يا جماعة ود حلال يشرح لكيزان المنبر بخصوص اخبار الاستثمار الاجنبي

01:19 PM Feb, 25 2015
سودانيز أون لاين
abubakr salih -
مكتبتي في سودانيزاونلاين



شايف اخواننا كيزان المنبر من كل فترة وفترة ينقزو باخبار الاستثمار الاجنبي فى السودان. كل مرة تلاقاهم فرحانين بان الدولة الفلانية او الشركة الفلانية او رجل الاعمال الفلاني وعد او قرر الاستثمار فى السودان. يا ناس انتو غبيانين كدي ما لكم؟ الشئ بالبتسموه استثمار دا هو عبارة عن بيع لموارد البلد بثمن بخس. حكومتهم داقة جرس دلالة فى البلد و الرجال البلهاء يهللون! ما هذه المحنة ايها الناس؟

الكيزان طبعاً يفوقون سوء الظن العريض كما هو معتاد. ما يسمونه استثمار هو اٍهداء موارد وطنية لاناس اجانب بتسهيلات لا تخطر على قلب بشر. و هؤلاء الاغبياء يسيرون خلف الزفة مهللين و مؤيدين!

زمان كان اكبر مستثمر فى السودان هو الحكومة السودانية ذات نفسها. مثل فى المجال الزراعي كانت الحكومة هي الممول الرئيسي للمشاريع الزراعية الكبيرة، مثل مشروع الجزيرة و مشاريع النيل الابيض للاعاشة و غيرها. كانت الحكومة هى شريك المزراعين، اذا تقوم بتوفير المال اللازم لعميات الري و تحضير الارض و توفير التقاوي و المبيدات فى الاخر تساعد فى عمليات التسويق و تاخذ نصيبها من الارباح و تعود البقية للمزراع اللهو المواطن السوداني. اما الان فالكيزان فى طريقهم الى بيع كل السودان بالقطاعي لكل اجنبي يمتلك شوية دولارات.

حكومة الكيزان دي كمثل الابن السفيه الذى خلف والده على ثروة كبيرة و صار يبددها فى السفه و الصعلكه.

بكور حمد الله علي السلامة

تجي من وين الاستفادة معي ناس حقي وين

سلامات ابوبكر
والله كلامك عين الحقيقة لكن مين
يسمع الناس دي بتهلل ساي وماعارفة
حجم الخراب الحاصل قبل كدا واحد
فاتح بوست انو في دولة وقعت عقد
لاستثمار الف فدان وفرحان مع انو
الالف فدان دي اصغر مزارع ممكن
يزرع مثلها مرتين المهم انو الناس دي
بتفرح ساي وبتخدر في نفسها بمثل
هذه الاخبار عديمة الجدوي .
وفي حاجة تانية يابكري دخول بعض
الشركات الخاصة في مشاريع زراعية
كانت منتجة كشركة كنانة التي اطلقت
علي مشروع الرهد الزراعي رصاصة
الرحمة وشردت العاملين بمؤسسة
الرهد الزراعية التي كان يعمل بها
خيرة المهندسين والزراعيين وادخلت
صغار المزارعين في متاهات لاقبل لهم
بها غايتو ربنا يصلح الحال وزي ماكاتب
واحد اخونا في سيارتو من الخلف
الوجع رااااااقد
تسلم ياحبيب

Quote: بكور حمد الله علي السلامة تجي من وين الاستفادة معي ناس حقي وين

حبيبنا ود الشامي، لك التحيات الطيبة ياخي.
الجماعة الجوه سراقين و سمسارة و مستعدين يبيعوا السودان كله مقابل عوائد السمسرة. انا المحيرني الاغبياء المعانا هنا ديل. شغالين تروجين و تهليل لعمليات نهب الموارد السودانية. الاراضي السودانية بتوزعوا فيها بعقودات طويلة الاجل، اقلها مئة عام، شئ عجيب.

Quote: والله كلامك عين الحقيقة لكن مين يسمع الناس دي بتهلل ساي وماعارفة حجم الخراب الحاصل قبل كدا واحد فاتح بوست انو في دولة وقعت عقد لاستثمار الف فدان وفرحان مع انو الالف فدان دي اصغر مزارع ممكن يزرع مثلها مرتين المهم انو الناس دي بتفرح ساي وبتخدر في نفسها بمثل هذه الاخبار عديمة الجدوي . وفي حاجة تانية يابكري دخول بعض الشركات الخاصة في مشاريع زراعية كانت منتجة كشركة كنانة التي اطلقت علي مشروع الرهد الزراعي رصاصة الرحمة وشردت العاملين بمؤسسة الرهد الزراعية التي كان يعمل بها خيرة المهندسين والزراعيين وادخلت صغار المزارعين في متاهات لاقبل لهم بها غايتو ربنا يصلح الحال وزي ماكاتب واحد اخونا في سيارتو من الخلف الوجع رااااااقد

لك تحياتي اخي سليمان القرشي، و الله ما قلت الا الحقيقة. الوجع راقد و التخريب الذى يقوم به حزب الجراد هذا وصل مرحلة متأخرة، لكن سوف تدور عليهم الدوائر باذن الله و يتخلص الشعب من هذا السرطان اللعين. فى بوست موجود فى المنبر للاخت نعمات عماد يقدم نموذج على اٍهدار موارد الشعب السوداني فى صفقات نهبية عجيبة. سوف اورد رابطه هنا.

نموذج من نماذج "الاستثمار" الكيزاني
http://www.sudaneseonline.com/board/480/msg/شراكة--بين--جنان...ما---1424850362.html

Quote: الشئ بالبتسموه استثمار دا هو عبارة عن بيع لموارد البلد بثمن بخس

هو بيع للأرض حقيقةً ,,

------------------------------------
أهلاً بيك ,,أبوبكر ,

Quote: . انا المحيرني الاغبياء المعانا

ليتك اوصلت ما تريده دون شتيمة يا اخي

وشكرا

Quote: ليتك اوصلت ما تريده دون شتيمة يا اخي

حرقك يا فوفو

ههههههههههه

باوقة الزول ده ما قاصدك

سلام أستاذ ابوبكر صالح

المستثمرون سيتملكوا مشاريغهم ملكية كاملة كما وعدهم مصطفي عثمان إسماعيل .

الأخ أبوبكر صالح،
أنا أفتكر الناس القاصدهم إنت (كيزان المنبر)، عارفين الكلام ده كويس ... وسواء كانوا عارفين أو ما عارفين، مهمتهم هنا هي التهليل لمثل هذه الأخبار الكارثية لتخدير الناس والترويج لإنو الفرج قريب ... حتى أسأل ود الباوقة.

شكرا للمتداخلين الكرام، سوف اعود للبوست فى اقرب فرصة.

الاستثمار هوساحق وماحق البلد الان
لصوص وحرامية وكذبة يروجون له والبلد ضااااااائعة نجو
هوة عميقة من الفشل

=

Quote: ((ولا يمكن ان نطلب من مستثمر أجنبي أو عربي أو حتى مصري أن يأتي بأمواله في ظل دولة لا تحترم قوانينها ومؤسسات لا تقدر مسؤولياتها))

في صحيفة (الأهرام) الصادرة في 5 ابريل 2013 كتب الشاعر المصري المعروف (فاروق جويدة) المقتبس في الأعلى يوجهه محذراً شعب مصر من السماح بفتح باب الاستثمار في بلد يسيطر عليه اللصوص ممن كان مستعدين لبيع كل ما يقع تحت أيديهم من أصول مصر للنهابين القادمين من الخارج.

...
..
.

=

أما بشأن البلد الهامل الذي أسمه (السودان) لنقر في الأدني ما كتبه الصحفي والمستثمر (محمود عمارة) في صحيفة (المصري اليوم) وهو يستصرخ اللصوص المصريين للهجوم على السودان، للاستحواذ على الأراضي السائبة التي كان يوزع صكوك ملكيتها سفير السودان في القاهرة (عبدالرحمن سرالختم) بأورنيك بلا دمغة.

Quote: (1- لأن تعداد المصريين في 2050 سيصبح 185 مليون نسمة (اقرأ تقرير "الفاو" للأغذية والزراعة). 2- ولأن "ربع" الدلتا سيغرق تحت مياه البحر المتوسط أو ستصبح ملوحة التربة مانعة لزراعتها، والربع الثاني سنفقده في المباني على الأراضي القديمة. 3- والأدهى والأمر، والأخطر.. أن "دول المنبع" من تنزانيا، وحتى أثيوبيا، فالسودان.. إذا استمرت في عمليات التنمية الزراعية بالمعدلات التي بدأت منذ عامين، فكل التقارير المحايدة والجادة تؤكد أن مياه النيل لن تصل أبعد من محافظة أسيوط!))

...
..
.

=

وبينما يرفض جويدة قدوم المستثمرين لمصر في ظل نظام يتحكم فيها اللصوص، يواصل محمود عمارة في (صحيفة المصري اليوم - عدد 9/11/2009) دعوته للمصريين للاستفادة من مُولد العطايا المبذولة بلا حساب في "جنوب الوادي":

Quote: ((سيادتك «عايز» مزرعة خاصة من 10 إلى 120 فدان، فى أجود منطقة.. وبالضمانات القانونية.. وبسعر 200 دولار للفدان؟ اخطف رجلك إلى مبنى السفارة السودانية (3 شارع الإبراهيمى بجاردن سيتى)، وقدم طلباً على ورقة بيضاء دون تمغة باسم الفريق أول «عبدالرحمن سر الختم» سفير السودان بالقاهرة.. واطلب المساحات التى ترغب فى تملكها بحد أدنى عشرة أفدنة، وبأقصى 120 فداناً للفرد.. ويمكنك تأسيس شركة لتحصل على أى مساحة حتى مليون فدان، طالما أن لديك الإمكانيات، والخبرات اللازمة! في السودان 230 مليون فدان.. أكرر: 230 مليون فدان قابلة للزراعة (المساحة المنزرعة في مصر كلها 2,8 مليون فدان، وما يمكن زراعته حوالي 5 ملايين = 2,13 مليون فدان، أول عن آخر))!ا))

تحياتي أبوبكر أيها "الواثب" لكم ولضيوفكم
...
..
.

بكور كيفك ياهميم وسلامة الرجعة
في الكريسماس مشيت السودان وبعد غياب طويل
أول ما لفت نظري كان كمية البنوك الخليجية ,بالذات الإمارتية ,بمباني فاخرة , قل ما يوجد لها مثيل بمعظم الدول الاوربية
هذه البنوك ,حسب قريبي,الخبير المصرفي) مهمتها الاساسية إخراخ العملة الصعبة وتهريبها مرة أخري الي الدول صاحبة هذه البنوك وهي فلوس بمليارات الدولارات لا تجد طريقها الي الدورة الإقتصادية الاصلن متهالكة بفعل الفساد والتجنيب الحاصل من قبل الكيزان!
الإستثمار الخارجي ,وانا زول ما بفهم فيهو, لازم تكون في شروط محددة يستفيد منها المواطن والوطن ,مثل توظيف الشباب السوداني و تدريبه و عائدات الضرائب بدل قالعيين قروش المواطن الشقيان بإسم الإغتراب؟!

مافي حل يا بكور إلا بكنس هذه الزبالة الي مذابل التاريخ.

تحياتي