يا جماعة يجلدوكم الكيزان جوة و برة السودان كمان؟ و الله عيب فى حقنا

07:32 PM Mar, 06 2015
سودانيز أون لاين
abubakr salih -
مكتبتي في سودانيزاونلاين



18 الف سوداني ماتوا فى كرري، فى ظرف ساعتين! و الان اصبحنا يجلدنا الكيزان فى داخل السودان و فى خارجه كمان. مواطن سوداني يتكالب عليه عشرات الكيزان و يجلدونه فى حين المئات يقفون متفرجين!

عرفنا فى السودان عندهم السلطة و السلاح و بيوت الاشباح، لكن برة السودان عندهم شنو؟ زيهم و زينا واحد. اذا الحكاية عضلات و ضرب لماذا لا يتصدى لهم الناس؟ الكيزان ياها طبيعتهم، من العجكو فى جامعة الخرطوم فى الستينات و حتى جريمة ضرب المواطن السوداني فى القنصلية بجدة اسلوبهم العنف، و لن يردعهم او يقفهم الا العنف المضاد.

سلامات يا أبوبكر

عيب أنو الناس لا يستطيعون وقف المعتدي عن الاعتداء.. ولكن هذه الحادثة التي تم توثيقها بالتصوير فتحت فرصة لنشرها ويمكن تقديم شكوى قانونية ضد المعتدين. وهي سابقة سوف تجعل القنصليات السودانية تأخذ العبرة..

ياسر

سلام اخي ياسر الشريف،
الناس يبدو انها اصيبت بحالة من شلل التفكير مما جعلهم عاجزون عن ان يتصرفوا بالطريقة المتوقعة. السودانيين اهل نجدة و نخوة، لكن ما عارف الحصل ليهم شنو لدرجة انهم بقوا يتفرجون على بطر الكيزان بالسلطة و القوة لهذا الحد. اذا وقف الانسان موقف المتفرج من العنف الذى يمارس على اخيه فى الوطن اليوم فلا يأمن غدا ان يكون هو او احد اهله هو الضحية القادمة. لذلك ارجو ان يكون هذا البوست تنبيه و تذكير لنا جميعاً على ان نتصرف فى مثل هذه الحالات بما تتطلب من المروءة و نجدة الضعيف. التوثيق جيد لكن اذا كان فى وسع الناس التدخل لوقف الاعتداء يكون هذا هو الافضل، لانه سوف تكون خطوة فى سبيل التحرر من هذه العصابة مرة واحدة و للابد.