أشرط ليك هدومي

04:52 AM Mar, 25 2015
سودانيز اون لاين
عبدالحفيظ ابوسن-كوستي / حي الشاطئ
مكتبتى فى سودانيزاونلاين



اشرط ليك هدومي واعمل فيها جاني
غناء علي كبك
الاهداء للمشروع الحضاري
وبصورة اخص للصحفي الاستاذ
حسين خوجلي
والقبلة السكري

ممكن يكون فنان حقيقي وحي وموجود .. رغم دلالة الاسم كبك تجعل ذلك عصيا علي التصديق . وتعطي دلالة انه مجرد مزاح من احدهم
وقد يكون مزاح كما اسلفت وكوميديا ساخرة من الواقع الفني
ويبقي انه شغل الناس وتداولو اغانيه بقصد الضحك .
ولكنهم حققوا له انتشارا واسعا وهذا هدف كل فنان
الانتشار

ياما عشقتك انتي.. واهديتك اغاني..
وياما مرقنا سوووووا..وكملنا التسالي....
اكلنا الدوم ودقة .. ساهرنا الليالي وسكانا الحرامي..
وعشناها الاماني بي ريدي وغرامي..
فجاءة قسيتي انتي.. وحبيتي المحامي..
نسيتي هواي وريدي.. وسبتي سماع كلامي..

التطرف واضح في سؤ الموسيقي والشعر المغني وصوت الفنان النشاز الاجش
ولكن

قيل ان الفن عدسة محدبة وليست مرآة مستوية
فهي تضخم الحدث الصغير وتسلط عليه الاضواء حتي ليغدو مرئيا ظاهرا لكل ناظر
فالساحة الفنية بمساعدة السلطة تعج بعاطلي المواهب . تفتح لهم اجهزة الاعلام ابوابها وتدعمهم الصحف بتتبع اخبارهم ونقل تصريحاتهم

وكثرت التكهنات
صناعة حكومية !!
الصورة لملك القباحة في احد الدول الافريقية
لا يوجد اثر او كلو لل الاستديو الذي تم فيه تسجيل الاغاني
وكل هذه التكهنات توضح وبشكل جلي ذكاء الشعب السوداني ورؤيته الثاقبة ورفضه الصامت لما يدور

حنك الغناء الهابط دة خلينا منو
الموضوع
الانحطاط بالذوق الفني والادبي

كشعر
فهي تعابير غير مبتذلة ولا فاحشة . ولا تخاطب الاحاسيس الجنسية بشكل فج وساذج . وتعابير عادية
ولكنها لا ترتفع لمستوي الشعر . ولا ترقي لرفع الاحاسيس الانسانية بل تنحط بالذوق والتذوق . وتكون انحدارا عموديا من قمة الاغاني قديمها وحديثها ..

دا منو هو يا ود أب سن ؟؟
قبل أسبوع تقريباً كان في حديث عن واحد فنان في قروب واتسب
يمكن هو زولك دا زاتو ؟؟؟

ومالو سوا شنو غير الغناء الهابط؟؟؟
فالغناء الهابط راقد من زمان .. حتى إنو بقى عادي
والله مرة حضرت لي حفلة الفنان بيغني يقول: بلة ضرب الرقم جلا
أو كما قال
فـ ما تحكوها شديد .. زي ديل بجوا وبروحوا زي السموم

تحياتي مثنى وثلاث ورباع

وكتير يا صاحب
الغناء البهبط بالاحاسيس الراقية
ومن هنا تحية لي صديقي
عزيز خطاب
ونقاشنا حول غناء طه سليمان