حَنينْ: شَفافيةْ، خَطوةْ مِن الجُنون.. راني السماني.

06:21 PM Mar, 23 2015
سودانيز اون لاين
rani-Grande Prairie, Ab
مكتبتى فى سودانيزاونلاين

حَنينْ: شَفافيةْ، خَطوةْ مِن الجُنون..
.
.
كونَك إنك
تقوم تِتمرجَح
في نُص حِلمَك
والدُنيا ضَلام
إلا مَزاجك
مِن الضَوء كان واقِف
مسافة ريشة ولون
تجيك الخَطوة تتمشى
تقنِب ترسُم لوحة
عميقة بَشَكل
تشوفها الصباح.. تندهِش
تجقلِب
وما تِتذَكر
يا زول حافِظ كُل أشعاروا

تَسمع حبيبتك تبحلِق في عيونها
شُفتك أمِس
مشيت تتمشى في المَرسم
دخلتَ الحَمام
رجعن إيدينك مَبشتنات
يا ريتك
ما غَسلتَ مِنهُم حَميم اللون

جيت مَبشكِر حُزنك
صنقرت حِداي
شَهيتْ مَزاجي
الونسة مَعاك.. يا إنسان
.
.
يا عَالم
دي
أزمة فنان
رسم في اللوحة
جمال روحه.. ونسى اسمه
نادوهوا المثقفاتية
يا مجنون

تاه في متاهات الأنا
و ناول الإحباط
مِن وعي المشاعِر
جقمة لون
صنقر برم شعرو
.
.
راني السماني
22 اكتوبر 2014

جيت مَبشكِر حُزنك
صنقرت حِداي
شَهيتْ مَزاجي
الونسة مَعاك.. يا إنسان
.
.