Post: #2 Title: Re: جمال الوالى يتنازل عن ديونه على المريخ و ا Author: هشام المجمر Date: 03-23-2015, 08:08 AM Parent: #1
Quote: كووورة- إعلن مسؤول تنفيذي رفيع بنادي المريخ السوداني أن رئيس النادي جمال الوالي قد تنازل عن مديونياته للنادي والت تبلغ عشرات الميليارات جنهيات سودانية جاء ذلك خلال الجمعية العمومية لنادي المريخ والتي إنعقدت مساء اليوم الأحد بإستاد المريخ بمدينة أم درمان.
وقد حضر الجمعية التي إنقعدت محاولتين فاشلتين في اليومين الماضيين, 160 عضوا عند بداية الجلسة بإشراف مفوضية هيئات الشباب والرياضية بولاية الخرطوم برئاسة د. الفاتح حسين المفوض وفيها.
وقد تمت إجازة خطاب الدورة والميزانية بعدد 115 صوت و معارضة 29 صوت وامتناع صوت واحد فقط وتحث خطاب دورة عمل المجلس الحالي أعمال ناجحة تم إنجازها منها الهيكل التنظيمي للنادي للعاملين, مع إنجاز ملف ترخيص النادي كنادي محترف وحصل الفريق في العام الماضي على بطولة سيكافا للاندية وكأس السودانولم يخسر في الدوري الممتاز العام الماضي.
وذكر الخطاب أن المريخ يتطلع الىن لدخول عالم الإحتراف بصورة منهجية وإستراتيجية علمية وإدارة تنفيذية متطورة.
الأمين العام لنادي المريخ الفريق طارق عثمان الطاهر قال في خطاب الدورة أن الجمعية العمومية هي السلطة الأعلي فى نادي المريخ حسب النظام الأساسي، وأكد بان المريخ اول هيئة رياضية فى ولاية الخرطوم تعقد جمعية عمومية عادية ليثبت المريخ بانه نادي رائد وقائد.
مضيفا بأن إقامة الجمعية العمومية تأتي بناء على النظام الأساسي لنادي المريخ وبالإتفاق مع السيد مفوض مفوضية هيئيات الشباب والرياضية بولاية الخرطوم والذى إنعقد فى 16 سبتمبر بقاعة الاجتماعات باستاد المريخ وقد تقرر ان تناقش الجمعية تقرير الاداء السنوي لمجلس الادارة واجازت الميزانية لعامي 2011 و 2012 و اجازت الميزانية التقديرية للعام 2015
وكان الأمين العام لنادي المريخ عرض المحاور الرئيسة لاعضاء الجمعية وهي محور الرياضية، البناء المؤسسي، الاداء التنفيذي، البنية التحتية والمنشاءات، التسويق الرياضي , الوضع المالي.
وقدم المدير المالي لنادي المريخ السيد عبدالحي احمد العاقب تنويرا عن الوضع المالي فى النادي وميزانيتي 2011 و 2012 التى تم اعتمادها من قبل ديوان المراجع العام .
واستعرض جملة الايرادات والمنصرفات, وأكد بأن نادي المريخ اول نادي رياضي قام بعمل نظام محاسبي على الكمبيوتر منذ العام 2001 .
وأشار الى ان رئيس النادي السيد جمال الوالي يقوم بالتنازل سنويا عن مديونيته لدي النادي التى جاوزت 32 مليار جنية فى السنوات الاربعة الماضية.
وأجازت جمعية المريخ العمومية بعد ذلك الميزانية بعدد 102 صوت ومعارضة 22 صوت.
نقلا عن الراكوبة
Post: #3 Title: Re: جمال الوالى يتنازل عن ديونه على المريخ و ا Author: Hani Arabi Mohamed Date: 03-23-2015, 08:12 AM Parent: #2
هذا والحمد لله رب العالمين والصلاة والسلام على أشرف الأنبياء وخاتم الأنبياء والمرسلين سيدنا محمد وعلى آله وصحبه أجمعين
Post: #4 Title: Re: جمال الوالى يتنازل عن ديونه على المريخ و ا Author: هشام المجمر Date: 03-23-2015, 08:55 AM Parent: #3
البوست ده ليس عن المريخ حتى لا يزعل الاخوة المريخاب..
لكن المسالة كلها محيرة....
Post: #5 Title: Re: جمال الوالى يتنازل عن ديونه على المريخ و ا Author: وليد عكاشة Date: 03-23-2015, 09:30 AM Parent: #4
إنت ما سمعت المقولة البتقول المريخ رجل صالح ؟
غايتو يا هشام بيشفع ليك إنو الصفوة الراقى دكتور حسن المجمر ود عمك .. إنت تقعد تبارى المريخ دا كدا لامن تنسخت أخير ليك فك دربنا دا (وش ضاحك) ..
تحياتنا عبرك للمدير ماجد ..
Post: #6 Title: Re: جمال الوالى يتنازل عن ديونه على المريخ و ا Author: هشام المجمر Date: 03-23-2015, 10:44 AM Parent: #5
والله يا عكاشة الموضوع ابدا لا علاقة له بالمريخ
الموضوع فى جمال الوالى نفسو....
عايز اعرف الراجل ده شغال شنو.. من سبيل حب الاستطلاع و كده..
بعدين حسن المجمر ده الابن الضال عندنا تقول لى صفوة..
Post: #7 Title: Re: جمال الوالى يتنازل عن ديونه على المريخ و ا Author: Deng Date: 03-23-2015, 12:23 PM Parent: #6
يا هشام بكون قاصد يعفي ديون اموال السودان التي تم صرفها على المريخ. ويا ريتو لو كان بي فايدة.
Post: #8 Title: Re: جمال الوالى يتنازل عن ديونه على المريخ و ا Author: الحاج حمد الحاج Date: 03-23-2015, 12:58 PM Parent: #7
تحية يا باشمهندس البوست ذكرني طرفة لظريف الشعبية و بحري حيدر الجقدلي..مرة واحد من اولاد الشعبية زمن الال الف مشى اشترى ليهو بنطلون بي 25 الف جنيه..حيدر الجقدلي علق: الواحد لما يشتري بنطلون بي 25 الف بيكون تاني عندو 100 خمسة و عشرين الف قاعدة!!1 هسع يا هشام البتنازل عن 32 مليار بيكون تاني عندو مية 32 مليار قاعدة!! فعلا رقم كبير جدا بحساب التنازل أما سؤالك بتاع حب الاستطلاع نقول ليك انت ما سمعت Curiosity كتلت الكديسة!!
Post: #9 Title: Re: جمال الوالى يتنازل عن ديونه على المريخ و ا Author: abubakr salih Date: 03-23-2015, 01:26 PM Parent: #8
ياخي جمال الوالي ما فارز القران الكريم من كلام ناس الحلة. لقى ٣٢ مليار وين عشان يتجود بيهن؟
Post: #10 Title: Re: جمال الوالى يتنازل عن ديونه على المريخ و ا Author: nazar hussien Date: 03-23-2015, 01:36 PM Parent: #9
ال32 مليار فيها كم صفر؟؟
واذا دي عفاها الباقي في حسابو كم مليار؟؟؟
وطيب ليه بيقولوا السودان افقر دول العالم؟؟؟
Post: #11 Title: Re: جمال الوالى يتنازل عن ديونه على المريخ و ا Author: Abd Alla Elhabib Date: 03-23-2015, 08:14 PM Parent: #10
Quote: عايز اعرف الراجل ده شغال شنو.. من سبيل حب الاستطلاع و كده..
فتي المـؤتمـر الوطـني المـدلل !
Post: #12 Title: Re: جمال الوالى يتنازل عن ديونه على المريخ و ا Author: نادر الفضلى Date: 03-24-2015, 04:53 AM Parent: #11
هشام تحياتى
المبلغ يخلع 32 مليار (جنية سودانى)، لو حولتو بالدولار بيساوى 3 مليون و200 ألف دولار و لم يذكر ديون متراكمة لسنوات أم عن موسم واحد
بى حجم المبالغ البنسمع بها متداولة فى السودان المبلغ ما كبير البيت فى الرياض يقال سعره مليون دولار ويصل لى مليون ونص دولار وبأسعار الكورة اللاعب الضجة أتوبونج تسجل بى مليون دولار يعنى المبلغ بيساوى 3 أتوبونج وشوية .. وأقل من إجمالى عقد وارغو فالإندهاشة فى شنو؟
ميزانية المريخ ومثلة الهلال تفوق فى السنة المليون دولار معسكرات خارجية وطيارات ومشاركات أفريقية ومدربين أجانب ولاعبين أجانب .. الهلال فى كشفه 10 أجانب لو فى المتوسط تكلفة الواحد 10 ألف دولار شهرياً فى السنة إجمالى تكلفتم بتفوت المليون دولار ... الأندية دى ما عندها شركات داعمة أو إستثمار وتسويق ولا دخول يقولواعليها ... صرف خرافى ألا يدعو للإندهاشة .. وفى الأخر بتدفع وبتعفى وطريقة الدفع والإعفاء قد تختلف!
وزى ما قال ليك دينق دى قروش السودان المدفوعة لمريخ السودان!
Post: #13 Title: Re: جمال الوالى يتنازل عن ديونه على المريخ و ا Author: عثمان الأمام Date: 03-24-2015, 05:49 AM Parent: #12
قروش الحرام دي ياها الغطست حجر المريخ
Post: #14 Title: Re: جمال الوالى يتنازل عن ديونه على المريخ و ا Author: الحاج حمد الحاج Date: 03-24-2015, 08:20 AM Parent: #13
32 مليار و ما قادرين نغلب الخرطوم الوطني!!! فتأمل.
Post: #15 Title: Re: جمال الوالى يتنازل عن ديونه على المريخ و ا Author: هشام المجمر Date: 03-25-2015, 08:06 AM Parent: #14
Quote: يا هشام بكون قاصد يعفي ديون اموال السودان التي تم صرفها على المريخ. ويا ريتو لو كان بي فايدة.
يا دينق
سلام و اسف على التاخر فى الرد
هى فعلا اموال السودان و تدفع للمريخ لأن كرة القدم فى السودان اصبحت من اولى اولويات السياسة ليس لأصلاحها و انما لترويضها و جعلها تفقد الجانب الاهلى لكى تكون حكومية بالكامل و ان كانت اهلية بالمظهر..المعروف جدا ان عمر البشير هو من امر الوالى بتولى رئاسة المريخ و البرير الهلال ومن بعده الكاردينال..عمر البشسر شخصيا هو الذى يعين رؤساء الناديين الكبيرين و لهما تدفع اموال السحا و خاصة المريخ الذى اصبح يخط لعيبة كل الاندية بما فيها الهلال لآنه لا وجود للندية من الناحية المالية..
عمر البشير يجنى الآن ثمار ما فعل فانظر لسيف مساوى يقود حملى البشير الانتخابية و معه عدد من لعيبة القمة..هذا هو المقصود ..اندية تدين بالولاء بالكامل لرئاسة الجمهورية و المؤتمر الوطنى و للحاكم الاوحد للسودان
Post: #16 Title: Re: جمال الوالى يتنازل عن ديونه على المريخ و ا Author: هشام المجمر Date: 03-25-2015, 08:59 AM Parent: #15
Quote: تحية يا باشمهندس البوست ذكرني طرفة لظريف الشعبية و بحري حيدر الجقدلي..مرة واحد من اولاد الشعبية زمن الال الف مشى اشترى ليهو بنطلون بي 25 الف جنيه..حيدر الجقدلي علق: الواحد لما يشتري بنطلون بي 25 الف بيكون تاني عندو 100 خمسة و عشرين الف قاعدة!!1 هسع يا هشام البتنازل عن 32 مليار بيكون تاني عندو مية 32 مليار قاعدة!! فعلا رقم كبير جدا بحساب التنازل أما سؤالك بتاع حب الاستطلاع نقول ليك انت ما سمعت Curiosity كتلت الكديسة!!
جارنا الحاج حمد
تحياتى...لا يعلم احد ما لدى الوالى من اموال و لا لفلوس منو شغال ولا طبيعة ما هو فيه من اشغال....اما عن الكديسة فهى بسبعة ارواح...و ما بتخلى حب الاستطلاع ..ههه
Post: #17 Title: Re: جمال الوالى يتنازل عن ديونه على المريخ و ا Author: ياسر منصور عثمان Date: 03-25-2015, 09:03 AM Parent: #16
ده شغل دغمسة ساكت
الديون مفروض تثبت في الملفات بتفاصيل صرفها
ثم يتم سدادها او اعفاؤها
مال سايب وبلد هاملة
Post: #18 Title: Re: جمال الوالى يتنازل عن ديونه على المريخ و ا Author: عبدالحفيظ ابوسن Date: 03-25-2015, 09:23 AM
هسة دي 32 وقدامها كم صفر يعني ؟ وقديم ولا جديد يعني ومركز الكلي بكوستي محتاج مية مليون بالقديم شان يعملوا شبكة مياه ليهم سنة . المبني تبرع به عباس ابراهيم تاجر تقليدي وقديم بكوستي . تسليم مفتاح .. وعجزت الولاية والوالي عن توفير المبلغ ودعموا فريق الرابطة بمئات الملايين ف يا ود المجمر سر الكورة مع ناس الحكومة دة شنو 32 مريار!! الهقلااااا
Post: #19 Title: Re: جمال الوالى يتنازل عن ديونه على المريخ و ا Author: هشام المجمر Date: 03-25-2015, 01:42 PM Parent: #18
شكرا ابو بكر صالح على ايراد الفيديو
ده المستوى الحقيقى للناس دى..
Post: #20 Title: Re: جمال الوالى يتنازل عن ديونه على المريخ و ا Author: هشام المجمر Date: 03-25-2015, 01:44 PM Parent: #19
Quote: ال32 مليار فيها كم صفر؟؟
واذا دي عفاها الباقي في حسابو كم مليار؟؟؟
وطيب ليه بيقولوا السودان افقر دول العالم؟؟؟
الاخ نزار
تحياتى
الامكانيات هائلة لكن السرقة اهول لذلك لسه و حنظل فقرانين
Post: #21 Title: Re: جمال الوالى يتنازل عن ديونه على المريخ و ا Author: هشام المجمر Date: 03-25-2015, 01:52 PM Parent: #20
Quote: هشام تحياتى
المبلغ يخلع 32 مليار (جنية سودانى)، لو حولتو بالدولار بيساوى 3 مليون و200 ألف دولار و لم يذكر ديون متراكمة لسنوات أم عن موسم واحد
بى حجم المبالغ البنسمع بها متداولة فى السودان المبلغ ما كبير البيت فى الرياض يقال سعره مليون دولار ويصل لى مليون ونص دولار وبأسعار الكورة اللاعب الضجة أتوبونج تسجل بى مليون دولار يعنى المبلغ بيساوى 3 أتوبونج وشوية .. وأقل من إجمالى عقد وارغو فالإندهاشة فى شنو؟
ميزانية المريخ ومثلة الهلال تفوق فى السنة المليون دولار معسكرات خارجية وطيارات ومشاركات أفريقية ومدربين أجانب ولاعبين أجانب .. الهلال فى كشفه 10 أجانب لو فى المتوسط تكلفة الواحد 10 ألف دولار شهرياً فى السنة إجمالى تكلفتم بتفوت المليون دولار ... الأندية دى ما عندها شركات داعمة أو إستثمار وتسويق ولا دخول يقولواعليها ... صرف خرافى ألا يدعو للإندهاشة .. وفى الأخر بتدفع وبتعفى وطريقة الدفع والإعفاء قد تختلف!
وزى ما قال ليك دينق دى قروش السودان المدفوعة لمريخ السودان!
يا نادر
تحياتى
شوف ردى على دينق..
المسالة دى ما مسالة كورة دى متعلقة بصعلكة المؤتمر الوطنى السياسية ...