Post: #1
Title: لاصحة لمغادرة بعض الرؤساء أثناء كلمة البشير بمصر
Author: ghariba
Date: 03-16-2015, 09:11 AM
08:11 AM Mar, 16 2015
سودانيز اون لاين
ghariba-القاهرة - جمهورية مصر العربية
مكتبتى فى سودانيزاونلاين
عبدالمحمود: لاصحة لمغادرة بعض الرؤساء أثناء كلمة البشير بمصر
وصفت الحكومة السودانية تقارير تشير لمغادرة بعض الرؤساء أثناء كلمة الرئيس السوداني المشير عمر البشير بالمؤتمر الاقتصادي المصري بشرم الشيخ بالادعاء الرخيص والمثير للضحك قبل الشفقة.
وقال سفير السودان بالقاهرة السفير عبدالمحمود عبدالحليم إن خطاب البشير أثار إعجاب المشاركين وقدم ببراعة تصوراً لمصر للمستقبل المتكامل مع السودان.
وقال عبدالمحمود في تصريحات صحفية أن هذا الحديث محض هُراء وادعاء رخيص يُثير الضحك قبل الشفقة ، واضاف كنا حضوراً وشهوداً، والرئيس تبادل الأحاديث الودية والأخوية مع زعماء الخليج ، وذكر أن هذا الحديث عارٍ من الصحة تماماً والمقصود به التقليل من شأن السودان وأهله
|
Post: #2
Title: Re: لاصحة لمغادرة بعض الرؤساء أثناء كلمة البش
Author: علي دفع الله
Date: 03-16-2015, 09:32 AM
Parent: #1
اوكي خبيرنا
اوكي سفيرنا
الجماعة الغادرو القاعة الاتية اسماؤهم:-
1- العمدة عبد الله ود جاد كريم عمدة قد الهبوب وجماعتو
2- الناظر عباس ود المليح ناظر عموم الدرب التحتاني وجماعتو
عليه جرى التنويه والتوضيح.
------؛؛؛
اوعى من الاستيكة الكلام دا في صالحك وصالح مرصدك
واي واحد من اراذل القوم ختو ليه في وشو
واعمل بي نظرية الجمل ياكل شوك وما يغمد عيونو
|
Post: #3
Title: Re: لاصحة لمغادرة بعض الرؤساء أثناء كلمة البش
Author: حمزاوي
Date: 03-16-2015, 09:40 AM
Parent: #2
فعلاً ولا غادروا ولا حاجة
مشوا عملوا كاااااكا واستبراء
ورجعوا تاني
|
Post: #4
Title: Re: لاصحة لمغادرة بعض الرؤساء أثناء كلمة البش
Author: nadus2000
Date: 03-16-2015, 10:12 AM
Parent: #3
صحيح اللي خرجو هم "أمراء" وحاكم ولاية
ما فيهم ولا رئيس....
|
Post: #5
Title: Re: لاصحة لمغادرة بعض الرؤساء أثناء كلمة البش
Author: Asim Fageary
Date: 03-16-2015, 10:17 AM
Parent: #4
صلاح غريــبة .. أوعك تكون مشيت عزبة القرود ومسكوك ضنب الككو !
|
Post: #6
Title: Re: لاصحة لمغادرة بعض الرؤساء أثناء كلمة البش
Author: أسامة العوض
Date: 03-16-2015, 10:17 AM
Parent: #1
| Quote: عبدالمحمود: لاصحة لمغادرة بعض الرؤساء أثناء كلمة البشير بمصر |
|
Post: #7
Title: Re: لاصحة لمغادرة بعض الرؤساء أثناء كلمة البش
Author: اميرة السيد
Date: 03-16-2015, 09:52 PM
Parent: #6
هسع نحن يا صلاح غريبة نصدق كلام سفير السودان ولا نصدق
عينينا الشفنا بيهم امير الكويت وهو بيودع في الرئيس السيسي
وحتى اذا قلنا الصور الشفناها في بعض التلفزيونات هي صور
مفبركة وصور فوتوشوب..معقولة عشرات القنوات التلفزيونية
ما بتعرف الصور الحقيقية من الصور المفبركة...
ونحن ممكن نصدق كلام الدبلوماسي السوداني في حالة واحدة
فقط..وهي ان امير الكويت بنفسه ينفي انه قاطع كلمة الرئيس
عمر البشير..
والمصيبة في ضابط سوداني في الجيش السوداني اسمه بابكر
فضل الله السيسي بيخطط في انقلاب ..على حسب تقارير المخابرات
واذا نجح حيكون رئيس السودان اسمه السيسي ورئيس مصر اسمه
السيسي..واحتمال رئيس تونس يغير اسمه من قائد الباجا السبسي
الى السيسي...وحيكون عقدة الدول الدكتاتورية اسم السيسي
والله يديك الصحة والعافية
|
Post: #8
Title: Re: لاصحة لمغادرة بعض الرؤساء أثناء كلمة البش
Author: جمال خضر
Date: 03-16-2015, 10:31 PM
Parent: #7
وقطعت جُهيزة قول كل خطيب
أتاكم الخبير من وسط المعمعة بالخبر اليقين
لم يتحرك أى أمير أو سلطان أو رئيس من موقعه
أثناء خطاب البشير وما شاهده الناس على الشاشات
ما هى إلا تهيؤات وهلاويس ..
شكرا يا خبير على ما تبذله من جهود فى سبيل إعلاء راية الحق.
لو إستعملت الإستيكة بعد كسير التلج الفوق ده يكون ما عندك أى خوة
|
|
