هل مازال بص الجنة فيهو مقاعد فاضية ؟؟ وقصيدة مواصله لما كتبه الاخوان فى موضوع بص الجنة

07:28 PM Mar, 07 2015
سودانيز أون لاين
بشرى مبارك ود السقاى - بيرمنجهام
مكتبتي في سودانيزاونلاين



بعد تصريحات الرئيس عمر البشير الاخيرة فى مدينة القضارف بمناسبة تدشين حملته الانتخابية لولاية سادسة ليصل الى 30 سنة حكم !! للسودان البلد الذى أصبح فى عهده جنوباً وشمالاً وحروباً وإقتتالاً ، وتصريحاته بأنه سوف يسوق الشعب السودانى الى الجنة ، تناول العديد من الشعراء يتهكم هذه التصريحاب فى قالب شعرى حلمنتيشى أنتشر فى المواقع الاسفيرية فرأيت أن يتواصل العطاء فقلت :

قبال الجنة فى الدنيا أم نعيماً زايل
يا ما شُفنا يا بشه ...محن وهوايل
بعد ما كنا نسمع... قولنا من القايل
اصبحنا عجلانييين .. نكوس موبايل
بعد ما نسينا النسب والافتخار بى قبايل
رجعت القبيلة ... مرفوعة زى الفايل

********************

طولت الجلوس ....فى الكرسى ما ملييتو
وكل سودانى مخلص أمرضتو كييف شليتو
راجينُك سنييين .... سودانك ولا علييييتو
وما أديتو غييرك .... ولا قلت يووم خلييتو
شعبك شفت حالو ؟؟ وريقو النشف بلييتو !!!
زدت على الديوون ... بالكبرى ما عدييتو
وبرضو تقووول أواصل والروح عديييل سلييتو

يا زول أنقرع خلى البشير فى حالو
سايق الناس تمام مين البعرف أحوالو
الزول إن سبق عند الله ياها أفعالو
زهدو وصدقو ديمه وعدلو هى الشافعالو

شايفين المناظر وشفنا بله الغايب
وشايفين بشه واصل وشفنا فيهو عجايب
لا خان لى أمانتو ولا فينا خاب لو عايب
لبن الطير هلو إن درنا جالب وجايب

داير تركب أركب الجنه نفر البراق البشيرى


منصور