عرضك غير مغري
وكثيرا ما أحتج على الأسعار وفكرة التسعير نفسها عند البائعين
وكثيرا ما أعرض أفكارا جديدة على أصحاب المحلات ربما أن غيري يبيعها بالفلوس
وهنا لا أستطيع أن أتعامل مع المنبر إلا بهذه المعايير
حتى لو شربت نعناع الدنيا كلها
سعيد جدا بمداخلتك بعد طول فراق حتى أني عددتك من الغائبين

ننفض الغبار اول

one of the foundres???

كلامك صح يا انور
عد لمكانك فهو شاغر

تحياتي ود قاسم
وضيوفه
ﺷﺎﺋﺒﺔ
ﻟﺬﺍ ﺭﺍﻳﺖ ﺃﻥ ﺍﻟﺪﻋﻮﺓ ﻟﻌﻮﺩﺓ ﺍﻷﻗﻼﻡ ﺍﻟﻤﺆﺳﺴﺔ ﻟﻠﻤﻨﺒﺮ
ﺳﻴﻜﻮﻥ ﻣﻔﺘﺎﺣﺎ ﻟﻠﺤﻞ ﺣﺘﻰ ﺗﻘﻮﻡ ﺍﻟﻌﻤﻠﺔ ﺍﻟﺠﻴﺪﺓ ﺑﺪﻭﺭﻫﺎ
ﻓﻲ ﻃﺮﺩ ﺍﻟﻌﻤﻠﺔ ﺍﻟﺮﺩﻳﺌﺔ
اعلاه بعض ما قلته اخي ود قاسم
وها نحن نعود لما كنا بصدد تجاوزه . الجيدة وضمنيا اشرت لها انت بالمؤسسين .. والعملة الرديئة اشرت لها بالجدد
كما قال دارون البقاء للانسب .. من يستطيع الصمود والكتابة . غض النظر عن اجادته او اسفافه
فليواصل الجيدين الكتابة ولنقم بدعمهم . الاعضاء الجيدين ومسح كولم الجدد والقدامي . ولنحارب الغث والمسطح بعدم التداخل معهم ولو بنقدهم
كل يعرض بضاعته وقانون الانتخاب الطبيعي سيفعل فعله
و
من ادرانا لعل من ترك المنبر نضب معينه المعرفي او قبوله للآخر
لا أكتب ليصفق لي الناس . بل اكتب ما اراه واعرضه للتدوال . وسيأتيني الجميع . المعجب والساخط والمستهزئ .. ومن يبحث عن المفيد

سلام يا ود قاسم

بوست مخستك

________________________________

دكتور سيف النصر ودكتورة إخلاص المشرف الموضوع ما بيستاهل إخلاص قالت وجهة نظرها بطريقة أثارت بعض الجدل بالنسبة لسيف والإتنين من الناس الصريحين والواضحين

لكن الموضوع لا يستاهل أن تحملوه أكثر مما يحتمل

عموما هناك مفردات دخيلة على المنبر يجب اجتثاثها

نهائيا

الجقر الخفي

العجوز الشمطاء والاخرى المتصابية

متزمزغون

بربار

الزغلباني

السغيروني

قباض الطير

الطيرة ام طبق

الحيزبون

الهطلة

التليفة

المرخرخ

اختشي

مفردات سودانية نتداولها يوميا لكن تداولها في القروب يعد من المحرمات

وشكرا

شيخ عمر
يقول الله تعالى
ولا تنابزوا بالألقاب ... الاية

هل به شبهة نفاق اي والله نعم هل به شبهة رياء ان والله نعم هل كنت أستطيع السكوت لا لا
لا ادعاء عريض ولا يحزنون وخوفي ان تسيروا المواكب ولن ينفع كلامي بعدها
وما خاب شعب يتكلم والويل لنا ان سكتنا

حياك الله أخي عاصم
آسف جدا لإهدار وقتك
اعفي لي

ود أبوسن
أنت أعدتنا مرة أخرى لقدامى وجدد
القدامى كانوا مجودين والمنبر كان أفضل حالا مما هو عليه الآن
القدامى لم يكونوا أنبياء ، كان بينهم غث ، والجدد ليسوا ضعافا كلهم وبينهم المجود
هذا الكلام يتكرر منذ البداية
المنبر يمر الآن بأضعف حالاته .. إذا اتفقنا ابحثوا الأسباب وهاتوا أسبابا غير التي أبنت
وإذا لم نتفق استمروا على حالكم وأنا لست خامل رسالة سماوية
ولست من أولي العزم

سلام

Quote: السبب إنو الكتير منهم كان معول على المنبر في تشكيل وعي سياسي يؤدي لإسقاط النظام ما حصل الكلام دا موش بسبب الكتابة الركيكة من البعض ولكن لضعف وصول المنبر للشرائح المعنية تدرك إنو لسنوات قليلة مضت لم يكن الإنترنت متاحا لغالبية الشعب وإلى الآن لا تزال النسبة ضعيفة لأنو لو المنبر دا مقروء لشريحة كبيرة كان عداد القراءات دا إنكسر ودا ببرهن إنو قراء المنبر في غالبيتهم ياهم الأعضاء المسجلين ودا واضح في بوستات المشاكل تلقى القراءة في ثواني حصلت أرقام كبيرة لأنو الناس عايزة تعرف فلان شتم فلان بشنو أضف لذلك نحن شعب القليل منا مهتم بالأدب والقراءات الطويلة والكثير تروقه الأخبار والأحداث العاجلة وقشور الأدب وأضف أيضا الناس لما انضمت للمنبر كانوا شباب تقريبا (أو حديثي الزواج ) بدون اعباء أسرية كبيرة وهسة الحال تبدل بالكثيرين وأصبحوا في أنفسهم (يعمهون )

عليك الله اقرا الكلام دا براحة

إذا ما صبرنا علي بعضنا في خلافاتنا وحواراتنا حنصبر كيف علي التغيير المطلوب حال ذهاب الحكومة الحالية يا ود قاسم؟!

تحياتي

تبلدي
بس أنا عايز أفهم كيف المنبر ده ممكن يسهم في تغيير النظام ؟
المنبر ده لما بدأ كان غالبية العظمى من متابعيه من المغتربين
وفي بلدان شتى ، وغالبيتهم ربما يكون ذوي ميول سياسية هشة
والمنبر نفّر منصور خالد ، ورباح الصادق ، والخاتم عدلان وهؤلاء سياسيون معروفون..
ربما أن هناك أسبابا في هبوط المنبر من بينها انشغال الناس ، وقلة صبر البعض على القراءة والمتابعة
لكن السبب الأساسي في هبوط المنبر هو رداءة كتابة البعض

جمال ود القوز
أوضحت ُ في البوست الافتتاحي وفي كثير من الردود أن البدايات كانت تحتوي على ضعف وقبح
لكن قلت أنه حالات شاذة ومحدودة ومقدور عليها
أوضحت أن المتأخرين فيهم من هو مجود ، لكن الغث كثير
وكثير من المتداخلين حسبوا الصيحة عليهم
وقلت أنني طالبت بكري كثبرا بفتح العضوية ، وقلت أنني رشحت وأوصيت للكثيرين بالعضوية
لا أسعى لغير التجويد ..
هناك الكثير من القبح .. لابد من إزالته إذا أردنا منبرا فاعلا

الاخ ود قاسم
تحياتى , البوست ظاهره الحنين الى الاصدقاء والمؤسسين لاجمل واروع تجربة اسفيرية سودانية وباطنه اقصاء لكل من لم يكن متواجدا فى تلك الايام , تماما كما فى كل التجارب الحياتية السودانية , يتذمر الادباء لبزوغ كاتب جديد او شاعر اخذ منهجا حديثا وكذلك الحال لدى المغنيين او الرياضيين واشدهم قسوة كانت ممن يحسبون ان الخرطوم او مدنها الاخرى يجب ان تظل حصريا لهم ويجب ابعاد التتار كما وصفوهم عنها , شخصيا لا اجرؤ ان اوصف لك ما تستطيع او ما لا تستطيع عمله على صفحات هذا المنبر او اى صفحات اخرى ولكن فى نفس الوقت لا يستقيم لك تقييم تجارب الاخرين بناء على الحقب الزمنية (اذا ظهرت كتابات المنفلوطى فى هذا الزمان لن يكون لها نفس رواج عهدها الاول) , سنة الحياة التغيير وهى سارية فى كل مجالات الحياة كما وان طبع الانسان مقاومة التغيير وعدم تقبله وهى الحالة التى يمر بها لست انت فقط بل كثيرون ممن تركوا الكتابة فى المنبر واصبحوا يتشدقون بذلك على صفحات الفيسبوك , لم اطلع على نواياهم ولكن واقع الحال يؤكد ان ترك الكتابة فى المنبر والاعلان عن ذلك اصبح ظاهرة يتباهى بها الكثيرون ممن يحسبون نفسهم من مؤسسى المنبر او من جاء بعدهم بقليل , ادناه تحليل عميق لما يتعلق بالبوست واسباب اختفاء المؤسسين عن المنبر

قال الفاروق عمر

Quote: سودانيز أون لاين موقع عادي زيو زي باقي المواقع الإسفيرية تم تحميله أكبر من حجمه ومن طاقته ..يحسب للموقع حق الريادة ودي ما فيها كلام ولا نقاش ..ويحسب ليهو المواصلة ودي ما فيها كلام ويحسب ليهم الثبات على الشكل (الألوان طريقة العرض الخ الخ ) لكن في النهاية هو موقع إسفيري مفروض يكون لامي ..

قال يحي قبانى

Quote: لا اعتقد انو المنبر كان جنة رضوان ... فقط المسألة كانت جديدة على الناس ... و الناس كانت بتتعامل مع التكنلوجيا بحذر ... (الصعلكة ) الاسفيرية دي هجمت مؤخراً لما الامر صار متاح و بسهولة... بعدين ما تنسى الواتساب و الفيس بووك ... كتير عملو قروبات و حصروا نفسهم في من يريدون ...

قال ود القوز

Quote: بعدين لاتنسى أن باب العضوية كان مغلق لمدى زمني ليس بالقليل .. فشكّل وجهة بعينها يتوجهها سودانيز .. حسب العضوية التي كانت حصرية حينها .. وحتى القادم يكون بالتزكية .. وما أظن يتم تزكيتك لمن يخالفك الرؤى أيدلوجياً ..

كما قال حمد عبد الغفار

Quote: السبب إنو الكتير منهم كان معول على المنبر في تشكيل وعي سياسي يؤدي لإسقاط النظام ما حصل الكلام دا موش بسبب الكتابة الركيكة من البعض ولكن لضعف وصول المنبر للشرائح المعنية

أحمد التيجاني يا عميق..
وزي ما قال أساسي في نكتة السكرتيرة ..كلنا عايزين نقول كلامك ده لكن ما بنعرف نرتبو زييك كده :) :)

Quote: انا دايراك تبعد من المجاملات وتخت بوستيك دا فى اتجاهو الفتحتو بيهو حقيقى انتو ناس 2002 و 2003 و2004 ونوعا ما ناس 2005 هم المؤسسين الحقيقين كنتو كوكبة مثقفة ونخبه واعيه باختلاف اتجاهاتكم السياسية ما القصة انو تتفتح موضوعات وبوستات القصة فى مستوى الوعى والنقاش داخل البوستات سودانيز كان كل الناس فى مواقع اتخاذ القرار بتهتم بالنقاش الداير فيها لانو نقاش بناء ومثمر .. ومن اشخاص متخصصين فى مجالات مختلفة كانت القضايا بتناقش بواسطة نخب وبتاتى اكلها لكن هسه تلاقى واحدة او واحد فاتح بوست مستوى تناول القضية فيه يفقع الكبد ويشبكنا عدل عدل عدل ويغتى بالبطانية ويدى 22 حقنة سودانيز كادت ان تصبح مثلها مثل اى موقع للجات كادت ان تفقد مكانتها كموقع لبلورة الراى فى القضايا الانية والفكرية الخطيرة ، كادت ان تصبح كما يصفها الحاقدين. دايما . كادت ان تكون سودان فور ايز. لو لو لوووووب ..، المهم شكرا لاتاحة الفرصة

فى الحقيقة الكتابة دى لا تشبه دينا خالد , افضل ما يقال عنها كتابة مجانية او كتابة ساى اختفت عنها لمسات دينا خالد ومهارتها , تشبيه مجموعة 2002 الى 2005 بالكوكبة والنخبة لا يقل فى الظن عن حب السودانيين الغير مبرر للهايلوكس من 78 الى 83 باستثناء 79 , بعدين حلوة حكاية الناس فى موقع القرار كانت بتهتم بما يدور فى الموقع , اتذكرت وانا ماشى اول اجازة السودان بعد تسجيلى فى المنبر افتكرت الناس فى المطار ح يعرفونى لانى باكتب فى المنبر وبعد ما اطلع هميت من الناس العايزة تسلم على من المستقبلين ولا ناس الحلة ال ح يجوا يقدونى بالسؤال عن مواضيع المنبر وطبعا ولا واحد من الف من دة حصل ولا ناس بيتنا لقيت فيهم زول سمع بالمنبر ولا الجيران ولا حتى اصحابى من غير ناس الكلية كانوا بعرفوا حاجة عن المنبر , لذلك يا دينا واسعة شوية لانه اصلا ما عندنا ناس فى موقع القرار مؤهلين للاهتمام بالنقاش ولا كمان المنبر توسع فى الاختراق لدرجة التاثير فى الراى العام او راى السلطة

شوفت كيف يا ود قاسم أديتك الحل بيان بالعمل وما صدقتني؟
قلت ليك المنبر ده لو عايز تعيده لي سيرته الأولى نادي الاعضاء نجوم الشبّاك والمنبر ح يتحرك وحتلقاهو يعج بالنشاط ..
شوف أسة بوستاتك في الفترة الفاتت القريبة دي حركتها كانت بطيئة كيف ومرات تذهب للصفحة التانية والتالتة بعدد مشاركات لا يتعدى العشرة فيهم خمسة حقاتك..
لاحظ للبوست الأسة ده من أمبارح لي الليلة عمل صفحتين وأكتر من مية مداخلة والاف من القراء ..
ده الحل يا ودقاسم بختصار شديد ..سيبك من قصة المثقفين والمتعلمين وأين ذهبو وعودو وأرجعو وأين أنتم..
نادي نجوم الشباك وسيعود المنبر لسيرته الأولى الإنت عايزا وبتنادي بيها دي...

دائما الماضي جميل تتخيل زمان 2003 كان في دردشة النيلين فيها شباب بالرغم شغلتنا كانت ونسة ساي .. اسي متمني عديل الاقي الشلة دي ناس ود الحاحيصا وود المناقل ورفاعي ... وباقي الشلة ابصم بالعشرة علي كلام عمر الفاروق كل الشغلانة شلليات وبس ... تحياتي

أسامة بابكر
الماضي ليس جميلا بصورة مطلقة
الدردشة لا تنافش المواضيع بجدية
فقط كانت نوعا من التسلية
ومثلها مثل أي تواصل خلقت علاقات طيبة بين الزملاء
وأوجدت أيضا علاقات سيئة
السؤال هل المنبر بوضعه الحالي مرضي أم لا ؟
هل يحتاج تطويرا ودعما من بعض الكتاب أم لا ؟

Quote: نادي نجوم الشباك وسيعود المنبر لسيرته الأولى الإنت عايزا وبتنادي بيها دي...

عمر الفاروق
دة راى جراحين ماهرين
I can't agree more
الا تجيب ليك راى اجعص من دة

عمر
إنت قايلني أنا فرحان بالمائة مداخلة دي
50 منها حقتي براي ، وفيها كلها أردد نفس الكلام ولا أحد يقرأ
و10 منها حقتك إنت ، وإنت لا داير تتفق معاي على جودة المنبر الذي كان ولا على فقره الحالي
ولا على الأسس العامة في الإصلاح والتطوير
والله يا عمر أحيي فيك صبرك الطويل على ما تقوم به
ياخ لو جيت السودان لاقيني يمكن نتصاحب
ونفش غباينا في بعض

الأخ أحمد التيجاني
لك التحية
افهم من كلامك أن المنبر على ما يرام
وأن المشكلة تنحصر في عقدة نفسية أعاني منها شخصيا
شكرا لهذا التحليل والتنبيه .. وسأسعى للعلاج
وليبقى المنبر شامخا

كتب عمر الفاروق :
تخريمة :
قالوا الظار ما حق زول ..لكن الظار حقي وانا ستتتو ..اااي ستتتو و انا قلتتتو.. والناكرة تحلف إسم الله .. سمباتة دي أهل الواطـــــة ..فطايس ما معانا ..وبي دستوركم يا أولاد ماما ..
ويا أززرررق ..

تخريمتك هذه او ما كان ينتهج سابقا في المنبر عندما افرد بكري لكل عضو وضع توقيع بما يراه مناسبا او ما كانت تطلق عليه الكاتبة المجيدة شيري قدس الله سرها وحفظ شغالتها النصف سيرلانكية (اخر الحكي ) ولوووب دينا خالد التي تختم بها كلامها ..الخ هذه مدرسة كبيرة تأسرني جدا وتختم الكتابة بقطعة ادبية او نص سريالي او خارم بارم من الاغاني الهابطة حقتك دي يا عمر الا انها تظل ادبا لا ييجيده الكثيرين .. اغمطتك في اعادة هذا الادب المنسي الي المنبر وان كنت اتحفظ علي بعض ابيات اغانيك الهابطة هذه والتي يمكن ان تكون مبهجة جدا اذا اُديت غناءً ولكن احيانا الكتابة تضيع فكرة النص اذا لم يكن نصا مشهورا ولحنه معروف .. كنت قد لاحظت انك مرة قد وضعت احدى تخريماتك بنص الاغنية الهابطة الرائجة : ادبك وذوقك الخلوني اتكسر فوقك بردلب اقع .. كانت يومها معبرة تماما ومتسقة جدا وبما ان لحنها رائج وموسيقتها في طياتها فقد اشجتني و ( صنعت لي يومئذٍ )
اتمني منك اخي عمر الاهتمام بايراد نصوص رائجة ومسموعة علها تساهم في صناعة ايامنا كما يقول الخواجة ود اللزينا ( you have made my day )


ـــ
لم اجد في هذا البوست اقيم من بيت الشعر الهابط حق الظار دا ليستحق الرد عليه ...
وان كان ود قاسم دائما ما يغريني الدخول والرد علي خطرفاته ..الا انك في هذا البوست (دروخته ) دروخة شديدة وانا ( اعف) في مثل هذه الحالات عن اطلاق رصاصة الرحمة ..وهذا لعمري احترام ما بعدو احطرام

أيضا يسرنا أن نرحب بالخارجين من التابوت
إذن يا عمر أنت تمتلك صور البعث
رجاء لا تنفح في الصور أكثر فبعض الضعفاء لا يتحملون رؤية الخارجين من التابوت
ألم أقل من قبل أن نوم الظالم عبادة

ود قاسم
سلام يا حبيب
(هناك أربعون مشاركة مجهولة القوام بعد )
ولكن :-
كما مازال البحث عن الهيكل المزعوم
ربما التناسخ يعطي فرص الحاضر هياكل عدة
كيف نصنع حاضرنا في ظل هذه الحوصلة التى سلب نورها

عادل
تحياتي
إذا كنت تقصد المداخلات التي لم أرد عليها
فأنا عادة لا أرد على مداخلات موجهة لآخرين
ولا أرد على مداخلة لا أفهم مضمونها
لا يمكن أن ننفذ إلى مستقبل مشرق بمحاولة واحدة
لكنا مطالبون بالعمل والمثابرة حتى نخرج افضل ما يمكن

Quote: الأخ أحمد التيجاني لك التحية افهم من كلامك أن المنبر على ما يرام وأن المشكلة تنحصر في عقدة نفسية أعاني منها شخصيا شكرا لهذا التحليل والتنبيه .. وسأسعى للعلاج وليبقى المنبر شامخا

الاخ ود قاسم
سلامات
معاذ الله ان المح بوجوب تلقيك للعلاج من عقدة نفسية , لا انت مريض ولا انا طبيب
ولكن شبهت حالتك بكثير من الحالات المماثلة التى نمر بها جميعنا لنؤكد بها حنينا للماضى
المنبر ليس بخير وليس بشر ولكنه فقط يمر بمراحلة التغيير التى يراها الحرس القديم عسيرة وكئيبة
ويراها القادمون الجدد مبهجة وملائمة للعصر

Quote: ياخ لو جيت السودان لاقيني يمكن نتصاحب ونفش غباينا في بعض

يا ود قاسم نون النحل لزوما شنو ؟؟
فش غباينك براااك يا أخوي..
صدق أو لا تصدق انا ما بحمل غباين تجاه أي زول ..المنبر ده انا ما ماخدو زييك قصة حياة أو موت أو إصلاح مجتمع ..انا ماخدو تقضية وقت وملء أوقات الفراغ ..ويزول بزوال المؤثر عندي..
صاح بحفظ تفاصيل وجزئيات صغيرة حصلت الناس إتناستها لكن ده ما بيخليني أحمل الغبائن ضد ناس لا يربطني بيهم إلا الكيبورد (بفترض إنو عدد مقدر من الناس العرفتهم هنا تحولت علاقاتي بيهم لعلاقات حقيقية أسقطنا فيه قصة سودانيز وبوداب دي)..
عليه يا ودقاسم غبينتك دي فشها براااك ..انا برررة منها ..

بعد أساسي جا انا خلاص شكلي ح أقيف وأمشي أجيب لي كرسي وأتكل في العمود أتفرج..
مع إنو ود قاسم بدا يرد لي أساسي بي نظرية إياك أعني يا جارة ..وهذا ما يميز أساسي إسفيرياً ..الناس بتخاطبه بالتلميحات :)

تحياتي ود قاسم
طول بالك ياخ
متفق معاك في تدهور لحال المنبر . ولم اعدك للمربع الاول بل انت من طالبت القدامي بالرجوع لبث الروح
فقط
انا اختلف معك في العلاج
وعذرا ان كنت مصدر عكننة لك

ود أبو سن
تحياتي يا صاحب

Quote: كما مازال البحث عن الهيكل المزعوم ربما التناسخ يعطي فرص الحاضر هياكل عدة كيف نصنع حاضرنا في ظل هذه الحوصلة التى سلب نورها

أن لم يزول الواقع المرير لن تتفتح البراعم كما نريد ونحلم بإجنحتها

Quote: انت من طالبت القدامي بالرجوع لبث الروح فقط

صحبي :-
لم يعود الأبيض بمثل دهشته
قد سلبت حبال حنجرته

عبد الحفيظ أبوسن
لك التحية واالتقدير
أنا موش أطول ليك بالي .. أعملو ليك سلبة
بس يا ود ابسن إنت طلبت نوقف اللوم ( وأقبلوا بعضهم على بعض يتلاومون ) ونبدأ في طرح المعالجات
وأنا قلت بسم الله ...
إذن الداء أصبح معروفا ، وهو مرض اصاب المنبر ، ربما لايكون حادا في نظر البعض ، لكنه موجود والذين ينفون ذلك ينفونه عن طريق تبريره
أو يحمّلونه لشماعة النظام .. حتى المعارضة لم تستطع إسقاط النظام اتكالا على شماعة النظام
المغتربين السودانيين لم يستطيعوا تكوين ثروات بسبب النظام
التعليم أضر به النظام ولكن عندما تتحدث عن ضعف مخرجات التعليم يأتيك من يقول لك بعض من تدافع عنهم غير متعلمين والتعليم نفسه ليس مهما
لتجويد الكتابة .
واحد تاني بيقول المسألة كلها نفسية أو على الأقل هي مزاج سوداني يميل للعيش في حيز الذكريات ويحتفي بالماضي
حتى أن أخونا عمر الفاروق يقول علينا أن نعتبرالداخلية التي تقدم الأكل المجاني تماما كالداخلية التي تضطر الطلاب للطبخ داخل غرف نومهم
فقط علينا ان نتعايش مع الوضوع الجديد وأن اي تغني أو احتفاء بالقديم يعتبر حالة مرضية
أنا عايز اسأل سؤال للناس ديل كلهم ، هناك منابر سودانية كثيرة وبعضها قديم لماذا انتظرتم طيلة هذه السنين لتصبحوا أعضاء في سودانيزاونلاين؟
والله يا ود أبسن أعرف كتابا وصحفيين أخذوا صفة العالمية حاليا وكانوا في يوم من الأيام يبحثون من يتوسط لهم لدخول سودانيزاونلاين
وبعضهم حاليا تكبر على المنبر وأصبح يرى أنه اكبر من ذلك ..
تاني بجيك بإضافة على المداخلة دي .. وانت في السودان ياريت نتلاقى ونتونس .. يمكن نتصاحب أخير من صحبة عمر الفاروق الأصلها ما جايبة همها

Quote: أنا عايز اسأل سؤال للناس ديل كلهم ، هناك منابر سودانية كثيرة وبعضها قديم لماذا انتظرتم طيلة هذه السنين لتصبحوا أعضاء في سودانيزاونلاين؟

الاخ ود قاسم تحياتي،
كلامك الفوق دا واقعي جدا.... ساجاوب بصراحة لان الحالة تنطبق عليَّ،
انا احد الاشخاص الذي انتظر سنوات للدخول لسودانيزونلاين، وقبلها كنت اكتب في اكتر من منتدى.....
الان لم اعد اشارك في المنتديات الاخرى، انا اصلا ابرتي ما بتشيل خيتين....
لازم اتصفح المنبر اكتر من مرة في اليوم..
ما زال هذا المنبر عمدة المنابر،
ولو لقيت وقت وعندي مود، بكتب كلمتين هنا، مافي زمن ولا مود ما ضروري....
(لكن مهما كانت الظروف لازم ارى اخر المستجدات هنا)
...................................
اصلا الزمن بقى ممحوق ومافي، والمشغوليات كترت...
اعتقد ان معظم الناس ظروفها متشابهة،

عبدالمنعم
صباحك زين
إذن اتفقنا على أن منبرناا قيّم بالنسبة لنا ..
وعلينا أن نلتزم بصيانته وتطويره ما أمكن
أنا شايف يا منعم غالبية الكتابات بين في وقت الشغل
وفي عطلة نهاية الأسبوع يكون المنبر خاليا
ولا أتفق معكفي مسألة المشغوليات كمانع
وأصلا لا أخاطب المقلين ، إنما أخاطب الغائبين ، وأطالب بالتحويد

ود قاسم انت كنت مغترب في السعودية ورجعت للسودان مش؟
اها عايش علي امجاد وماضي السعودية ولا تأقلمت مع الوضع الجديد في السودان؟؟
طبعا ح افترض انك ما حترد لي الرد بتاع عدنا للاوطان والهمبريب وضل الضحى ووو

السلام عليكم

المنبر حقق أهم أهداف التغيير..... وهي كسر حاجز الخوف.

وكان فعلا منبر من لا منبر له.

حمى ورعى الكثير من الثوار.

وكشف الكثير من المزيفين.

وكان منبرا يخشاه النظام.


ومن هنا انطلقت أقلام وأفكار وأرواح وأحلام كثيرة.

ومازالت تحلق...

هنا تسلم رايات الشرف يدا بيد.

وتتساقط رايات الخزى واحدة تلو الأخرى.

الاخ ودقاسم
-ابتدر مداخلتي بسؤال : هل من انضم قديما يعتبر مؤسسا ؟ المؤسس في المواقع يعتبر owner
- من الاجدر ان تقتصر مناداتك الي المشاركيين الاوائل الذين فقدهم المنبر لاسباب يمكن ان يكون من ضمنها عدم جودة الكتابة
- والاجمل ان تنادي كل الاعضاء قدامي وجدد الي رفع مستوي الكتابة والبعد عن الاسفاف كمحاكاة البوستات والمناداة الشخصية والاساءة الواضحة والدخول في الاعراض
والتهاتر غير المسبوق بين من اختلفوا سياسيا وغيرها من امراض هذا المنبر التي لاتخفي علي احد.
- هنالك بعض من الاعضاء ان هذة المساحة ال virtual وكانها ملك حكر دون الاخرين فهذا الفضاء لايؤمن بالفوارق في الانضمام او العمر او التجربة وهو عالم جنوني تتساوي فيه مايكروسوفت مع
دكان بالسوق الشعبي امدرمان فقط ان لديه connection وله من الحق يستخدم الانترنيت واي كانه شركة كبري.
- لاشك ان سودانيز اون لاين من المنابر السباقة في هذا المضمار ولكن هذا لايعطي الحق لبعض الاعضاء في رفض الاخر وكان الكائن لم يكن وبعضهم يعتبر الكتابة في هذا الموقع ميزة تتعدي الحواجز وهو لا يدري ان
شعار الموقع " منبر من لا منبر له" . هنالك سياسة اقصاء الاخر وابعد من ذلك سياسة تحقير الاخير بمجرد ان راس المال هو كلمة سر منحها مؤسس الموقع بكري.
- كما لايخفي ان التردي الذي اصاب الموقع وطلاوة الحديث فيه ليس بمعزل عن واقع الحياة عامة من صحة وتعليم وفن ورياضة وتعامل وفهم دولاب الحياة فالسودان الان من سيئ الي اسؤا في كل مضارب الحياة وهذا الموقع يمثل خير بستان لتقطف منه ماتريد.
- المشاركون الاوائل لهم قصب السبق ليس بالتعليم فقط كما ذكرت وانما اتيحت لهم الفرصة في التعامل مع العالم الاسفيري ففي العم 2002 هنالك القليل من يعرف هذة العوالم .
- لاننسي العقلية السودانية الارشيفية (وانا واحد منهم واخرين معي) والانحياز الي ما هو قديم للاعتقاد بان القديم اصيل وهذا الادعاء صادق في كثير من الاحيان .
لك محبتي لك وللمتداحلين والمتداخلات

سلام

Quote: بس أنا عايز أفهم كيف المنبر ده ممكن يسهم في تغيير النظام ؟

يسهم دي محددة جدا خلاف إذا قلنا يسقِط النظام مباشرة

ممكن يسهم ليه لا ؟ زيو زي أي ندوة جماهيرية ، منشورات توزع في الشوارع تحث الناس على الثورة في وجه النظام
أهو أقرب مثال تظاهرات سبتمبر 2013 ساهم فيها الفيسبوك بشكل كبير وكانت من أخطر المظاهرات في وجه النظام
بس الفرق في عضوية الفيسبوك الجماهيرية وعضوية سودانيز النخبوية
الفيسبوك في أي بيت بتلقى شخص على الأقل مشارك فيهو
ومن المعروف أي شخص مشارك في جهة ما بكون حريص إنو يشوف أخبار الجهة دي والتواصل معها
أديك مثال لو حاليا قارنت التناول في سودانيز والتناول في سودان فورول من حيث جودة الكتابة حترجح الكفة لسودانفورول
إنت آخر مرة فتحت سودانفورول كانت متى
أنا ما متذكر أهو بجي بفتح سودانيز لأني متابع ما يجري هنا عشان أشوف آخر ما توصلت إليه تكنولوجيا الكيتة

أنا عنيت صعوبة وصول ما يكتب هنا لشرائح كبيرة في المجتمع هو ما اعاق دور سودانيز لبلورة وعي سياسي لذلك رأى الكثيرون من الملتزمين سياسيا أن وجودهم هنا لا فائدة سياسية ترجى منه
طبعا لا ننكر دور رداءة الحوار والشتائم وغيرها من معيقات الحوار السليم


تغيير الملتزمون للملتزمين

السلام عليكم ودقاسم

دعوة جميله للتجويد وانتاج كتبابات متميزة ومفيده وهادفة

.........

لكن للأسف طرحك للموضوع بهذه الطريقة أضر كثيرا بالهدف منه

لانك افترضت ومن مضمون كلامك انه الاعضاء الجدد بعد فترة التاسيس حسب كلامك هم من يتحمل وزر تدنى المستوى الابداعي الممشور فى الموقع

وده افتراض حقيقه عاوز وقفه ومراجعه ..
والعكس ايضا افترضت ان توقف بعض قدامى المنبر ايضا سبب رئيسي لتدنى المنشور فى الموقع

ودى كلها افتراضات عاوزة تحقيق ورصد دقيق

1/ هل فعلا تدنى مستوى الكتابه فى المنبر ؟
2/ هل فعلا السبب هو الاعضاء الجدد
3/ هل فعلا السبب التانى توقف بعض الاعضاء القدامى

انت يا حبيبنا ما اثبت لينا الحاجات دى ...


....................................................

وبخصوص طريقة طرحك فانا اتفق مع الاخوان انه فعلا طرحك يجسد ( متلازمة الحنين الى الماضي) اذا جازت التسمية (ولا يقصد بها باى حال من الاحوال معنى غير كريم)

وانت بجرة قلم يا حبيبنا حكمت على ابناءك واخوانك الصغار وابناء اسرتك واهلك .. انهم فاقد تعليمي لانهم اتعلموا فى ظل نظام الانقاذ

هل انت شايف انك كنت عادل فى تقيييمك ده ؟ ما حا ادخل معاك فى تفاصيل كتيرة .. بس رجاءا شوف حواليك مرة تانية ووسع شوية فى شوفك وجاوب تانى على الحته دى


تحياتي

وضاح عبدالرحمن جابر
لك التحية
أنا أوضحت في البوست الأساسي وفي كثير من الردود مستوى ضعف الكتابة في بدايات المنبر
وفي وضعه الحالي .. وتكرر الشرح ..
وقلت كانت هناك بعض الحالات الشاذة في البداية لكنها وجدت المقاومة
الآن تجد كاتب كتب كلمة واحدة ( انبهلت ) وتجد المداخلات تنهال عليه وتجد من يخاطبه بالمجاهد
وهناك من يكتب عاااااجل ، هااااااام وتنهال عليه المداخلات وبعضهم يناديه بالمناضل
بوست يكون عنوانه أطول منه .. والقراء يفتحون المنبر وتجذبهم العناوبن ، لكنهم لا يجدون شيئا مفيدا
وبتكرار هذا الوضع يفقد المنبر متابعيه .. تماما كمثل ( هجم النمر )
بعدين يا وضاح أنا ما بعمل بخث عشان أكتب بوست في المنبر لأثبت أو أنفي
طيب ليه إنت ما طالبت ناس انبهلت وعاااااجل بان يكتبوا ما يثبت أو ما ينفي؟
لما الواحد يحاول ينقل الناس من الهزل للجدية دايما بيحصل كده
شكرا لتداخلك

الأخ ابراهيم حسين
لك التحية
أعتبر مداخلتك إضافة متميزة رغما عن التحفظات والاعتراضات التي وردت بها
صاحب الموقع مؤسس لا شك ، لمكن العضوية هي المؤسس الحقيقي.
ولو لم يقم صاحب الموقع بمناداة الغائبين فإن مناداتي لا تنفع إلا قليلا
التهاتر بلع حدا أفسد جو المنبر وروحه لذا لابد من تدخل الإدارة إن لم يخاسب الناس أنفسهم
الهدف من النشاط الإنساني كله الإضافة الإيجابية وأي عمل لا يرقى لمستوى الإيجابية يعتبر هدرا لموارد ووقت
لك شكري

العوض الطيب
وعليكم السلام
كلامك في محله
لكن لا نسمي الغياب تساقط
هو غياب له أسبابه
وندعم عودة العائدين

عمر
عايز تصل إلى أن المنبر القديم كان زي المعبشة في السعودية
والجديد زي المعيشة في السودان
وما علينا إلا التأقلم؟
لا يا سيدي نحن نسعى دائما للأفضل ونسهم بما نستطيع من أجل الدفع للأمام

Quote: العوض الطيب وعليكم السلام كلامك في محله لكن لا نسمي الغياب تساقط هو غياب له أسبابه وندعم عودة العائدين

الأخ العزيز ود قاسم
أعتذر لو فهم أحد من مداخلتي أن الغايبين متساقطين، لأنني أنا نفسي من الغائبين
بل قصدت أن للمنبر رسالة تقوم على أفراد متجردين من شبهة محاولة الظهور بالكتابة، يهمهم أن تبقى الفكرة، وليس هم.
وبهذا المعنى فهم لا يتساقطون ولو غابوا ما دام هناك من يحمل عنهم عبء الكلمة، أو عبء الفراشة كما يسميه درويش

وعنيت بالمتساقطين من كان همهم الظهور على أكتاف الكلمة، وخانوا القضايا الوطنية وشرف الكلمة فقد كان ظهورهم على حساب وجودهم وسرعان ما خبا نجمهم

وتبقت الرسالة يحملها جيل عن جيل في الموقع، وهي لن تخبو ما دام الخير في أمة محمد

لذلك، ربما الكثير من القدامى، يتابعون المنبر مثلما يتابعون دافوري الحلة، من المدرجات. وهذه سنة الحياة.

العوض الطيب
كدي تعال نتفق إننا ما نغيب
نواصل ونتواصل
ونعمل لنصل ولو لبعض ما نتمنى

تحياتي ود قاسم
شكرا لك

الموصلي
الفنان العظيم
الأستاذ
الذي زيّن حياة السودانيين بالجمال
لو ان هذا النداء أتى بك وحدك لما ترددت في إطلاقه آلاف المرات

Quote: العوض الطيب كدي تعال نتفق إننا ما نغيب نواصل ونتواصل ونعمل لنصل ولو لبعض ما نتمنى

إن شاء الله الكريم. ومعاك نحيي العضوية الحالية والجديدة وندعو قدامى المحاربين للعودة.

Quote: بل قصدت أن للمنبر رسالة تقوم على أفراد متجردين من شبهة محاولة الظهور بالكتابة، يهمهم أن تبقى الفكرة، وليس هم.

سلام وتحية للاخ العوض

ممكن يكون فى افراد متجردين من شبهة محاولة الظهور بالكتابة ولكن يقينا يوجد ايضا افراد اخرون ارجوا ان لا يكونوا اغلبية ليسوا بمتجردين ولا حاجة والدليل على ذلك ليس لهم ما يكتبوه فى الفيسبوك غير هجرهم للمنبر العام لسودانيزاونلاين وتكسبهم من ذلك جماهيريا , صحيح توجد قلة ممن تركوا المنبر لهم اسباب تتعلق بالمبادى ولكن تبعهم التابعون والذين اصلا لم يكن لهم تاثير يذكر على الخط العام للبورد , فى الوقت الراهن يوجد بعض الذين يغرقون المنبر بالمواضيع الموجهة التى تكاد تتضح فيها شبهة المنفعة الذاتية ودة بالتاكيد شغل ممنهج وتنظيمى ولكن ايمانا بالديمقراطية علينا ان نتقبله والعمل على منافسته وليكن البورد نموذجا لدحر الغوغاء وابعادهم من ان يكونوا الاعلى صوتا وهذا ما يحدث الان للاسف بسبب انهزامية الناس الهجروا الكتابة فى البورد لانه حال البورد بقى مائل , طيب اين دوركم فى التصحيح ؟ تماما كما يحدث فى الوطن , يقول ليك تركنا البلد للكيزان بسبب الانحطاط وهذا ما يشبه كرة الثلج كلما تحركت من مكان لاخر دون تدخل لايقافها كلما كبر حجمها وبالتالى استعصت معها المحاولات لاحقا

(فوق).
عشان يجئ واحد من المؤسسين موديل 2004م.
بالشايفو دا فرصتنا ما حتجئ قبل 2027.

ذات يوم فتح بوست عن عقد الجلاد .. فوجئت بأن أغلب أعضاء فرقة عقد الجلاد أعضاء بهذا المنبر!
نعم المنبر يحمل الكثير من العضوية النوعية لكن طريقة تناول المداخلات ربما تمنعهم من التداخل

في بدايات المنبر كنت استمتع حد الثمالة بكتابات بت قضيم ودكين وشيري وميسون النجومي ثم جاءت فترة غرامي بكتابات الأديب محسن خالد ثم حمور زيادة ثم وجدتني ألهث خلف مداخلات خدر وعصام جبر الله وغيرهم .. هذه مجرد أمثلة فقط
توقفوا ثم عادوا للكتابة في مرحلة لاحقة .. لكنهم لم يستطيعوا محاكاة أنفسهم
لا أظن أن بت قضيم ستستطيع إنتاج ما يشبه ركن المحبطين مرة أخرى
الإشكالية ليست في حضور الأقلام وغيابها فحسب .. بل الإشكالية في تركيبتنا نحن السودانيين .. نحن لا نملك القدرة على المواصلة بنفس واحد .. تفتر همتنا سريعاً ولا نجيد الاستقرار على القمة .. لا نستطيع الصمود أمام طوفان الوعي الجماعي وننشغل بمجاراة الواقع أو محاربته لكن لا نملك القدرة على الثبات بنفس المستوى

تشكر احمد عمر هذه مداخلة اعجبتني لموضوعيتها
نحن بننشغل احيانا بمحاولة ان نلائم القالب الذي تم صنعه لنا .. ننمط انفسنا ونفقد صدقنا وتلقائيتنا . وتنتتهي تلك المحفزات التي دفعتنا لنكتب .. فنبدأ نكتب من جديد لنعجب آخرين .. ثم نعجز ونتواري لعدم قدرتنا علي استنساخنا

احمد محمد عمر
افتراض جميل ، لكن حكاية نحن السودانيين لا نستطيع الصمود والثبات على القمة دي شوية ما دقيقة
بالعكس نعنج يمكننا الصعود لأعلى من القمة ، طبعا لمن أراد
كثير ممن كتبوا في هذا أظهروا مقدرات عالية نقلتهم إلى مواقع الكتّاب االمقروئين في العالم العربي
خذ مثلا ياسين حبيب نورة ، حمور زيادة ، هشام آدم .. أبوجهينة ، أسامة الخواض ، اسماء الجنيد ، أماني عبدالجليل ( الجندرية )
وغيرهم كثير .. لكن المنبر طغت عليه موجة من جيل الغوغاء ، فاقبلوا يترصدون ويسبون بعضهم بعضا وكثير منهم لا تردعهم المبادئ التي يتبنونها
وهم يمارسون صراعا سياسيا غوغائيا ن تحركهم فيه مصالح خاصة وحزبية ضيقة
وقد قالها بكري في ندوة في الخرطوم : لو اوقفنا بعض الناس بحجة ضعف أدائهم فسنقطع عيش كثير من العضوية

ميرغني تيتاوي
لا موديلات ولا حاجة
يمكنك الآن أن تنطلق وبسرعة صاروحية نجو النجومية
اكتب بس

ههههههههههههههههههههههههه ..

الشهادة لله ظهور اساسي اربك ود قاسم ... ههههههههه

كما ويبدو لى انو عمر كان بيسقى فى ود قاسم وعينه على منجل أساسى ..

ــــــــــــــــــــــــ
أزززززززرق يا ..

ود قاسم

Quote: ميرغني تيتاوي لا موديلات ولا حاجة يمكنك الآن أن تنطلق وبسرعة صاروحية نجو النجومية اكتب بس

إن شاء الله.

حتى الآن يا ود قاسم ..
لم تقنع الغالب الأعم من المتداخلين ..
بأسبابك التي سقتها ..
من كون غياب المخضرمين هو سبب تردى المستوى بالمنتدى ..
وانحصرت رؤاك وطرحك بين المجاملات والتردد والمراوغة ..
إذن ما المغزي من طرحك للموضوع من أصلو .. ؟! ..
أحنين لرهطكـ من القدامى ..
أم قدح في إمكانيات الجدد ..
وكان من الممكن التطرق لكلا المنحيين ..
من زوايا أخرى .. أكثر قبولاً ..
لأن إقحامكـ للجدد أصبح بلا مبرر ..
من خلال متابعتي لردودكـ ..

وضعت نفسكـ قيّماً وحاسبت ..
فأرجو أن يتسع صدركـ لحسابنا ..

لا تأتي لتقول أن هدفكـ النهوض بمستوى الطرح في المنتدى ..
لأن هذا المنحى فارقته فراق الطريفي لي جملو ..

إنك لا تهدي من أحببت
لست عليهم بمسيطر
لو كل زول بيكتب هنا بيقدر يقنع غالبية المتداخلين ، لكان أمر الإنسانية مختلفا
وهل هذا البوست هو الوحيد الذي استعصى عليك هدفه
راجع المنبر كويس وأعمل لينا بحث يساعدنا في معرفة الكثير من أهداف البوستات
أنا قلت كلام واضح ، وهو أن المنبر حاله الآن لا يسر أحدا
وأنه كان في السابق منبرا جيدا ، لكن قصورا في الكتاب الحاليين هو الذي أقعد المنبر
وبما ان المنبر لم يتغير كجسد فإن المتغير هم الكتاب
وبالتالي يصبح الذين هجروا المنبر أفضل من الذين انضموا إليه بعدهم
لأن القدامى ببساطة حافظوا على جودة المنبر والمتأخرين أضاعوها
والمغالطة لا يمكن أن تستمر ، لأن الأداء هو الذي يثبت صحة ما ذهبنا إليه
اذهب على سبيل المثال إلى مكتبات عجب الفيا ، الجندرية ، أبكر إسماعيل .. وآتيني بمثيل لهم
المشكلة أن الكثير من المخاطبين لا يقبلون فكرة الاقتناع نفسها
ولا أملك معجزات نبي

وما الذي يمنع من الاقتناع إن كان ما تطرحه مقنع ..
وأكيد لن تحتاج حينها لمعجزة نبي ..

أراك تشبثت بسبب واحد وجعلته محوراً لحجتكـ ..
وظللت تدندن حوله تاركاً أسباب قد تكون أكثر وجاهة ..
تجاهلت حتى عامل الاحلال والابدال كسنة كونية ..
ثم أين دور الواتس اب ومجموعاته النشطة ..
والتي قصمت ظهر غالبية المنتديات وأضعفتها ..
الم يكن للتجانس والتشابه الايدلوجي للغالب الأعم ..
من قدامي سودانيز من دور في تعجيل رحيل اقلامهم ..
تبرماً وزهداً في رؤى قد تخالف ما يطرحون .. (رؤى متباينة) ..
أتت خصماً على تجانس رؤى وأفكار أيدلوجية بعينها ..
كانت تمثل قاسم مشترك للسواد الاعظم من القدامى ويجمع الكثيرين منهم ..
متخذين من المنبر أداة محتملة للتغيير ..
ثم اليس لعامل تقدم غالبية القدامى في السن وتشعّب مسؤلياتهم ..
وتبدل إهتماماتهم من دور في تركهم للنت على وجه العموم ..
كونه يأتي خصماً على الكثير من الأولويات .. التي فرضتها تسارع عجلة الحياة ..
ثم من يدعي أصلاً إمتلاكه لمقاييس ومعايير الأفضل والأجود ..
والتي قد تتأرجح وفق الكثير من المتغييرات ..
عدا الثوابت المتفق عليها أصلاً كمنظومة الأخلاق وما شابهها ..
أعد الكره فيما جاء به المتداخلين .. وأبحث عن من خالفك الرأي ..
ومن اتفق معك خصوصاً في سببكـ الأوحد الذي طرحته ..
كان من الأجدى تناول الأسباب وتعديدها مكتملة ..
حتى لا تفقد ما تطرح المعقولية والحياد ..
هذا إن كنت تروم ارتقاء مستوى الطرح بالمنتدى ..
أو تدعو حتى الى ذلك كأمر مطلق تاركاً تعديد الأسباب للمتداخلين ..
من باب الحصافة والحياد ..
بعدين حتى الأقلام المتميزة لم تكن حكراً على السنوات الأوائل ..
بل على العكس فأغلب الاقلام ذات الرؤى النيرة ..
والكتابات الجاذبة والباذخة أتت بعد ذلك بسنوات عدة ..
هذا من وجهة نظري الشخصية البحتة ..
أو حتى فلنقل من باب الانصاف أتت في كل عام ..
أقلام أضفت على المنتدى الكثير من الألق والروعة ..
وحاز طرحها على اعجاب المتابعين ..
لا تصافه بكثير من الجودة والجدية في الطرح والحرفية ..
ولا تنسى أصحاب الاقلام المرحة وذات المداخلات الذكية الفكهة ..
التي كانت لاتقل روعة بأي حال عن أصحاب الرؤى الرزينة والجادة ..
وهذه نقطة تعضدد رجوح مسألة الإحلا والابدال ..
لأنك دون شك ستكتشف من القادمين المتميز طرحاً وفهماً ..
وصواب رأي ورجاحة عقل ومنطق ..
فليس كلهم على قالب متوهم واحد ..
وحتى التعليم الاكاديمي لم يكن يوما مقياساً للثقافة وغزارة المعرفة ..
لأني أراك تقدح في مخرجات التعليم الأخيرة ..

تحملنا يا ود قاسم يأخ ..
ما اقوم أبقى ليكـ عكليتة زي عمر الفاروق ..
واندرع فيكـ وتبقى في التخارجك مني ..
لك كثير احترامي ..

يا جمال
انت والله جميل
بالمناسبة هذه ليست مما حسبته مجانلات
مداخلتكهذه قيمة جدا .. وأنا أكتب منذ 2003 في المنابر وحتى في صخف الخرطوم
لم أقل يوما أنني لا يأتيني الباطل من بين يدي
ولم اقل أبدا أنا أو الطوفان
ولم أقل انني أمتلك الحقيقة وحدي
وفكرة المنابر ـ اي فكرة التفاعلية - مبنية على أن الآراء تكمل بعضها
ولا يمكن ان نكتب موضوعا يتناول مشاكل الكون أو القارة أو الإقليم أو الوطن أو القبيلة أو الأسرة أو الفرد حتى ..
يمكننا أن نتكلم عن أمر واحد أو أكثر وذلك بقدر طاقة الكاتب ومعرفته ومغعلوماته وربما أيضا بما يسمح به المكان ..
وحتى الأمر الواحد يمكننا أن نغفل عن كثير مما يحيط ويرتبط به
إذن انا طرحي للموضوع يتحدث عن ضعف الأداء في المنبر ، وقد تحدثت عما أعلم ، وعما استطيع ، وبحسب ظني في قدرة تحمّل القراء
توقعت أن يأتيني الناس بأن يقولوا أنت أخطأت لأن المنبر على ما يرام ، أو أصبت لكن اسبابك ليست وجيهة والأسباب الوجيهة هي كذا وكذا ..
ثم ننتقل غلى حوار يفيدنا ويفيد منبرنا وأضيف يفيد وطننا ، وهذه عندي مهمة جدا ...
ولست معترضا على فكرة اجترار الذكريات من اساسها لكنّ اعتبارها حالة نفسية يصاب بها السودانيون وتجعلهم أسرى لها فهذا أمر يؤلمني
أما صلة التعليم بالثقافة فلا اقبل من أن تنكرها ، حيث التعليم هو الفاتح للمعرفة وآفاقها .. والتعليم الضعيف يمنح معرفة ضعيفة ، ولا يتمكن من النفاذ
من ضعف المعرفة إلا القليل من ضعاف التعليم .. ولست أنا القائل بضعف مخرجات التعليم بل قالها مختصون وحكوميون وتربويون ، وقد كررت هذا هنا في ردودي
والجهات الختصة أدخلت الكثير من التعديلات وفكرت في العودة إلى القديم لكن يبدو أنها خجلت من نفسها ، فتراجعت ، لكنها لم تتراجع من فكرة الإضافة والتعديل
وأستطيع أن اتفهم اختلاف التخصصات في الكتابة والقراء ة وأتفهم حاجة الناس لذلك .. لكن هذا كله لا يبرر أن يكون العنوان ( انبهلت في كسلا ) ثم يكون البوست كلمة واحدة ( انبهلت )
أو أن يكتب كاتب عنوانا ( عاااااجل .. هاااااام قامت قيامتكم ) ثم نفتح لنجد ما كتبه بالبوست ( تابعونا )...كيف تصنف هذا ياجمال ؟
وقد اوضحت ايضا ان بعض القلام الجديدة تقدم عملا جيدا ، وأجدك الآن وكأنك تنبهني لهذه النقطة كأني لم اقلها .. بل قلتها وما زلت متمسكا بها ..
عموما اشكرك على مداخلاتك وأعتبرها قيمة ومفيدة وأنتظر المزيد

طرحك صحيح عن الدرك السئ الذي وصل له المنبر
بعض الاصوات المشككة في طرحك هم أنفسهم جزء من الأزمة

بختك إنت بأساسي وعمر
ابقى عليهم عشرة

ود قاسم يا اصيل سلامات وعوافي

وتحياتي لجميع المتداخلين

موضوع البوست حسب فهمي هو نداء لاقلام بعدت او غابت عن المنبر بالرجوع والكتابة

لانها ذات تاثير وهي أقلام كبيرة وشهيرة ومتعلمة ومثقفة ولعمري انه فعلاً سيكون من المفيد جداً تواجد مثل هذه الأقلام

بيد اني لا انكر تواجدها الان من الأعضاء الجدد والقدامى أيضا ولكن عودة الغائب دائماً هي ما نتمناه

ولكني ضد الاقصاء .. فلنحسب ان هذا المنبر هو السودان او سودان مصغر فيه كل الوان الطيف السياسي والاجتماعي والثقافي والرياضي وغيره

نختلف في ارائنا وفي اتجاهاتنا السياسية وافكارنا وحتى في عقائدنا ولكننا نظل نحنا يانا نحنا سودانيين مع بعضنا في سوداننا هذا نختلف ونتعارك ونتشاجر ونتنابذ فيه وله

ولكننا داخل محيطنا وسودانويتنا والجميع لا يقبل بالفعل النشاذ بالتأكيد واظن ان هذا هو اهم شي موجود داخل هذا المنبر او السودان الصغير وجود كل مكونات المجتمع السوداني

بكل اختلافاتها في منبر واحد وهذا هو تلاقح الأفكار على ما اعتقد

فكيف نستطيع ان نتعايش في وطننا الكبير اذا لم نستطيع ان نتعايش هنا في هذا السودان الصغير وهل في الاقصاء حل ؟ كيف يتمنى المرء مجتمعاً مثقفاً وهو يقصي من يحتاج الى

الثقافة خارج دائرة التفاعل.؟

بالتأكيد يا ود قاسم نؤيد ارتقاء المنبر وعودة جميع من هجروه بدون فرز وبرضو ما ننسى انو كل زمن ظروفو مختلفة وحتى تفاعل المجتمع مع نوعية الاطروحات مختلفة

يعني ممكن تلقى في بوست يحمل موضوع مصيري عديييل تلقى عدد القراءات لا يتعدى عدد أصابع اليد وبوست تاني عن الغناء او النكات وعدد القراءات فيو مبالغة دا لانو

حصل ملل من المواضيع الجادة الكتيرة الانطرحت ولم تؤتي اكلها في سوداننا دا منذ مجيئ الإنقاذ التي اجهضت كل احلامنا بوطن واحد عديد اقوام وبلد مانعة فوية وعصية على الانقسام.

تحياتي واحتراماتي للجميع

عوض محمد احمد

مداخلتك بهذه الصورة المبهمة ليس لها اى قيمة فى هذا الحوار اللهم الا قد يكون لها دعم معنوى لصاحب البوست ولكى تصبح ذات فائدة يجب ان توضح من هم تحديدا الجزء من الازمة وما هى الازمة اصلا فى رائك وكيف ساهموا فى استفحال هذه الازمة فى هذا البوست