Post: #4 Title: Re: ياعثمان موسى..بتكم جنيفر لوبيز..دى لابسه ش� Author: Osman Musa Date: 03-25-2015, 09:43 PM Parent: #3
حولا يا عبدالمنعم دي عينة القال فيها عمك ده الكلام . .... شوف العين قالت ده لا لا صدت من تيها ودلالا ريدتك ساكنة الجوف خلالا و الاعضاء امتزجت خلالا براق سنك شق لالا وسهمك صاب احشاي قلالا سباب الغي و العلالا ضمرتها والخصر العلالا نور في نور ياذا الجلالا وخدانا بالمعه انجلال في الترنيع ماليك مثالا علمتي الغصن الرتالا شوفتك كم عاشق اتالا يانسام اوصف جمالا والقامة السيرك امالا اوصف لي اسباب كمالا وقول لي ام خد هجراني مالا النسام شال الرسالة وفي التوضيح روق رسالا ذكرني الرطب العسالا وهاج الشوق والدمعة سالا . .. الفستان ده يا عبدالمنعم تهبش كهربة السد العالي ولا تهبشو . كانت ليلة موت احمر .. تحياتي أستاذ عبدالمنعم
Post: #5 Title: Re: ياعثمان موسى..بتكم جنيفر لوبيز..دى لابسه ش� Author: عبد المنعم سيد احمد Date: 03-26-2015, 00:55 AM Parent: #4
Quote: يا سلام على الإبداع ياخ
شوف العالم عايش ياتو جمال
ونحن لسع بنتشاكل في شنو
أحييكم زاتو :*)
هلا بيك هانى شفت الكلام ده كيفنو لو خلينا بت لوبيز دى على جمبه المخرج..باقيلك نصيح ده ماشغل جن عديل نحن خلينا ساكت.. الجماعة ديل..رجعونا مليون سنة لى ورا نحن لينا الله وعيشة السوق والفرجة..فى جنس السحر ده.
Quote: يا جماعة ما تبهركم تكنلوجيا الضوء حد ينزل لينا كلمات الأغنية أنا منغوش.
عزيزنا واستاذنا محمد طه الملك ياخ النصيحة لله مهندس الإضاء البلورية ابدع وبت لوبيز من غير اضاءة منورة!.
Quote: Here I go Here I go Feel better now Feel better now Here I go Here I go It's better now Feel better now
Do you remember when we fell under Did you expect me to reason with thunder I still remember when time was frozen What seemed forever was just a moment Hurry up, hurry up There's no more waiting We're still worth saving
Feel the light Shining in the dark of night Remember what we forgot I know it's a long shot But we're bringing it all back We're bringing it all back Feel the light Shining like the stars tonight Remember what we forgot I know it's a long shot But we're bringing it all back We're bringing it all back
Here we go Here we go It's better now Feel better now
محبتي
Post: #13 Title: Re: ياعثمان موسى..بتكم جنيفر لوبيز..دى لابسه ش� Author: محمد على طه الملك Date: 03-26-2015, 05:09 PM Parent: #9
يا سلالام يا توحة يا تفتيحة .. حقيقة نغوشني النطق بين : Here I go كما تكرمت وبين HEERE Gal .. طبعا تفرق لانها بتدي الأغنية مسحة دينية شبيهة بالذكر عند اليهود .. الله يطمنك ياخي ظهور الدواعش لخبط راسنا بلمرة .
Post: #24 Title: Re: ياعثمان موسى..بتكم جنيفر لوبيز..دى لابسه ش� Author: Osman Musa Date: 03-29-2015, 02:38 AM Parent: #13
أستاذنا محمد علي طه الملك سلامات ز وأحد سحار زي أخونا صاحبك أبوذر ده . قال : الفستان كبتو في المسرح زي العجين في الصاج هههههها . بس والله أنت نقشتها بي الجد . الشغلانة خلطة بين الدبكة الشامية و الذكر عند اليهود والذكر عند حبايبنا دراويش الطريقة القادرية . تحياتي
Post: #10 Title: Re: ياعثمان موسى..بتكم جنيفر لوبيز..دى لابسه ش� Author: عبد المنعم سيد احمد Date: 03-26-2015, 03:24 PM Parent: #8
Quote: روعة... لابسة إضاءة أخي عبد المنعم.
fatima alhaj
ياهلا بيك هذا اسمه فستان الاضاءة المبهر يتلون..بالوان مبهجة انها بت لوبيز المدهشة.
Post: #11 Title: Re: ياعثمان موسى..بتكم جنيفر لوبيز..دى لابسه ش� Author: Osman Musa Date: 03-26-2015, 04:03 PM Parent: #10
أب ذر والله يا هو ود الورده زأتو . عان جاي . فستان البارح شفتو ؟ سألت الامريكان عن اللون العجيب للفستان النتشة الكانت لابساهو في البرنامج ليلة البارح 25 شهر 3.. قالوا اللون ده أسمو EARTH YELLOW . ... الله قادر
Post: #12 Title: Re: ياعثمان موسى..بتكم جنيفر لوبيز..دى لابسه ش� Author: عبد المنعم سيد احمد Date: 03-26-2015, 04:48 PM Parent: #11
Quote: حولا يا عبدالمنعم دي عينة القال فيها عمك ده الكلام . .... شوف العين قالت ده لا لا صدت من تيها ودلالا ريدتك ساكنة الجوف خلالا و الاعضاء امتزجت خلالا براق سنك شق لالا وسهمك صاب احشاي قلالا سباب الغي و العلالا ضمرتها والخصر العلالا نور في نور ياذا الجلالا وخدانا بالمعه انجلال في الترنيع ماليك مثالا علمتي الغصن الرتالا شوفتك كم عاشق اتالا يانسام اوصف جمالا والقامة السيرك امالا اوصف لي اسباب كمالا وقول لي ام خد هجراني مالا النسام شال الرسالة وفي التوضيح روق رسالا ذكرني الرطب العسالا وهاج الشوق والدمعة سالا . .. الفستان ده يا عبدالمنعم تهبش كهربة السد العالي ولا تهبشو . كانت ليلة موت احمر .. تحياتي أستاذ عبدالمنعم
ياعثمان موسى انتو ياالامريكان..عجيبين مرة واحدة بالله بالمستوى..الكن فيهو ايام الحقيبة لو واصلنا بنفس الوتيرة زى فستان بت لوبيز ماكان ممكن يفصلو ترزى فى شارع ١٥ بالعمارات. انت عارف زمان عربات لبن كافورى تحوم ليك بيوت العمارات الصباح ويختو ليك قزاز اللبن فى الحيطة ويمشو اصحابك بكونو نايمين والماشى بالشارع..يشوف ليك المنظر العجيب ده زول بمد يدو يشيلو قزازة لبن مافى ههههههه كنا قمة التحضر ياخى... وبت لوبيز دى ياها زاته الشافعة الماشافعة نصاح السد العالى..صار من الماضى ياعزيزى نحن ناس سد نهضة ساكت تقولى سد مروى هههههه الله يديك العافية.
Post: #14 Title: Re: ياعثمان موسى..بتكم جنيفر لوبيز..دى لابسه ش� Author: Osman Musa Date: 03-26-2015, 05:37 PM Parent: #12
عليك أمان الله يا عبدالمنعم كان أمي عليها الرحمة كانت موجودة كان كتبتليها جواب عن بنادر الخواجات زي جواب عمك سماعين ود حد الزين . يا عبدالمنعم نحنا دشنا ومرقنا من كل الحاجات بي قد القفة .. لا لمينا في الخواجات لا لمينا في أهلنا بقينا جاي جاي .. ياخ صعب تموت جاي جاي . زمان يا عبدالمنعم سنة 97 في مانهاتن وعيد الشكر علي الابواب وفي عز الزحمة الساعة 11 بي الليل وأنا فارش بضاعتي في شارع الله . والا اشوف ليك ويتني هيوستن تقدل بي ديك الأناقة المعروفة . مع السكيوريتيه الكل وأحد 4 في 4 كانت لابسه الخرطوم بي الليل أبيض . رقشان الفستان كان ضارب في لونها البرونزي بس أسكت ساكت . لو ما خليت بالي كان الجماعة المسانيح كنجلوا بي البضاعة ههههها .. الليلة يا عبدالمنعم الخرطوم بي الليل تخوف .
Post: #15 Title: Re: ياعثمان موسى..بتكم جنيفر لوبيز..دى لابسه ش� Author: عبد المنعم سيد احمد Date: 03-27-2015, 02:07 AM Parent: #14
Quote: "اكشف كنوز حسنك ورينا فيك كم لون"
مبالغة يا عبدالمنعم! يٌخيل لي التقنية دي مستوحاة من أغنية ملك الطيور! تحية ليك ولعثمان ولبت العم لوبيز
محبتي
الفاتح ميرغنى كيف حالك يازول جميل تعددية الالوان..ملك للطاؤوس وبت لوبيز..كانت ملكة ...بفستانها المتلألىء فزادها الق على الق. فستان من النور اخراج يسبى العقول لوبيز دائما متألقة ومتأنقه تسلم عزيزى...لحضورك الانيق
Post: #22 Title: Re: ياعثمان موسى..بتكم جنيفر لوبيز..دى لابسه ش� Author: عبد المنعم سيد احمد Date: 03-28-2015, 11:08 PM Parent: #21
ابوذر كيفك يازول جميل والله لى اسه انا ماعارفه لابسه شنو لاعرفناها لابسه ورده ولا شكل ورده ولا لابسه نور وعطور وزهور البت دى بت عجيبه ههههههه غايتو من ناحية..منبهرين ومندهشين منبهرين ومندهشين ههههههه
Post: #23 Title: Re: ياعثمان موسى..بتكم جنيفر لوبيز..دى لابسه ش� Author: عبد المنعم سيد احمد Date: 03-28-2015, 11:10 PM Parent: #22
Quote: عزيزنا أبوذر الفستان السحرتو ده محجب . أهلك خلطة الاسبانيول بي اليانكي ديل عندهم حجاب يمرقك من خشم تمساح الاتبراوي . الفستان يا أبوذر هو أعادة صياغة لجلبوب الدراويش عندنا في السودان والمغرب والنيجر . أها يازول بتكم جينفر دي شافت حبايبنا الحبش لامين ليك في أغاني الراحل محمد وردي كوار تقيل . قامت قالت شنو يعني كان سرقت الفاشن بتاع جلبوب عمك سعيد ود فضل المولي عليه الرحمة ( نعم جلبوب ) غايتو أعمل حسابك علي مركوبك الفاشري داك مايقوم جاستن بيبر يلم فيهو ويطلع بو التايم أسكوير ههههههههها .
الله يجازى محنك ياعثمان هههههههههههه
Post: #25 Title: Re: ياعثمان موسى..بتكم جنيفر لوبيز..دى لابسه ش� Author: عبد المنعم سيد احمد Date: 03-29-2015, 03:51 PM Parent: #23
Quote: تذكرت: لو زندك إحتمل الندى .. لكسوت ندك ما تشاء .. ثوبا من العشب الطري .. وإبرتين من العبير .. وخيط ماء ..
منعم سلامات .. يبدو أن جي لو لم تحتمل الندى, فألبسوها ثوبا من النور
حتى النور استحى من زندها فتلونا ود المشرف ...كيفنك الخلاسية...بت لوبيز نور ونار وخيال تلونت ذاك اليوم..بسحرها الاخاذ واعجب كيف بى سكر ردت الخمر عن شفتى.. لعل جمالك الخمر. او كما يقولون مرحبتين حبابك..
Post: #26 Title: Re: ياعثمان موسى..بتكم جنيفر لوبيز..دى لابسه ش� Author: عبد المنعم سيد احمد Date: 03-29-2015, 05:03 PM Parent: #25
Quote: الناس ديل قرحو يعلم الله .
يا عبد المنعم المكواة قررررررب يحرّق علي الهِديمات. والله صحي ...
Post: #27 Title: Re: ياعثمان موسى..بتكم جنيفر لوبيز..دى لابسه ش� Author: عبد المنعم سيد احمد Date: 03-29-2015, 05:13 PM Parent: #26
Quote: أسوا ما في الفستان ... كونه غطى أجمل ما في جنيفر
... والرهيفة ... تنقد
ود قاسم كيف حالك لعلك طيب باقيلك زى ناس بت لوبيز دى معاهم رهيفة شى ديل الشملتن تلاتيه وقدها رباعى دحين ماياها زاتا مشيتها من بيت جارتها او..تمشى الوجل الوحل لكن بينى وبينك...الفستان خطف الاضواء وهو زاتو اضواء خلو اليغطى زى ماهو داير ماهو ملك الساحة يقدل ساى رهيبة يابت لوبيز انك كل يوم فى شأن نقولك الفستان ...تقولنا الوحل هههههههه
Post: #28 Title: Re: ياعثمان موسى..بتكم جنيفر لوبيز..دى لابسه ش� Author: Osman Musa Date: 03-29-2015, 09:52 PM Parent: #16
عزيزنا د / المشرف سلامات هاك دي . عندنا صاحب أستعجب شديد في قوة و لياقة شاكيرا في المسرح المفتوح . قال لي . ياخ نحنا الوأحد يلعبلو عشرة دقايق دأفوري نفسو يقوم و تاني يوم 3 كراتين BENGAY ما تكفيهو مسوح . ياخ دي التقول جدتها سمكة هههههههها
Post: #29 Title: Re: ياعثمان موسى..بتكم جنيفر لوبيز..دى لابسه ش� Author: عبد المنعم سيد احمد Date: 04-01-2015, 05:14 PM Parent: #28
ياود قاسم برجل ايفل..بنسخته اللوبيزية
Post: #30 Title: Re: ياعثمان موسى..بتكم جنيفر لوبيز..دى لابسه ش� Author: عبد المنعم سيد احمد Date: 04-01-2015, 08:31 PM Parent: #29
