Post: #2
Title: Re: نشرة اخبار العاشرة في تلفزيون السودان إعا
Author: سلمى الشيخ سلامة
Date: 03-22-2015, 10:46 PM
Parent: #1
يامهدى اخوى ما تزعل
مافى اخبار
يعنى يعملو ليكم شنو ؟
وانت الوداك تشوف النشرة شنو زاتو ؟
مرة زميلا لينا رحمه الله حكى انه كان عليه ان يقرا نشرة الساعة 8 مساء
لكنه نسى اوراق النشرة الخاصة بالاعلانات عن الوفيات
فقال : بعد ما خلصت النشرة الاخبارية
ما لقيت الوفيات
وكنت مدرس فى يوم
ما كضبت واذعت كل التلاميذ الكنت بدرسهم
وعملت ليهم امهات ماتوا واباء ماتوا وعبد الفتاح مات .. وعمتى ماتت
فشنو ما عليك ،تسمع وانت ساكت
|
Post: #3
Title: Re: نشرة اخبار العاشرة في تلفزيون السودان إعا
Author: مهدي صلاح
Date: 03-23-2015, 08:42 AM
Parent: #2
حظي العاثر ...تقولي شنو بس..للاسف انا صنف ما بتابع غير القنوات والاذاعات السودانية وآخر ما نالني من ذلك برنامج مدتو نص ساعة كاملة على اذاعة ام درمان مع صلاح غريبة قبل كم يوم
غايتو عزائي هو في اذاعة وادي النيل وتسجيلات الاغاني القديمة بها
اللفت نظري لأن النشرة معادة خبر عن (حرم نائب رئيس الجمهورية) وهي تتجدع امام الكامرة سبق وتم بثه بعد داك لقيت باقي النشرة هي النشرة السابقة المابتغباني
|
|