لم اشاهد هذا الفيديو من قبل ... ووقعت عيني عليه مساء الأمس ...
فأخذت بمشاهدته و اعادته حتى غلبني النوم ...
و عدت الآن اعيد الكرة ...
ارجو مشاهدته كاملاً ...
الحصة الموسيقية : كيف رفض الساكسفون ( بغضب ) في تلك الصوله ثم اختار الفلوت ... الحصة الفنية : حينما أوقف الموسيقى و اعطى عبد الوهاب درساً في قيمة إيقاع التم تم ... الحصة الأخلاقية : كيف عاد و لاطف ( جنكيز ) عازف الساكس بعد ان منعه في البداية ؟؟؟
شكرا اخي سمباتكو الذي قام برفع هذا الفيديو العجيب على اليوتيوب ...
Post: #2 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: يحي قباني Date: 03-07-2015, 05:33 AM Parent: #1
محمد وردي ...
في حضرة جلالك.. يطيب الجلوس مهذب أمامك يكون الكلام لأنك.. محنك عميق الدروس
Post: #3 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: حسام عبد الرحيم Date: 03-07-2015, 07:12 AM Parent: #2
يا هندسة القعاد فى القمة صعب ..
Post: #9 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: يحي قباني Date: 03-07-2015, 04:09 PM Parent: #3
Quote: يا هندسة القعاد فى القمة صعب ..
ازيك يا قريبي ...
شفت ليه سموهوا الامبراطور ؟
Post: #4 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: عبدالله محمد أحمد Date: 03-07-2015, 09:06 AM Parent: #1
الاخ يحيى تحياتي و شكرا على الفيديو المتعة
الفيديو محاضرة كاملة الدسم و منه علمت السر الذي ميز وردي عن غيره من الفنانين. كنا نظن - قبل تنزيل هذا الفيديو - ان الغناء هو فقط ما يخرج من حنجرة الفنان، لكن عند وردي ان الموسيقى نفسها يجب ان تكون غناءً. و اعتقد ان هذا الفهم للموسيقى عند وردي هو السبب الرئيس في عذوبة الحانه. الشئ الثاني اختياره لمايستروا يعرف وردي. و الاخيرة حزمه الشديد في تنفيذ ما يريده
Post: #13 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: يحي قباني Date: 03-08-2015, 00:28 AM Parent: #4
Quote: الاخ يحيى تحياتي و شكرا على الفيديو المتعة
الفيديو محاضرة كاملة الدسم و منه علمت السر الذي ميز وردي عن غيره من الفنانين. كنا نظن - قبل تنزيل هذا الفيديو - ان الغناء هو فقط ما يخرج من حنجرة الفنان، لكن عند وردي ان الموسيقى نفسها يجب ان تكون غناءً. و اعتقد ان هذا الفهم للموسيقى عند وردي هو السبب الرئيس في عذوبة الحانه. الشئ الثاني اختياره لمايستروا يعرف وردي. و الاخيرة حزمه الشديد في تنفيذ ما يريده
تحياتي عبد الله ...
بالفعل محاضرة ... و متعة لا نهائية ...
قال لجنكيز ...
تيرا ريرا رارا ... غُنا ... معروف ...!!! ______________________________________ و الله ما كان نفسي الا أكون قاعد قعدة الحلنقي دي ...
لكن الزينا ده بس يسمع و يتعلم ...
Post: #5 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: عاطف عمر Date: 03-07-2015, 09:14 AM Parent: #1
قاليك " الإيقاع لما يكون تم تم لا حبشي ....لااااااااااااا إنجليزي إثيوبيا براها والسودان براهو ...."
ياخ عظمة ذلك الجيل ليست في إبداعه فحسب وإبداعه كان متفرداً إنما عظمة ذاك الجيل كانت في إستشعارهم للمسؤولية في ما يؤدونه من رسالة .... وأشهد أنهم قد أدوها على أبدع ما يكون
_____________
قبة إنت أقعد ( فلقنا ) بروائعك دي لمن يوم تعمل لينا نزيف داخلي
Post: #14 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: يحي قباني Date: 03-08-2015, 00:33 AM Parent: #5
Quote: قاليك " الإيقاع لما يكون تم تم لا حبشي ....لااااااااااااا إنجليزي إثيوبيا براها والسودان براهو ...."
ياخ عظمة ذلك الجيل ليست في إبداعه فحسب وإبداعه كان متفرداً إنما عظمة ذاك الجيل كانت في إستشعارهم للمسؤولية في ما يؤدونه من رسالة .... وأشهد أنهم قد أدوها على أبدع ما يكون
_____________
قبة إنت أقعد ( فلقنا ) بروائعك دي لمن يوم تعمل لينا نزيف داخلي
تعرف يا عاطف عمر ...
في بوست كتبوا زول هنا أيام المرض اشتد على وردي قبل وقت قليل من وفاته رحمة الله عليه ...
ما خشيت البوست ... بس من عنوانه ظل راسخ في دواخلي ... لانه هزاني تماماً ...
عنون البوست كان ( يا وردي أوعك تموت ) ...!
و مات وردي و ماتت معه أشياء و أشياء يا صديقي ...
Post: #6 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: لؤى Date: 03-07-2015, 10:37 AM Parent: #1
أخـي قبّانـي سلامات
كانت هذه البـروفات الـتـي سبقت حفل قناة قوون والذي أحياه وردي علـى مسرح قاعة الصّداقة فـي السّابع من أغسطس 2010 بـمناسبة تدشيـن قناة قوون لآخر مراحل البثّ الـمباشر الرّسـمـي
تـحاياي
Post: #7 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: صبري طه Date: 03-07-2015, 12:40 PM Parent: #6
حبيبنا يحيى .. الليلة حأحكّها معاك ولازم تجاوبني نيابةً عن الراحل وردي رحمة الله عليه سائلاً المولى عزّ وجل أن يجمعنا به في عليين !!
وردي في اليوتيوب الذي أرفقته قال في الحتّة المقصودة الفلوت بيعبّر أكتر ...
مع إنّو في حلقة البرنامج التحت دي (على ما أعتقد برنامج أعزّ الناس) اشتغلها بتاع الساكسفون !!
فما عارف هل وردي اكتشف إنّو الفلوت بيعبرّ أحسن لأوّل مرّة في البروفة دي .. ولاّ الفهم شنو ؟
ــــــ لازم تجاوب إنت
ــــــ
Post: #8 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: Hafiz Bashir Date: 03-07-2015, 01:14 PM
عبقرية وردي ستظل منهل لتعلم الموسيقى لأجيال كثيرة قادمة
رحم الله الفنان وردي بقدر ما غذى إحساسنا بالروائع
وجهة نظر خاصة:
الصولة الإعترض عليها الفنان وردي بالساكس أحلى من بالفلوت
Post: #10 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: جلالدونا Date: 03-07-2015, 04:50 PM Parent: #8
سلام يخيى و دايما سايقنا للجمال فى بوست لى اخونا ود المدير قال لى الحقنا بالريلة لميت فى البروفة بتاعتا تصدق قربت اكبها ليهو لكن مسار البوست وقف فى طريقى شغل المطبخ دايما سمح شوف التأخير الاقل من ثانية و علاج العبقرية الوردية ليهو و القيمة الجمالية ال اضافا للحن
Post: #22 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: يحي قباني Date: 03-09-2015, 04:12 AM Parent: #10
Quote: سلام يخيى و دايما سايقنا للجمال فى بوست لى اخونا ود المدير قال لى الحقنا بالريلة لميت فى البروفة بتاعتا تصدق قربت اكبها ليهو لكن مسار البوست وقف فى طريقى شغل المطبخ دايما سمح شوف التأخير الاقل من ثانية و علاج العبقرية الوردية ليهو و القيمة الجمالية ال اضافا للحن >
ابداع مافي شك ...
تسلم يا جلال ...
Post: #11 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: الهادي ابوبكر Date: 03-07-2015, 04:53 PM Parent: #8
في حفلة اثيوبيا الشهيرة اداها العازف الاثيوبي وما اعترض عليها وردي
وكذلك في المقطع الثاني المسجل لقناة الشروق اداها عازف ساكس سوداني
فربما إن الاعتراض على أداء الجملة نفسها وليس الآلة. الله أعلم. بس هذا جيل لن يتكرر..
التحية لصاحب البوست والضيوف الكرام،
Post: #12 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: لؤى Date: 03-07-2015, 05:20 PM Parent: #11
Quote: في حفلة اثيوبيا الشهيرة اداها العازف الاثيوبي وما اعترض عليها وردي
وكذلك في المقطع الثاني المسجل لقناة الشروق اداها عازف ساكس سوداني
فربما إن الاعتراض على أداء الجملة نفسها وليس الآلة. الله أعلم.
يا صبـري والـهادي سلامات
حاجتيـن مـهـمّات وردي لـم يكن مـحتـجّاً علـى الآلة الـتـي تؤدّي الصولو الإحتجاج كان علـى أداء صلاح جنكيـز للصولو
الـحاجة التّانية ما فـي عازف ساكس أثيوبـي عازفا السّاكس فـي حفل أثيوبيا هـما صلاح دهب وعبد الـهادي مـحـمّد نور وكلاهـما سودانيّان
وعبد الـهادي مـحـمّد نور هو نفس عازف السّاكس فـي حلقات أعزّ النّاس والـتـي بُثّت علـى علـى قناة الشّروق
تـحاياي وعُذراُ يـحيَـى
Post: #17 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: يحي قباني Date: 03-08-2015, 01:13 AM Parent: #8
Quote: عبقرية وردي ستظل منهل لتعلم الموسيقى لأجيال كثيرة قادمة
رحم الله الفنان وردي بقدر ما غذى إحساسنا بالروائع
وجهة نظر خاصة:
الصولة الإعترض عليها الفنان وردي بالساكس أحلى من بالفلوت
زي ما ذكر لؤي
الاعتراض كان انو جنكيز ما اداها كما الفها وردي ...
Post: #16 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: يحي قباني Date: 03-08-2015, 00:39 AM
Quote: حبيبنا يحيى .. الليلة حأحكّها معاك ولازم تجاوبني نيابةً عن الراحل وردي رحمة الله عليه سائلاً المولى عزّ وجل أن يجمعنا به في عليين
الله جاب لي لؤي و حلاني منك يا رشاشة يا عكليته ... :)
عينك لي لؤي شمت و داير تحكها معاي انا المسيكين ده ...
Post: #15 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: يحي قباني Date: 03-08-2015, 00:35 AM Parent: #6
Quote: <أخـي قبّانـي سلامات
كانت هذه البـروفات الـتـي سبقت حفل قناة قوون والذي أحياه وردي علـى مسرح قاعة الصّداقة فـي السّابع من أغسطس 2010 بـمناسبة تدشيـن قناة قوون لآخر مراحل البثّ الـمباشر الرّسـمـي
الرجل البديع و الصديق الجميل لؤي شمت ...
وجودك هنا أدى الامر بعد آخر ...
فانت من عظام الرقبة حينما نقترب من حضرة جلال الامبراطور ...
Post: #18 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: وضاح عبدالرحمن جابر Date: 03-08-2015, 06:12 AM Parent: #15
أستاذ .. أستاذ .. مافي شك
ما من فراغ اتحكر وردى على عرش الامبراطورية
الابداع الالتزام التجويد ادق التفاصيل احترام العمل احترام المتلقي
..........
زمان نسمع عن عنجهية وردى .. وعن غطرسته وتعامله مع الحوالينو لكن ان ياها دى المقصودة ... فقد ظلموا الرجل
Post: #19 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: يحي قباني Date: 03-08-2015, 08:05 PM Parent: #18
Quote: Saifedin Mahgoub Nagar Ali · Cairo University
يا لؤي وقباني سلام- كلام الأخ صبري صحيح لانه وردي قال الفلوت بعبر اكثر من الساكسفون في الصولة ما قال جنكيز ما ادادها كما يجب
سلامات يا سيف ...
و جايز في البروفة ديك شعر انو الفلوت بعبر اكتر ...
و جايز عازف ساكس آخر اداهوا الهو داريو ...
بخلاف ذلك ... الورشة نفسها حاجة تفتح النفس ...
Post: #20 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: Hafiz Bashir Date: 03-08-2015, 08:47 PM Parent: #19
Quote: بخلاف ذلك ... الورشة نفسها حاجة تفتح النفس
مؤكد إنو الورشة تفتح النفس
و الشي التاني المؤكد إنو إنت ذاتك يا قباني بوستاتك و إختياراتك بتفتح النفس
Post: #21 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: طارق ميرغني Date: 03-08-2015, 09:57 PM Parent: #20
اخي يحيي احييك علي هذا البوست
في الحقيقه الحمد لله علي تسجيلات تلك البروفات التي اوضحت جليا لكل الناس مدي العرق والجهد البيتعمل في البروفات حتي يصل العمل الي الصوره البهيه التي يطالعها بها المشاهد وليعلم المشاهد عندما يسمع بلفظ عنجهيه ودكتاتوريه وخلافه فاذا كانت تلك العنجهية المزعومه تنتج تلك الاعمال فالف مرحب بها انها الجديه وهذا يوضح جليا الفرق بين ما يقدمه كبارنا وسلق البيض وشغل المكوجيه الذي نشاهده حاليا
Post: #23 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: Bushra Elfadil Date: 03-09-2015, 05:42 AM Parent: #21
شكراً يا قباني والمشاركين.بوست رائع.
Post: #24 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: نادر Date: 03-09-2015, 08:02 AM Parent: #23
بوست عظمة على عظمة يا قباني وردي وود الأمين وبي جاي بشرى الفاضل ولؤي (لؤي ده ما بظهر بالساهل ههههههههه) وفي النهاية تعرف يا يحيى الحاجات دي كلها لمها كده وأمشي بيها بوستك بتاع البنت القالت عاوزة تشتغل في العقار وجات تستلهم تجاربك وخبراتك، عشان تعرف محل الوجع. كل القصص دي مربوطة بي خيط رفيع جداً مع بعضها البعض، وبتحكي قصة كنا وين وبقينا وين. وبي بوستاتك دي الناس ممكن تناقش صعود وهبوط وتجليات وسقوط حاجاتنا وتهاوي فكرتنا وجنوح مبادئنا. بجيك راجع كان الله هون
Post: #25 Title: Re: حصة في التربية الموسيقية و الفنية و الأخلاقية ... بروفة لمحمد وردي Author: الهادي ابوبكر Date: 03-09-2015, 08:13 AM Parent: #24
Quote: يا صبـري والـهادي سلامات
حاجتيـن مـهـمّات وردي لـم يكن مـحتـجّاً علـى الآلة الـتـي تؤدّي الصولو الإحتجاج كان علـى أداء صلاح جنكيـز للصولو
شكلو كده نحن وقعنا في عش الفنانيين ونحن ما حاسين هههههها وقعنا في شر اعمالنا بين لؤي شمت وطارق ميرغني الله يحلنا ويسامحك يا يحيى قباني ...
Post: #26 Title: Re: حصة في التربية الموسيقية و الفنية و الأخل� Author: يحي قباني Date: 03-10-2015, 02:06 PM Parent: #18
Quote: زمان نسمع عن عنجهية وردى .. وعن غطرسته وتعامله مع الحوالينو لكن ان ياها دى المقصودة ... فقد ظلموا الرجل
