Post: #1
Title: اقوى عشرة جوازات سفر فى العالم ..
Author: على محمد الخير
Date: 03-20-2015, 03:05 PM
02:05 PM Mar, 20 2015
سودانيز اون لاين
على محمد الخير-Brussels
مكتبتى فى سودانيزاونلاين
يتذمر الكثير من المسافرين من شروط بعض الدول بسبب تأشيرات الدخول في حال رغبتهم في زيارتها،
وذلك عقب الأحداث الإرهابية بدول العالم في السنوات العشر الماضية التي جعلت الكثير من الدول تشترط الحصول على الـ تأشيرة (فيزا)
وذلك حماية لها ولأمنها من أي مخاطر خارجية ،
حيث تتسبب تلك الشروط في تأخر أو منع بعض المسافرين من الوصول إلى تلك الدول، في المقابل تمنح بعض جوازات السفر صاحبها القدرة على السفر إلى العديد من بلدان العام دون تأشيرة دخول،
ما يسهل عليه عملية التنقل والإقامة.
وفيما يلي قائمة بأقوى عشر جوازات سفر في العالم، مصنفة بناء على حرية السفر :
1- المملكة المتحدة، السويد، فنلندا: يمكن لحاملي جوازات هذه الدول زيارة 173 دولة دون تأشيرة.
2- الولايات المتحدة الأميركية، ألمانيا، الدنمارك، لوكسمبورغ: يمكن لحاملي جوازات السفر من هذه الدول زيارة 172 دولة دون تأشيرة.
3- إيطاليا، بلجيكا، هولندا: تمكن هذه الدول حاملي جوازات سفرها من السفر إلى 171 دولة دون تأشيرة.
4- إيرلندا، كندا، فرنسا، اليابان، النرويج، البرتغال، إسبانيا: يمكن لحاملي جوازات سفر هذه الدول السفر إلى 170 دولة دون تأشيرة.
5- سويسرا، النمسا، نيوزيلندا: تمكن هذه الدول حاملي جوازات سفرها من السفر إلى 168 دولة دون تأشيرة.
6- أستراليا، سنغافورة، اليونان: يمكن لحاملي جوازات سفر هذه الدول أن يسافروا إلى 167 دولة دون تأشيرة.
7- كوريا الجنوبية: يمكن حامله من السفر إلى 166 دولة دون تأشيرة.
8- أيسلندا: يمكن حامله من السفر إلى 165 دولة دون تأشيرة.
9- ماليزيا ومالطا: يمكن لحامل جواز سفر هذين البلدين السفر إلى 163 دولة دون تأشيرة.
10- ليختنشتاين: يمكن حامله من السفر إلى 159 دولة دون تأشيرة.
اما جوازنا السوداني الحبيب فيمكنك من زيارة دولة واحده فقط
هى السودان ..واحيانا قد تجد بعض الصعوبة .. 
|
Post: #2
Title: Re: اقوى عشرة جوازات سفر فى العالم ..
Author: عبدالمنعم الطيب حسن
Date: 03-20-2015, 03:25 PM
Parent: #1
Quote: اما جوازنا السوداني الحبيب فيمكنك من زيارة دولة واحده فقط
هى السودان ..واحيانا قد تجد بعض الصعوبة .. |
ولو مشيت تجددوا او تغيروا، في اي سفارة او قنصلية....
تندق دق العيش،
|
Post: #3
Title: Re: اقوى عشرة جوازات سفر فى العالم ..
Author: الفاتح علي التوم
Date: 03-20-2015, 03:29 PM
Parent: #1
وعشان تعمل ليهو تجديد
تتشلت و تتكفت و تتشتم
وتاخد وكم بونيه
عادي زي الزبادي
|
Post: #4
Title: Re: اقوى عشرة جوازات سفر فى العالم ..
Author: Osman Musa
Date: 03-20-2015, 04:27 PM
Parent: #3
بعد التحية .
..
يحدروليك قبل ما يدقوليك فيهو الدخول .
ويفتشوك .
ويجمركوك .
ويدفعوك .
وفي العودة يشيلوا حجزك .. أنت ماعندك OK .
وده كلو في مطارنا المامكندش .
بس الحمد لله لاحدي هسع وفي جميع مطارات العالم جوازنا يتلتل .. قعدت الانقاذ ولا طارات .. الجواز السوداني يجد المساعدة والعون .
|
Post: #5
Title: Re: اقوى عشرة جوازات سفر فى العالم ..
Author: Abureesh
Date: 03-20-2015, 04:41 PM
Parent: #4
الجواز السودانى: يمكن بدون تأشيرة مسبقة: ماليزيا وبعض الدول الأخرى.
مرة واحدة فقط دخلت الصين بدون تأشيرة مسبقـة، واعطونى إياها في ميناء الدخول ولم تتكرر.. يجوز كثرة دخولى والتزامى بقوانين الهجرة له اثر.
في اى سفرية داخلية هناك، ولو قدرت انك ستمكث في المدينة اكثر من 24 ساعـة فعليك التسجيل لدى الشرطة المحلية.. نزلاء الفنادق مستثنون حيث الفندق يسجلك
لدى الشرطة بصورة تلقائيـة.. لكن معظم السودانيين ينزلون عند اصدقائهم ويهملون هذا الإجراء القانوني.
|
Post: #6
Title: Re: اقوى عشرة جوازات سفر فى العالم ..
Author: وضاحة
Date: 03-20-2015, 04:48 PM
Parent: #4
الجواز اب دقة
للستخدام محلى فقط داخل السودان
غايتوا انا ما لاقنى اسوء من معاملة الظباط فى مطار الخرطوم ومن الخدمات فى المطار
والله لو ما الاهل والجدة والجد والعم والخال مافى حد بفكر يمشي من اصلوا
تندم على سفرك والشوق الشايلوا للبلد بتلاشا فى المطار من المعنا والمعاملة وخاصة اضابطات
حاقدات عدييييل
|
Post: #7
Title: Re: اقوى عشرة جوازات سفر فى العالم ..
Author: Dr.Elsadig Abdalla
Date: 03-20-2015, 06:39 PM
Parent: #6
مره كنا واقفين في الزحمه في جهاز تعذيب السوادنيين بالخارج للتاشيره...
جا عسكري عندو شريط وااااحد...وقعد يصرخ فينا ...
--أقيفوا كويس في الصف....ده شنو الناس الما بتفهم دي ...
وطبعا لم ولن يخطر على بال سعادته إنو الناس العامله زحمه دي والمابيفهموا ديل ..فيهم كل المهن ماعدا مهنة عسكري بشريط واحد ...
|
Post: #9
Title: Re: اقوى عشرة جوازات سفر فى العالم ..
Author: Mohammed Abuzaid
Date: 03-20-2015, 06:51 PM
Parent: #7
تحياتي أخ علي وبقية المشاركين
جوازنا ساقط جغرافيا للاسف
الملاحظ . . .
العشرة بنود الذكرتها تخلو تماماً من أي دولة افريقية
كل الوُد
|
Post: #8
Title: Re: اقوى عشرة جوازات سفر فى العالم ..
Author: Osman Musa
Date: 03-20-2015, 06:47 PM
Parent: #6
صحيح يا أبوالريش
ودي حقيقة وضرورية .
في أي بلد لو المسافر ما نزل في فندق ونزل مع معارفو . لابد في خلال 24 يقوم بي تسجيل
معلومات جوازو ومكان أقامتو في مكاتب الشرطة .
التعامل الصحيح في سفرك بيديك كريدت لسفريات المستقبل .
و بعض من السفارات ممكن تاخد معلومات عنك من سفارة آخر بلد أنت رجعت منها . وتختلف الحالات
|
Post: #10
Title: Re: اقوى عشرة جوازات سفر فى العالم ..
Author: على محمد الخير
Date: 03-23-2015, 09:56 AM
Parent: #8
تحياتى للجميع .. وتحية خاصة لكل المرور الكريم ..
|
Post: #11
Title: Re: اقوى عشرة جوازات سفر فى العالم ..
Author: Bushra Elfadil
Date: 03-23-2015, 02:47 PM
Parent: #10
في سودان المستقبل الديمقراطي وبعد مشاهدة السودانيين لبلدان العالم قاطبة وتمنياتهم لابد أن نفصل بين تجديد الجواز والضرائب والرسوم بحيث يمنح الجواز لمدة عشر سنوات ويكون الخروج دون تأشيرة خروج .احلم ببناء مدننا الرئيسة؛ بحيث يمكن الخروج من مطاراتها مباشرة للخارج. أما الضرائب فتدفع عن طريق مكاتب مؤهلة لذلك تقوم بالضرائب بطريقة مدروسة جيداً ومنفصلة لا ترتبط بخدمات أخرى..مشكلتنا أن من يحكموننا من العسكر يتعلمون الحكم فينا بينما الزمن يمضي والحال من سيىء لأسوأ.
|
Post: #12
Title: Re: اقوى عشرة جوازات سفر فى العالم ..
Author: على محمد الخير
Date: 03-23-2015, 03:15 PM
Parent: #11
ربما لم تسمعوا من قبل بهذه الدولة الصغيرة. ولكن جواز سفرها يعتبر من أقوى 10 جوازات في العالم.
ليختنشتاين دولة غير ساحلية تقع في جبال الألب في أوروبا الوسطى. تزيد مساحتها قليلًا عن 160 كيلومترًا مربعًا ويقدر عدد سكانها بنحو 35,000 نسمة.
|
Post: #13
Title: Re: اقوى عشرة جوازات سفر فى العالم ..
Author: Teysir Salih
Date: 03-23-2015, 07:20 PM
Parent: #1
بعد التحية
على ماذا تعتمد قوة الجواز من عدمها .
|
Post: #14
Title: Re: اقوى عشرة جوازات سفر فى العالم ..
Author: على محمد الخير
Date: 03-24-2015, 10:48 AM
Parent: #13
حياك الله .. .Teysir Salih
| Quote: على ماذا تعتمد قوة الجواز من عدمها . |
بعد كل الذى ذكر اعلاه لم تتبين على ماذا تعتمد قوة الجواز .. قوة الجواز من قوة الدولة التى تمنحك اياه ..
قوة الجواز تجعلك كالطيور لا يعيقها جواز سفر فى التنقل فى كل ارجاء الدنيا دون قيود ودون توقيف ودون اى معطلات ..
قوة الجواز في مرورك عبر كل مطارات العالم وانت رافع راسك فووق ... هذا غيض من فيض عن قوة الجواز من عدمه ...
لك التقدير ..
|
Post: #15
Title: Re: اقوى عشرة جوازات سفر فى العالم ..
Author: على محمد الخير
Date: 03-24-2015, 01:47 PM
Parent: #14
| Quote: الأسمو ( تيسير صالح ) جيبوهو لينا بتحت هنا ... فى ذمتك دا سوآل دا ! |
يا ناس تحت السؤال مو عيب ..
|
Post: #16
Title: Re: اقوى عشرة جوازات سفر فى العالم ..
Author: Teysir Salih
Date: 03-24-2015, 06:25 PM
Parent: #15
للاسف فسرت الماء بعد جهد بالماء .
|
Post: #17
Title: Re: اقوى عشرة جوازات سفر فى العالم ..
Author: على محمد الخير
Date: 03-25-2015, 09:40 AM
Parent: #16
Quote: للاسف فسرت الماء بعد جهد بالماء .
|
تيسير ... ربنا يهديك موية شنو وجهد شنو ... انت شكلك رايحة ليك حاجة اقرب الى عدم الموضوع ... الموضوع برمته منقول منقووووووول .. 
عطفا على حادثة قنصلية جده ... وهو للفائدة العامة وللمقارنة ...سالت وقايلنك فعلا ماك فاهم حكاية قوة الجواز دى لانها هى اساسا ما كانت عايزه ليها شرح او درس
عصر الا حسب سؤالك البري حاولنا نجيب الرايحة ليك .. قمت جيتنا بموية وجهد .... انت بس شكلك كنت عايز تحشر العبارة دى فى اى موضوع وجيت حشرتها هنا ...
لكن بعد ده كله .. بنقول ليك ..( سمح ) ...
|
Post: #18
Title: Re: اقوى عشرة جوازات سفر فى العالم ..
Author: عمر عثمان عبد الوهاب
Date: 03-25-2015, 12:13 PM
Parent: #17
ماتراكم مشتتين مالين الدنيا ومحلما تمشي تلقي ليك سودانيين دوقش دوقش
فيزا مافيزا المهم السوداني وين ماعايز يمشي بيمشي
لي اسرائيل السجم دي وصلتوها ولحقتوها
المصيبه انكم مستشوين نفسكم بصورة غريبه
ياخي مره واحده ارفعو راسكم فووووووووق وقولو انكم سودانيين
والقائمه الفوق بتاعة اقوي عشره جوازات دي معظمها غير صحيح
|
Post: #19
Title: Re: اقوى عشرة جوازات سفر فى العالم ..
Author: على محمد الخير
Date: 03-25-2015, 02:58 PM
Parent: #18
السودانيين فعلا مالين الدنيا بعد ان ضاقت بهم بلادهم ..
والسودانى بيمشى اى حتة لكن غالبا بدون جواز السوداني ..
والسودانيين رافعين راسهم فى كل الدنيا ..
والقائمة منقولة والنفى بعدم صحتها بهذه السهولة كلام بوستات ساااى ..
|
|