Post: #2 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-18-2015, 05:49 AM Parent: #1
بتستفزني جد كدة وبتضيق خلقي وفيها استهبال
Post: #3 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-18-2015, 05:52 AM Parent: #2
هسة هو وضعو شنو بالضبط كدة مواطن ولا رئيس ! ماممكن يقولوا ترشيح المواطن . ويصرح انو بترك الحكم 2020 .. كيف يعني مافي احتمال انو يسقط
Post: #4 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-18-2015, 06:02 AM Parent: #3
المواطن دة ياهو البقيف في صف الغاز وبزرزروهو ناس النفايات وناس المرور بقطعوهو ايصال لو عندو عربية . وبقيف في صف المواصلات وبصل بيتو متأخر ما علي كيفو وكهربتو بتقطع ومويتو بتقطع وطوالي مهموم و و و فهل تنطبق هذه الشروط علي المواطن عمر البشير ؟
Post: #5 Title: Re: ترشيح المواطن عمر حسن احمد البشير Author: محمد أبوالعزائم أبوالريش Date: 03-18-2015, 06:07 AM Parent: #4
يا مواطن .......
خليك لمّاح
دي الشفافية وكده.
Post: #6 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-18-2015, 06:14 AM Parent: #5
مرحب ابوالريش الترشيح حق مكفول لكل مواطن .. من حيث المبدأ المكتوب !! لكن برضو افتكرت المرشح دة مواطن ساي ما الريس .. وتشابهت الاسماء وقاموا فرزوهو شان نعرفو ياخ المواطن في السودان عندو تعريف لا ينطبق علي الريس شفافية وكدة وش صاري مع اكيد الود
Post: #7 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-18-2015, 06:23 AM Parent: #6
طيب هسة لو جاء في الاخبار خبر عنو بقولو في النشرة قام المواطن عمر البشير بإفتتاح محطة مياه كبكابية . ولا دة براهو ودة براهو بعدينك اي زول عارفو ما مواطن .. اسأل اي زول قول ليهو عمر البشير دة منو بقول ليك الرئيس ف كدة بتلخبتو الناس
Post: #8 Title: Re: ترشيح المواطن عمر حسن احمد البشير Author: محمد أبوالعزائم أبوالريش Date: 03-18-2015, 06:35 AM Parent: #7
ما متفق معاك، فاسمح لي:
زي ما اتفضلت، الترشيح - نظرياً - من حق كل مواطن. عشان كده، لأغراض الحملة الإنتخابية وإجراءات التسجيل، يصح وصفو بالمواطن أو المرشح.
دي أنا شخصياً ما عندي فيها مشكلة، المشكلة بتجي لما التلفزيون ((القومي)) يتابع حملة المواطن ده ويسبب للمواطن العادي خلط، لما يربط إفتتاح مشروع قام به (الرئيس) باعتباره من منجزات (المواطن/ المرشح).
الإنتخابات الجاية دي صراحة ما متابع أخبارها، لكن الإنتخابات الفاتت ما كنا عارفين ده تلفزيون السودان القومي والاّ تلفزيون المؤتمر الوطني.
______ خرّمت ليك من موضوع البوست، مش؟
Post: #9 Title: Re: ترشيح المواطن عمر حسن احمد البشير Author: د.محمد حسن Date: 03-18-2015, 06:37 AM Parent: #7
هو المواطن ونحن المواطيين
Post: #11 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-18-2015, 06:53 AM Parent: #9
لا يا ابو الريش انت شايت في نفس القون كيف هو مواطن ومترشح للرئاسة والمرشحين بتاعين المجلس الوطني والتشريعي بقولوا دكتور فلان ومهندس فلان .. ولا بقولوا المواطن سمعتها الصباح وانا ماشي . في الاخبار حقت الرادي المشير عبدالرحمن سوار الدهب شنو كدة ترشيح المواطن عمر حسن احمد البشير انا كمواطن لي شهرين ساكي الغاز واشتريتو بثلاث اضعاف سعرو . فهل المواطن عمر بسك الغاز وبفشل . ولا اصلا هو قاعد يعرف انو في غاز في المطبخ ولا مافي
Post: #10 Title: Re: ترشيح المواطن عمر حسن احمد البشير Author: علي دفع الله Date: 03-18-2015, 06:49 AM Parent: #7
والله يا حفيظ اخوي موضوع ملان لمن متدفق قال مواطن قال هو التعيس دا لا يدانيه من بعيد او قريب وصف مواطن المواطن قبل ما يكون بما وصفته اعلاه المواطن يا ابسن مننا وفينا وهذا الكريه وجوغته اغراب عننا في كل شيء المواطن ملان بحب تراب البلد دي وهذا التعيس كانو عندو تار عليها دمرا افقرا جوعا مزقا هجرا افرغا مرمطا طلع د....... و تتصور لسع ما شبع من تعذيبا ------ ندين ونستنكر لصق صفة مواطن بالكريه عمر البشير لان هذا الكريه هو كلمة مواطن لا يلتقيان ----- بوست يستاهل الواحد يدق فيه الخيمة معاك يا ابسن كان لقينا فرقة مودتي
Post: #12 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-18-2015, 07:08 AM Parent: #10
تعرف يا محمد حسن كنت ولازلت ضد اطلاق النعوت علي المسؤولين . لا بكتب الدعول ولا اللمبي وبتصيبني بالغثيان لكن كمان ما لي درجة مواطن يعني معقول السيد الرئيس المواطن عمر وانا واحد .. ياخ انا الاسبتالبة بخشها بي ألفين وهو بخشها بي موكب وبوقفو ليهو الحركة
Post: #13 Title: Re: ترشيح المواطن عمر حسن احمد البشير Author: بله محمد الفاضل Date: 03-18-2015, 07:18 AM Parent: #12
أها السيد المواطن الرئيس دا مجال تخصصه طمام بطن ووجع اضان وعين دا لو ما قام لماها كلها وأداها الجابرة (إبادة جماعية وفردية)
فوسع مواعينك يا عمك واستحمل استحمل لحدي ما يطرانا صباح ولا الجابرة
والحمد لله
Post: #14 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-18-2015, 07:35 AM Parent: #13
Post: #15 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-18-2015, 07:47 AM Parent: #14
مرحب ود دفع الله وحبابك هذا تواضع يشبه الكبرياء وبل اسوأ منه .. فهو تواضع زائف ومستفز وساذج كيف مواطن ويتم وصف المعترضين عليه بالارازل .. يعني الارازل ديل ما مواطنين .. وارازل كيف لو كان مواطن حقيقي لكان لي حق انتقاده والاعتراض عليه . ومفروض اعتراضي عليه لا يفقدني حقي الدستوري وحريتي . ما مواطن قال رايو في مواطن زيو
Post: #16 Title: Re: ترشيح المواطن عمر حسن احمد البشير Author: Hani Arabi Mohamed Date: 03-18-2015, 08:37 AM Parent: #15
هو المواطن والوطن
ونحن ضيوف ننتظر أجلنا ليتم دفننا تحت التراب
Post: #17 Title: Re: ترشيح المواطن عمر حسن احمد البشير Author: جلالدونا Date: 03-18-2015, 08:50 AM Parent: #16
دنا فتدلى و كمان كان قاب قوسين او ادنى و بقى مواطن زيو زيك و الى 2020 حليلك و حليل امى
Post: #18 Title: Re: ترشيح المواطن عمر حسن احمد البشير Author: Abdullah Idrees Date: 03-18-2015, 09:05 AM Parent: #16
يا ود ابسن مواطن شنو ده " سيد الكورة" .. سيد الكورة ذاتا ، يلعب اليلعبو ويطلع اليطلعو ويجيب قون غصبا عن عين حامد بريمة ..
آآآآآآآآآخ والله المواطن ده انا بقيت ما بحب اسمع سيرتو كلو كلو ، دي مصيبة شنو دي ؟ صباح الخير ابسن
Post: #19 Title: Re: ترشيح المواطن عمر حسن احمد البشير Author: محمد هاشم ابوزيد Date: 03-18-2015, 09:22 AM Parent: #18
انا ماعارف كل شروط الترشح للمواطن السوداني، لكن واحد من شروط ترشيح المواطن الامريكي انو يكون عندو كلب. لانو اذا عندو كلب معناتو عندو بيت. واذا عندو بيت معناتو احتمال كبير يكون عندو مره و (اولاد) او ابو و ام.
قال: اذا دخلت علي اهل بيتي يسكت المتحدث و يجلس الواقف وتقيف الحركه من مجاميعه. قال سيدنا عمر: اذا لم ترفق علي اهل بيتك (اولادك) فكيف ترفق علي امه محمد.
حقو رد سيدنا عمر ابن الخطاب ده يدخلوه شرط في اي انتخابات حتي لو كانت انتخابات اتحاد تنس طاوله, هل ثتي يا عبد الحفيظ! والسلام عليكم.
Post: #20 Title: Re: ترشيح المواطن عمر حسن احمد البشير Author: Khalid Elmahdi Date: 03-18-2015, 08:09 PM Parent: #19
سلام يا ود أبوسن وضيوفك الكرام... يا خي ده مواطن!!! وده مواطن ؟
Post: #21 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-19-2015, 05:37 AM Parent: #20
مرحبا بلة وحبابك وينك يا صاحب و اديني احساس بالامل في كل خطوة شوق إليك وادي الخطاوي الراجعة ليك في سكتك عشم الوصول كما غنانا مصطفي قيثارتنا التي ضاعت منا ذات اظلام شوف لما يبقي كلنا نضالنا شعرا دون عمل .. نميل نحو الاغاني لنداري خيبتنا وناديتك اقيفي معاي نشيل كتف الغنا الميل ونتخيل مع المحبة
Post: #22 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-19-2015, 05:39 AM Parent: #21
مرحبا عربي وحبابك ما بنموت سنمبلا ساكت ولا بنموت بموت الضان سنظل نجهر بالحديث والفعل حتي يعلم الطاغية انه مجرد صنم و سندفن موتانا وننهض مع الود
Post: #23 Title: Re: ترشيح المواطن عمر حسن احمد البشير Author: اخلاص عبدالرحمن المشرف Date: 03-19-2015, 06:33 PM Parent: #22
من زمان انا كنت شاكه انك شويعي انا بقول الرئيس عمر ونص اصحابي محاربني وزعلانين اها انت رأئك شنو المواطن ولا الرئيس
Post: #24 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-20-2015, 05:50 AM Parent: #23
زي ما قرينا يا جلادونا لامن نصبوا عمر بن عبدالعزيز .. قال بكرة اقعد لحل مظالم الناس ولدو قال ليهو انك لطويل الامل ضامن تعيش لي بكرة . قالوا فجلس مجلس الخلافة واستمع لمشاكل الناس اها دة ضامنها لي 2020 .. ولم يأمن مكر الله !!!
Post: #25 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-20-2015, 06:00 AM Parent: #24
مرحبا ود ادريس اي سيد الكورة وعلي كيفو . لو جوطتو يشيل كورتو ويفرتق لكن دة ما بفرتق كل الفجج مقفلة عليهو
Post: #26 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-20-2015, 07:50 AM Parent: #25
مرحبا محمد هاشم وحبابك اظن الحديث لرسول الله صلي الله عليه وسلم مع الاقرع بن حابس حين اراد توليته بعض الامصار من لا يرحم لا يرحم تشكر
Post: #27 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-20-2015, 08:54 AM Parent: #26
مرحبا خالد للاسف لا استطيع رؤية الفيديو لتخلف تقني ! بجهازي لكن سونبهار كدة المواطن عمر اتانا بكل بذخ بني امية وسلطتهم في واقع شعب فقير ودولة تزخر بالامكانيات ودونك فضايح المستثمرين ودونك اننا البلد الوحيد في العالم الذي يحول الاراضي الزراعية لي سكنية
Post: #28 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-20-2015, 11:51 AM Parent: #27
مرحبا بت المشرف تعرفي رغما عن رفضنا له ولكنه رئيس السودان .. كدي شوفي بعد قولي عشرين سنة واحد يقرأ نقد لحكومة الدعول ولا مثلا الطفل شنو كدة ما عارف ولا اب ريالة . فأكيد ما حيعرفو منو .. وممكن بعد داك تحصل خلافات في ان المقصود مثلا هو نميري ولا الصادق زي ما بنشوف هسة فلا يضير ذلك .. سموهو بأسمه ووظيفته ثم انتقدوا ما شاء لكم الانتقاد .. والنقد هو المهم ما التسمية
Post: #29 Title: Re: ترشيح المواطن عمر حسن احمد البشير Author: Hani Arabi Mohamed Date: 03-20-2015, 12:09 PM Parent: #1
صباح الخير عبد الحفيظ أبو سن ...
كيف الحال والأحوال في هذه المدة الطويلة التي لم نركم فيها
Post: #30 Title: Re: ترشيح المواطن عمر حسن احمد البشير Author: Hani Arabi Mohamed Date: 03-20-2015, 12:09 PM Parent: #1
صباح الخير عبد الحفيظ أبو سن ...
كيف الحال والأحوال في هذه المدة الطويلة التي لم نركم فيها
Post: #31 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-20-2015, 12:15 PM Parent: #30
مرحبا عربي علك انت واسرتك بخير تقول شنو مشاغل دنيا وسؤ شبكة
Post: #32 Title: Re: ترشيح المواطن عمر حسن احمد البشير Author: محمد هاشم ابوزيد Date: 03-20-2015, 01:12 PM Parent: #31
صلي الله عليه وسلم
بارك الله فيك ل تصحيح المعلومه ----------------------------------------------------------
اعتفد الحاله الاجتماعيه المناسبه لابد ان تكون سرط للترشح. عندك مثلا حاله الرئيس الفرنسي السابق ساركوزي. وقفت زوجته بجواره حتي انتهت فتره الانتخابات وبعدين انفصلوا، يعني علاقتهم كانت زفت وهي تدرك ان متطلبات فوزه في الانتخابات انو يكون عندهم كلب وبيت و(اولاد) كويسين وعلاقه اسريه منسجمه ، فعلا كان من افشل الزعماء الفرنسيين في فتره حكمه مرمط سمعه فرنسا وجعلها تابعه لامريكا . المهم الذي يولي امر المسلمين لابد ان ىيكون رحيم بي اولاده يا جماعه لازم يكون في اختبار اجتماعي للمرشح تبحث حالته الاجتماعيه علاقته بأولاده هل هي طيبه وفيها ترفق ام علاقه تعبانه (زفت). اهو كلام نظري لن يؤثر في انتخابات الشهر الجاي دي لكن ممكن كل واحد يدلي بدلوه للمستقبل البعيد، المهم نعرف وين الخلل ونتلمس الحلول التي تجعلنا تبدأ حيث انتهي الاخرون.
مشكور عبدالحفيظ
Post: #33 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-21-2015, 09:45 AM Parent: #32
مرحب ود ابوزيد بيحكو قصة عن شيخ العرب تجنح للخيال قال سايق معاهو مهندس للمشروع حقو . دايرو يعمل ليهو قنوات للري . وفي الشارع نزل المهندس ليتبول . وهو ببول . كل مرة برجع وراء من بولو المتسرب نحوه بعد انتهي . شيخ العرب قال للسواق لف وارجع بينا للرفاعة المهندس استغرب شيخ العرب قال ليهو انت يا ولدي بولك ما هندستو داير تهندس واطاتي
Post: #34 Title: Re: ترشيح المواطن عمر حسن احمد البشير Author: محمد هاشم ابوزيد Date: 03-21-2015, 04:17 PM Parent: #33
يا ريس ابوسن في مداختي الاخيره انا ختيت لي كلام ضمني ما قادر اقولو ، احوم واساسك حولو. لكن راقد فوق رأي. انت بي شيخ العرب بتاعك ده ودرتني كلو كلو، وديتنا وين الله واعلم. برضو متابعين من اجل مستقبل افضل
Post: #35 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-21-2015, 05:45 PM Parent: #34
ههههه ود ابوزيد لاعب معاك ون تو ياخ شوف المهندس يجب ان يكون عقله عقل مهندس . ويري في سلوك منو فهم مربوط بالهندسة كذلك من يرأس القوم . ان تتوفر فيه صفات الاب والاخ والزعيم والرئيس في شخصيته
Post: #36 Title: Re: ترشيح المواطن عمر حسن احمد البشير Author: محمد هاشم ابوزيد Date: 03-21-2015, 11:13 PM Parent: #35
كده انا معاك في نفس الفكره، مرات المخ يكبس لمن الواحد يحتاج زول يشرح ليه الحاجه الكتبها بي ايدو ههههه
عدم الافصاح عن سبب الاعتراض تحرجا وتأدبا امام رمز السياده وصمام الامان، وليس لاسباب اخري. علي فكره، الرئيس هو صمام الامان في اي دوله بحكم المنصب وليس لاعتبارات شخصيه. يعني كل من يتقلد المنصب يصبح رئيس الجمهوريه وصمام الامان
لا لترشيح البشير وكفايه سته وعشرون سنه بخيرها وشرها
تحياتي،،،
Post: #37 Title: Re: ترشيح المواطن عمر حسن احمد البشير Author: عبدالحفيظ ابوسن Date: 03-22-2015, 04:16 AM Parent: #36
مرحبا ود ابوزيد نعم الرئيس رمز السيادة وصمام الامان ويجب ان يعي هذه المعلومة ويعمل ان يكون صمام الامان ! ان يسعي لتوفير حياة كريمة للمواطن . وان يحافظ علي وحدة وتراب الوطن فهل رئيسنا ذلك قالت زوجة عمر بن عبد العزيز ما اغتسل من جنابة منذ ان تولي خلافة المسلمين !!!
