يا قناة النيل الأزرق

04:18 AM Feb, 28 2015
سودانيز أون لاين
حمد عبد الغفار عمر -
مكتبتي في سودانيزاونلاين



درجت قناة النيل الأزرق في الأونة الأخيرة على عرض بعض الأغاني لقدامى الفنانين بأصوات فنانين شباب
ومعها على الخط تحت اسم شاعر الأغنية والملحن (على ما اعتقد) واسم المؤدي المقلد أو المجموعة المؤدية بدون ذكر اسم الفنان صاحب الأغنية الأصلي
الكلام دا فيهو طمس صريح للحقيقة وضياع تاريخ هذه الأغاني وهؤلاء الفنانين الذين ارتبطت هذه الأغاني باسمائهم.
تخيلوا بعد 20 سنة الناس ممكن تنسى هؤلاء المبدعين والناس تبدأ تتغالط من جديد زي حكاية أغنية خال فاطنة

ممكن تكتبوا اسم الشاعر والملحن والفنان الأصل وبعد داك تكتبوا يشارك أداء هذه الأغنية الفنان فلان الفلاني
لا بد من الالتفات لهذا الأمر وأخذه بجدية فهذا توثيق لفن الغناء السوداني يجب أن يتم بصورة صحيحة

ولكم الشكر

الشفيع عبد العزيز كان حريصا على ذلك، ولكن يبدو أن الطاقم الجديد له رأي آخر


صباحك خير يا حمد

كيفك يا عبد العزيز

الشفيع راجل مهني وتعب كتير عشان يطور القناة دي
لكن أهو كالعادة دائما الحاجات السمحة تتلخبط

دا توثيق يظل لأجيال قادمة مفروض يكون بالطريقة الصاح ما ممكن يذكروا اسم الشاعر وما يذكروا الفنان

المسألة دي أنا لاحظت ليها في سهرة الخميس على ما اعتقد بتاعة كردفان الفي الدوحة يذكروا اسم الشباب وينسوا عثمان الشفيع بكل تاريخه معقول

كمان جابت ليها أكل غناء