على ايقاع الانتنوف الفلم الحائز علي الجوائز الدولية يعرض بمانشستر السبت القادم يسر جمعية الثقافة السودانية بمانشستر ان تعلن عن اسضافتها للمخرج السوداني هشام حجوج كوكا مخرج الفيلم الوثائقي ( على ايقاع الانتنوف ) الفلم الذي يحكي عن واقع الحياة اليومية في جنوب النيل الازرق وجبال النوبة مع القصف اليومي ، وسيتم استعراض للفلم واجراء مناقشة عامة مع المخرج ، الساعة السادسة والنصف يوم السبت الموافق 28 مارس 2015 بمركز Inspire Centre Levenshulme 747 Stokport Road Manchester M19 3AR
يا جماعة الفلم بتاع علي إيقاع الانتنوف دا الذي ستقدمه جمعية الثقافة غداً السبت في الساعة ستة ونص في Inspire بمنطقة لڤينشيوم فيهو فرصة كبيرة ايضا بجانب إستعراض الفلم الحائز علي الجوائز العالمية فرصة للالتقاء بالشاب حجوح كوكا مخرج الفلم الولد الشاب حجوج دا بيستحق بحق وحقيقة دا في الوقت الفيهو سجايلو بيمشوا يكابسوا في سوريا وداعش وكلام فارغ ... الولد دا خلا امريكا وشال كاميرتو وفات خش جبال النوبة والنيل الازرق وقعد قبلو مع الاهالي وعاش آلامهم وافراحهم وصورها فنيا وقدر يمرقها للعالم وكمان قدر يصل لقناعة انو الناس اهلو رغم انو جاي من اقصي شمال السودان ومولود في الخرطوم وعايش حقوا كمان نشجع اولدنا وبناتنا الشباب يجو عشان يعرفوا السودان فيهو مليون بديل لداعش وسوريا وياريد لو كان طلبة مامون حميدة قابلوا أمثال الشاب حجوج عشان يعرفوا انو بقليل من الفكر والابداع السودان دا فيهو شنو. فرصة كبيرة والدعوة عامة مقدمة من جمعية الثقافة السودانية بمانشستر تحية وسلام
Post: #2 Title: Re: علي إيقاع الأنتنوف بمانشستر Author: مرتضي عبد الجليل Date: 03-27-2015, 01:05 PM Parent: #1
Quote: الولد الشاب حجوج دا بيستحق بحق وحقيقة دا في الوقت الفيهو سجايلو بيمشوا يكابسوا في سوريا وداعش وكلام فارغ ... الولد دا خلا امريكا وشال كاميرتو وفات خش جبال النوبة والنيل الازرق وقعد قبلو مع الاهالي وعاش آلامهم وافراحهم وصورها فنيا وقدر يمرقها للعالم وكمان قدر يصل لقناعة انو الناس اهلو رغم انو جاي من اقصي شمال السودان ومولود في الخرطوم وعايش حقوا كمان نشجع اولدنا وبناتنا الشباب يجو عشان يعرفوا السودان فيهو مليون بديل لداعش وسوريا وياريد لو كان طلبة مامون حميدة قابلوا أمثال الشاب حجوج عشان يعرفوا انو بقليل من الفكر والابداع السودان دا فيهو شنو.
الفاضل جعفر علي ,سلام وتحية : بالرغم من الظلام الذي يلف الافق في بلادي إلا ان هنالك دائما ضؤء يظهر في نهاية النفق . تحية للشاب حجوج مثالا علي الشباب الواعد الذي يرجي منه الكثير في بلد حوله الظلامييون لاوكار يعشعش فيها البوم السلفي التفكيري. تحية لك وللقائميين بامر الفعالية.
Post: #3 Title: Re: علي إيقاع الأنتنوف بمانشستر Author: GAAFER ALI Date: 03-27-2015, 01:12 PM Parent: #2
Quote: بالرغم من الظلام الذي يلف الافق في بلادي إلا ان هنالك دائما ضؤء يظهر في نهاية النفق . تحية للشاب حجوج مثالا علي الشباب الواعد الذي يرجي منه الكثير في بلد حوله الظلامييون لاوكار يعشعش فيها البوم السلفي التفكيري.
التحية ليك يا عزيزنا مرتضي دي رسالة لازم نوصلها نحن لأجيالنا الناشئة
Post: #4 Title: Re: علي إيقاع الأنتنوف بمانشستر Author: عبد المنعم سيد احمد Date: 03-27-2015, 02:25 PM Parent: #3
Post: #5 Title: Re: علي إيقاع الأنتنوف بمانشستر Author: GAAFER ALI Date: 03-28-2015, 11:22 AM Parent: #4
شكرا الاخ عبد المنعم علي المرور
Post: #6 Title: Re: علي إيقاع الأنتنوف بمانشستر Author: GAAFER ALI Date: 03-28-2015, 04:15 PM Parent: #5
اليوم الساعة السادسة ونصف بتوقيت قرينتش في مركز انسباير
