ما ذنب هذه المرأة المسكينة يا شركة دال الغذائية...توجد صور للمنتج

11:23 PM Feb, 25 2015
سودانيز أون لاين
ذواليد سليمان مصطفى - sudan
مكتبتي في سودانيزاونلاين



شركة دال للمنتجات الغذائية هي الشركة الرائدة في مجال التصنيع الغذائي في السودان
هذه الشركة طرحت فكرة جميلة باسم مهرجان السودان للاغذية التقليدية
مسابقات ووصفات الاطعمة التقليدية السودانية
وعلى حسب ما ورد في الاعلان بان المشاركة مخصصة للعامليين وكنت لا علم لي بان المشاركة مخصصة
لان الاعلان وصلني في بريدي الالكتروني وبعض اطلاعي للاعلان اخبرت تلك المرأة المسكينة بصناعة العجينة الزرقاء والخميس طويرة
ومنها اجتهدت وصنعت المنتج بتكلفة عالية ومبلغ مادي
وبعض فترة اتصلت بها احد الموظفات من الشركة وسالتها من مكان عملها، فقالت للموظفة هي عرفت عن طريقي
ثم اتصلت بي المرأة وقالت لي ناس دال اتصلو عليها وسألوها منو القدم ليك ، قلت ليها قول ليهم انا واعطيهم رقمي. في نفس اليوم لم تتصل الموظفة مرة اخرى
ولكن اتصلت اليوم الثاني وقالت انت عرفتي كيف فقالت في زول حيتصل عليكم
فعلاً اعطتني الرقم وحاولت الاتصال فوجدت الرقم مشغول وظهر رقمي في الانتظار ومنها عاودت الاتصال بي ،وقالت لي انت عرفت كيف قلت ليه وصلني في الايميل ومنه اخبرت المرأة المسكينة.
طيب البحصل الان شنو
قالت البحصل بأن المسابقة محصورة فقط للعاملين في الشركة
ثم اطلعت للاعلان وفعلا وجدت كلمة العاملين
ثم قلت للموظفة خير والف خير وانا امتلك كتاب باسم المنتجات الدارفورية التقليدية
ثم قدمت لي الدعوة من اجل ان اصلهم في الشركة ولكن لم استجيب للدعوة لظروف عملي
في هذه الفترة علمت بان هنالك يوم مخصص للمهرجان بمعرض الخرطوم الدولي
فعلاً ذهبت الى المهرجان في يوم الجمعة20 فبراير ويوم 21
تجولت في كل اجنحة المعرض داخل الهنكرين 1-2
ثم الى مشاهدة الرقصات الشعبية
منه الى السوق الشعبي منتج الاكلات الشعبية
ولكن.........؟
http://www.0zz0.com
الاعلان

الملفت في الامر بعض تجوالي للمعرض وجدت نسبة من النساء والرجال لا ينتمون للعاملين بالشركة
والمؤسف والمؤجع وجدت نساء لا علاقة لهم باللشركة والشراكة العملية في المعرض فقط لهن اطعمة شعبية معروضة للبيع
انواع الاطعمة المعروضة العصيدة بانواعها والملاحات بانواعها والخبائز وانواع متنوعة من الوجبات التقليدية من كل ارجاء السودان .
فوجدت نوعية من العجينة الزرقاء ومن المفترض تشارك بها المرأة التي اخبرتهاا بصناعة العجينة الزرقاء والخميس طويرة
فمن حق الشركة ان تعطي الاولية التي للمرأة التي تم اابعادها من المشاركة وهي صنعت منتوج العجينة الزرقاء والخميس طويرة
ثم قمت بتصويره ورسلت المكونات وطريقة الصناعة وصورة من المنتجين

هذه الصورة للعجينة الزرقاء التي صنعتها المرأة التي تمت ابعادها من المشاركة

http://www.0zz0.com


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وبينما هذه الصورة للعجينة الزرقاء التي شاركت بها احد النساء في المعرض،
http://www.0zz0.com


اريد من القراء واعضاء المنبر المقارنة بين المنتجين الفي الصورة الاولى والثانية
وايهما عجينة زرقاء أم حمراء؟

http://www.0zz0.com

صورة لي خميس طويرة وعجينة زرقاء
من صنع المرأة التي تم ابعادها من المشاركة
بسبب بان المشاركة محصورة للعاملين فقط
مع كل ذلك وجدت اناس لعلاقة لهم بالشركة تم تسجيل حلقات مصورة بالفيديو معهم وكيفية شرح صنع المنتج

اريد توضيح بسيط
ما كتبته هنا ليس حسدا ولا حقدا عن الشركة وبل اتمنى المزيد من الانجازات وانا مع التطور والتقدم في السودان وبل ادعم بفكري كل من يريد المساعدة بالرأي والفكرة
لكن اريد معرفة الحقيقة والاسباب التي تمت فيها ابعاد المرأة من المشاركة
والسبب الاخر : لماذا لاتكتفي الشركة بالعاملين والاستعانة بنساء ورجال خارج الشركة
لماذ لاتحتفظ بحق المرأة حتى باسمها فقط من المفترض تكتب اسمها

ايهما عجينة زرقاء؟

الشرط واضح يا ذواليد
تفوق منتج السيدة المبعدة لا يعني شيء مهما كانت جودته طالما أن شرط المشاركة في المسابقة محصور في العاملين بالشركة.
أدفع للست دي تكاليف العمل الذي قامت به من سكات، لأنك مسئول عن الفوضى دي كلها بعدم
تركيزك في شروط المسابقة عند قراءتها، وأكل الحاجات دي في عضمك ده.
وخلينا نحول بوستك ده عن الأكلات الذكرتها دي، ونعرّف بيها لأني أول مرة أسمع بيها
وتكون فرصة نطلع على تراث بلدنا
تحياتي

Quote: الشرط واضح يا ذواليد تفوق منتج السيدة المبعدة لا يعني شيء مهما كانت جودته طالما أن شرط المشاركة في المسابقة محصور في العاملين بالشركة. أدفع للست دي تكاليف العمل الذي قامت به من سكات، لأنك مسئول عن الفوضى دي كلها بعدم تركيزك في شروط المسابقة عند قراءتها، وأكل الحاجات دي في عضمك ده. وخلينا نحول بوستك ده عن الأكلات الذكرتها دي، ونعرّف بيها لأني أول مرة أسمع بيها وتكون فرصة نطلع على تراث بلدنا تحياتي

شكرا نادر للمرور
سلام كتير
كلامك سمح
نعم كنت غير مركز في الشروط
ولكن الوجيعة بعض الشروط كل استعانت الشركة بناس لا يعملون بالشركة
فهنا اختل شرط من الشروط الاساسية في المشاركة وعليهم الالتزام بما يفعلون وهم كشركة
الوجيعة مافي شفافية بعض الاتصال بي وبل طالبو باحضار كتابي للمنتجات الغذائية حتى يضيفو للمهرجات اضافات جديدة من المنتجات واتحداهم لو تحصلو لكل المنتجات
وما كبيرياء ولا تفاخر امتلك معلومات عن الاغذية الدرافورية وهذه المعلومات حتى لو بقت ميرم من ميارم الخرطوم يصنع مثل هذه الوجبات التي تحصلت عليها من حبوبة اي أ

Quote: الشرط واضح يا ذواليد تفوق منتج السيدة المبعدة لا يعني شيء مهما كانت جودته طالما أن شرط المشاركة في المسابقة محصور في العاملين بالشركة. أدفع للست دي تكاليف العمل الذي قامت به من سكات، لأنك مسئول عن الفوضى دي كلها بعدم تركيزك في شروط المسابقة عند قراءتها، وأكل الحاجات دي في عضمك ده. وخلينا نحول بوستك ده عن الأكلات الذكرتها دي، ونعرّف بيها لأني أول مرة أسمع بيها وتكون فرصة نطلع على تراث بلدنا تحياتي

شكرا نادر للمرور
سلام كتير
كلامك سمح
نعم كنت غير مركز في الشروط
ولكن الوجيعة بعض الشروط كل استعانت الشركة بناس لا يعملون بالشركة
فهنا اختل شرط من الشروط الاساسية في المشاركة وعليهم الالتزام بما يفعلون وهم كشركة
الوجيعة مافي شفافية بعض الاتصال بي وبل طالبو باحضار كتابي للمنتجات الغذائية حتى يضيفو للمهرجات اضافات جديدة من المنتجات واتحداهم لو تحصلو لكل المنتجات
وما كبيرياء ولا تفاخر امتلك معلومات عن الاغذية الدرافورية وهذه المعلومات حتى لو بقت ميرم من ميارم الخرطوم يصنع مثل هذه الوجبات التي تحصلت عليها من حبوبة اي أم الكل
احتراما لسها وهي تبلغ من العمر 80 عام .
هذه الحبوبة عملت في صناعة الطعام بمدينة نيالا وكانت مشهورة جدا في صناعة الاكلات الشعبية والمنتج هذا صنعتو بتها بمساعدتها

اما تحويل البوست عن معرفة الاكلات دا مستحيل
وتوبة ومليون توبة
ومن اراد معرفة اسرار الاغذية في كتابي فقط يقدم عرض للمشاركة كشريك تجاري باسهم وفوائد
حتى لو تم طباعة الكتاب لا اسمح لاي شركة باستخدام المنتح

اعتذر ان تقديم معلومات عن الاغذية الدارفورية

سلام ذو اليد ..

سمعت خميس طويرة او خميسطويرخ والكثير من اكلات دارفور الشعبية من اخلال اغنية مشهورة يغنيها الفنان عمر احساس عن اكلات وتقاليد وبعض من تراث دارفور .. ..

ذو اليد
سلام

زي ما قال ليك الشباب ديل

موضوع "دال" جليهو

وخلى البوست دا عن ثقافة الأكل في دارفور

خلينا نستفيد ونتثقف يا خي

Quote: ذو اليد سلام زي ما قال ليك الشباب ديل موضوع "دال" جليهو وخلى البوست دا عن ثقافة الأكل في دارفور خلينا نستفيد ونتثقف يا خي

شكرا الصادق
بخصوص موضوع دال دا حاجة تانية
بس عدم المصداقية مشكلة
نعم عندما علمت بالمشاركة خصوصية لعمال الشركة التزمت بالامر
ولكن الوجيعة فيهم ذاتو
لانهم ما التزموا بشروطهم واستعانو بناس من الخارج لدعم مهرجان دال الغذائي التقليدي الاول

البوست ما حيكون فيها معلموات عن منتوج ثقافة اكلات دارفور
انا حفيت في تجمعي المعلومات الغذائية
وبعدين في ناس جاهزين لسرقة الفكرة بضبانته
ودا ما بفوت علي
الكتاب مسجل في المصنفات الادبية
وممكن انشرها في النت في اي وقت
ولكن لا اريد تشتيت الكورة خارج الميدان

وبجي يوم بلقى لي شريك ممكن نتعاون ونتج الوجبات الدارفورية بشراكة
وبعدين كتابي دا كتلوج لاي يزول ما بعرف طبيخ فيها التفاصيل الدقيقة في صناعة الاغذية الدارفورية
ومشكور للمرور

سمعت خميس طويرة او خميسطويرخ والكثير من اكلات دارفور الشعبية من اخلال اغنية مشهورة يغنيها الفنان عمر احساس عن اكلات وتقاليد وبعض من تراث دارفور .. ..

سلام اخي ناذر
نعم غنى عمر احساس
عن خميس طويرة الذي يسمى ايضا بي دمسورة
وواحدة من الاكلات الغنية وهذه تصاحب الطلاب في فترة المدارس وخااصة طلاب الداخليات
الصفيحة الواحدة تكفيك عام دراسي كامل
ومن اسرار الخميس طويرة أو دمسورة يقبل التغذين في اي طقس من الفصول الاربعة وهي وجبة دسمة

شكر للمرور

العجينة زرقاء فيها فوائد عظيمة
ويقدم للعرسان في شهر العسل

من اشهر مكونات العجينة الزرقاء
الزيت

Quote: من اشهر مكونات العجينة الزرقاء الزيت

Quote: من اشهر مكونات العجينة الزرقاء الزيت

الاخوان/ عادل وناذر

تحية طيبة

خليكم مع الزيت
اذا كتبت المكونات الرئيسية باكر بلقى صف طويل قدام البيت
عشان كل واحد يشيل كرتونة

ولكن بوعدكم بضواقة العجينة الزرقة

اذا جبتها ليكم بس مافي زول يسألني من المكونات

سر المهنة محفوظ في كتابي

هذا الكتاب لا اريد طباعته ونشره في المكتبات
فقط اطلب مشاركة مع مصنع للمنتجات الغذائية
طريقة المساركة فوائد مادية

كل المنتجات الدارفورية حصريا

يا ذو اليد
تحياتي
عليكم بالذهاب للملكية الفكرية هؤلاء الناس لا يعرفون التفاهم خذا الحل لانصاف صاحبة الخلطة السحرية
تحياتي

خميس طويري أو خميس بيرد (كما كنا نسميها بالإنجليزي!) من أفضل الأطعمة التي يمكن التزود بها ولو ما خايف الكضب استعان بها رواد أبولو11.... القليل منها عندما ييبتل بالماء يتنفش ويصبح وجبة دسمة ولذيذة بفضل وجود الدكوة... وهي طبعا قطرة من إبداعات دارفور الغذائية.

بس خلاص ..

عرفنا السر ..

Quote: ولذيذة بفضل وجود الدكوة

أهم المكونات الزيت والدكوة ..

ويا ذو اليد ومحمد الأمين موسى الباقي بتمو خيال في شان أبور كتاب وشراكة ذو اليد ههههه

هل اخترعت المرأة المسكينة العجينة الزرقاء .. أم هو أمر مكتشف من زمان!
تانياً .. كانت هنالك مسابقة للعاملين بإيراد وصفات للأطعمة التقليدية؛ أما بيع الأطعمة التقليدية في المعرض فذلك شأن السيدات البائعات .. صانعات الأطعمة.

Quote: العجينة زرقاء فيها فوائد عظيمة ويقدم للعرسان في شهر العسل

ياناذر سلام
ذو اليد في البداية قال العجينة الزرقاء فيها فوائد عظيمة هسع الشغلانية جابت ليها دكوة
نصيحتي أبعد والله الدكوة دي تكتر منها الا تحصل امات طه

سلام يا ذا اليد ومودة ياوليد دارفور

شايف الناس دي الدرب راح ليها
عشان كدة قلنا ندخل نوضح شوية
والحاجات دي ما عايزة ليها حصرية لانو
ذي ماعارف انت اي زول من دارفور عارف
المكونات ضمنيا لكن برضو طالما انت اجتهدت
ما نخرب عليك

توضيح بسيط
الخميس طويرة والعجينة زرقة
شيئين مختلفين حد التنافر
فالخميس طويرة زاد المسافر المسكين
والطلبة والعمال يعني بتاع مساكين
اما العجينة زرقة فهي وجبة رفاهية
تقدر تقول ذي البيتزا لي ناس الاحياء الشعبية
في العاصمة

يعني دكوة ما معانا في البيتزا

وكان حيين هدو نلاقو
تلبو

هنالك من شارك في المسابقة بوصفة لصناعة الكسرة؛ وهنالك من كن يبعن الكسرة .. ولا علاقة بينهما!