Post: #1
Title: ذلّ المقـصـّــر...شعر...
Author: الطيب بشير
Date: 03-05-2015, 11:38 AM
10:38 AM Mar, 05 2015
سودانيز أون لاين
الطيب بشير - الـدوحــــــة
مكتبتي في سودانيزاونلاين
ذلّ المقـصـّــر
عاتبتني..
و أسلت دمعي عند رابعة النهار..
حاسبتني ... و قســوتَ..
بـل..
كذّبتني .. عذّبتني
أرهقت عاطفتي صعوداً و اعتذار..
و أريتني ذلّ المقصـّــر ..وقفة الصوفيّ حال الإنكسار..
حاصرتني...
الشاعـرُ السمحُ اللطيفُ متى استحال محـقــّـقـاً
و مـُـدقــّـقـاً يستفرد السبابة اليسرى
يباهي بالتقاط الهفوة الكبرى كأحلى إنتصار..
و قســوتَ..
بـل..
كذّبتني ..
عاتبتني..و أسلت دمعي عند رابعة النهار..
كل الذين تكالبوا للواجب المفروض ما كانوا هناك
يوم استفاض الدمعُ...ذات الدمعِ ..في أعلى البحار..
نبكي لمقدم طفلةٍ بعد انتظار..
و الصدقُ في الحالين كان شفيعـــُــنا إذ لا مزار
الآن تعزف في خريف العمرِ، و العمرُ انقضى، لحن الشجار؟؟..
الآن يصفعني وليدي..ينتقي جذعاً و يفلق هامتي أسّ الرجاء
الآن ينكرني رفيق الصدق..يقسو في مقام الرفق...
يستعلي بحقّ النقضِ...يُسقط ركعة التصحيح..
يا الله..يا توّاب..
حتى الله يجبر سجدة المسبوق..يدنو حين ينأى الناسُ
يستدني عصاة القوم..يفتح بالدموع الباب..
حتى الله..يخلقنا..و يرزقنا .. و نعصيه
نعلـّـق أمرنا بالكدح و الأسباب..
يقبلــُـنا..على علاتنا الكبرى..و يغفرها
حتى الله رب الكون و الأرباب
فكيف قسوت..كيف جفوت..كيف جرحتني بعتاب؟؟
.............
الطيب بشير...
الحادية عشرة قبل ظهر الخميس الخامس من مارس 2015..الدوحة
|
Post: #2
Title: Re: ذلّ المقـصـّــر...شعر...
Author: مني بت نفيسة
Date: 03-05-2015, 11:53 AM
Parent: #1
Quote: حتى الله يجبر سجدة المسبوق..يدنو حين ينأى الناسُ
يستدني عصاة القوم..يفتح بالدموع الباب..
حتى الله..يخلقنا..و يرزقنا .. و نعصيه
نعلـّـق أمرنا بالكدح و الأسباب..
يقبلــُـنا..على علاتنا الكبرى..و يغفرها
حتى الله رب الكون و الأرباب
فكيف قسوت..كيف جفوت..كيف جرحتني بعتاب؟؟
|
سلام يا طيب وتحية للتفرد الصوفي ...
متابعة وانشراح ..
|
Post: #3
Title: Re: ذلّ المقـصـّــر...شعر...
Author: الطيب بشير
Date: 03-05-2015, 12:07 PM
Parent: #2
.
الله يخليك يا منى و يشرح قلبك دوماً
سعيد بطلتك جداً
.
|
Post: #4
Title: Re: ذلّ المقـصـّــر...شعر...
Author: مبيوع
Date: 03-11-2015, 09:20 PM
Parent: #1
التادب والخشوع عنده.... التواضع ...حتى العتاب له مذاقك الدافئ ...
يبدو انه الخميس الذى لو نلتق فيه يا صديقى....
|
Post: #5
Title: Re: ذلّ المقـصـّــر...شعر...
Author: عبدالأله زمراوي
Date: 03-12-2015, 06:30 AM
Parent: #4
Quote: حتى الله يجبر سجدة المسبوق..يدنو حين ينأى الناسُ
يستدني عصاة القوم..يفتح بالدموع الباب..
حتى الله..يخلقنا..و يرزقنا .. و نعصيه
نعلـّـق أمرنا بالكدح و الأسباب..
يقبلــُـنا..على علاتنا الكبرى..و يغفرها
حتى الله رب الكون و الأرباب
فكيف قسوت..كيف جفوت..كيف جرحتني بعتاب؟؟
|
يا لها من لواعج حرّى وموسيقى عذبة ليصير الشعرُ أغنية تُغنّى بالمزامير. هذا الشعر مدهش يا أستاذ يا كبير: يأخذٌ بالألباب. فتح الله عليك من كنوز حكمته وبديع محبته.
|
Post: #8
Title: Re: ذلّ المقـصـّــر...شعر...
Author: الطيب بشير
Date: 03-12-2015, 09:28 AM
Parent: #5
.
مرحبا صديقي الرائع عبدالأله زمراوي
ألف أهلآ بشاعر الثورة
يشرفني مزارك كثيرآ
| Quote: يا لها من لواعج حرّى وموسيقى عذبة ليصير الشعرُ أغنية تُغنّى بالمزامير. هذا الشعر مدهش يا أستاذ يا كبير: يأخذٌ بالألباب. فتح الله عليك من كنوز حكمته وبديع محبته. |
لعلي أراكم...أو أرى من رآكمو...لعلي أكتب يوماً حرفاً يحدث صخباً تصفق له جموع الثائرين، مثلما تفعل جماهيرك في فندق رمادا..لعلي...
أشكرك يا عزيزي
.
|
Post: #7
Title: Re: ذلّ المقـصـّــر...شعر...
Author: الطيب بشير
Date: 03-12-2015, 09:24 AM
Parent: #4
.
الفنان ياسر
لا تتركيني لنفسي طرفة خميس
بلا غناء..كل العمر عناء
و يبقى الودّ ما بقي العتاب...نخضع للصديق...نغبر مشاعرنا لأجله
و له العتبى بعد الرضى
أشكرك
أحييك
.
|
Post: #6
Title: Re: ذلّ المقـصـّــر...شعر...
Author: Elmosley
Date: 03-12-2015, 09:21 AM
Parent: #1
Quote: سلام يا طيب وتحية للتفرد الصوفي ...
متابعة وانشراح . |
قالتها منى حبيبنا الطيب
واقولها انا
|
Post: #9
Title: Re: ذلّ المقـصـّــر...شعر...
Author: الطيب بشير
Date: 03-12-2015, 09:31 AM
Parent: #6
.
الفنان الكبير موصلي
مراحب ياخ
و لك من الود مثله
أسعدتني من منى متابعة وانشراح..و تطربني منك
تقديري
.
|
Post: #10
Title: Re: ذلّ المقـصـّــر...شعر...
Author: ابو جهينة
Date: 03-12-2015, 09:44 AM
Parent: #9
الشاعـرُ السمحُ اللطيفُ متى استحال محـقــّـقـاً
و مـُـدقــّـقـاً يستفرد السبابة اليسرى
يباهي بالتقاط الهفوة الكبرى كأحلى إنتصار..
و قســوتَ..
بـل..
كذّبتني ..
عاتبتني..و أسلت دمعي عند رابعة النهار..
***
سلمتْ قريحتك
بل أسميها : مناجاة مقصر
تحياتي الطيب
لك وحشة
|
Post: #11
Title: Re: ذلّ المقـصـّــر...شعر...
Author: الطيب بشير
Date: 03-12-2015, 09:47 AM
Parent: #10
.
أووووو أبو النسب...الزعيم الأصيل جلال أبوجهينة
ما تشوف وحش يا حبيب
تسلم يا سليل الملوك
أنصفتني من الذل
أشكرك و أحييك
.
|
Post: #13
Title: Re: ذلّ المقـصـّــر...شعر...
Author: عبد الحي علي موسى
Date: 03-12-2015, 10:01 AM
Parent: #11
Quote: حتى الله يجبر سجدة المسبوق..يدنو حين ينأى الناسُ
يستدني عصاة القوم..يفتح بالدموع الباب..
حتى الله..يخلقنا..و يرزقنا .. و نعصيه
نعلـّـق أمرنا بالكدح و الأسباب..
يقبلــُـنا..على علاتنا الكبرى..و يغفرها
حتى الله رب الكون و الأرباب
فكيف قسوت..كيف جفوت..كيف جرحتني بعتاب؟؟
|
الطيب (ود البشير) ..
يا مبدع..
يا نفسي أمرحي للطيب أُمًرٍحي.
راجياك الأصالة.
|
Post: #15
Title: Re: ذلّ المقـصـّــر...شعر...
Author: الطيب بشير
Date: 03-12-2015, 10:26 AM
Parent: #13
.
باشمهندس عبد الحي علي موسى
مرحبا يا أخي في البامية المفروكة
كيف أهملت توصيف الشمار الأخدر في سبكها في بروفايلك يا رجل؟؟
راجع بروفايلي و ستلحظ أننا إخوة في رضاع اللايوق...
أشكرك
أحييك
.
|
Post: #12
Title: Re: اِتكاء على حائط الوقت
Author: أبوذر بابكر
Date: 03-12-2015, 09:58 AM
Parent: #1
قبيل كتبت لى نضمى كتير هنا
حارس الفجة قال لى
يا زول مفتاح بابك ده ما ياهو
مشيت كلمت اخونا بكرى بالحاصل
اتارى كلمة السر الزى حقت مغارة على بابا ديك اتلخبتت
اريتنى كان حفظت كلامى الراح داك
لكن عموما يا الطيب يا ود ابواتى
النفح الطيب
ما بجيك الا من الطيب
سعدنا والله وطربنا
اتملينا بيك منك لامن فاض سعدنل
وادفق حبورنا
عم الجهات الفينا كلها
ان شاء الله تتبارك ياخ
وتسعد ايامك
قول يامين
طوالى بتخيل "يامين" حقتنا دى احسن واسرع فى المشى جيهة السماء من "آمين"
ولا شنو
|
Post: #14
Title: Re: اِتكاء على حائط الوقت
Author: الطيب بشير
Date: 03-12-2015, 10:22 AM
Parent: #12
.
يا مطر عز الأشواق...حبابك..
حـســـدني سوفت وير بكري..و حال بين نشوتي و حروفك..فاضاعها و أي حرف أضاع
قال ما عرفك؟؟..و هل لفتىً مثلك على حاله نكر؟
بركة الجيتنا ياخ
عارف إنتباهك ل(يامين)..جعلني أتذكـّـر أكثر اللواتي تغنين بها... أمهاتنا و حبوباتنا
و أتذكر زمنهن السمح...حكاويهن و حجاويهن...يا الله ياخ
أكرمتني يا صاحب...الله يكرمك..
قول يامين ات دة
.
|
Post: #16
Title: Re: اِتكاء على حائط الوقت
Author: أبوذر بابكر
Date: 03-12-2015, 10:38 AM
Parent: #14
الطيب
اتا عارف
انا لى مده كايس ليك
داير اوريك اقول ليك
اخيرا اتفشيت وقدرت اهبش ليك شيخنا المكاوى
قول لى كيف
كلما اسمع
امرحى فوق جبلنا
اصلو الاكسير معدنا
قاعد تجينى حاله ما عاديه
المهم يا زول قدرت غايتو باصرت ليك مجاراة
اكيد ما بتجى زى "ليل ليلى الأصلى" داك
لكين المهم بس اتفشيت
قلت ليه
يا ليلى ليلك صن َ
اوريك ليها ؟
|
Post: #17
Title: Re: اِتكاء على حائط الوقت
Author: الطيب بشير
Date: 03-12-2015, 12:10 PM
Parent: #16
.
يا سلااااااااااام ياخ
أهو إنت كدة جريت خيتي
و أنا الآن في ذمتك طب
قول لي..
إسبح بي في تلك العوالم...كم أنا مثقل بالطين و الخطايا...أحنّ إلى خبز جدي
أحتاج كثيراً جداً بالحيل كلو كلو أن أطير مثل الشيخ قريب الله...أو أستمع لغناء (يا ليل أبقى لي شاهد) بشيء من الفتح
أحتاج مدحتك (يا ليلى ليلك صـنّ)...لتعيد دوزنتي...
لا أستطيع الإنتظار فلا تعتب و لا (تعوق) علينا
إنه الحـــــــــــب
.
|
Post: #18
Title: Re: اِتكاء على حائط الوقت
Author: أبوذر بابكر
Date: 03-12-2015, 12:53 PM
Parent: #17
دقائق بس
خلينى النأتر ليك خبرها
اتذكر نزلتها هنا قبل فترة
يا لقيت ليك الرابط حقها يا مدحتها ليك عديل
ههههههههههههههه
|
Post: #21
Title: Re: اِتكاء على حائط الوقت
Author: الطيب بشير
Date: 03-15-2015, 11:48 AM
Parent: #19
.
طبعاً يا أبا ذر يا سيد أبوك ,,أنا مشيت بي هناك و جيت و تاني راجع
النقزي مع القوم ديل مافي متلو
حبابك
.
|
Post: #20
Title: Re: اِتكاء على حائط الوقت
Author: عبدالعزيز عثمان
Date: 03-12-2015, 01:13 PM
Parent: #18
الاستاذ الطيب
الان فقط حملني حسن حظ لهذه الواحة الفواحة
النفاحة بحلو الشذا
العامرة بالفيوض
ادركتني نشوة
قلت يالفعل الكلمة البهي
لقد رطبت كلماتك يومي القاسي
الف شكر،،،
|
Post: #22
Title: Re: اِتكاء على حائط الوقت
Author: الطيب بشير
Date: 03-15-2015, 11:49 AM
Parent: #20
.
حبيبنا عبدالعزيز عثمان
ألف أهلاً
و ألف شكراً
يستاهل يومك الترطيبة و تستاهل انت البسمة
تحية
.
|
Post: #23
Title: Re: اِتكاء على حائط الوقت
Author: munswor almophtah
Date: 03-16-2015, 09:36 AM
Parent: #22
حبيبنا الطيب بشير، الله وحده العفو الكريم
ووحده الصفّاح للأخطاء إن كبُرتْ
لطيفٌ عالمٌ بالحالِ
فراجٌ لكربِ عبادهْ رحمانهمْ
ساليهم وسالمهم
وعند الكبوِّ
عاتقهم رحيم
الطيب إبداع والله جرس وإيقاع وصور ودفقٌ عاطفى سيال
أكرمك الله وليد طابطت والسلام الكتير
|
Post: #24
Title: Re: اِتكاء على حائط الوقت
Author: الطيب بشير
Date: 03-17-2015, 05:16 AM
Parent: #23
.
حبيبنا مفتاح الخيرات المنصور أبداً..
و الله حبابك
أشكر تلطفك بالزيارة و التعليق
و نحن نستغفر الله حين نتجاوز...يتحتم علينا أن نغفر حين يقع علينا التجاوز
و قد و الله جربت الغضب..و..الصفح...و ما لقيت أحلى من الغفران
حبابك
.
|
Post: #25
Title: Re: اِتكاء على حائط الوقت
Author: هاشم أحمد خلف الله
Date: 03-17-2015, 08:20 PM
Parent: #24
الطيب بشير الرجل الجميل , دخلت لهذا المنبر بعد إنقطاع طويل وعدت اليوم بواجب العزاء لاختنا دومة
وتصفحت المنتدى على عجل ولكن عنوانك الجذاب إستوقني ووجدت في داخله واحة غنا ومشاركات من
صفوة الادباء والشعراء , الله يسعدك ياخ من زمان الواحد ما قرا ليه كلام طاعم كده
|
Post: #26
Title: Re: اِتكاء على حائط الوقت
Author: هاشم أحمد خلف الله
Date: 03-17-2015, 08:20 PM
Parent: #24
الطيب بشير الرجل الجميل , دخلت لهذا المنبر بعد إنقطاع طويل وعدت اليوم بواجب العزاء لاختنا دومة
وتصفحت المنتدى على عجل ولكن عنوانك الجذاب إستوقني ووجدت في داخله واحة غنا ومشاركات من
صفوة الادباء والشعراء , الله يسعدك ياخ من زمان الواحد ما قرا ليه كلام طاعم كده
|
Post: #27
Title: Re: اِتكاء على حائط الوقت
Author: الطيب بشير
Date: 03-18-2015, 06:09 AM
Parent: #26
.
عزيزي هاشم أحمد خلف الله ...ود الصحافة الرائع...
ياخ حبابك ما غريب الدار...و فعلاً كان زمن جميل طالما رجعت لواجب العزاء مع الحبيبة دوما
أشكرك بالحيل...و أنا مبسوط انك لقيت هنا شعر يستحق الوقفة
محبتي ياخ ...و...ما تنقطع
.
|
|