Post: #1
Title: في قضية التاي .. يا ربي الحكومة دي جنت ؟؟
Author: عصام دهب
Date: 03-11-2015, 11:34 AM
10:34 AM Mar, 11 2015
سودانيز اون لاين
عصام دهب-
مكتبتى فى سودانيزاونلاين
المهندس / أسعد التاي لم يكن أول ـ و لن يكون آخر ـ سوداني مغترب يتعرض لإنتهاك حقوقه في إحدى قنصليات أو سفارات بلده ..
و الحكومة القائمة حاليا ـ حكومة المؤتمر الوطني ـ هي التي سنت هذه السنة السيئة في التعامل مع شعب السودان جوة و برة ..
فما الذي أستجد حتى تقوم الحكومة بإرسال وفد للتحقيق مع نفسها في فعل بالنسبة لها أقل من عادي ؟؟
يا ربي الحكومة دي جنت ؟؟
|
Post: #2
Title: Re: في قضية التاي .. يا ربي الحكومة دي جنت ؟؟
Author: Asim Fageary
Date: 03-11-2015, 11:39 AM
Parent: #1
Quote:
يا ربي الحكومة دي جنت ؟؟
|
إنعصرت .. وإنت الصــادق !
|
Post: #3
Title: Re: في قضية التاي .. يا ربي الحكومة دي جنت ؟؟
Author: عصام دهب
Date: 03-11-2015, 11:39 AM
Parent: #1
و الغريب في الأمر ..
و الحاجة التحير فعلا ..
أن أكثر الناس انشغالا بقضية التاي ..
هم قطاع كبير من مؤيدي المؤتمر الوطني ..
مع أن التاي ليس مؤتمر وطني و لا يحزنون ..
ناس الحق صبروا ..
و ناس المؤتمر كفروا ؟؟
الحاصل شنو ؟؟
|
Post: #4
Title: Re: في قضية التاي .. يا ربي الحكومة دي جنت ؟؟
Author: عصام دهب
Date: 03-11-2015, 11:49 AM
Parent: #3
أول رسالة تلقيتها بشأن قضية التاي ..
كانت من اخ و صديق عزيز ..
قيادي في المؤتمر الوطني ..
و حقيقة الأمر لم تكن هي المرة ..
الأولى التي يحدثني فيها هذا الاخ الصديق..
بشأن موقف مخزي لبعض منسوبي القنصلية ..
لكن هذه المرة لاحظت إهتماما غير عاديا ..
ليس من هذا الصديق القيادي وحده ..
لكن حتى من المؤتمرجية العاديين ..
الذين دخلوا في زمرة ..
نستنكر ..
و
نشجب ..
و
ندين ..
ـ
بسم الله .. في شنو
|
Post: #5
Title: Re: في قضية التاي .. يا ربي الحكومة دي جنت ؟؟
Author: أحمد محمد عمر
Date: 03-11-2015, 11:57 AM
Parent: #4
السبب إنهم دقسوا واستدعوا الشرطة السعودية
لو خلوا الموضوع زيتنا في بيتنا زي بتاع الدمام كانوا عملوا نايمين
لكن بالوضع الحالي بقوا هم مطالبين بي تقديم تبريرات للشرطة السعودية اللي جات واتدخلت في الموضوع
|
Post: #8
Title: Re: في قضية التاي .. يا ربي الحكومة دي جنت ؟؟
Author: علاء الدين صلاح محمد
Date: 03-11-2015, 12:10 PM
Parent: #5
الامر باختصار
صراع الاخوة الاعداء في المؤتمر الوطني
والذين انشغلو بالموضوع من المؤتمر الوطني بجدة
هم هولاء الذين لهم صراعات مع الترس وتار مؤجل معه
والسبب اختلافهم او خلافهم في قسمة الغنيمة اي مال الجالية
بالمناسبة هنالك معلومة مهمة وهي
اول سفير سلم مواطن سوداني للسلطات السعودية هو السفير السابق حسب الرسول
وليس الترس والمواطن هو الاستاذ عمنا عبدالقادر شادول
قد يكون الترس هو اول سفير يُجلد مواطن في عهده مواطن و في دار السودانيين لكن من المؤكد
يُحمد للترس انه لم يسلم المجلود للشرطة السعودية بل هدد بالتسليم
يعنى باختصار القضية اكبر من جلد التاي
القضية شعب واقع ما عندو ضهر
|
Post: #6
Title: Re: في قضية التاي .. يا ربي الحكومة دي جنت ؟؟
Author: عبدالله عثمان
Date: 03-11-2015, 12:00 PM
Parent: #4
سلام يا أخ عصام
المسألة لا تعدو أن تكون ترضية لبعض أطراف في الخارجية طولو شوية ما ضاقوا دولارات الأسفار
أهو راحة من الروتين اليومي ويا باب شريف جاك زول
ألم تتذكر كيف حدثنا العميد أمن معاش الأيمن عبدالرازق عوض الله في مقابلته "بطاقة حب" مع قناة أم درمان كيف أن عربات السفارة جاهزة للذهاب بوفود المشترين لباب شريف
سيقضون اياما ويعودون وقد يكرّم بعضهم لـ "عمرة" و"عمرة" بفتح العين مرة وضمها أخرى بقروش محمد أحمد الغلبان وقد يدعو لها ذات الناس الذين ذهب للتحقيق معهم
ياتو يوم سمعت ليك بلجنة تحقيق في السودان عرف الناس ثمارها كان طيارة وقعت كان جماعة حسني مبارك الضبحوهم كان قروش اوقاف أكلوها
خلوها مستورة
|
Post: #7
Title: Re: في قضية التاي .. يا ربي الحكومة دي جنت ؟؟
Author: الصادق عبدالله الحسن
Date: 03-11-2015, 12:05 PM
Parent: #4
=
| Quote: يا ربي الحكومة دي جنت ؟؟ |
عاصم يقول انعصرت و (فسّرت للناس رؤاها)
وعصام يعتقد أنها (جنَّت وما براها)
فمنذ متى كان النظام عاقلاً؟ ..
وهل رأينا من النظام وحكومته وعلى مدى أكثر من ربع قرن شيئاً غير الجنون والغباء؟
ولعلك يا دهب نسيت ما نُسب لعالم الفيزياء البريطاني الأشهر (ستيف هوكنج Hawking Stephen ) قوله:Quote: «هناك شيئان لانهائيان: الكون وغباء نظام السودان»  |
غير أن السيد هوكنج استدرك فأضاف: | Quote: «وبالنسبة للكون فأنا مازلت غير متأكد تماماً». |
تحياتي لكما ..
وأرجو - وعلى خلفية قضية التاي - أن لا تَقْــرَآ كلمة لكُما .. لكْماً
...
..
.
|
Post: #9
Title: Re: في قضية التاي .. يا ربي الحكومة دي جنت ؟؟
Author: عبد الحي علي موسى
Date: 03-11-2015, 12:17 PM
Parent: #7
ديل باكين مع البُكًاي
وفرحانين ورا اللبواب
ديل باكين مع البُكًاي
وفرحانين ورا اللبواب
ديل باكين مع البُكًاي
وفرحانين ورا اللبواب
وزي ما قال أخونا قبل شوية:
لجنة التحقيق جاية تسوي ليها عمرة وتشتري ليها تياب وريحة - سائلة وناشفة - وترجع لمثناها وثوالثها وربما (حماسها)..
لو جادين اللشوفوا لينا، مع قصة التاي، مواضيع الجواز الالكتروني أبو 540 ريال والتي تعادل أكثر من مليون، في حين أن (سعره) في السودان 450 جنيه جديد.
وشوفوا لينا الزكاة البندفعها من دم قلوبنا ومليليماتنا الما حال عليها شهر حتى دع عنك عام.
وضريبتهم مع ضربهم، وخدمات شنو كدا ما عارف، وحليبهم للجيوب التي خوت وهوت.
شكيتن لي الله.
|
Post: #10
Title: Re: في قضية التاي .. يا ربي الحكومة دي جنت ؟؟
Author: عصام دهب
Date: 03-11-2015, 02:28 PM
Parent: #9
مجرد رسالة كتبها المهندس أسعد التاي ..
و نشرها على الفيس و الواتس ..
حتى تداعت لها الحكومة بكبيرها و صغيرها ..
و من وزيرها حتى خفيرها ..
جاطت يا مان ..
فلنفترض أن أسعد جلد و سحل بل فلنفترض أن قتل ..
فهل كان هو أول من قتل ؟؟
أليس هي الحكومة التي تقتل شعبها صباح مساء ؟؟
و أليس هي المسئولة عن قتل شهداء سبتمبر
من الشباب الأبرياء ؟؟
شن جدَ في جدة ؟؟
و من متين يا أبو الحصين ؟؟
|
Post: #11
Title: Re: في قضية التاي .. يا ربي الحكومة دي جنت ؟؟
Author: النعمان خوجلى
Date: 03-11-2015, 02:55 PM
Parent: #9
Quote: الامر باختصار
صراع الاخوة الاعداء في المؤتمر الوطني
والذين انشغلو بالموضوع من المؤتمر الوطني بجدة
هم هولاء الذين لهم صراعات مع الترس وتار مؤجل معه |
وهذه فرصتهم للانتقام من الرجل واعادة ملكهم الضائع
القنصلية فى عهد القنصل السابق كانت ضيعتهم يعوسون فيها فسادا وكان الرجل يأتمر باوامرهم
اما الان فقد اغلق الرجل ابواب القنصليه فى وجوههم وعاملهم كما يعامل بقية الناس
هذا هو سبب الحقد عليه واغتنام اى فرصه للانتقام منه
|
Post: #12
Title: Re: في قضية التاي .. يا ربي الحكومة دي جنت ؟؟
Author: Zoal Wahid
Date: 03-11-2015, 04:58 PM
Parent: #11
اعذرني يا عصام لشجاري معك قبل ربما 4 او 5 سنوات - لا اتذكر. لقد سخنت معك بحدة لم امارسها مع احد من قبل.
عودتك الينا فانها تسعد القلب. مكانك الطبيعي لست فاسدا و لا منافقا و لا مطبلا.
مليار اعتذار
|
Post: #13
Title: Re: في قضية التاي .. يا ربي الحكومة دي جنت ؟؟
Author: علاء سيداحمد
Date: 03-11-2015, 06:51 PM
Parent: #12
Quote: و الغريب في الأمر ..
و الحاجة التحير فعلا ..
أن أكثر الناس انشغالا بقضية التاي ..
هم قطاع كبير من مؤيدي المؤتمر الوطني .. |
تحياتى اخ / عصام دهب
يمكن قراءة المقتبس اعلاه من مداخلة لك مع ما ورد فى احدى الصحف السودانية قبل ايام
والظاهر الموضوع تصفية حسابات بين المؤتمرجية ..
|
Post: #14
Title: Re: في قضية التاي .. يا ربي الحكومة دي جنت ؟؟
Author: عصام دهب
Date: 03-15-2015, 09:14 AM
Parent: #13
و لا يزال التحقيق مستمرا ..
لكن البلنجات تحت الحزام ..
شغالة ألف ..
|
Post: #15
Title: Re: في قضية التاي .. يا ربي الحكومة دي جنت ؟؟
Author: عصام دهب
Date: 03-17-2015, 10:01 AM
Parent: #14
يقال أن لجنة التحقيق غادرت جدة ..
فهل نسمع منها ما يشفي ..
|
|