Post: #2
Title: Re: عبد الرحيم حمدى:اسكن فى بيت ايجار
Author: ملهم كردفان
Date: 03-15-2015, 08:02 AM
Parent: #1
كويس انك ساكن فى بيت ايجار وبتقدر تدفع الايجار كل شهر
فى ناس ساكنين الكراكير لسه
وفى ناس فى رواكيب مشلعه
وفى ناس مفترشين البادابه ...ومتوسدين الضراع
البدله الانت لابسها تمنها يعمل بتاع الف وجبه للفقراء ياعبد الرحيم
هذا مع التحيه للباشمهندس بكرى
|
Post: #5
Title: Re: عبد الرحيم حمدى:اسكن فى بيت ايجار
Author: Deng
Date: 03-15-2015, 08:21 AM
Parent: #2
ده رجل منافق من الدرجة الأولى.
أنا سمعته بقول لضياء بلال أن الدخل المتوسط للمواطن السوداني يعادل 1500$ دولار أمريكي.
المبلغ ده يفوق رواتب عدد كبير من مغتربي الخليج. وقال جاب الكلام ده من موقع ال CIA.
وقال لي ضياء الدين بلال وبطريقة استفزازية جدا "أنت بتعرف ال CIA"؟
رجل اقتصادي وكان وزير مالية سابق للسودان ينقل معلوماته الاقتصادية عن البلد الذي كان يدير اقتصاده من موقع وكالة المخابرات الأمريكية!!
يا لك من رجل بأس. بالمناسبة. موقع ال CIA، توجد به بعض المعلومات الغير صحيحة عن بعض الدول.
نرجع لي موضوع بيت الإيجار.
هل تصدقوا يا جماعة أن عبد الرحيم حمدي عندما كان وزيرا للمالية في السودان كان ساكن في فندق الهيلتون في الخرطوم.
وأكيد أن الوزارة هي التي كانت تدفع له فاتورة الفندق. فكم سنة يا ترى سكن وزير المالية السابق عبد الرحيم حمدي في فندق الهيلتون الخرطوم، وكم كلفة تلك الإقامة الطويلة؟؟
إذا عملنا مقارنة سريعة بين بيت الإيجار أو بيت الحكومة. بعدين مش الوزارات دي عندها بيوت مخصصة ومحجوزة للوزراء منذ الاستقلال أم لا؟
يا عبد الرحيم حمدي أنت جابوك فرعة بقيت وجعة. أنت أكبر مخرب للاقتصاد السوداني.
أختشي على روحك أختشي.
|
Post: #3
Title: Re: عبد الرحيم حمدى:اسكن فى بيت ايجار
Author: د.محمد حسن
Date: 03-15-2015, 08:06 AM
Parent: #1
غايتو
ذكرني المقولة عن الاذاعة البريطانية والتي تقول
انها الاذاعة التي لا تكذب ابدا ولايمكنك تصديقها
|
Post: #4
Title: Re: عبد الرحيم حمدى:اسكن فى بيت ايجار
Author: aosman
Date: 03-15-2015, 08:15 AM
Parent: #1
ويعني شنو بسكن في بيت إيجار؟ إيجار لي إيجار بختلف!!!!! ممكن يكون عندو بيوت في دبي ولندن وكولالمبور وساكن في الخرطوم في بيت إيجار. ممكن يكون أغنى زول في الدنيا وساكن في بيت إيجار.... يعني إي زول ساكن في بيت إيجار مفلس؟
|
Post: #6
Title: Re: عبد الرحيم حمدى:اسكن فى بيت ايجار
Author: مزمل خيرى
Date: 03-15-2015, 08:51 AM
Parent: #4
حسب علمى ان عبد الرحيم حمدى يمتلك شركه اى نت ومقرها فى برج البركه
وايضا الاذاعه الطبيه فى شارع عبيد ختم وبنك الرواد فى بورتسودان ..
معقوله بعد ده يكون ما عندو عربيه وبيت !!!!!
|
Post: #22
Title: Re: عبد الرحيم حمدى:اسكن فى بيت ايجار
Author: حاتم عثمان
Date: 10-04-2015, 08:18 PM
Parent: #6
حسب علمى ان عبد الرحيم حمدى يمتلك شركه اى نت ومقرها فى برج البركه
وايضا الاذاعه الطبيه فى شارع عبيد ختم وبنك الرواد فى بورتسودان ..
معقوله بعد ده يكون ما عندو عربيه وبيت !!
_________________________________
آى نت شركة دعاية واعلان شبه متوقفة عن العمل الآن لضعف النشاط ,
بنك الرواد عبارة عن مصرف يمتلكه مساهمون من داخل وخارج السودان
وهو العضو المنتدب فيه . والسيارة "كامرى" ملك للبنك .
الإذاعة الإقتصادية " وليست الطبية " تعنى بالإقتصاد , وبالكاد أو فى افضل
حالاتها تغطى مصروفاتها .
هذا مع احترامى للجميع .
|
Post: #7
Title: Re: عبد الرحيم حمدى:اسكن فى بيت ايجار
Author: عوض جاه الرسول
Date: 03-15-2015, 09:13 AM
Parent: #1
يا
هندسة للمعلومية عبدالرحيم حتي ايام مجدوا كان بباشر عملوا من الفندق
|
Post: #8
Title: Re: عبد الرحيم حمدى:اسكن فى بيت ايجار
Author: عماد ساتي
Date: 03-15-2015, 04:29 PM
Parent: #7
زى البخاطب شعب تانى غير الشعب السودانى ... الشعب السودانى اذكى من تدقسو بكلام زى دا ...
|
Post: #9
Title: Re: عبد الرحيم حمدى:اسكن فى بيت ايجار
Author: محمد المسلمي
Date: 03-15-2015, 04:34 PM
Parent: #7
يارئيس سلام
كلام من حمدي صريح وواضح واظنه صادق في كل كلمة قالها
------
مزمل خيري أعد سماع الفيديو
|
Post: #10
Title: Re: عبد الرحيم حمدى:اسكن فى بيت ايجار
Author: د.محمد حسن
Date: 03-16-2015, 00:17 AM
Parent: #9
| Quote: واظنه صادق في كل كلمة قالها |
حبيبنا المسلمي
سلامات
مالك بقيت ترترت
ان بعد الظن اثم
فهو
اما صادق
او كاذب
وزي ماقال عادل امام قدس الله سره
يا ابيض يا اسود
اللون الرمادي ما احبوش
على كل اتكيفت منك
|
Post: #11
Title: Re: عبد الرحيم حمدى:اسكن فى بيت ايجار
Author: يحي قباني
Date: 03-16-2015, 02:27 AM
Parent: #10
ليس عبد الرحيم حمدي وحده من يسكن بيت ايجار
مجموعة ليست بالقليلة من رجال الاعمال لا يمتلكون عقارات في السودان
و كل أملاكهم موزعة بين اثيوبيا و الامارات و ماليزيا و عدة دول أوروبية
فكرة الايجار ان يكونوا ( خفافا ) وقت الهروب الأكبر حينما تقوم ( ساعة ) الخلاص ...
|
Post: #12
Title: Re: عبد الرحيم حمدى:اسكن فى بيت ايجار
Author: Osman Musa
Date: 03-16-2015, 04:11 AM
Parent: #11
ممكن يكون ساكن في بيت ايجار في السودان .
غايتو قدر العارفو حتي سنة 1992 كان عندو بيت كبير ملكو في لندن
و + مكتب تجاري .
وحتي وهو وزير كان ساكن في فندق هيلتون في الخرطوم والأسرة في بيت لندن .
|
Post: #13
Title: Re: عبد الرحيم حمدى:اسكن فى بيت ايجار
Author: عبدالحفيظ ابوسن
Date: 03-16-2015, 05:32 AM
Parent: #12
and so what !!
قول ساكن في بيت ايجار ومفلس وبشحد حق السفة .. هذا لا ينف انه خرب الاقتصاد السودان . ودغم السلطة الاقتصادية والسياسية فأفسد الاثنين
وحديثه هذا يبين اعترافه بالفشل مواربا ويقول فقط لم افعل ذلك من اجل مصلحتي
القرارات الخاطئة ليست بالضرورة لجلب مصلحة شخصية . بل قد تكون لمصلحة حزب وتضع الوطن في ذيل الاهتمام
سيظل هو رمزا لدمار الوطن وتخريب اقتصاده لو ساكن في قطية مستأجرة
|
Post: #14
Title: Re: عبد الرحيم حمدى:اسكن فى بيت ايجار
Author: mohmmed said ahmed
Date: 03-16-2015, 05:33 AM
Parent: #12
الناس ديل قالوا من زمان هم رساليين
ليه ما دايرين تصدقو
عبد الرحيم محمد حسين البنا ليهو المقاول البنا المبنى الوقع رسالى
ووزير المالية القال ارجعو للكسرة وعندو عمارات برضو رسالى
والخضر الناس مكتبو باعو الاراضى برضو رسالى
|
Post: #15
Title: Re: عبد الرحيم حمدى:اسكن فى بيت ايجار
Author: muntasir
Date: 10-01-2015, 04:32 PM
Parent: #14
مش ده حمدي بتاع صديق الغالي بكون ساكن في بيت الايجار الفي ناصيته دكان الحلاق بتاع أخو البشير المافي شنو علي قول قيقراوي
|
Post: #16
Title: Re: عبد الرحيم حمدى:اسكن فى بيت ايجار
Author: محمد الكامل عبد الحليم
Date: 10-02-2015, 11:57 AM
Parent: #15
تحية
تربطني علاقة شخصية مع الاستاذ عبد الرحيم حمدي...اعرف عنه الذكاء و الوضوح والتواضع والعمق في التفكير والثقة في مقدراته التحليلية للامور....مجامل ومواصل ومحافظ علي علاقاته الأنسانية ,
موضوع ادارته للاقتصاد يعرفها المتخصصون, ويعود اليه النقد لتسنمه ادارة الاقتصاد في نظام يشارك فيه بجهده وفكره وثبت للناس ما ترتب عنه من معاناة وخيبة امل..
علي المستوي الانساني حمدي انسان طيب وصادق وذو طرفة... له تحياتي واحترامي..
|
Post: #17
Title: Re: عبد الرحيم حمدى:اسكن فى بيت ايجار
Author: Siddig Elghali
Date: 10-04-2015, 08:46 AM
Parent: #16
"مش ده حمدي بتاع صديق الغالي بكون ساكن في بيت الايجار الفي ناصيته دكان الحلاق بتاع أخو البشير المافي شنو علي قول قيقراوي"
|
Post: #18
Title: Re: عبد الرحيم حمدى:اسكن فى بيت ايجار
Author: نادر
Date: 10-04-2015, 09:05 AM
Parent: #17
المشكلة ليست في أمثال حمدي
المشكلة في أمثال ضياء الدين بلال الذين يسوّقون للشعب السوداني سدنة الجبروت ومصاصي دماءه
أمثال ضياء الدين بلال الذين يعبدون الطريق للأرزقية وسارقي قوت هذا الشعب المسكين.
بئس الصحافة والإعلام والصحفيين هؤلاء
|
Post: #19
Title: Re: عبد الرحيم حمدى:اسكن فى بيت ايجار
Author: الطيب رحمه قريمان
Date: 10-04-2015, 09:24 AM
Parent: #18
تحياتى يا ريس و كل عام و انت و الاسرة بخير و عافية .. يعيد عليك و على كل البورداب .. قبيتك .. بالخير و العافية ..
اول مرة اخاطبك بريس .. دوما ما اقول .. أخى الفاضل البشامهندس بكرى ابو بكر ..
......................................................
عبدالرحيم حمدى .. من الكذابن الذين ادمنوا الكذب .. نسأل الله يكتبهم عنده من الكذابين ..
الرجل يملك بنك فى السودان و احسب ان اسم البنك الذى يملكه عبدالرحيم حمدى ..
اسمه بنك الرواد . يا للعجب .. تسكن بيت ايجار و لا تسكن المقابر .. لا يهمنا .. بس انت و نظامك اختو وجه الشعب السودانى ..
|
Post: #20
Title: Re: عبد الرحيم حمدى:اسكن فى بيت ايجار
Author: عبدالله الشقليني
Date: 10-04-2015, 11:21 AM
Parent: #19
سنة !
*
|
Post: #21
Title: Re: عبد الرحيم حمدى:اسكن فى بيت ايجار
Author: وضاحة
Date: 10-04-2015, 02:52 PM
Parent: #20
انهم الكيزان دعات الاسلام وهم بعيدين كل البعد عنه
ياكلون الحرام ومال الايتام ويقتلون الروح التى حرمها الله
في سبيل مجد زائل ينتهى بمرقدهم فى شبر على الارض
حينها يلاقون رباً كريماً عادلاً فاليستعدوا لذلك اليوم ولياخذوا ما كنزو من متاع زائل اذ هم يستطيعون
|
Post: #23
Title: Re: عبد الرحيم حمدى:اسكن فى بيت ايجار
Author: احمد الشيخ
Date: 10-04-2015, 08:27 PM
Parent: #21
مارك زوكربرغ مؤسس فيسبوك وثاني اغنى شخص في العالم ساكن ايجار
|
Post: #24
Title: Re: عبد الرحيم حمدى:اسكن فى بيت ايجار
Author: يوسف أبو صالح
Date: 10-05-2015, 05:58 AM
Parent: #1
يمكن افتقر وذهب المال مع الوزارة
|
|