لقاء النصرة من مشايخ ومريدي الطرق الصوفية ( فاتحة صلاحيتها الى سنة 2082 ) صورة

04:09 AM Mar, 09 2015
سودانيز أون لاين
ود الباوقة - الرياض
مكتبتي في سودانيزاونلاين



كدا الموضوع اصبح في حكم المنتهي بعد لقاء اهل الله من الطرق

الصوفية بكافة تفرعاتها

بعد دا اي واحد فيكم ممكن يمشي يشوف شغلو وهو منشرح الصدر مطمئنا على

سلامة الاجراءات ( دا بالنسبة للموالين )

اما المتزمزغة واصحاب الغرض عليهم بتناول قرص من البنادول ماركة اكسترا

مع قليل من البزيانوس نوع ( دايت )

عليكم الله شوفو الفاتحة دي

الله اكبر

اتوقع ان تستمر صلاحيتها الى 2082 بالنسبة للحكم

والله اعلم

مجرد توقعات فقط

يا سلام

والعجب لو كشحنا السيد مولانا الميرغني بي واحدة

كان قيامتكم ربطت

الواحد كدا اطمئن على مستقبل الاجيال القادمة

باذن الله

نص خطاب المشير عمر البشير للُطرق الصُوفية بمحلية ام درمان في اطار حملته الانتخابية

بسم الله الرحمن الرحيم
الحمد لله رب العالمين والصلاة والسلام علي خير خلق الله اجمعين احبابنا في الله السلام عليكم
ورحمة الله تعالي وبركاته ونحمدالله سبحانه وتعالي ان نلتقي اليوم في هذا المكان الطاهر
االطيب مجمع الشيخ موسي وكل رفاقه من شيوخ الطرق الصوفية ونحمدالله سبحانه وتعالي
علي نعم كثيرة اولها انه جعلنا مسلمين وجعلنا من امة محمد(صلي) وجعلنا خيرأمة اخرجت للناس والشاعر قال:
ومما زادني شرفًا وتيهًا ** وكدت بأخمصي أطأ الثريا... دخولي تحت قولك يا عبادي ** وأن أرسلت أحمد لي نبـيا صلوا علي رسول الله
ونحمد علي انه جعلنا سودانيين واسماعيل حسن قال:
بلادي أنا بلاد ناسا في أول شئ
مواريثهم كتاب الله ، وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
ديل نحن يا جماعة منو الخلا في اول شئ كتاب الله مواريثنا هم شيوخ الطرق الصوفية هم شيوخ الحيران
هم العلموا الناس الدين والقرأن وكلنا عارفين الإسلام مادخل السودان بفتح ولا بالقوة زي ما بقول
البعض الاسلام انتشر في السودان عن طريق شيوخ الطرق الصوفية الا انتشروا في كل موقع
وعملوا المسائد والخلاوي وعملوا التكايا وقدموا الدين والعجين فنسأل الله سبحانه وتعالي ان يتقبل منهم جميعاً وان يبارك في احفادهم وزريتهم.

فشيوخ الطرق الصوفية هم الأسسوا الأخلاق السودانية ولما نتكلم عن الأخلاق السودانية هي:
شجاعةوكرم ،نخوة،اكرام الضيف،عشاء ضيف الهجعاء،ضبح الشايل،عقر البكرا،دا كلو ياجماعة
في شيوخ الطرق الصوفية فهم البفكوا الأسير وهم البفكوا الرقبة وبعفوها هم البصلحو ذات البين
والبصحلو بين الناس والبعلمو الناس مكارم الأخلاق فالتحية لشيوخ الطرق الصوفية وموقفنا معاهم
انو نستمر وندعمهم بمزيد من المساجد والخلاوي ومزيد من حفظة القرأن الا هم اهل القرأن اهل الله وخاصته لازم نكرمهم .

عشان كدة نحن لما جينا عملنا جامعة للقرأن الكريم وعملنا مطبعة للمصحف الكريم وعملنا جمعية
للقرأن الكريم وقدمنا حفظة القرأن وساويناهم بخريجي الجامعات نحن جينا عشان نحافظ علي العقيدة
والدين ومنو الأسسها؟؟اسسوها شيوخ الطرق الصوفية نحن جينا لقينا ارض ممهدة الشريعة
ما اعلناها من فراغ لقينا اساس متين لقينا قوة متينة عشان كدة جينا نحن ولما رفعنا الرأية كانت
مرفوعة اصلاً لكن نحن اكدناها ونحن رفعناها ودا مبدأنا انو نحقق الشريعة ونحكم الشريعة
بين الناس ان شاءالله قال تعالي:( فَلَا وَرَبِّكَ لَا يُؤْمِنُونَ حَتَّىand#1648; يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا)
نحن بنسلم امرنا كله لله سبحانه وتعالي عشان كدة نحن ماخايفين من زول وماسألين في زول
لانو الواحد لما يقول لااله الا الله ولا معبود الا ألله ماف تاني زول عشان نقدر نديه مكانة والا نركع ليه
والا نسجد ليه والا نخاف منو والا نطمع منو في حاجة نحن مابنخاف الا من الله سبحانه وتعالي
وما بنسجد الا لله سبحانه وتعالي ومابنطلب الا من الله سبحانه وتعالي لانو عنده خزائن السموات والارض
في زول عندو شك..؟؟؟في زول عندو شك انو الارزاق بيدالله سبحانه وتعالي ؟؟؟وربنا تعالي قال
:( وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَاْلأَرْضِ إِنَّهُ لَحَقٌّ مِثْلَ مَا أَنَّكُمْ تَنطِقُونَ)
يا جماعة انا ما لقيت قسم مقلظ ربنا سبحانه وتعالي قسم بذاته العلية الا في الحتة بالذات
عشان كدة ماف زول يخاف من الرزق وماف زول يمش يستعجل عشان ياخد رزقو بالحرام وكل انسان رزقومكتوب ليه.

قالوا بخوفونا قالوا لينا ارحل ونحن نعلم ان الملك بيد الله يؤتي الملك لمن يشاء وينزع الملك
ممن يشاء،بخوفونا تاني بشنو بالموت؟؟؟؟ في زول بيموت قبال يومو؟؟طيب ياجماعة الزول بباعوضة بموت
،في حادث حركة بموت،ماش عدييل يقع والله هسي ماش بي جاي وقع مات،لكن السعيد البلقي ليه ميتة مجيهة مش كدة.....
ما دايرالك الميتة أم رماداًشَح
دايراك يوم لِقا بدمِيكَ تتوشح
الميت مسولب والعجاج يكتح
أحىً على سيفو البسوى التح
هي ميتة واحدة ودايرنها أن شاءالله في سبيل الله نلحق بيها اخوانا الشهداء المشو والمضو ونحن مشتاقين
ليهم عشان نلقاهم وما بنلقاهم الا اذا مشينا في طريقهم وحافظنا علي العهد الكان معاهم ان شاءالله.

عهدنا معاكم ومع الله سبحانه وتعالي ان نكون عند حسن ظنكم وزي ما قال عبدالرحمن(والي الخرطوم)
نحن مابنقدم نفسنا جديد انتوا عرفتونا من زمن اذا كلامنا دا وشغلنا عاجبكم نمشي معاكم لي قدام وان
ماعاجبكم من الليلة نفسح المجال لي غيرنا ....الله اكبر ولا اله الاالله ولانعبد الا اياه مخلصين له الدين
ولو كره الكافرون ولو كره المنافقون ولو كره المتمردون في سبيل الله قمنا نبتغى رفع اللواء لا لدنيا
قد عملنا نحن للدين الفداء فليدم للدين عزه فليدم للدين مجده أو تراق فيه الدماء والشكر ليكم والتحية
ليكم ودا عهد بينا وبينكم نسير علي ذات الطريق جزاكم الله خير والسلام عليكم ورحمة الله تعالي وبركاته.

ود الباوقه



ازرق طيبه فيهم


لو ما فيهم فاتحتهم دي واقفه في مكانها


اللهم اصرف الاذي عن شعبنا

الله اصرف الكيزان

اللهم اصرف الكيزان

اللهم اصرف الكيزان

انتخبوا سعادة المشير من أجل الخراب و التدمير
انتخبوا عمر البشير رجل تافه حقير

صلاحية الفاتحة، أسفل الأيادي

بق بق.... برضكم اديتوا الناس فرقة ، وما وصلت المسيح

يا سلام

عذوبة في الصوت

وروعة اللقاء

لقاء اهل القران والزهد والصلاح

الأخ ود الباوقة , اسمح لى أن أوجه لك هذه الأسئلة :
(1) ألا تدرى الى يونا هذا , أن الانقاذ خدعنا بالاسلام , وأنزلت علينا نغيضه تماما , نعم , أنزلت علينا ( الشمولية البغيضة )
(2) هل عندك شك أن الحكم الشمولى هو من أبغض أنواع الحم يمر على البشرية , وأنه يمثل الشر كله ؟؟؟
(3) الا تدرى أنها فى الحقيقة تعنى فيما تعنى تحويل الدولة القائمة من دولة (وطن ) الى دولة ( حزب ) بحيث تتصرف فى أموالها , وممتلكاتها دون أى حسيب أو رغيب , كأنها ضيعة تابعة لها ؟؟؟ (4) الا تعلم أنها نغيض الحكم الديمقراطى أي ضد (الشفافية ) وأنها تسير فى خط موازى له لا يلتقيان أبدا ؟؟؟
(5) ألا تعلم أن من أميز مميزات الديمقراطية هى عملية : ( التداول السلمى للسلطة فى شفافية تامة وكاملة ) ما ذا يعنى ذلك ؟؟؟ هذا يعنى أن ادارة الدوله كلها بواسطة الحزب الفائز تتم فى (النور ) وفى وضح النها بالدرجة التى , تتيح للأمة كلها أن تحكم له أو عليه خلال الفترة المحدة له أى (الدورة ) وفقا للبرنامج الذى طرحه أولا , وصعد للسلطة بموجبه ؟؟؟
(6) ألا تعلم أنها ضد ذلك كله , وأن أول عمل تقوم به هو اطفاء هذا (النور ) تماما , وتحويله الى ( ظلام دامس ) لأنها لاتستطيع ادارة أعمال الدولة الاّ فى ( الظلام ) ؟؟؟ وفى هذا اثبات كامل للحقيقة المعلومة أنه لم يحدث فى ظل هذه الشموليات ( التى ابتليت بها البشرية منذ مستهل القرن المنصرم ) قيام انتخابات نزيهة قط انها كلها تقوم على تقويض ارادة الأمة لأجل البقاء فى السلطة
(7) أما فيما يتصل بحالتنا هنا فالنستمع للمفكر الاسلامى البروف. الطيب زين العابدين يحدثنا عن ذلك : ( وكان أن سمعنا العجب العجاب , بأنّ هناك من يتعبّد الله سبحانه وتعالى : ( بالتجسس على الناس واعتقالهم , وتعذيبهم , وقتلهم , وفصلهم من أعمالهم , .... وبتزوير الانتخابات , ونهب المال العام . )
(8) ماذا يعنى ذلك كله يا أخى ؟؟؟ يعنى بصريح العبارة أن الانقاذ منذ اللحظة التى اتخذت من (الشمولية البغيضة ) كنهج , ووسيلة لحكم البلاد , والعباد , فقد فارقت تماما وبعدت عن تعاليم وموجهات الرأية المرفوعة , فسارت فى طريق موازى لها لا يلتقيان أبدا , سارت وللأسف الشديد فى طريق (الشر ) طريق البغى , والاستبداد فى الأرض لا غير .

بق بق أضمن لي العيش الي ضحي الغد .. ولك الاجر

ثم ..

اختشي