معقولة ده ود الوزير الكفت ال9 كيلو دهب والبتاعات ؟

Post: #1
Title: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-07-2015, 02:48 PM

01:48 PM Mar, 07 2015
سودانيز أون لاين
Osman Musa -
مكتبتي في سودانيزاونلاين

صديق من الشباب المساكين تجار الجلاكسي لزوم لقمة العيش الصعبت .
قابلتو ماشي كداري بعد زمن في المسافة الفاصلة بين محطة بنياس ومحطة الأتحاد في دبي .
بعد السلام وفي نص حكايتو لي عن موت صديق عزيز . قطع كلامو ..
يا جماعة .
يا جماعة يا جماعة ه ه ههها هي . ده ما ياهو ود الوزير الكفت الشغلات عن طريق الصالة المكندشة .
قلتلو يا أخوي أنا البلد خليتو وهم كانوا منشغلين بي الحرب وديك الأيامات مافي زول أتلفت للكفت عبر المطارات .
دحين يا أخوي حدثني عنو ..
وتعال نباريهو زنقة زنقة .

Post: #2
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-07-2015, 04:07 PM
Parent: #1

ونحنا متابعنو من بعيد لي بعيد .
سألت صاحبي : ياخ أنت متاكد ده ود وزير ؟
صحيح الزول لابس تي شيرت ماركة فرزاتشي وساعة ROLEX سعرها 40 ألف درهم يعني سعرها قدر رأس مالك
البتتاجربو ده مرتين .
بس أحتمال ما يكون ود وزير . أحتمال أبوهو عندو صالون حلاقة ههههههههههها .
وأحتمال برضو أنت تكون ملخبت شكلو .. بعد ما ضربك ال HEPATITIS B وخلاك تشوف طشاش طشاش .
قال لي : يازول أنت ضارب أمريكا دي وما جايب خبر .. هبتايتيز شنو البجيب لي طشاش ؟
نحنا صاحين .
ومفنجلين عيونا زي الريال أبوعشرين لي جماعة الكفت ديل . كدي ألكع النحصل الزول .

Post: #3
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-07-2015, 05:33 PM
Parent: #2

الزول دخل محل مقابل أشارة المرور وبعد أقل من
دقيقتين طلع و في يدو كيس و طلع معاهو هندي نوع أبو عمة قطية دأك .
في لحظة الطلعة وقفت عربية BMW بلو شالتو مع الهندي . وتاني ما تشوف الا طشاش طشاش .
يمكن يا جماعة طشاش الهبتايتيز ده أكتسح البحر والبر ؟
يجوز صحيح الحاصل ده ؟
وهو البلد كلو فيهو كم كيلو ؟
تركتو صاحبي يمشي يكمل مشترواتو عشان يتخارج من دفع الفندق وصرف دبي البشيل الربح .
وأنا مشيت ألحق معايشي .

Post: #4
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-07-2015, 06:55 PM
Parent: #3

كان بيضرب في أسعار مشتروات تلفوناتو لحظة فارقتو في مفرق بنياس .
هو رجع جهات بناية قرقاش وأنا مشيت منو وأنا
أردد في مقطع قصيدة عزيزنا الشاعر الشاب / عمار المعتصم
البقول فيها :

بلادٌ بلا رجليـن .. تحبو على الأسـى
ونحنُ بلا عينيـن ،، نبكي ،، ونصبرُ

وصوتُ البُكـا يمتدُّ فينـا كأنـنا
ـ وقد ضاقَ عنَّـا البحرُ والنهرُ ـ قُـصَّـرُ

بلادٌ ،، كأنَّ الصمتَ أرخى حجابهُ
عليهـا ، وناداها إلى الموتِ قيصـرُ

Post: #5
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-07-2015, 09:17 PM
Parent: #4

نتابع حكاية الزول الكفت البتاعات

Post: #6
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-07-2015, 10:35 PM
Parent: #5

زاتو جميلة الونسة مع الزول الواصل من السودان .
وبتكون أمتع وأجمل لو كانت عن الارباح والحركات القردية في كفاح ال SAMSUNG DUOS .
أنا بتخيل الجيل القعد في السودان ولحس الزلط .. ده جيل عظيم .. ده جيل أتعلم الكتير وصبر علي الكتير .
وبتخيل ده جيل أحسن مننا نحنا المرقنا . لا قطعة في الوأدي الأخضر ولا حمص شاكيرا .
الجيل القاعد في حر السنين دي . جيل عظيم . وفايتنا في الكفاح . ونحنا
مهما تضهبنا في المحطات الطويلة ومهما كدينا التلوج والهروكينات وكتمنا شلاليت المهاجمين في دكاكين اليهود في بروكلن .
برضو ولاشيء .
ولاشيء .
تخيل زول يجي دبي يقعد جعان يومين . عشان لما يرجع يقدر يدفع حق الجمارك . عشان يشتري حبوب السكري لي أمو في تمبول
. وزول تاني يجي دبي بي الفرزاتشي والساعة ال ROLEX
التحية مربعة لتجار الجلاكس الكادحين ..

Post: #7
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-08-2015, 00:07 AM
Parent: #6

زولي تاجر الجلاكسي لقيتو حرفنتو ما بس في شغلو المكربو .
زولي لقيتو ناقش خبر الشرق والغرب .. تشوفو تقول الزول دأقس . الا بعد يفك الحنك تلقاهو ولا ناس ال T M Z .
زولنا لقيتو عارف مكان المعمل الاتعملت فيهو الشيشنة للتسعة كيلو . و كابور الهندي المشتري . وقاعة مسرح الخروج .

Post: #8
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-08-2015, 04:28 AM
Parent: #7

نتابع

Post: #9
Title: Re: معقولة ده ود الوزير الكفت ال9 كيلو دهب والبتاعات ؟
Author: Abdullah Idrees
Date: 03-08-2015, 08:57 AM
Parent: #8

Quote:

أنا بتخيل الجيل القعد في السودان ولحس الزلط .. ده جيل عظيم .. ده جيل أتعلم الكتير وصبر علي الكتير .
وبتخيل ده جيل أحسن مننا نحنا المرقنا . لا قطعة في الوأدي الأخضر ولا حمص شاكيرا .

انا كمان لاحظت نفس الشيء ، رغم التعليم السيء ، لكن مفتحين و اتحرروا من عقد كتيرة كانت تؤثر سلبا على شخصية السوداني ..

سلام عثمان

Post: #10
Title: Re: معقولة ده ود الوزير الكفت ال9 كيلو دهب والبتاعات ؟
Author: مازن فيصل هلال
Date: 03-08-2015, 09:09 AM
Parent: #9

يا حبيبنا عثمان ... و انا اقول يا ربي الزول القاعد ينضم براهو و يقلب في يدينو قدام محطة مترو الاتحاد UNION دا مااا غريب علي .. هههههههههه

Post: #11
Title: Re: معقولة ده ود الوزير الكفت ال9 كيلو دهب والبتاعات ؟
Author: درديري كباشي
Date: 03-08-2015, 09:49 AM
Parent: #10

هههههههههههههههههههه غايتو نحن زمان كيلو دي ما بنسمعها الا في الباسطة وزاتها ما بتحصل تسعة كيلو الا اذا في كلية عاملة حفلة استقبال او تخريج للطلاب الجدد

تسعة كيلو دهب ؟؟؟؟؟؟؟؟؟؟؟؟؟؟؟؟

واصل الحكي الممتع والكوميدبا السوداء يا ود موسى

Post: #14
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-08-2015, 06:44 PM
Parent: #11

عزيزنا الدرديري
سلامات
كيفك وكيف الحال ؟
.. وزي ما قال عمك حبيبنا الراحل الطيب صالح
هل حرائر النساء من " سودري " و " حمرة الوز " و " حمرة الشيخ "
ما زلن يتسولنّ في شوارع الخرطوم ؟ هل ما زال أهل الجنوب ينزحون الى الشمال وأهل الشمال يهربون الى أي بلد يقبلهم ؟
..
الباسطة يا الدرديري أخوي يا حليل الباسطة .
ديل عندهم تحلية أم علي بي المتر والدهب بي الطن .. ياخ الزول الدخل صالون الحلاقة في الخرطوم ودفع بي اليورو ما سمعتبو ؟ هههها
..
تحياتي وخليك قريب

Post: #13
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-08-2015, 05:25 PM
Parent: #10

عزيزنا الشاب مازن
سلامات
عليك الله يا ود أخوي البيمنعني أنضم برأي شنو ؟
ياخ زول يوزع ال 9 كيلو علي ال3 SAMSONITE ويمرق بي الصالة المكندشة النهار .
..... .
ياخ خليك قريب . خليك ملاصق للبوست وبعيد من عيار 99 . هههها تحياتي

Post: #12
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-08-2015, 04:01 PM
Parent: #9

عزيزنا عبدالله أدريس
سلامات
كيفنو حالك وكيف حال أهلنا ناس ود حامد ومديسيسة والحقنة .
..
أي يا أخوي ده جيل نجيض وجميل .. صبر علي ساندوتشات النيم وعلي المطاطي والحي .
ده جيل سائق أمجادو أستاذ في جامعتو وزميل كليتو ميكانيكي في اللفة .
ده جيل قعد فوق الكانون و شال لينا شيلة الدافوري الحاصل وهو مفتح العينين والقلب .
له التحية وله التقدير

Post: #15
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-08-2015, 07:55 PM
Parent: #12

قال لي :
غايتو نحنا تجار الجلاكسي المساكين لينا الله وعيشة السوق .
ياخ الليلة في دبي سعر كيلو الدهب السوداني بي الدرهم = 138008. وكراويش
وسعر الكيلو بي الدولار = 37573 وحتحاته .
وسعر الذهب السوداني أعلي من الكنغولي والبوركينوفاساوي .
وضحك في كلمة البوركينوفاساوي ..
سألتو في دي ضاحك مالك ؟
ضحك تاني . وقال لي : دي خليها .
بس أقولك حاجة : تاجر الذهب اليمني يشتري الذهب السوداني فقط ثم الكنغولي وما بيتعب نفسو
في شرح معاني اللغة .
وخليني النشرحليك طريقة تهريب مصارين بطن بلدنا الحزينة .
تخيل كم كيلو بتطلع كل يوم .. صحيح بلد رأيح .. رحم الله شاعرنا العزيز عمر الطيب الدوش

Post: #16
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-08-2015, 09:38 PM
Parent: #12

نتابع حديث المتحدث عن تهريب المهربين الكبار
وتهميش الكادحين المجتهدين الصغار .

Post: #17
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-08-2015, 11:36 PM
Parent: #16

قلتلو الولد ده طوالي بجي ؟
وفي كل مره بيدخل بي 9 ؟
قال لي : لا لا
هو ما براهو .. ولا هو وأحد ولا أتنين .
الجماعة دقشة ناس .
قلتلو : طيب الكيلو بيكلف الوأحد منهم كم في السودان ؟
قال لي : يكلف كم شنو ؟
الشغل ده خمسين في المية منو مصادر من المساكين في وأدي قبقبة .
قلع عديل .
الجماعة ديل عندهم ناس هناك للقلع .
وعندهم برضو في الصالة المكندشة والهندي أبوعمة قطية في الانتظار .
الشغلة محبوكة .. تقول لي جلاكس وشوأحن

Post: #18
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-09-2015, 03:56 AM
Parent: #5

معقولة ؟
معقولة ده ود الوزير الكفت التسعة كيلو دهب والبتاعات ؟
والكفت ده حدو متين ؟
نتابع

Post: #19
Title: Re: معقولة ده ود الوزير الكفت ال9 كيلو دهب والبتاعات ؟
Author: MOHAMMED ELSHEIKH
Date: 03-09-2015, 05:18 AM
Parent: #18

ود موسى ازيك وضيوفك

متابعين
بس ماتنسى لينا موضوع البتاعات ديل زي الدهب واحد

Post: #20
Title: Re: معقولة ده ود الوزير الكفت ال9 كيلو دهب والبتاعات ؟
Author: Osman Musa
Date: 03-09-2015, 03:09 PM
Parent: #19

عزيزنا ود الشيخ
سلامات
و مرحب حبابك يا أخوي
صاح البتاعات زي الدهب مهمات .
بس الدهب تهريب وقلع ( كفت ) يعني أمحمد يتعب يفتش ويحفر ويصفي
والجماعة يلفحوا .
تحياتي

Post: #21
Title: Re: معقولة ده ود الوزير الكفت ال9 كيلو دهب والبتاعات ؟
Author: محمد حيدر المشرف
Date: 03-09-2015, 05:48 PM
Parent: #1

والله يا عثمان حاجة تحير ..
تعال عندنا بي جاي وإنت تسمع وتشوف العجب ..
يقولو ليك شفت الزول الطلع هسع؟!
تقول ليهم آآي ..
يقولو ليك ده ود فلان الفلاني وجايي معاهو كم مليون دولار عاوز يستثمرهم هنا !!

تسكت تموت من المغسة ..
تنضم يقولو عليك مناتل !!!

غايتو بنسكت لكن ..
هم ما يستثمرو فسادهم ده في السودان زي الفاسدين المحترمين ناس أحمد عز وهلمجرا يا عثمان !!

Post: #22
Title: Re: معقولة ده ود الوزير الكفت ال9 كيلو دهب
Author: عمر علي حسن
Date: 03-10-2015, 03:23 PM
Parent: #21

يا شيخي
انت جيت من وين والجابك بي جاي شنو ومالك ومال اولاد الوزراء .. ما تخليهم يسترزقوا
ياخي .. علي الاقل يكون بيناتنا ناس عندها حاجة

نحن اخي شعب محظوظ ف(ملبوعاتنا) لا تجد صعوبة في مغادرة مطاراتنا بالتسعه والعشرة
كيلوا بينما في الهند يشمون رائحة سبيكة الدهب من الرنوي .. شوف بالله الهنود المساكين ديل
تعبانين كيف وما لاقين اي فرصه

تصور .. أنا في مطار الخرطوم ضابط الجمارك شك في شنطة يدي وقال لي تعال خلينا نشوف
السامسونايت دي فيها شنو ...... والله كدت ابكي وانا افتح شنطة يدي .. وبها الجواز واوراق بها
كلمة سالقيها في اجتماع المجلس الاستشاري للهلال وصندوقين سجاير وكيس الادوية التي استعين
بها علي الحياة .. وللاسف ليس من بينها ما يعين علي محن الزمان الذي جعل مثلي يفتشوه في
مطار الخرطوم .. دنيا فرندقس ..

ولكنني كل ما نزلت الخرطوم وجدت اهلي (احرف) في التعامل مع الحياة

يا عثمان ياخي نحن شعب لا يهزه شيء فقد ذبحنا كتشنر واحرقنا الدفتردار وضربنا سير لي ستاك
وربنا انقذ مننا محمد نجيب .. ولم نجد في كل ذلك فائده .. فتركنا الدرب للحكام .. اللي عايز يقعد علي
كيفه واللي عايز يمشي علي كيفه .. سته ، ستاشر ، سته وعشرين .. البريحك .. جاي تزرزرنا في
حبة دهب ؟ ! .. ياخي والله امريكا دي خربتكم وبوظت اخلاقكم .....

واصل اخي فالمتعة ان تشاهد كيف يعافر الاخرون .. وانت عاجز

عمرعلي حسن

Post: #24
Title: Re: معقولة ده ود الوزير الكفت ال9 كيلو دهب
Author: Osman Musa
Date: 03-10-2015, 05:20 PM
Parent: #22

عزيزنا سعادة اللواء عمر
سلامات
يفتشوك يا أخوي ؟
لو ما يد البلد ملوية الزيك بيتفتش ؟
نزرزر منو يا أخوي ؟ هو عليك الله ال BMW والهندي أبوعمة قطية أدونا مهلة نزرزر ؟
عان يا أخ عمر .
د / انجيس كامبل مدير برامج مؤسسة الأبحاث الاجتماعية التابع لجامعة ميتشجان .
زول حقاني في دأخل بلدو و معارض معارضة شديدة للسرقات البتحصل للثروات في البلدان المسكينة .
وبقول :
( أوليك الذين يشعرون بنقص في شخصياتهم ليس محتملا منهم أن يتمتعوا بشخصية ايجابية في حياتهم مهما تضخمت أموالهم )
( يظل شاعرنا الراحل محجوب شريف . ماهو الوليد العاق لا خان ولا سراق )
ويظل السودان بي خير الله الفيهو فوق عين أكبر سامسونايت
....
ليك التحية عزيزنا سعادة اللواء عمر
و أرجو أن تكون والأسرة الكريمة بالف خير

Post: #23
Title: Re: معقولة ده ود الوزير الكفت ال9 كيلو دهب
Author: Osman Musa
Date: 03-10-2015, 03:34 PM
Parent: #21

عزيزنا د / المشرف
سلامات
تخيل يا د / 9 كيلو في فد يوم .
وبي الصالة المكندشة .. طيب ياخ وين القناعة بي قسمة ربنا ؟
وين العدالة ؟
..
سمعنا يا ود المشرف عن كتاب صدر من مركز هارفارد للأبحاث التربوية والسياسية .
أسم الكتاب ( من يحقق الحلم )
قالوا الكتاب بيتكلم عن النجاح والثروة والوطنية والطرق الصحيحة للتجارة وقيادة البلدان الي التقدم والتحرر .
بتخيل زولنا ده لو باعلو خمسة جرامات من التسعة كيلو ديل وأخدلو بيهن كتاب كان أنعدل .
بس القصة وكت تهيص يا دكتور أهو بيحصل متل ده الدافوري الصعب ..
تحياتي وجزيل شكري علي المتابعة

Post: #25
Title: Re: معقولة ده ود الوزير الكفت ال9 كيلو دهب
Author: Osman Musa
Date: 03-10-2015, 08:17 PM
Parent: #23

المضحك جدا جدا
في مطار الخرطوم الماعندو علاقة بالدولية .
يقابلك أول ما يقابلك جهاز فحص للعفش الشايلو في يدك .. ود بعد مراجعة الجوازات عند الدخول .
وده ما معمول في الصالة المكندشة لا في الدخلة ولا في الخرجة .

Post: #26
Title: Re: معقولة ده ود الوزير الكفت ال9 كيلو دهب
Author: Osman Musa
Date: 03-10-2015, 10:32 PM
Parent: #25

والمضحك برضو في ناس الجهاز ده ماعندهم معاهو شغلة .
يعني ممكن وأحد يجي بي جلابيتو ويدخل ويسلم علي زول من ركاب الطائرة الكانوا معاك في نفس الرحلة .
يشيليك أكياسو والشنطة ويفوت يعبر الجهاز عادي .

Post: #27
Title: Re: معقولة ده ود الوزير الكفت ال9 كيلو دهب
Author: Osman Musa
Date: 03-11-2015, 00:43 AM
Parent: #1

الحمد لله علي الأمن والأمان .
ساعة ال ROLEX الفي يدو و ال T شيرت ماركة فرزاتشي
لو ما الأمن والامان الفي بلدنا الحبيبة والشقيقة ما كان الزيو قدل في الشارع بين الناس .