Post: #1
Title: الشاعر الفارس أزهري محمد علي . يكتب الشعر تحت حر الكتاف وفوق خلال الكلام
Author: Osman Musa
Date: 03-04-2015, 05:42 PM
04:42 PM Mar, 04 2015
سودانيز أون لاين
Osman Musa -
مكتبتي في سودانيزاونلاين
نص جديد للشاعر الكبير أزهري محمد علي
زخة رصاص في الراس
من سلطة معطوبة
ما بتثني عزم الناس
لو عزا مطلوبا
في دولة الرصاص
كم خيمة منصوبة
حرس الرئيس الخاص
متغطي بي توبا
ولدا رضي و وناس
شايلنو لي حوبة
في ليلك اب كباس
شاهد خراب سوبا
شاهد وطن بنداس
عينيهو معصوبة
في يوم شديد الباس
والدنيا مقلوبة
مجبور رمي الكراس
دنقر رفع طوبة
شاف لحية القناص
بي دمو مخضوبة
تمتم قري الاخلاص
كتب الخلاص بالدم
طلع القمر بوبا
أزهري محمد علي
_________
.... ليك القومة وليك التحية يا شاعرنا العزيز
|
|