Post: #1
Title: هذا توقيعي الجديد ( سكاتي ولا الكلام الني ) وكلو من ادمان الركشات احسن من ادمان المخدرات هههههههه .
Author: مني بت نفيسة
Date: 03-07-2015, 11:23 AM
10:23 AM Mar, 07 2015
سودانيز أون لاين
مني بت نفيسة - هولندا
مكتبتي في سودانيزاونلاين
مليووووووووون سلام ...
لما مشيت للسودان وما لقيتو , حقيقة دبرسته جدآ لكن حسيت بانه ممكن انسي ولو القليل من مأساتي
فقلت احسن ادمن لي حاجه تنسيني هذه الكارثة وهي كارثة الفقدان للوطن فصدقوني ادمنت الركشات
والتعليقات عليها هههههههههههههههههههههه . لدرجة بكون قاعدة براي بضحك يعني المابعرفني بقول
بت نفيسة بتخدر هههههههههه اي بتتعاطي لكن اقول ليكم ادمان التعليق علي الركشات اخطر من المخدرات
قولوا لي كيف ؟
بجيكم صادة ..
وسكاتي ولا الكلام الني .
|
Post: #2
Title: Re: هذا توقيعي الجديد ( سكاتي ولا الكلام الني ) وكلو من ادمان الركشات احسن من اد
Author: سيف اليزل سعد عمر
Date: 03-07-2015, 11:29 AM
Parent: #1
| Quote: لما مشيت السودان وما لقيتو |
صدقتى...
سلام كتير
|
Post: #3
Title: Re: هذا توقيعي الجديد ( سكاتي ولا الكلام الني ) وكلو من ادمان الركشات احسن من اد
Author: مني بت نفيسة
Date: 03-07-2015, 11:40 AM
Parent: #2
حبيبنا \ سيف
لعلك طيبة والاسرة الحبيبة ؟ ااسف لعدم التلاقي باسرتك الحبيبة لدي .
وشوق اكتر يا سيف ... غايتو يا سيف مافي شئ خدرني وشوية بسطني غير ادمان الركشات
والتعليق عليها لدرجة لو ماشة محطتين بركب ركشة وبجرهم لي عشرة محطات وبجي راجعة
عشان اشوف اكبر كمية من الحبيبات التركشات والتعليق الفيهن ههههههههههه . دا غير المواقف
الطريفة البتمر بي وانا فيها كدي انتهي من خدمتي واجي اضحكك هههههههههههههه .
سكاتي ولا الكلام الني .
|
Post: #4
Title: Re: هذا توقيعي الجديد ( سكاتي ولا الكلام الني ) وكلو من ادمان الركشات احسن من اد
Author: عبدالله عثمان
Date: 03-07-2015, 03:38 PM
Parent: #3
سلام يا منى بت نفيسة
عندي بعض اصحابي من الجمهوريين مدمنين قرآءة ما يكتب في ظهر الراكشات ولهم فيها تفسيراتهم الخاصة وقد أعدوني بهذه الهواية اللطيفة الباعثة على التفكير
|
Post: #5
Title: Re: هذا توقيعي الجديد ( سكاتي ولا الكلام الني ) وكلو من ادمان الركشات احسن من اد
Author: عبدالله عثمان
Date: 03-07-2015, 03:45 PM
Parent: #4
|
Post: #6
Title: Re: هذا توقيعي الجديد ( سكاتي ولا الكلام الني ) وكلو من ادمان الركشات احسن من اد
Author: مني بت نفيسة
Date: 03-08-2015, 12:52 PM
Parent: #5
الحبيب يا المحترم \ عبد الله ود عصمان .
لك التحية والتقدير .. والشكر الجميل للاضافة ما يسعدني من تعليق وكلام بلد
| Quote: عندي بعض اصحابي من الجمهوريين مدمنين قرآءة ما يكتب في ظهر الراكشات |
وما تنسي انا ذاتي ترب الجمهورين عليهم ومنهم السلام .. وربنا يتقبل الشهيد الاستاذ محمود محمد طه .
تصدق يا ود عصمان من قبيل محربسة لي الولاد اخوي في الاسكاي عشان يرسلو لي اخر التعليقات اجي ادعم
بيها البوست ههههههههههههههههه .
ومن اجمل التعليقات القريتها هههههههههه ( الله اكبر حقت زمان ) شوف روعة هذا الشعب .. عليك الله دا شعب
يحكموهوا شياطين الآنس ؟ ربنا يصرفهم عننا وعجل بزوالهم . اميين . وتسلم يا ود عصمان وما عدمناك والرجاء
عدم الانقطاع واضافة التعليقات العندك . وفي امان الله .
سكاتي ولا الكلام الني ..
بت نفيسة .
|
Post: #7
Title: Re: هذا توقيعي الجديد ( سكاتي ولا الكلام الني ) وكلو من ادمان الركشات احسن من اد
Author: عبدالله عثمان
Date: 03-08-2015, 12:58 PM
Parent: #6
مرحبتين ، تلاتة ... مليار بترب الناس الخيرين
لطائفها، الراكشات، كتيرة وهي تحكي سيرة هذا الشعب الطيب المغلوب على أمره فـ"غـ"ـرابة الـ 70 ألفا من الخريجين الجامعيين يقودون الراكشات
من ألطف قصصها أحدهم كتب على ظهر راكشته "أوكامبو" ... أقتادوهو للأمن وجرّعوه من العذاب ما جرّعوهو وهو يقسم لهم
يا جماعة أنا ما قاصد
أوكامبو
أنا قاصد أكتب أوباما
|
|