أسعد التاي ... أمنجي أم ضحية؟

05:57 PM Mar, 07 2015
سودانيز أون لاين
محمد البشرى الخضر - العين-الإمارات
مكتبتي في سودانيزاونلاين



جهجهتونا و جهجهتو باكاتنا
هل هو ضحية فنتضامن معه و نلعن خاش بلطجية القنصلية أم هو كوز سابق - قيل أمنجي - فنتضامن معه برضو مع شوية شماتة و قولة يستاهل و أيضا نلعن خاش بلطجية القنصلية أيضا

حسب كلامك، الرؤية عندك واضحة.
في الحالتين، إنت لاعن أبو خاش البلطجية ...... فأنساهو هو.


إزيك.

ود البشرى سلام

شايف كتير من البوستات اتناست جوهر الموضوع و بقوا ماسكين
في شكال اسعد التاي
يا جماعة غض النظر عن توجه اسعد التاي تعالوا نستنكر الفعل ابتداء
و ندين ناس القنصلية و معاهم ود الباوقة زيادة.
يا ناس ما تكتلوا الموضوع و تكتروا التصنيفات السؤال الموضوعي
هل تصرف موظفي القنصلية خطأ ام لا؟
بعد داك يطلع كوز يطلع جن بطريقتو

الله يفتح عليك يا أمجد
كنت بكتب في ردي أعلاه على ابو الريش وما قريت مداخلتك اللخصت الفكرة بالضبط
ليكن اسعد كوز و أمنجي و فعل ما فعل وترك ما ترك, هل هذا يجعل من تصرف البلطجية صحيحا أو يمكن التغاضي عنه!!
هل الناس بتدين الفعل الخطأ غض النظر عن من هو فاعله ومن وقع عليه ولاّ بتدين حسب الظروف!

Quote: و ندين ناس القنصلية و معاهم ود الباوقة زيادة.

هسي ود الباوقة مالو يا أمجد ... غايتو البتجي من الله تتلاقاها الواطه...

إزيك يا ود البشــرى ..

يا زول لا تلعن .. أسال الله ان يهدي الجميع ...

هلا أبو الريش
ما وقعت ليك الكنتة شكلك
في بوست بعنوان حقوق الإنسان ..(الكوز) - الجزء الثاني
لوراجعت البوست دا مقروءا معاه ح تتضح ليك الفكرة - الما ناقشتها لسة بالمناسبة :)

ود البشري سلام ..
شخصيا غير مستغرب مما حدث لاسعد التاي بل استغرب من استغرابكم ، يعني ما حدث للتاي يحدث يوميا في كل مرافق الدولة ، اي احتجاج منك او تذمر تطرد من المكان ويفتح فيك بلاغ معارضة موظف اثناء اداء وظيفته ، بل وتمزق اوراقك ويتقال ليك اعلي مافي خيلك اركبه ، ولن تعدم الكف واللكزة ولعن اهلك واليوم الجابك ليهم ..
مستنكرين انتوا بس عشان عايشين في بلد تحترم الانسان ..

يا ود البشري، سلام كتير و تحياتي ياخي، اتمناك طيب و شديد.

اسعد التاي ضحية، ضحية مرتين. الاولى عندما هجم عليه عصبجية القنصلية و اوسعوه ضرباً. ياخي وزراة الخارجية قائدها دباب سابق، فماذا تتوقع من موظفيه؟ كلهم ناس دفاع شعبي ليس لهم علاقة بالعمل الدبلوماسي. و التاي ضحية لحالة العجز و الشلل التى اصابت الشعب السوداني حتى بات الناس لا يحركهم منظر انسان يتعرض للاهانة امام انظارهم. اذا الناس واصلوا اللامبالاة دي سوف يصلهم راس السوط عما قريب.

أوكي يا ود البشري، لحدي ما تناقش فكرة البوست، نعوس شوية.

نتكلم من وجهة نظر معارض للحكومة، وبالطبع يتربص كل أخطائها للإستفادة منها.
نفترض برضو إن ود التاي أمنجي. لمجرد إنو ود التاي أمنجي، يغض المعارض النظر عن تجاوز القنصلية رغم إنها أدتو مادة مجانية؟
في الحالة دي ما مطلوب منه يناصر العنصر الأمنجي، لكن يحارب أفعال القنصلية ... اما الأمنجي، يجي حسابو بعد ما يبقى في دولة تحاسب.

معليش راسي جايط، ما عارف إذا كان قصدي وصلك.

لا هذا ولا ذاك



استاذة منى

(.) هيييييع دايم هو ... ابوحتوت لازال يواصل حملة مطاردة الفبركة و الاكاذيب
البورد لسا فيهو حاجة من زمن الفن الجميل
مثابر جنس مثابرة :)

Quote: ود البشري سلام .. شخصيا غير مستغرب مما حدث لاسعد التاي بل استغرب من استغرابكم ، يعني ما حدث للتاي يحدث يوميا في كل مرافق الدولة ، اي احتجاج منك او تذمر تطرد من المكان ويفتح فيك بلاغ معارضة موظف اثناء اداء وظيفته ، بل وتمزق اوراقك ويتقال ليك اعلي مافي خيلك اركبه ، ولن تعدم الكف واللكزة ولعن اهلك واليوم الجابك ليهم .. مستنكرين انتوا بس عشان عايشين في بلد تحترم الانسان ..

بالمناسبة هذه ليست الحادثة الاولى في قنصلية جدة ، فقد حدثت من قبل لكنها لم تصل للرأي العام بهذه الكثافة ، اما في الداخل ، فحدث ولا حرج .. ناس الضرايب بقو يدقو ، رايكم شنو؟ جادي والله ، تلقى معاهم عساكر لافين ، يشوفو الزول هوين يودوهو اقرب مركز شرطة يجلدوهو كويس ويفكوهو .. ويشيلو الدايرنو ..

سلام ود البشرى