|
|
|
 رد (Re: أبوبكر عباس)
|
هذا صحيح ، فقد تحولت كرة القدم من رياضة الى لعبة سياسية بإمتياز و مع سبق الاصرار ..
السيطرة على المشهد الرياضي والثقافي والفني جزء اصيل في مخطط المؤتمر الوطني ولذا قام المؤتمر الوطني اولا بالسيطرة على قطبي الكرة في السودان ، انظر الى مجلسي الهلال والمريخ ! الوالي ، عبدالله البشير ، الحاج عطا المنان ، اختفت سلالة الرياضيين القدامى الذين لم يأتوا من دهاليز السياسة ، ناس شاخور والطيب عبدالله والضو حجوج وغيرهم و هو مسلك حاولت مايو من قبل سلوكه.
في الاقاليم الملتهبة قامت الحكومة ايضا بتبني فرقها الكبيرة ( احمد هارون ويوسف كبر ) حتى ترضى عنهم الجماهير لما لكرة القدم من تأثير واسع لدى المواطن المحبط.. والامر يصل لرشوة الحكام المغلوب على امرهم لكي ترتقي هذه الفرق السلطانية حتى تحسب كإنجازات لهؤلاء الاوغاد .
اما الولايات الهادئة فليس لها نصيب في كل هذا وهذا يفسر سقوط فرق مثل سيد الاتيام والاتحاد مدني .
عجبت قبل ايام حينما علمت بأن نادي الهاشماب "العريق جدا" قد تم مسخ اسمه وصار اسمه "شنو كده ما عارف وتابع للجيش .. وهو الآن بصدد الإرتقاء لسلم الرياضة ..
كل تاريخنا يجري مسخه ..
سلام ابوبكر
| |
 
|
|
|
|
|
|
|
 Re: رد (Re: Abdullah Idrees)
|
Quote: فرق الأقاليم بتشبه كليات طب الأقاليم
الطلبة والأساتذه من الخرطوم ومدني
فقط اللآفتة بكسلا! |
كضباً كاضب..
يعني كان كندورة من جزيرة الفيل.. ولا حامد بريمة من دردق..
عاين زي السلباطي ده يستوردو ليهو مواهب الأطراف ويتسلبط فيها في أنصاص النهار...
قوم لف وبلاش غلاط شدر يابس ..
بس ياها حكاية المثل السوداني:
الخيل تجقلب والشكر لى حماد..
| |
|
|
|
|
|
|
|
|
Re: رد (Re: A.Razek Althalib)
|
سلام
في مبارة بين منتخب كوستي ومنتخب مدني وحينها يضم منتخب مدني
عمالقه الكره السودانيه على سبيل المثال لا الحصر سانتو . الجار. حمد
الديبه سنطه . قله. عليوه. صلاح الأمين. عثمان الله جابو. وتحت قيادة المدرب الفذ
سيد سليم. اما منتخب كوستي أسماء لا صيت لها . المهم حتى الدقيقه 75 الكوره 3 صفر
لمنتخب كوستي . شفت كيف قاموا ناس مدني قطعو الكهرباء عمدا وانتظر الحكم المده
القانونيه وتمت اعاده الكوره خلال 48 ساعه وفاز منتخب مدني.
وبعدها بشهور تاهل الأهلي مدني للمربع الذهبي مع الهلال والمريخ وحي العرب
وتعادل الأهلي مع المريخ 2/2 بعد ان كان متقدم 2/ صفر وبتحيز حكامي واضح تعادل المريخ
والثانيه فاز الأهلي على الهلال 1/ صفر لكن المباره لم تكتمل نسبة لنزول الجماهير لارض
الملعب ولكن اتحاد شداد والصحف اعلنوا فوز الأهلي على الهلال 2/ صفر نسبة لنزول الجماهير
لارض الملعب. وفوز الهلال نسبة لتقدمه بشكوي ضد لاعب من الأهلي نال في التصفيات
قبل المربع كرتين صفر.
شفت كيف ناس مدني بيظلمو ناس الجوار وناس العاصمه بيشلعوا ناس مدني
| |
|
|
|
|
|
|
|
|
|
Re: رد (Re: عمر نملة)
|
عمر أخوي كيفنك؟
طيعاً يا اخوانا، عمر نملة دا شقيقي، لكنو أقل إستنارة مني بكتير.
يا نملة كوستي شنو البتقلبنا في الزمن داك تلاتة صفر! يكون ناس مدني في المباراة ديك كانوا بجربوا في تكتيك جديد والزمن سرقم قاموا طفوا النور ورجعوا طقطقوا ناس السمك ديك، وبعدين ناس كوستي الزمن داك الإضاءة شافوها وين؟!
تذكر فريق البرازيل (1982) بتاع سقراط وزيكو، ناس مدني في الزمن داك قالوا ناس البرازيل بقلدوا في أهلي مدني وسقراط بحاكي في بابكر سانتو.
| |
|
|
|
|
|
|
|
|
|
Re: رد (Re: عمر نملة)
|
عمر أخوي كيفنك؟
طيعاً يا اخوانا، عمر نملة دا شقيقي، لكنو أقل إستنارة مني بكتير.
يا نملة كوستي شنو البتقلبنا في الزمن داك تلاتة صفر! يكون ناس مدني في المباراة ديك كانوا بجربوا في تكتيك جديد والزمن سرقم قاموا طفوا النور ورجعوا طقطقوا ناس السمك ديك، وبعدين ناس كوستي الزمن داك الإضاءة شافوها وين؟!
تذكر فريق البرازيل (1982) بتاع سقراط وزيكو، ناس مدني في الزمن داك قالوا ناس البرازيل بقلدوا في أهلي مدني وسقراط بحاكي في بابكر سانتو.
| |
|
|
|
|
|
|
|
|
|
Re: معقولة فرق كادوقلي والفاشر تسبق أهلي مدني في ترتيب الممتاز! (Re: أبوبكر عباس)
|
يا دكتور ابوبكر كيف حالك
علك طيب وبألف خير وعافية
دعني اختلف معك
مع أني من الوسط
ولاية الخرطوم تحديدا
وهلالابي مريض
دعنا لا نبخس الناس أشياءهم
الناس دي اجتهدت وصابرت وكدت ووجدت
نحن أصلا ما نتوقع العكس
لما نقيف في مكانا
يا ريت لو واقفين
بل بالعكس ماشين للوراء
ولما الناس يحصلونا ويفوتونا
نتباكى علي الذي مضي
كان الهلال والمريخ صرف وتلتلة في الفاضي
وكان اندية ود مدني العريقة
تأكلها الدهر ولعب بها الزمان
وأصبحت خزائنها أفرغ من فؤاد ام موسي
بعد ان عانت من هجر أكبادها وظلم ذوي القربي
ثم ثانيا بالله بطل عين الرضي البتنظر بيها لأهل شندي دي
عشان قائدو صلاح ادريس يعني ولا شنو
ما هو نفس البنطبق علي الأندية الآخري بنطبق عليهم
ولَك خالص الود وكل الاحترام
،،،،،،،،،،،،،،،،،،،،
وبرضك مدني ليها أفضال علي لاتنسي
قبل كدا قلتها ليك في سودانيات
بس حا تكون نسيت أكيد
مع مشاغل الدنيا
| |
|
|
|
|
|
|
|
|
|
Re: معقولة فرق كادوقلي والفاشر تسبق أهلي مدني في ترتيب الممتاز! (Re: اسامة الامام)
|
Quote:
كان الهلال والمريخ صرف وتلتلة في الفاضي
وكان اندية ود مدني العريقة
تأكلها الدهر ولعب بها الزمان
وأصبحت خزائنها أفرغ من فؤاد ام موسي
بعد ان عانت من هجر أكبادها وظلم ذوي القربيQuote:
الهلال والمريخ وفرق الفاشر و كردفان يصرف عليها المؤتمر الوطني ، يعني خزينة الدولة ، اهلي شندي يصرف عليه صلاح ادريس من حر ماله وهو حر مثله مثل ابراموفيتش و موراتي سابقا و جماعة قطر وغيرهم هذا شيء مفهوم في كرة القدم.
الآن لا يوجد نادي سوداني واحد يستطيع الاستقلال بموارده الذاتية ، لم يتعب احد ولا يحزنون .. لكن ليس لأندية مدني اي تأثير سياسي على الاقل حاليا ولذا فلا بواكي عليها .. من أين لهذه الفرق بملايين الدولارات تنفقها على لاعبين مغمورين لم يسمع بهم احد؟
مافي اي زول اجتهد ولا حاجة ، كلها الاعيب مكشوفة من حكومة المؤتمر الوطني ..
سلامي
| |
|
|
|
|
|
|
|
|
|
Re: معقولة فرق كادوقلي والفاشر تسبق أهلي مدني في ترتيب الممتاز! (Re: Abdullah Idrees)
|
سلام يا عبد الله إدريس، وشكرا على حسسكم بحسسنا ،نوعدك قريب بنلملم أولادنا بمدني ونرجع نطقطق ناس الأقاليم* ونقيف للخرطوم "شوكة حوت لا تنبلع لا تفوت".
يا عبد الرزاق، ما عندنا مانع انو الأقاليم كل 20 سنة ترسل ليها لاعب أو إتنين للمركز، لكن يكون عندها فريق كامل يهزم أهلي مدني دي كتيرة!
يا أخي، مدني دي مدينة ما حاضرة قبيلة زي كادقلي والفاشر وشندي!!
وبعدين كندورة من الحصاحيصا، لكن لو قصدك انو أصولو ما من الجزيرة؛ بزعل منك!
عليك الله، من الله خلقك سمعت ليك لاعب أطلقوا عليه جلال مدني؟! ممكن بقولوا عليهو جلال كادقلي عشان كل تلتاشر سنة كادقلي بترسل ليها موهبة واحدة للمركز!
كرة القدم يا رازق مرتبطة بالمدنية؛ الفاشر وكادقلي وشندي حواضر بدو.
ــــــــــــــــــــــ
* مدني، بورتسودان وعطبرة ما أقاليم
| |
|
|
|
|
|
|
|
|
|
Re: معقولة فرق كادوقلي والفاشر تسبق أهلي مدني في ترتيب الممتاز! (Re: اسامة الامام)
|
| Quote: الناس دي اجتهدت وصابرت وكدت ووجدت |
يا سمسم، يا أخي، اجتهدت شنو؟ شندي دي مدينة بتاعت عروب ساكت، ما عندهم علاقة بالكورة
لو جننتني؛ بكرة دي يجيب ليك لستة الفريق وشوف كان تلقى واحد من شندي أو ضواحيها
دي قروش بتاعة صلاح إدريس قنعان منها! يا أخي، لو هو صحيح رجل أعمال، المفروض يستثمر قروشو دي في أهلي مدني حيث الكثافة السكانية
يعني تي شيرت في السوق فيهو حمد والديبة بس ممكن تغطي ليهو مصاريف المعسكرات
شندي آل!
| |
|
|
|
|
|
|
|
|
|
Re: معقولة فرق كادوقلي والفاشر تسبق أهلي مدني في ترتيب الممتاز! (Re: ياسر منصور عثمان)
|
انت يا بكري وعبدالرزاق
انتو ايه علاقتكم شنو بفرق السود في ارض السودان
عبدالرزاق مش عربي من الجزيرة العربية ويدعي ان كندورة قريبو ومنهم
وبكري حفيد العباس يسرق في امجاد السود في بلاد السودان
والله انتو العرب حقارين حقارة
الرسالة دي وصلتني من المواطن ازرق السودان اغبش دار فور ناحية دار مساليت
اسلو عبدالرازرق يمكن يعرفو لانو قال لي اهل عبدالرزاق ديل ضيوف عندهم
واكيد الغريب مهما طال غيابو حيرجع لبلدو وصحابو
| |
|
|
|
|
|
|
|
|
|
Re: معقولة فرق كادوقلي والفاشر تسبق أهلي مدني في ترتيب الممتاز! (Re: علاء الدين صلاح محمد)
|
| Quote: اذا كانت اللعيبة من الخرطوم الا ان جذورها ترجع الى الاطراف - معظم لاعبي الهلال والمريخ من ولاية جنوب كردفان |
يا تاج إبراهيم،
يا سيدي، الرياضة مرتبطة إرتباط وثيق بالمدن والمدنية ودي نقطة إعتراضي هلى تفوق الفاشر وكادقلي علي مدني
التفوق دا ما حقيقي مصنوع وح يزول
يا أخي، ناس كادقلي والفاشر مؤجرين للعيبة بالخرطوم
يعني ما في داعي تتعبوا أولاد الخرطوم ود مدني يمشوا للتمارين في الفاشر
| |
|
|
|
|
|
|
|
|
|
Re: معقولة فرق كادوقلي والفاشر تسبق أهلي مدني في ترتيب الممتاز! (Re: أبوبكر عباس)
|
Quote: انت يا بكري وعبدالرزاق
انتو ايه علاقتكم شنو بفرق السود في ارض السودان |
نحن يا علاء جينا طلعناكم للدنيا
إتوا كمان ناس دنقلا علاقتكم بالرياضة شنو؟!
يا أخي، إتّا موش مرّة حكيت لي قصة مباراة سرتوت وجرادة في كرة السلة الطلعت صفر صفر؟!
ــــــــــــــــــــــــــ
سرتوت وجرادة قرى مغمورة بريفي المدينة الريفية دنقلا
| |
|
|
|
|
|
|
|
|
|
Re: معقولة فرق كادوقلي والفاشر تسبق أهلي مدني في ترتيب الممتاز! (Re: عمر نملة)
|
سلام أخونا أبوبكر
عرقيا من أكثر المجموعات العرقية إثراء وتغذية للأندية باللاعبين
هي قبائل جبال النوبة وجنوب كردفان !
* جهويا مثلث الخرطوم -مدني - بورسودان هو الأقوي والأكثر
تأثيرا في كرة القدم! ومؤخرا وبعد بداية الدوري العام بشكله
الحالي 1996 - بدأ تأثير ملحوظ - لكوستي والحصاحيصا-عطبرة/
كادقلي / ثم شندي !
* أندية الهلال والمريخ لاتصنف جهويا وإنما قوميا -فهي أندية
كل السودانين - تشجيعا وإنتماء !
* تسيس الكرة والتغول علي أهلية الرياضة بدأ منذ مطلع -التسعينات
-إيدام - ثم جاء مؤخرا دور وتأثير رأس المال المسيس (إن لم
نقل المجهول المصدر) حيث تقلدت قيادة الأندية -جماعات تملك
الثروة (وترتبط بالسلطة ) والمال ولكنها تفتقر للتأهيل الأداري
والحكمة والحنكة الإدارية والخبرة حيث قفز بعضهم من قيادة شركته
الخاصة لرئيس أكبر الاندية من التدرج الاداري وصعود السلم خطوة
خطوة ! مما جعل الناس تتحسر علي قامات إدارية مهولة -مثل
الطيب عبد الله /السماني/ ابو العائلة والضوء حجوج !
* ثم توالي التغول علي أهلية الرياضة وإختطافها لخدمة أجندة
سياسية-مما أفسد الرياضة وبعض إدارات الأند ية والأتحادات
..........
| |
|
|
|
|
|
|
| |
| |
أبوبكر عباس
Abdullah Idrees
A.Razek Althalib
عمر نملة
ياسر منصور عثمان
علاء الدين صلاح محمد
كمال عباس
فيس بوك
تويتر
انستقرام
يوتيوب
بنتيريست