يــا حــمــد

06:36 AM Mar, 12 2015
سودانيز اون لاين
د.محمد حسن-
مكتبتى فى سودانيزاونلاين



يا حمد

كلم محمد والنصيح
ما تمشو خيمة الانتخاب
حكم ضميرك
وانت تتذكر وصية
زول نضيف
ختاها واتوارى التراب
همتك
صوتك امانة ف ذمتك
ماتبرى ناسا
زي مقس
تاكل قروش الناس جهار
تسرق حليب الرضع الباكين نهار
قاطع
ما تنتخب
خليه ينكشف القناع
قدامنا في ضو الشمش
سقط المتاع
قاطع
وما تصبح عميل
وتبيع ضميرك والبلد
لي زولا
ماكل اللحرام
شغال غسيل
او
مراهق في السياسة
دابو بحلم بالوزارة
والفيلا والكاش التقيل
قاطع
وما تنسى الوصة
انو اليلد
حقتنا ما حقت
ناس دواعش
او ظلاميين بتاجرو بالدين والدنية
قاطع
وما تقرب عليهم في الخيام
وحرض نفيسة
وخالدة والحاجة الزمام
ديل ناس بياكلو من مالا حرام
ما تدي صوتك لي للحرام
قاطع
وعلم كل اطفال الشوارع
انو الخيام فيها الخداع
فيها السموم
خلوهم النافخين جضوم
من كل انواع المطايب
وخلونا في اكل الكوارع
قاطع
واملاها الحواري
بالهتافات البتوجع
وكلم الناس في الضهاري
ما يمشو للخيمة العقيم
حتى لو داسو الخلوق
الرافضة بي خيول السواري
وما بس


* ملحوظة

مقس هو التصغير بالعامية السةداني للص في الاساطير العربية يسمى مغلاس

يا دكترة

ما تشيل هم

فأنا لن أنتخب أحدا وما بايعت بعد محمدٍ رجلا

يا حمد
عارفك كلس
صنيدي وما بتحمل حقارة

ارحل

فانا مقاطع

قاطع
زي النور الدايما يقاطع
ولو استدعى لزوم
الحال
لهلب حطب النار الغضب الكامن
برة الشارع