Post: #9 Title: Re: البشير يتعهد بالتخلي عن حكم السودان عام 202 Author: ود الباوقة Date: 03-17-2015, 09:26 AM Parent: #8
وفيت وكفيت
وننتظر المزيد
باذن الله
Post: #10 Title: Re: البشير يتعهد بالتخلي عن حكم السودان عام 202 Author: هشام المجمر Date: 03-17-2015, 09:29 AM Parent: #9
تصدق يا بقبق انو نحن بقينا محصنين ضد فقع المرارة..
المهم.... المصدر .. لو كان سيادة الرئيس نفسو يبقى ده خبر مضروب
قبل كده قال و لحس كلامو
Post: #11 Title: Re: البشير يتعهد بالتخلي عن حكم السودان عام 202 Author: ود الباوقة Date: 03-17-2015, 09:30 AM Parent: #9
الله أكبر
Post: #12 Title: Re: البشير يتعهد بالتخلي عن حكم السودان عام 202 Author: عادل الباهي عبدالرازق Date: 03-17-2015, 09:41 AM Parent: #11
يا الباوقة البشير دا ما مضمون حتجيء 2020 ويبقي لينا زي فيصل العجب وهيثم مصطفي ويقول ليك انا قادر علي العطاء
Post: #13 Title: Re: البشير يتعهد بالتخلي عن حكم السودان عام 202 Author: ود الباوقة Date: 03-17-2015, 09:47 AM Parent: #12
Quote: يا الباوقة البشير دا ما مضمون حتجيء 2020 ويبقي لينا زي فيصل العجب وهيثم مصطفي ويقول ليك انا قادر علي العطاء
اخي عادل
ان كان قادرا على العطاء فليتوكل على بركة الله
ونتمنى الى ذلك التاريخ ان تجمع المعارضة شتاتها وان تتوحد ولو بمرشح واحد
لكي يكون هناك تداول سلمي للسلطة بحق وحقيقة
5 سنوات كافة لجمع الصفوف والخروج من مأزق الاحباط والتشرزم الذي تعيشه
المعارضة بالخارج بما فيها معارضي الكيبوردات
Post: #14 Title: Re: البشير يتعهد بالتخلي عن حكم السودان عام 202 Author: هشام عباس Date: 03-17-2015, 09:55 AM Parent: #13
Quote: البشير يتعهد بالتخلي عن حكم السودان عام 202
دا نفسو البشير اللى اتعهد قبل كدا والا بشير تانى!!!! ببساطة يا ود الباوقة حكم السودان هى الضمانة الوحيدة لروح البشير ولا احد يتخلى عن روحه بسهولة ويا روح ما بعدك روح
ود الباوقة اختشى
Post: #15 Title: Re: البشير يتعهد بالتخلي عن حكم السودان عام 202 Author: محمد على طه الملك Date: 03-17-2015, 10:02 AM Parent: #13
كيف الكلام دا يا ود الباوقة أنت قلبت طابور خامس ولّ شنو؟ الراجل بعضمة لسانو قال بسلمنا لرضوان !
Post: #16 Title: Re: البشير يتعهد بالتخلي عن حكم السودان عام 202 Author: ود الباوقة Date: 03-17-2015, 10:06 AM Parent: #15
Quote: كيف الكلام دا يا ود الباوقة أنت قلبت طابور خامس ولّ شنو؟ الراجل بعضمة لسانو قال بسلمنا لرضوان !
Quote: كيف الكلام دا يا ود الباوقة أنت قلبت طابور خامس ولّ شنو؟ الراجل بعضمة لسانو قال بسلمنا لرضوان !
Quote: كيف الكلام دا يا ود الباوقة أنت قلبت طابور خامس ولّ شنو؟ الراجل بعضمة لسانو قال بسلمنا لرضوان !
الملك بيد الله
لكن باذن الله طالما شاهدنا بام اعيننا الملايين من ابناء الشعب بكافة
فئاتهم تخرج بعفوية لاستقبال قائد الامة اينما حل وارتحل
معنى ذلك بان حكم الانقاذ سيمتد الى ابعد من حكم دولة العبدلاب
باذن الله
Post: #17 Title: Re: البشير يتعهد بالتخلي عن حكم السودان عام 202 Author: nazar hussien Date: 03-17-2015, 01:32 PM Parent: #16
في ذمتك يا ود الباوقة الكلام دا من آخر ضميرك؟؟؟
قول وحات الشيخ كدباس
Post: #18 Title: Re: البشير يتعهد بالتخلي عن حكم السودان عام 202 Author: عوض سيد أحمد Date: 03-17-2015, 01:36 PM Parent: #16
الأخ ود الباوقة , أنت أول من يعلم أن السيد عمر البشير راعى الأمة , عندما سطى ليلا وبقوة السلاح على سلطة شرعية استمدت شرعيتها عن طريق التداول السلمى للسلطة , فماذا قدم لنا من بديل ؟؟؟ أتجه بكل ما عنده من قوة , وجبروت كى يتخذ من نهج الحكم الشمولى كوسيلة لادارة حكم البلاد والعباد , فهل كان يدرك حقيقتها آنذاك , وانها تمثل ( الشر كله ) ولا ياتى من رائها خير قط ؟؟؟ لا لم يك يدرك ذلك , بل كانوا جميعا : (جماعة الانقاذ ) يضطلعون بادارة حكم البلاد والعباد مرتكبين العديد من الجرائم ضد رعاياهم , بصورة لم تعهدها البشرية من قبل عمليات : ( التشريد – بيوت الاسباح – نهب المال العام , الحروب التدميرية هنا وهناك ...... الخ الشرور , وعظيم الموبغات ) وهم لا يرون فى ذلك ظلما , ولا عسفا , ولا انحرافا عن الراية المرفوعة , بل كانوا وللأسف الشديد يرتكبون كل هذه الجرائم , وهم فى فى حالة نشوة , وهمة عالية كأنهم يؤدون واجبا دينيا , يؤكد لنا ذلك المفكر الاسلامى البروف/ الطيب زين العابدين حين فضحهم قائلا : " ( ......... .......... وكان أن سمعنا العجب العجاب , بأنّ هناك من يتعبّد الله سبحانه وتعالى : ( بالتجسس على الناس واعتقالهم , وتعذيبهم , وقتلهم , وفصلهم من أعمالهم , .... وبتزوير الانتخابات , ونهب المال العام . ) ولا شك أنك تدرك السبب الرئيسى الكامن وراء ذلك كله , انها التعاليم والموجهات الى أعطيت لهم واعتنقدوها واشربت بها عقولهم من الأب الروحى لهم وهم شباب غر , فكانوا فى حالة ( ضلالة ) كاملة , وهى ذات الضلالة المعروفة والتى ظهرت فى صدر الاسلام الأول ( الفرق الضالة ) والآن , وبعد ظهور مآلات هذا الحكم البغيض , وتكشفت حقائقه للناس , كل الناس , مذا كان عليهم أن يفعلوا ؟؟؟ كان عليهم يا أخى , أن يقفوا مع أنفسهم أولا , ويحاسبوها , ويتجهوا فى التو والحال , بجدية , ونية خالصة لله نحو ( التوبة ) ويضطلعوا بأداء بكامل متطلباتها الشرعية , فحيث أنهم لا يزال فى حالت تقاعس , وتردد لانقاذ أنفسهم أولا , وانقاذ البلاد والعباد ثانيا , وذلك بعد وقوفهم على ( الحقيقة كاملة ) الا يعنى ذلك يا أخى , أنهم تحولوا من ( مصيبة ) الى (مصيبة أكبر ) تحولوا من حالة (ضلالة ) يكتنفها عمى بصر , وبصيرة أى قوم ( عموا وصموا ) الى قوم عرفوا الحقيقة ( وجحدوها ) فما أكبرها , وأشنعها كارثة , أن يتحول العبد من حالة (الضلال ) الى حالة ( الغضب ) فالضلال ملازم لمن حجبت عنهم الحقيقة , أما القضب فملازم لأهل (الجحود ) الذين عرفوا الحق , ورفضوه . ولا يسعنى فى النهاية يا أخى , الاّ أن نسأل الله سبحانه وتعالى أن يهدينا ويهديهم ويعيدهم الى رشدهم
Post: #19 Title: Re: البشير يتعهد بالتخلي عن حكم السودان عام 202 Author: Yasir Elsharif Date: 03-17-2015, 01:43 PM Parent: #18
سلام يا ود الباوقة
يا زول ما تختشي ولا حاجة زي ما قاعد يقول ليك دينق..
يعني بقت على خمسة سنين؟؟
Post: #20 Title: Re: البشير يتعهد بالتخلي عن حكم السودان عام 202 Author: Abureesh Date: 03-17-2015, 01:43 PM Parent: #18
هو ضامن سيعيش حتى 2020
Post: #21 Title: Re: البشير يتعهد بالتخلي عن حكم السودان عام 202 Author: Yasir Elsharif Date: 03-17-2015, 01:46 PM Parent: #20
أوع تكون صدقت يا ود الباوقة؟؟
كدي أسمع كلام أزهري محمد علي دا في اللَّول وبعدين تعال نشوف
Post: #22 Title: Re: البشير يتعهد بالتخلي عن حكم السودان عام 202 Author: سيف اليزل الماحي Date: 03-17-2015, 02:38 PM Parent: #21