فريق المريخ الأمدرماني من فرق أندية الوسط التي ظلت تقدّم مستويات جيّدة هذا الموسم ..حيث يحتل المريخ المركز الخامس بهزيمتين وتعادل (أكتب قبل مباراة الخرطوم الوطني وهلال الفاشر معروفة النتيجة ) مع إقتراب الدورة الأولى من نهايتها .. المريخ مهدد بفقدان هذا المركز لصالح ضيفه حين يلتقي في مباراته القادمة مع الأمل العطبراوي .. موقع الفريق الحالي لا يعكس مستوى الفريق حيث ظل المريخ يقدم مردود جيّد في جميع مبارياته وبمزيد من التركيز ربما يستطيع المريخ إحتلال المركز الرابع ثم المنافسة على المركز الثالث المؤهل للمشاركة في البطولة العربية وسيكافا ب حيث سيشارك الفريق الحائز على المركز الثاني في الكونفدرالية وبطل الممتاز في بطولة الأندية بعد أن صار السودان مهدد من قبل الإتحاد الإفريقي بتقليل عدد مقاعد السودان في بطولة الأندية لمقعد ةاحد .. الفريق يجد منافسة شرسة من شقيقه الأصغر مريخ الفاشر والرابطة كوستي وهلال الأبيض على المركز الخامس فهل سينجح المريخ في تخطي هذه الفرق للإنفراد بالمركز الرابع بفارق مريح ؟؟
Post: #2 Title: Re: المريخ من أندية الوسط الجيّدة المستوى!! Author: ياسر منصور عثمان Date: 03-05-2015, 08:07 AM Parent: #1
حااااااااااااااااامضة
وحات نظري امبارح الواحد قرب يتعلم التمباك..
كاااااااااااااااك
Post: #3 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 08:22 AM Parent: #2
هههههههههههههههههه.. يا خال الحالة الأهلي لاعب بي الرديف.. وقالوا الرديف عمرااان.. عمران دي من العماري وكده .. لكن النصييحة معز زاااتو مسك الكورة بي طريقة زييي البدنكل ليو في سفة ..
Post: #4 Title: Re: المريخ من أندية الوسط الجيّدة المستوى!! Author: محمد البشرى الخضر Date: 03-05-2015, 08:45 AM Parent: #3
ههههههههههههههه صحي حامضة غبت و جبت يا قريبك, حمدالله ع السلامة شفت البرنس كيف لعب بمزاج ؟
Post: #5 Title: Re: المريخ من أندية الوسط الجيّدة المستوى!! Author: صبري طه Date: 03-05-2015, 09:05 AM Parent: #4
أكتر حاجتين كانن عاملات لي طُمام بطن في الهلال هما:-
1- بكري المدينة. 2- المُعز محجوب.
Post: #7 Title: Re: المريخ من أندية الوسط الجيّدة المستوى!! Author: عبد العزيز محمد عمر Date: 03-05-2015, 09:11 AM Parent: #5
الدوري لا يحسم في مارس ...
--------------
بح صوتنا ونحن نرفض تسجيل ما هم فوق الثلاثين ... ومن أين ؟؟؟ من الهلال زاااتو ..؟؟!!
الله يدينا الصبر.. ويديكم بطولة أفريقية
الشغيل
Post: #8 Title: Re: المريخ من أندية الوسط الجيّدة المستوى!! Author: بدرالدين الطائف Date: 03-05-2015, 09:13 AM Parent: #5
Quote: أكتر حاجتين كانن عاملات لي طُمام بطن في الهلال هما:-
1- بكري المدينة. 2- المُعز محجوب.
المعز تقول لاعب طائرة . بكري المدينة ضيع يجي خرطومية هدف .
دي مؤامرة من أولادنا المرافيد :) .
Post: #6 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 09:09 AM Parent: #4
يااا هندسة يا ود البشرى ... كيف أنك يا عمك..
الماقادرين يفهموهو الناس إنو هيثم ده إنت بتلعبو ما عشان يقلع كورة ولااا عشان يجري في الميدان .. لاحظ معاي هيثم امبارح في حالة وجود الكرة عند الخصم ما بتشوفو نهاائي ..لكن تعال شوف لمن الكورة تكون عند الأهلي شندي !! بتلقى هيثم متمركز في حتة لمن تهجمك..ثم يواصل هو هجمك بي الباص البيفكو ومنها بينهجم المهاجم زاااتو .. وده الخلّانا نقول الهلال محتاج لي هيثم تحديييداً لأنو في وجود نيلسون والشغيل أو نزار ممكن تخليهم يركزو على جانب المقالعة بينما كللل المطلوب من هيثم تخليو يجدع الباصات في الميدان فقط... للأسف ما ينقص الهلال حالياً هيثم ..وهيثم فقط ..ما صانع العاب..هيثم تحديييداً عشان حاجات تانية برضو غير الكورة جوة الميدان ..
Post: #9 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 09:18 AM Parent: #6
صبري يا طه.. معليش الصورة أو الأتاش ما ظاهر معاي.. لكن فيما يتعلق بي الإتنين ديل أتفق معاك جملة وتفصيل في المعز.. أما بكري المدينة فغايتو بيكتب في سطر وبيفط خمسة سطور .. الزول ده أمبارح دق ليو "هيد" وداهو الكشافات ..كييييف ما عارف!!! :)
Post: #10 Title: Re: المريخ من أندية الوسط الجيّدة المستوى!! Author: ياسر منصور عثمان Date: 03-05-2015, 09:24 AM Parent: #9
يا اخي المعز ده كان مارضنا مرض ...
ما صدقنا انفكينا منو...
وبكري رواشة الله رزقو بقروش الوالي..
بالله شفت الهد ده كان كيف يا عمر؟؟؟
مووووووووبالغة ..
او مووووسابعة على قول حبينا عبد الرحمن الشيخ...
هههههههههههههههه
Post: #11 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 09:24 AM Parent: #9
عبد العزيز يا حبوب.. نحن أسة ما في الدوري وحسمه..نحن في لعبة كراسي أندية الوسط والصراع المحتدم للظفر بالمركز الرابع .. أتفق معاك قد يفوز الاهلي شندي أو الخرطوم3 بالدوري مزاحمين للهلال في كرسي الصدارة .. فريق المريخ يملك لاعبين خاماتهم جيّدة قد تساهم في صنع الفارق لصالح المريخ بدلاً عن الرابطة كوستي وهلال الأبيض قليلي الخبرة .. فقط يحتاج المريخ للمثابرة وقليل من الحظ للحفاظ على موقعه ..
Post: #13 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 09:28 AM Parent: #11
بدر يا طائف..
بكري المدينة ساكي الحكم نهاية المباراة عشان يغالطو في بلينتي من الشوط الأول .. :) :) علماً بأنو الحكم أداهم الصالح وترك الفرصة للمهاجم المريخي ينفرد بالمرمى ( طبعاً يوم الجمعة سيحة ح يقول البلينتي ما فيو صالح )
Post: #14 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 09:32 AM Parent: #13
طبعاً يا خال في نوع هيدات كده المزيع بيقول فيها ضربة رأسسيييااا علت القائم بقليل.. بتاعت أمبارح دي المزيع غلبو يقول أييي شي.. إكتفى بقوله كرة معكوسة ورأسسسييااا من المدينة مرت عالياً ..
بكري بيكون المهندس عايز يحدد طول العمارة الحيبنيها بي قروش الوالي قام قال ليو في الكورة وريني عايزا لحدي وين ؟
Post: #12 Title: Re: المريخ من أندية الوسط الجيّدة المستوى!! Author: ياسر منصور عثمان Date: 03-05-2015, 09:26 AM Parent: #1
وطراروي
امبارح طلع في الكورة ...شوووووية كان كسر بلية مخروقتو...
هههههههههههههههههههههه
Post: #15 Title: Re: المريخ من أندية الوسط الجيّدة المستوى!! Author: بدرالدين الطائف Date: 03-05-2015, 09:39 AM Parent: #12
Quote: بكري المدينة ساكي الحكم نهاية المباراة عشان يغالطو في بلينتي من الشوط الأول .. :) :)
هو بالله يا الفاروق سكاهو عشان البلنتي ولا عشان الدقيقة الباقية من الزمن الضائع وقالو الحكم اكلم فيها.
هدف الاهلي جا فى الدقيقة 7 من الشوط الاول يعني لاعبين 85 دقيقة ماكفت كايسين للدقيقة :) .
الحكم اتاجوز البلتني وأداهم الصالح وكانت فرصة تسجيل الهدف منها 100% . فى حين إنه لو حسب ضربة جزاء ولعبة بكري ولا أوكرا كانت حاتكون فرصة تسجليه 1% باعتبار إنه المريخ عندو ضربين جزاء ضائعات فى خلال الشهر الماضي .
Post: #16 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 09:41 AM Parent: #12
ههههههههههه..ألللذ شي نجم الدين أبو حشيش في الإستديو التحليلي قال واصفاً هذه اللقطة .. شووف تمركز مرافعي الأهلي..الكورة دي لو كان وقفت صاح في كراع طراوري كان مزق الشباك فطراوري صاحب قدم قوية :) :) وهو ما عارف إنو ده ما طراوري..ده طرورة ..
لكن عشان تعرف المريخ ده عالم ملقبن وغرييب كيف..سعيد السعودي لمن كان معاهم بيمرق الكورة من الشبكة حقت الخصم .أمبارح مرقا ليهم القون وحرمهم هدف :) معاهم شاليهم وضدهم شاليهم .. :)
Post: #17 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 09:47 AM Parent: #16
بالمناسبة انا ما عارف جابو الأربعة دقايق دي من وين؟؟ دي قالا معلق المباراة لكن انا ما شوفت الحكم الرابع رفعا ..فممكن يكون الحكم أداها تلاتة دقايق..بعدين اللاعبين عرفو كييف إنو لسة باقي 30 ثانية ؟؟ بعدين هي ما دقيقة زااتوا لو إفترضنا إنها اربعة دقياق ..هي الباقي فيها كان 40 ثانية لأنو صفر 3:20 ثانية ..والكورة كانت في ميدان المريخ ..
Post: #18 Title: Re: المريخ من أندية الوسط الجيّدة المستوى!! Author: Hussein Mallasi Date: 03-05-2015, 09:47 AM Parent: #12
انتو الكور دي بتشوفوها وين .. بتتنقل وين :)
Post: #19 Title: Re: المريخ من أندية الوسط الجيّدة المستوى!! Author: الحاج حمد الحاج Date: 03-05-2015, 10:17 AM Parent: #18
لاعبي المريخ لو لعبوا تاني 90 دقيقة ما كان ح يجيبو قون..المهاجم الحريف بدي القون كحلة سريعة يحدد القون واقف و الافضل يلعب الكورة وين..تراوري و بكري المدينة الواحد يشوت الكورة و بعد داك يعاين للقون عاوز يشوفها مشت وين!!!
Post: #20 Title: Re: المريخ من أندية الوسط الجيّدة المستوى!! Author: نصر الدين عثمان Date: 03-05-2015, 10:44 AM Parent: #19
تحياتي أخي عمر وضيوفك الكرام،
Quote: الماقادرين يفهموهو الناس إنو هيثم ده إنت بتلعبو ما عشان يقلع كورة ولااا عشان يجري في الميدان .. لاحظ معاي هيثم امبارح في حالة وجود الكرة عند الخصم ما بتشوفو نهاائي ..لكن تعال شوف لمن الكورة تكون عند الأهلي شندي !! بتلقى هيثم متمركز في حتة لمن تهجمك..ثم يواصل هو هجمك بي الباص البيفكو ومنها بينهجم المهاجم زاااتو .. وده الخلّانا نقول الهلال محتاج لي هيثم تحديييداً لأنو في وجود نيلسون والشغيل أو نزار ممكن تخليهم يركزو على جانب المقالعة بينما كللل المطلوب من هيثم تخليو يجدع الباصات في الميدان فقط... للأسف ما ينقص الهلال حالياً هيثم ..وهيثم فقط ..ما صانع العاب..هيثم تحديييداً عشان حاجات تانية برضو غير الكورة جوة الميدان ..
ما قلته هو عين الحقيقة دون أدنى جدال.. واضح من سير المباراة أنه تم تكليف المصري (أيمن) بمراقبة (هيثم) .. فاستعمل معه الوسائل المشروعة وغير المشروعة ..
Post: #21 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 01:50 PM Parent: #20
ملاسي يا سحس.. أوعا تكون من ناس العشرة قنوات الأولى زيي ألوان وزيي أفلام و زيي مسلسلات ثم إم بي سي بوليود :)
بعدين بيني وبينك قناة النيلين الشبككم الإعيسر أقلبو ليها الطبق 50 درجة غرباً وصنقعو الطبق 30 درجة شرقاً دي فعلاً بتكون ما عندكم .. :)
Post: #22 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 01:54 PM Parent: #21
يا الحاج بكري المدينة سرح ..وإتخييل إنو في ال 30 ثانية دي حيمسك الكورة ويمر من الأول والتاني والحارس ويقيف يسأل جمال الوالي أها أجييبا؟؟ علماً بأنو خلال 93 دقيقة لم تسلم الكشافات من تسديداتهم ..
Post: #23 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 01:55 PM Parent: #22
نصر الدين .. لكن أرييتو بعد ده قدر عليهو .. ياخ أيمن سعيد وبكري المدينة ...هيثم صرف ليهم البيض بالجملة وبي طريقة حقت الدافوري ديك ..بيزلقا ليهم برااااحة ....
Post: #24 Title: Re: المريخ من أندية الوسط الجيّدة المستوى!! Author: جمال ود القوز Date: 03-05-2015, 02:33 PM Parent: #23
Quote: ياخ أيمن سعيد وبكري المدينة ...هيثم صرف ليهم البيض بالجملة وبي طريقة حقت الدافوري ديك ..بيزلقا ليهم برااااحة ....
غايتو ده مولد وصاحبو بقى من أندية الوسط جيدة المستوى .. والله صحي .. المريخ أراحنا من المواسير تماماً .. يأخ كونو شال المعز دي براها المفروض يدوهم فيها قروش ... وبكري رواشة مبروكات عليهو قريشات الوالي .. وليهم حق الجماهير يسكوهو ويقولوا عليهو ماسورة .. ده ماسورة قلفنايز عجيبة والله .. وكل يوم بيثبت خطل سياسة استيراد بواقي وكِرت الهلال غايتو البقت على المرخرخ .. تستحق فعلاً شماتة من النوع أبو كديس .. آن لأبو الهل أن ينفرد ويتفرد ويتمدد ويمد كرعينو كمان .. فحال المنافس لايسر عدو لاصديق .. وبعد كل القروش الدفعوها في المواسير .. شخرت ليهم بي مزاااج .... وصلاح ادريس السواها بقت ورقدت .. شكلو كان قاصد يشلع المريخ ما الهلال ..
والله فعلا الهلال محتاج هيثم .. هسه ولي بكرة وحتى بعد يخلي الكورة .. الله يمرض الكان السبب .. قلت لي هيثم ( زلفا ) ليهم بالرااااحة ... غايتو شماتك يا الفاروق .. تمشي للجبال والخلا ... والرفيق الفسل .. وتمرق في المريخ سيد الاسم الفي سقط لقط داك .. هنيئاً للمريخ مكانتة المناسبة مع اندية الوسط .. ...
Post: #25 Title: Re: المريخ من أندية الوسط الجيّدة المستوى!! Author: عمر الفاروق Date: 03-05-2015, 04:04 PM Parent: #24
يا ود القوز .. نحن الهلالاب واضحييين..فريقنا وهو غالب تلاتة ما عاجبنا ..وبعد الكورة إنتهت زعلنا.. فريقنا وهو متأهل لي دور ال32 بطنا كانت طامة .. نادي الوسط بالله تأهل في التمهيدي جاب ليو غمران جماهير.. :) :) الهلال يتصدر وهو في أسوأ حالاته فما بالك لمن يكون في مستواه وحاله الطبيعي..
Post: #26 Title: Re: المريخ من أندية الوسط الجيّدة المستوى!! Author: ياسر منصور عثمان Date: 03-08-2015, 11:14 AM Parent: #1
فوق عشان خاطر الحبايب...
Post: #27 Title: Re: المريخ من أندية الوسط الجيّدة المستوى!! Author: عمر الفاروق Date: 03-08-2015, 12:54 PM Parent: #26
يا خال كيلو الضأن لحق كم في الخرطوم؟؟ قالوا لمن كور المريخ تقرّب الخروف بحددا مع الدولار زاااتو وسعرو بيصل السما فوووق.. علماً بأنو في سعرين للخرفان..سعر أيام كور المريخ المحلية وسعر أيام زور المريخ الإفريقية ..
Post: #28 Title: Re: المريخ من أندية الوسط الجيّدة المستوى!! Author: ياسر منصور عثمان Date: 03-08-2015, 01:25 PM Parent: #27
يا فارقو ....قال ليك الخرفان شوهدت وهي تهرول غرب امدرمان..
Post: #29 Title: Re: المريخ من أندية الوسط الجيّدة المستوى!! Author: الصادق صديق سلمان Date: 03-08-2015, 01:27 PM Parent: #27
عمر الفاروق
جيتاً جيت - قرقرقرقرقرقرقرقرقرقرقر
والله بكري المدينة كان افضل حالاً وانا كنت من المعارضين لشبطه اما المعز فعلينا يمهل وعليهو يسهل وهو شبههم الناس ديل
Post: #30 Title: Re: المريخ من أندية الوسط الجيّدة المستوى!! Author: عمر الفاروق Date: 03-08-2015, 02:51 PM Parent: #29
Quote: يا فارقو ....قال ليك الخرفان شوهدت وهي تهرول غرب امدرمان..
هههههههههههه... أحححي يا بطني.. المريخاب الخوفة الدخلوها في الخرفان عيد الضحية ما دخلا فيهم :)
Post: #31 Title: Re: المريخ من أندية الوسط الجيّدة المستوى!! Author: عمر الفاروق Date: 03-08-2015, 02:53 PM Parent: #30
الصادق يا صديق.. المعز كمان تحت تحت قالوا ببيع عااادي :) :) النصيييحة بكري بعد الهيد الضربو ده انا حمدت الله ..
