عاااااااااااجل .. جلسة طارئة بخصوص الباخرة دهب

07:57 AM Feb, 26 2015
سودانيز أون لاين
د.محمد حسن -
مكتبتي في سودانيزاونلاين



البوس( Boss) : السلام عليكم
كل المجلس :وعليكم السلام
البوس : اول احاجة اقفلو اجهزة التسجيل دي ما تجيبو لينا الهوا ، تانيا الاشترا الباخرة منو
الوزير : انا ما اشتريت انا كونت لجنة
البوس : اللجنة فيها منو
الوزير : اللجنة فيها اتنين واحد ود اختي والتاني صاحبو وناس خبراتهم عالية وناس سوق
البوس : خبراتهم شنو؟
الوزير : ود اختي سمسار في الكرين وصاحبو خبير تسويق سيارات في سوق ليبيا
البوس : طيب يشترو لينا باخرة مضروبة ؟
الوزير :: ما مضروبة يا ريس البودي بتاعها كويس وحنركب ليها مكنة هايلوكس جديدة وارد اليبان
البوس : بش ضربتو فيها كتير
الوزير : ما كتير كلها تلاته مليون ونص وابوالقاسم على تلاتة
البوس :: طيب والنص؟
الوزير : النص عند نجيب زيادة ( المجلس يضحك ) بهزر يا ريس النص ده اتبرعنا بيه للجمعيات الخيرية في مصر نظام دعم لي ناس رابعة
البوس : تاني ما تجيب رابعة دي على لسانك نحن الناس ديل زغنا منهم
الوزير : يعني يا ريس نعمل منهم رايحين ؟
البوس : ايوة رايحين وقصة امريكا روسيا قد قد دنا عذابها دي تمسحوها
الوزير : ونغني آه ونص

متعة يا دكترة

متعك الله بالصحة والعافية

نجيب زيادة فاتح فيك بلاغ يا دكتور ..

واصل يا دكتور
يديك العافية