|
|
|
 Re: ألحقو ملاسي، وقع في شوك الكِتِر ورّدلَب... (Re: معاوية المدير)
|
إتنين من أهل البُطانة مستعجلين وخابين خبيب شديد جداً شاقين البطانة، ينهبو في
الأرض نهب. في عجلة من امرهم. فجأة شافو شيخ ابسن قاعد تحت ضُل شُدرة.
واحد قال لصاحبو: النغشى شيخ العرب نسلّم عليهو.
التاني مُستعجل جداً، قالوا: الزول دا بمسكنا، ونحن مستعجلين.
صاحبو قال ليهو: أفو، عآد بنفوت شيخ العرب بلآ سلآم كيفِن؟
ردّ عليهو: يا اخي الزول دا لحوّح، وبيمسكنا في الكلآم، ونحن مستعجلين.
ردّ عليو: آزول حرّم مابنفوت شيخ العرب بلآ نطايبو.
قالوا كدي مشو عليهو...
: ســـلآم شيخ العرب.
شيخ العرب: مرحب حبابكم، إنتو منو؟
القال نغشاهو: انا ود فلآن الفِلآني.
شيخ العرب: آآآآ، وإنت؟
المستعجل: انا ود فِلآن الفِلآني.
شيخ العرب: آآآ، دحين إنت واخوانك مالسرقتو جمال ناس فِلآن؟
المستعجل: ابداً يا شيخ العرب، ديّل ما نحن.
شيخ العرب: نآن السرقِن منو؟
المستعجل: ديّل وِلآد أعمّنا.
شيخ العرب: اها، ووِلآد اعمّكن قُدرتُن شنو يسرقوا جُمال الناس؟
المستعجل: والله يا شيخ العرب....
شيخ العرب(مُقاطعاً): الحليفة العليك شنو كمان؟ تسرقو جمال الناس، وتقعدوا
تحلفوا!!!
المستعجل: لكن يا شيخ العرب...
شيخ العرب (مُقاطعاً): لكن شنو كمان؟ السرقة دِي مِي عيّب؟
المستعجل: عيّب يا شيخ العرب. لكن...
شيخ العرب (مُقاطعاً): ماتقول لي لكن، وكت عارفنها عيّب سارقين ليه؟
الجماعة يدورو يتخارجو، وشيخ العرب عاصر عليهُن.
المستعجل: يا شيخ العرب نحن ماشين.
شيخ العرب: تمشو وين؟ كدي في الأوّل وريني ولآد اعمّك ديل سرقو الجمال ليه؟
المستعجل: والله يا شيخ العرب تقول شنو؟ كلوا من إبليس.
شيخ العرب( مُقاطعاً بإستغراب): إبليس!!! والله قال إبليس، قال!!!؟
المستعجل: يا شيخ العرب نحن ماشيّن.
شيخ العرب: ماشين وين؟ كدي في الأوّل وقّع لي حكاية إبليس دي!
المستعجل: يا شيخ العرب نحن مستعجلين.
شيخ العرب: والله قال إبليس قال! إبليس دا مشى لولآد أعمّك في البيت قالهم امشوا
اسرقوا جمال الناس؟
المستعجل: لكنـ....
شيخ العرب (مُقاطعاً): والله حكاية! تسرقوا جُمال الناس، وعُقُب تسووها في إبليس؟!
المستعجل: يا شــ...
شيخ العرب: والله حكاية إبليس دي لكن حكاية! تسوّو سواتكم، وتعلقوها في إبليس
المسكين دا!؟
بعد رجّة ومناتلآ شديدة جداً حتي شيخ العرب اطلق سراحهم.
المستعجل قال لصاحبو: البلآ، شيخ العرب التقوّل إبليس ود اعمّوا!!!!!!!!
| |
 
|
|
|
|
|
|
|
|
Re: ألحقو ملاسي، وقع في شوك الكِتِر ورّدلَب... (Re: قسم الفضيل مضوي محمد)
|
Quote:
كيفك يا مدير
ملاسي يا دوب في فترة النقاهة من تدريبات الغوص في الأعماق بتاعة أبو جودة ديك
استلموا ليك رباعي الدفع (4WD) دا ومشاوير تفحيط في الطعوس
غايتو تاني ما هوب ناحية البشير دا |
تمام يا حمد، أخبارك ؟.
بالرغم من دِقة ملاسي وإستعانته بالقانون الجنائي ورصده لكل شاردة وواردة عشان يطلّع
الموضوع لا فيهو شق لا طق، اللِويّس إتعنكل فيهو عليقة السواد، لآمن قال، أنا زاتي كنت
بعيد المنبر واخدلو غتسة، أها وكت غتس الراجل قاليهو كلآمي وقعلك تب، فتأمّل...
| |
|
|
|
|
|
|
|
|
 Re: ألحقو ملاسي، وقع في شوك الكِتِر ورّدلَب... (Re: معاوية المدير)
|
Quote:
غايتو الله يسامح ملاسي عملها فينا
اتضح له الموضوع وتوقف سكيتي كده
وورطنا نحن في شوك الكتر
على اي حال للعلم وعشان مافي زول يتورط انا اتضح لي الامر وتوقفت :) |
هههههههههههههههههههه،
يا باش بقيت تفهما طايرة. ناس ما بتجيش إلا بالشخيّت.
أن تتوقف متأخراً خيرأ من ان لا تتوقف. والله صحي...
| |
|
|
|
|
|
|
|
|
 Re: ألحقو ملاسي، وقع في شوك الكِتِر ورّدلَب... (Re: سيف اليزل الماحي)
|
Quote: هههههههههههههه
معقول يا دااااااااابكم عرفتو
اسألو هشام عباس وقع في الحسكنيت قبالكم
وبقى يغشى محل محل يحذر من بكان الحسكنيت دا وانتو ما جايبين خبر
غايتو بشوف القلب ، وتاني ما تمشو على جهة الحفر والخرابات دي
|
لا حول ولا قوة الا بالله دا سكرى جاهز دا انتو اللى رماكم فى دربو شنو
ياخى دا عشان يفهمك انت بتقول فى شنو عايزلك معجزة وعشان تفهم هو كاتب شنو دى بقى معاناة معتقل فى غوانتنامو
الله يكون فى عونكم
تحياتى للجميع
| |
|
|
|
|
|
|
|
|
Re: ألحقو ملاسي، وقع في شوك الكِتِر ورّدلَب... (Re: هشام عباس)
|
Quote: لا حول ولا قوة الا بالله دا سكرى جاهز دا انتو اللى رماكم فى دربو شنو
ياخى دا عشان يفهمك انت بتقول فى شنو عايزلك معجزة وعشان تفهم هو كاتب شنو دى بقى معاناة معتقل فى غوانتنامو
الله يكون فى عونكم
تحياتى للجميع |
بالمناسبة الزول ده فاهم لكن مدكن
الله يسامحكم كان جبتو لينا الضغط في طرفكم ساي
والله مع اني انا ما اتداخلت في الموضوع لكن لما قريت الردود
قلت الرووووووب خليك من ملاسي و ود ابراهيم
تحياتي للجميع
| |
|
|
|
|
|
|
|
|
 Re: ألحقو ملاسي، وقع في شوك الكِتِر ورّدلَب... (Re: معاوية المدير)
|
Quote: أبو أحمد أبو أحمد · جامعة السودان للعلوم والتكنولوجيا
عظم الله أجركم ود المدير..
أبسط يا عم ماشة معاك طحنية أهو ملاسي رد عليك، أكيد مع النظارة دي يكون ما شايفك معاوية المدير ولا معاوية البرير :) |
بارك الله فيك يا ابو احمد.
معاوية البرير دا بشوفو كمان ؟، معاوية البرير دا بضوقو مشروبات غازية.
إنت في دا واللآ ملاسي البيفطنا زي سندات القطر راح يودي ويجيب مع الراجل
قايل القبة تحتا فكي لحدي ما رشاهو ليك خارم بارم لآمن شتت، والذّ حاجة بعد
شتت قال ليهو فهمت. علي اليمين ملاسي يكون فهم كلآم الزول دا إلا اديهو اوسكار
أكبر فهامة وُلدت بين الثقلين...
| |
|
|
|
|
|
|
|
|
|
Re: ألحقو ملاسي، وقع في شوك الكِتِر ورّدلَب... (Re: معاوية المدير)
|
Quote: هههههههههههههه
معقول يا دااااااااابكم عرفتو
اسألو هشام عباس وقع في الحسكنيت قبالكم
وبقى يغشى محل محل يحذر من بكان الحسكنيت دا وانتو ما جايبين خبر
غايتو بشوف القلب ، وتاني ما تمشو على جهة الحفر والخرابات دي
ود المدير والناس المعاو سلاااامات |
سلآمات يا ود الغالي.
يا ود الغالي أنا دخلت عشان اقرأ تحليلآت ملاسي كان اعتر في الحفرة
واقع في الخرآبة. الخرآآآآآآآآآبة، هو حسكنيت نصاح !. غايتو ملاسي إلا
ينفضوهو بفاكيم.
يُرفع عنه القلم، وكذلك السلآح قبل قفل المحضر...
| |
|
|
|
|
|
|
|
|
|
Re: ألحقو ملاسي، وقع في شوك الكِتِر ورّدلَب... (Re: muntasir)
|
Quote:
انا في بوست المادة 27 و 33 من القانون الجنائي، كنت أحد مناصري صاحب البوست وماشي في "ختراته" وما شايف الطريق!
الله لا كسبك يا ملاسي لو رميتنا في شوك الكتر، حيث أنني من أبناء المدينة وليس لي أي معرفة بهذا الشوك، وقطعا لا أعرف شيئا عن الكتر. |
سلآمات سيف اليزل،
شوك الكِتِر كان سعلتَ مِنّو أها بس ترا زولنا دا، أكان وقعت فيهو إلا
الحِلة كولها تتلمّ فوقك بمناقيش. والله صحي.
الحردلو قال:
أب عراق فتق قرنو المبادر شره
والباشندي عمت مهششيب الدره
من النقرة كل حين فوق عليو منصره
وها الأيام محاريها القليعة أم غرة...
| |
|
|
|
|
|
|
|
|
 Re: ألحقو ملاسي، وقع في شوك الكِتِر ورّدلَب... (Re: معاوية المدير)
|
Quote: لا حول ولا قوة الا بالله دا سكرى جاهز دا انتو اللى رماكم فى دربو شنو
ياخى دا عشان يفهمك انت بتقول فى شنو عايزلك معجزة وعشان تفهم هو كاتب شنو دى بقى معاناة معتقل فى غوانتنامو
الله يكون فى عونكم
تحياتى للجميع |
سلآمات يا هشام.
طيّب ملاسي فهمو كاتب شنو كيف ؟،
إنسحاب ملاسي يعني إنو ملاسي طقطق الشفرة زي السلآم عليكم.
قلنا نجرّب الأيقونة الجديدة في عبقرية ملاسي. (WOW)...
| |
|
|
|
|
|
|
|
|
|
Re: ألحقو ملاسي، وقع في شوك الكِتِر ورّدلَب... (Re: معاوية المدير)
|
Quote:
بالمناسبة الزول ده فاهم لكن مدكن
الله يسامحكم كان جبتو لينا الضغط في طرفكم ساي
والله مع اني انا ما اتداخلت في الموضوع لكن لما قريت الردود
قلت الرووووووب خليك من ملاسي و ود ابراهيم
تحياتي للجميع |
سلآمات يا محمد.
يا أخي انا زاتي قريت الردود وراسي دا بقى يسوي زنّ، زنّ، زننننننننننننن ؤُ بقيت
اشوف طشاش طشاش. أكان ما حبوب الدغِت بقن جنبي كان بكري سوّد المنبر.
لكن ما قلت لي يا محمد، الزول دا مدكِن شنو ؟، هسّع الأظهرو للناس دا ساهل ؟...
| |
|
|
|
|
|
|
|
|
|
Re: ألحقو ملاسي، وقع في شوك الكِتِر ورّدلَب... (Re: معاوية المدير)
|
Quote:
يا ود المدير بعد ما جلط ملاسي لقاها ماشة بقى يقرض في الشعر قرض الديناصورات لم
في قصيدة معز عمر بخيت غايتو كان غلط ودخل البوست كان ما هنق حمار الوادي ما بفكو |
سلآمات يا المنتصر.
ههههههههههه،
يعني اليومين ديل طالع في الكفر، مُش ؟.
المعز كان ربنا داير يدردرو في الدنيا دي اليمش بهناك. غايتو ملاسي
بعد الكجمة اللخدا دي تاني كان جاهو في بوست بيفحّط من غير عودة،
وكان جاهو في المنام عِلآّ الشيخ الجعلي.
ختري لكن. والله صحي...
| |
|
|
|
|
|
|
| |
معاوية المدير
جمال خضر
حمد عبد الغفار عمر
عادل البراري
محمد إبراهيم علي
قسم الفضيل مضوي محمد
حيدر حسن ميرغني
Hussein Mallasi
هشام عباس
Mohammed Sedeq
.gif)
فيس بوك
تويتر
انستقرام
يوتيوب
بنتيريست