أين دهاقنة المنبر من المتظارفين والمتذاكين والأكياسم فاضياااااااااا الخ الخ

10:02 AM Mar, 17 2015
سودانيز اون لاين
طلحة عبدالله-
مكتبتى فى سودانيزاونلاين



يا حليل الفاتو خلوا المتأكدمين والمتثقفين وأرباب العلم الجاف
ومعاهم المتعقدين (فوق البيعة) وقد أنأخوا كلاكلهم وأناروا مضاربهم.
حتي أصبح المنبر أحيانا كالساعة 10 ونص صباحا في أول يوم
رمضان .
هييييييي ما دائم إلا وجه الله، فقد إشتقنا من فراغنا لذاك الخمج
وشليخ القنقر *
يتبع إن الله هون ..









* شليخ القنقر عملية تتم قبل بدء الحصاد والله أعلم .

أستاذ طلحة

مرور على سبيل التحية

أولئك الذين كانوا عندما يستعصي عليهم فهم ما تقوله
أو لا يروقهم أو( تقوم عليهم الحالة) يغتسوا تلاتة يوم بلياليها
عشان يرجعوا يشتموك بى شغلتك الزماااااااااان واللا يعايروك
بي بمكان دافنين سرتك أو حتي إسمك السموك ليهو أهلك ..
مع انو إسمك دا يمكن يكون شايلنوا زي خرتمية غيرك
ما عندهم أي ذنب في الشتيمة والجاتم في صمة خشمهم دي ..
ههههههههههههههههههههههههههههه
وحاة النعمة قد كانت أياما لا تنس فيها من الجهل والإنحطاط ما فيها .

عزيزنا أستاذ طلحة عبدالله
سلامات
أنتو يا طلحة بتقولوا شليخ القنقر ؟
نعم بتختلف الاوصاف و التسميات في السودان الكبير .
في موسم حصاد عيش الريف . الذرة الشامية . عندنا في جهاتنا بنقول فسيخ العيش ريف ولا فسيخ القنقر .
وقصب العيش ريف بعد الحصاد بنقولو الفساخة . فساخة القنقر .. قالوا اليوم طن قصب الفساخة الجاف سعرو وصل 3 ألف دولار .
تحياتي

واحد من زملاء البورد ديل معانا في أبوظبي وداسي أنه في أبوظبي يوم جا قال ليه كلام ما حلو وما عجبني وزاغ لبدت يوم كدا عملت برنت أوت لي كلامي ومشيت المساء لقيتو قاعد يحتسي القهوة الحبشية بمزاج جيت سلمت عليه وقعدت أتونس معاه ومع شلتو واخدت راحتو قمت قلت ليه ياخ انت قلت كذا وكذا ليييه فيني قال لي وين قلت ليه في سودانيز وانت عارفني كويس قال أقسم بالله وعلي بالطلاق* ما كتبت ياخ انا سودانيز دي مطول منها شديد قمت طوالي طلعت ليه الكابشرات من جيب الجلابية ختيتهم ليه وشتت لي هسع الزول دا كان حس أن حا اخش بوست ما بجي جنب البوست البشبهو
* (هو زاتو ما معرس)

بوستك ممتاز جداً يلخص تسأولات في رأس ناس كتار شايفين حالة البورد الهادئة والبايرة وغياب ملحوظ للأكشن والطربدة والله أفتقدناها


مافي زول غيرك ممكن يفتح البوست دا تحمد ربك ما عندك البتخجل منه ولا في زول يقدر يخوفك والحمد لله وبوستك دا داير ليه راجل عشان يفتحو في بورد ملي بانصاف الرجال

الارباع الاخيرة دارت فيهم معارك كسر عظم أندحرت فيها قوى الشر وأنهزم من كان يعيثون في البورد فساداً مجموعة الطرابيد بقيادة عشكوبي والطوربيد والخبير وتابعيهم من الأذناب وحملة المكانس بواسطة سلاح الكابشر وروابط الارشيف أدى إلى أختفاءهم تماماً تسبب في غيابهم الكامل عن البوستات وظهورهم الخجول في بوستات العزاء والمجاملة فيما صمت تام للأذناب ومساعدي الحلل بتاعنهم أي زول خايف يجيهو رابط يفضحوا او كابشر يعوقوا


وفي نفس الوقت بكري رفد البورد بكمية من الورجاغين الفارغة ذوي الكتابات الميتة الخالية من أي ذكاء وناسين ورجاغين اونلان وكأنهم بكتبو وهم قاعدين جنب ست الشاي كتابات مملة وسخيفة ورتيبة ومافيها أي إبداع أو ذكاء قولات ومليانة خج وفنجخة وبوستات باهته وميتة وما تخدم أي قضية أو موضوع وهولاء الورجاغين لا يكفون عن الورجغة عشرات البوستات يومياً الواحد ما تمي سنة في البورد تلقاها مداخلاتو بالالف ورجغة في أي شيئ سياسية فن ابدع في اي شيئ بدون أي فهم


-------

ياخ سلاح الكابشر والأرشيف دا خطير ملاسي بجلالة قدره ما نفد من أرشيف البورد

http://sudaneseonline.com/board/480/msg/%d9%85%d8%a7-%d8%a8%d8%a7%d9%84%d9%87-%d8%ad%d8%ac%d8%a8-%d8%a7%d9%84%d8%a5%d9%87%d8%af%d8%a7%d8%a1-...%a9!-1426492442.html

طلحة..حبابك يا صديق

بعد اذنك..


ول ابا عبد العزيز ..حبابك
ياخي الوكت اتأخر..لكن عليك الله ذكرني.. داير اهديك مادتين من اليوتوب..واحد قريب منير شيخ الدين ، ومن اولاد كوبر..وانتا ذاتك لو شفتو تقوم تمشي كوريا عشان تشلضم عمك ادم صيام..
والتاني قريب مندي ناظر..وصدقني ملحن ، وانتا ذاتك قاعد تطرب لألحانو..ولمن تشوفو ح تقوم تشلضم مندي وتتم الباقي شلاليت في عمك كبر..!!!

شرحو: السودان الواقع ، فايت سودان النقة بتاعة سودانيز اونلاين بملايين السنين الضوئية..والله صحي..!!

كبر

يا عثمان ليك السلام
كدا صاح وكدا صاح والله أعلم .
وللمتحنكشين القنقر هو قندول العيش ..خخخخخخخخخ

Quote: قمت طوالي طلعت ليه الكابشرات من جيب الجلابية ختيتهم ليه

ههههههههههههههههههه بالغت والله يا عزو .. شايلم معاك ؟؟؟؟؟؟
قريت مداخلتك كاملة حرف وشولة ونقطة سطر جديد .


الصديق كبر ليك التحايا والشوق العظيم يا رجل .

Quote: ما فهمنا يا طلحة هل تقصد ان المنبر احسن هذه الايام؟ لا اظن كما ان ايام زمان كانت ايضا بشرورها على ان المؤكد ان المنبر لم يعد كما كان لا من حيث كمية القراء و لا نوعية الكتابات انظر الصفحة الاولى ما يحصل ليها تيرن اوفر الا تاني يوم

سلام يا عوض
أوافق عدم ظنك انو المنبر ما أحسن الأيام دي ولا القبليها بى شوية .. لن ننسي أياما مضت الخ الخ
وزي ما راحوا جوقة العنوان الفوق دا كمان برضو راحوا فرسان آخرين
فرسان مالين كنانتم بالطرافة والجزالة والفكرة والخبرة وحسن التعبير والتعليل.

أبو جهينة العزيز
ليك السلام والتقدير يا حبيب

Awad Mohamed Ahmed · الأكثر تعليقا
ما فهمنا يا طلحة
هل تقصد ان المنبر احسن هذه الايام؟
لا اظن
كما ان ايام زمان كانت ايضا بشرورها
على ان المؤكد ان المنبر لم يعد كما كان لا من حيث كمية القراء و لا نوعية الكتابات
انظر الصفحة الاولى ما يحصل ليها تيرن اوفر الا تاني يوم
رد ·
· منذ ‏3‏ ساعات

علم يا منتصر وتم الرد عليه

طلحة يامعلم
ياخي جيتك دي فرحتني واكيد ح تفرح ود البشرى زاااتو

-
الزول القاعد جنبك اخبارو شنو

حكيم المنبر طلحتوف العزيز ..

Quote: أولئك الذين كانوا عندما يستعصي عليهم فهم ما تقوله أو لا يروقهم أو( تقوم عليهم الحالة) يغتسوا تلاتة يوم بلياليها عشان يرجعوا يشتموك بى شغلتك الزماااااااااان واللا يعايروك بي بمكان دافنين سرتك أو حتي إسمك السموك ليهو أهلك .. مع انو إسمك دا يمكن يكون شايلنوا زي خرتمية غيرك ما عندهم أي ذنب في الشتيمة والجاتم في صمة خشمهم دي ..

يعني الإختلف هسه شنو من زمان ؟؟!
ما ياهو المنبر هسه وزمان كله زي بعضو.. الناس البتختفي زمان كانت بتغير الاستايل وتجي تشتمك وتقول هكذا تكلم زرادشت .. او يقولك سارتر قال في احلامه
ويرشك بشتيمة مثقفة
هسه مافي من اقرب حلة بيتم الغرف :)


عموماً الناس الفقدتها قالت ما تزعلك وهسه في الموسم الجديد دا الدهاقنة باضو بيض كتير او كما قال صديقك الانتيم ؛)

و الله عرفتك يا طلحة مما اختفيت ليك كم يوم قلت الزول ده قاعد يجازف لينا في بوست يطيّر الزباين من بوستاتنا الكالحة الهزيلة و تخلي ما يدخل يزوغ بي غادي مننا .
يا خي مالك عليّ؟
أنا لي كم يوم بزازي بي برة البوستات و بعمل مداخلات زي ما قالت منى عمسيب و ( حايم بالشوارع زي الضباحين يوم عيد الضحية). و الليلة ربنا فتح علي ببوست تجي تشيل من الزباين؟ عاد الله يجازيك يا طلحة.

ههههههههههههههه
المصيبة دا قديم يا محمد عبدالله قلعتو من وين ؟؟
خخخخخخخخخخخ

المنبر دا من 09-14-2007 ما ضاق عافية .....

طلحة قوم لف ....

هههههههههههههه
حيدر بتاع مشاكل علي اليمين, اسي دا توقيت ترفع فيه البوست الفضيحة دا
تنظير اليومين دي رافع القزاز وعامل فيها (شفيف) و بتاع بوستات راقية و الشباب واقعين فيه شكر وهو يتكشم ويوزع في البسمات ساي
تقوم ترفع ليه جنازة البحر دي :)

Quote: حيدر بتاع مشاكل علي اليمين, اسي دا توقيت ترفع فيه البوست الفضيحة دا تنظير اليومين دي رافع القزاز وعامل فيها (شفيف) و بتاع بوستات راقية و الشباب واقعين فيه شكر وهو يتكشم ويوزع في البسمات ساي تقوم ترفع ليه جنازة البحر دي :)

يمين الله اتا حالتك متأخرة يا خوي .. حيدر منو أول حاجة الرفع البوست ؟؟
وبعدين وينو البوست الفضيحة وجنازة البحر ؟؟؟ ولشنو مالو ؟؟ ما فيهو ردود واللا عدمان الكلكات ؟
وعامل فيها شفيف كيف؟ هههههههههه أيوة شفيف ونايلون كمان عندك شك في دي ؟
ولو الشباب واقعين فيني شكر المفروض يعني أكشر ما أتكشم واوزع ليهم قنابل واللا
الفهم شنو ؟؟
هذا والعديد من التساؤلات المستغربة الممزوجة بالحسرة على حالتك.. وحاول لف واللا أعمل
أية حركة مساعدة .
وبالمرة جر معاك المفكر الفوق بتاع عام الفين وسبعة دا .
............
يا النبي نوح

Quote: يمين الله اتا حالتك متأخرة يا خوي .. حيدر منو أول حاجة الرفع البوست ؟؟

يا طلحة يا اخوي الحكاية جابت ليها كما عمي ألوان

فعلا حيدر هو النكت البوست
من شهر شختة
ود البشري كلامو صاح
محمد عبد الله اتداخل بعد حيدر

يا حيدروف نحن أصحاب البوستات البيض دي ما قاعدين ننشغل بيهم كتير
بس إزعاج الكااااااااااك قاعد يوترنا حين يكون التفكير عميقا قبيل إستيلاد
الإبداع بقليل .. نرجو أن يراعي هولاء الرجرجة المكاكين المبيضين
لحظات صمت الحكماء .

حقو تقوم تلف شوية .

يا أسامة قال الرفع البوست ما قال النكتو
نحن ناس الجرجرة ديل عارفين كيف نحاسبم بالثانية
والشولة ( لاعتبارات أعتقد إنها غايبة عليك ).
اتا بس ما تشيل هم الله يخليك .