Post: #1 Title: المنبر أصبح يمتلك أثنين رأس حربة Author: عادل الباهي عبدالرازق Date: 02-24-2015, 07:37 AM Parent: #0
06:37 AM Feb, 24 2015 سودانيز أون لاين عادل الباهي عبدالرازق - زي أبن بطوطه رحال مكتبتي في سودانيزاونلاين
صلاح جادات ومصطفي عيسي
الاخير من التسجيلات الجديدة يلعب بكلتا القدمين ولو الناظر هباني مزاجو رايق أحسن من يلعب صانع العاب بس الحمدلله جادات بالنهار بيدفن دقن وبيستلم وردية الليل ومصطفي عيسي وردية النهار لكن والله والله يتلمو في زمن واحد ومعاهم الناظر هباني الا ناس المنبر يأجزو ليهم
Post: #2 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-24-2015, 07:39 AM Parent: #1
غريبة الايقونة وضعتها وش ضاحك تحولت لنقاش كيف .. الله تعلم .
Post: #3 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-24-2015, 07:42 AM Parent: #2
مصطفي عيسي بيزكرني ببكري المدينة بيجري ويقطع نفس المافعين لكن شوتو كلو خارج الثلاثة خشبات .
Post: #4 Title: Re: المنبر أصبح يمتلك أثنين رأس حربة Author: nazar hussien Date: 02-24-2015, 07:49 AM
سلام يا الباهي
مصطفي عيسي دا حسب ما كاتب في بروفايلو من نواحي UK انتو ما عندكم افطار رمضان UK تورونا موية رمضانو شنو؟؟؟
Post: #5 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-24-2015, 07:49 AM
الذين نحمده لصلاح جادات بيغوص ويغوص في أحراش الفيس بوك والواتساب ويجيب الشمارات بالفيديو والصورة وغصبا عن عين أتخن تخين هي الحقيقة ولكنه يلاوي في البلع مهما أكتشف لاحقا بأن المعلومة مغلوطة فله أجر المجتهد .
أما مصطفي عيسي فتحليلاتة فطيرة .
Post: #6 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-24-2015, 08:02 AM Parent: #5
Quote: سلام يا الباهي
مصطفي عيسي دا حسب ما كاتب في بروفايلو من نواحي UK انتو ما عندكم افطار رمضان UK تورونا موية رمضانو شنو؟؟؟
نزار صباحتك نواضر لكن ياحبوب دي محتاجة لافطار رمضان حتي نعرف موية رمضانو من سطرين أنا عرفت موية رمضانو لكنني لو كلفت لوضع تشكيلة لمنتحب سودانيز أون لاين يمكن أنت تكون علي النحو التالي ( جادات ، مصطفي عيسي ، هشام هباني ، صديق مهدي ، محمد أحمد القاضي، توفيق عيسي مكي ، صلاح غريبة حسن علي ( بتاع بريطانيا رد الله غربته للمنبر) ، قصي ، والباقي تمو خيال.
Post: #7 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-24-2015, 08:48 AM Parent: #6
مصطفي عيسي مبدع و يمتاز بالنظره الاستراتيجيه 3 منو وود الباوقه = له التحيه= كان اعتزل 54 بوست افترعته من اعجابي بقدراته
Post: #8 Title: Re: المنبر أصبح يمتلك أثنين رأس حربة Author: يوسف الطيب احمد إدريس Date: 02-24-2015, 09:29 AM Parent: #7
Post: #9 Title: Re: المنبر أصبح يمتلك أثنين رأس حربة Author: طلحة عبدالله Date: 02-24-2015, 09:32 AM Parent: #8
السلام عليك
Quote: الله تعلم
حامضة دي يا الباهي أخوي
Post: #10 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-24-2015, 06:50 PM Parent: #9
Quote: مصطفي عيسي مبدع و يمتاز بالنظره الاستراتيجيه 3 منو وود الباوقه = له التحيه= كان اعتزل 54 بوست افترعته من اعجابي بقدراته
يا أخلاص ياتو نظرة أستراتيجية زولك دا قبل يومين فتح بوست قال أعضاء من محكمة الجنايات الدولية وصلت الامارات بطائرة فرنسية ، تتشابه بوستاته والحصيلة زيرو . اعجابك بقدراته في شنو ؟ اللهم الا أغراق الصفحة الاولي ببوستات تعاني من هشاشة العظام
Post: #11 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-24-2015, 07:00 PM Parent: #10
Quote: عنوان البوست (لفهم لماذا قلب المجتمع الدولي ظهره المعارضة السودانية)
العزيز يوسف الطيب حبابك ياملك المشكلة معارضي من منازلهم ديل هم من جابو الهواء للمعارضة الصادقة ، في ناس هنا بوستاتهم بتخدم خط المؤتمر الوطني وجهاز الامن وخاصة الناس البتعلف من الفيس بوك وبقية الوسائط جهاز الامن يرمي ليهم الطعم والواحد يعتل بدون مايشغل دماغو وينشر وبعدها الناس تقول ليك يأخ ناس المعارضة ديل كضابين ويجمعون الصالح والطالح في إناء واحد .
Post: #13 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-24-2015, 07:05 PM Parent: #11
Quote: حامضة دي يا الباهي أخوي
حباب طلحة عبدالله
أها جيب لينا الهواء
شائفك لاعب مان تو مان مع غريمنا القديم ههههههههههههههه .
Post: #18 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-24-2015, 11:44 PM Parent: #13
ود الباوقة احتاج لاكثرمن 6 ساعات بعد الخلعة للتاكد , ود الباوقة ما برد الا بعد التاكد ودي احسن حاجة فيه . ورغم انو الفكرة بعد التمحيص تبدو خياليه الا ان الحادث في الخليج ومصر يجعلها ممكنه = بيانات مجلس التعاون وردود السيسي العسكريه وتسريبات الجزيرة كلها بتقول وصلنا مرحلة تكسير العظم يا اخ ده ملك الاردن ساق طيارتو وضرب في اكثر من كده = الزول ده ما تبخسو حقو لو كنت بتحب اجاثا كريستي ح تكتشف انو موهوب ما موهوم
Post: #12 Title: Re: المنبر أصبح يمتلك أثنين رأس حربة Author: جلالدونا Date: 02-24-2015, 07:03 PM Parent: #10
سلام يا باهى و التيم ده ما عايز ليهو مدرب
Quote: لكنني لو كلفت لوضع تشكيلة لمنتحب سودانيز أون لاين يمكن أنت تكون علي النحو التالي ( جادات ، مصطفي عيسي ، هشام هباني ، صديق مهدي ، محمد أحمد القاضي، توفيق عيسي مكي ، صلاح غريبة حسن علي ( بتاع بريطانيا رد الله غربته للمنبر) ، قصي ،
Post: #14 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-24-2015, 07:18 PM Parent: #12
Quote: سلام يا باهى و التيم ده ما عايز ليهو مدرب
جلالدونا حياك الله
لابأس من أبن عمي الفحل أبوظبي ومساعد مدرب حبوبة صلاح غريبة
والله انا بهزر عاوزين تجيبو لينا المشكلة في صمة خشمنا هههههه .
Post: #15 Title: Re: المنبر أصبح يمتلك أثنين رأس حربة Author: سفيان بشير نابرى Date: 02-24-2015, 07:48 PM Parent: #14
امشي يا غواصة يا بتاع المطاعم لوووووووووب
Post: #16 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-24-2015, 09:00 PM Parent: #15
Quote: امشي يا غواصة يا بتاع المطاعم لوووووووووب
سفيان نابري بركة في الشوفا غايتو ياحبوب غواصة بلحيل غواصة لكن بتاع مطاعم دي ظلمتني أنا أصلي سيف كلوش يضرب المشاوي ويجي يستنكرها علي الناس
Post: #17 Title: Re: المنبر أصبح يمتلك أثنين رأس حربة Author: سفيان بشير نابرى Date: 02-24-2015, 09:38 PM Parent: #16
و الله مشتاقين يا بن عمي و لقيتك فيل عدييييييل كده ههههههههههه
Post: #19 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-25-2015, 06:46 AM Parent: #17
Quote: الزول ده ما تبخسو حقو لو كنت بتحب اجاثا كريستي ح تكتشف انو موهوب ما موهوم
يا إحلاص خليهو يجيب لينا بضاعة جيدة وأنا بأذن الله له من الهاتفون لكن جني وجن البضاعة الصينية المضروبة . لو بيقراء روايات اجاثا كريستي البوليسية كان جود شغلو لكن شكلو كدة بيقراء للمغامرين ال13 ( ناس تختخ، لوزة ونوسة ) هههههههههه . الكضب حبلو قصير أها بعد المدعو البشير يرجع السودان ، مصطفي حيعمل لينا شنو في الناس الجات بالطائرة الفرنسية ديل ؟ والله الا يشغلهم تجارة شنطة
Post: #20 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-25-2015, 06:51 AM Parent: #19
Quote: و الله مشتاقين يا بن عمي و لقيتك فيل عدييييييل كده ههههههههههه
بالاكثر يا حبوب لكن ود عمك لسع ما وصل مرحلة الفيل هههههههههههه أنا زاتي من يوم الزول الكافلو هنا ( سيف كلوش) ترك المنبر المنبر بقي لي مسيخ
Post: #21 Title: Re: المنبر أصبح يمتلك أثنين رأس حربة Author: الزبير بشير Date: 02-25-2015, 07:02 AM Parent: #1
ود الباهي سلام
بامانه وين سيف كلوش و الله مفقود في المنبر و طبزاته العجيبه
الزبير الختمي
Post: #22 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-25-2015, 07:16 AM Parent: #21
Quote: ود الباهي سلام
بامانه وين سيف كلوش و الله مفقود في المنبر و طبزاته العجيبه
حياك الله الزبير بشير وطابت أوقاتك بكل خير سيف كلوش وسوست له نفسه الامارة بالسوء أنو لو مشي الميدان وترك المشاوي البيلهط فيها إحتمال ناس العدل والمساواة يجدعو ليهو عميد أو لواء ( الزول بيموت في المناصب) لكن وسويس نفسو دا بيجيب خبرو يامن يوم تتكوم فيهو دانه تلحقو غنماية زهراء لا يلم في روحيتو ولا عميد ولا وكيل عريف
Post: #23 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-25-2015, 06:01 PM Parent: #22
Quote: Alamin Ibrahim · متابعة ياعادل ياخ ماتلخبت ناس لوزة ونوسة ديل الخمسة ما ال13))):
حباب الامين أبراهيم لقد هرمنا ، عامل السن وكدة ، الزاكرة أصبحت خربه لكن مصطفي عيسي دا حدو بيكون وقف مع ناس تختخ وما وصل ادهم صبري رجل المستحيل
Post: #24 Title: Re: المنبر أصبح يمتلك أثنين رأس حربة Author: محمد البشرى الخضر Date: 02-25-2015, 06:55 PM Parent: #23
راس الحربة الجديد دا جلّى بي بنط من قائمة أساسي كان خرت قصي و جادات و أبوروضة معا :)
Post: #25 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-25-2015, 07:51 PM Parent: #24
Quote: راس الحربة الجديد دا جلّى بي بنط من قائمة أساسي كان خرت قصي و جادات و أبوروضة معا
ود البشرى سلام جلي من قائمة أساسي لكن لو أستمر علي هذا المنوال حيدخل التشكيلة القادمة بأذن واحد أحد والله انا لمن أشوف تحليلو الضحك بيشرطني لكن الشهادة لله لياقتو فل الفل بس لو وظفها في حاجة بعيد من ساس يسوس .
Post: #26 Title: Re: المنبر أصبح يمتلك أثنين رأس حربة Author: يوسف الطيب احمد إدريس Date: 02-25-2015, 08:11 PM Parent: #25
أخونا عادل
Quote: لمشكلة معارضي من منازلهم ديل هم من جابو الهواء للمعارضة الصادقة ، في ناس هنا بوستاتهم بتخدم خط المؤتمر الوطني وجهاز الامن وخاصة الناس البتعلف من الفيس بوك وبقية الوسائط جهاز الامن يرمي ليهم الطعم والواحد يعتل بدون مايشغل دماغو وينشر وبعدها الناس تقول ليك يأخ ناس المعارضة ديل كضابين ويجمعون الصالح والطالح في إناء واحد .
(كبد الحقيقة) بس البقنع الديك منو ؟! تعرف الزول دا فتح البوست باسم (لفهم لماذا قلب المجتمع الدولي ظهره المعارضة السودانية) وكتب فيه:
Quote: الزمان: يوم في التسعينات المكان : لندن اجتماع سري للغاية ضم احد قادة المعارضة/ مندوب الاستخبارات الأمريكي/ مندوب الاستخبارات البريطانية السبب: عرضت الدول الغربية علي المعارض سيناريو شبيه بالسيناريو الليبي للتخلص من البشير مقابل حفنة وعود للتعاون الأمني مع الحكومة القادمة. النتيجة كانت صامدة إذ رفض المعارض اي تدخل أجنبي في البلاد . والنتيجة أمر بمغادرة بريطانيا وأغلق الملف.
وجيت أنا سألته :
Quote: سلام للجميع (1) Quote: الزمان: يوم في التسعينات
(2)
Quote: السبب: عرضت الدول الغربية علي المعارض سيناريو شبيه بالسيناريو الليبي للتخلص من البشير مقابل حفنة وعود للتعاون الأمني مع الحكومة القادمة.
أعد !!!
(1) يوم في التسيعات (2) شبيه بالسيناريو الليبي - الثورة الليبية فبراير 2011م !!!!
جا رد لي :
Quote: السيناريو الليبي مصطلح وليس بالضرورة مرتبط بتاريخ معين تحياتي للجميع
ورديت ليه :
Quote: Quote: السيناريو الليبي مصطلح وليس بالضرورة مرتبط بتاريخ معين
نرجو التوضيح أكثر ، لأن بحسب علمي أن ليبيا منذ انقلاب القذافي وحتى الثورة عليه كانت مستقرة أمنياً اذا استثينا الحرب الليبية التشادية وهو مؤثر خارجي
ما جا راجع لليوم ، بصراحة غلبني أفهم كلامه نهائي .
Post: #27 Title: Re: المنبر أصبح يمتلك أثنين رأس حربة Author: قسم الفضيل مضوي محمد Date: 02-25-2015, 08:42 PM Parent: #26
Quote: مصطفي عيسي بيزكرني ببكري المدينة بيجري ويقطع نفس المافعين لكن شوتو كلو خارج الثلاثة خشبات .
Post: #28 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-25-2015, 09:36 PM Parent: #27
لا تأسفن على غدر الزمان لطالما...رقصت على جثث الأسود كلاب لا تحسبن برقصها تعلو على أسيادها...تبقى الأسود أسودا والكلاب كلاب تبقى الأسود مخيفة في أسرها...حتى وإن نبحت عليها كلاب
Post: #29 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-25-2015, 10:25 PM Parent: #28
Quote: لا تأسفن على غدر الزمان لطالما...رقصت على جثث الأسود كلاب لا تحسبن برقصها تعلو على أسيادها...تبقى الأسود أسودا والكلاب كلاب تبقى الأسود مخيفة في أسرها...حتى وإن نبحت عليها كلاب
يا أخلاص كدي النبيض النية ماذا تقصدين بأبيات الشعر أعلاة ومن هم الاسود ومن هم الكلاب ؟
Post: #30 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-25-2015, 10:32 PM Parent: #29
الاستاذ عادل الباهي سألتنيوبجاوبك لسته اساسي معروف الفيها وكيف سارت الامور فيها و وود البشري انا خير شر ما يتداخل معاه لاسباب هو يعلمها وقسم الفضيل داير يقول شئ يقولو عديل اتمني اكون رديت عليك
Post: #31 Title: Re: المنبر أصبح يمتلك أثنين رأس حربة Author: قسم الفضيل مضوي محمد Date: 02-25-2015, 10:32 PM Parent: #28
يا اخت اخلاص المشرف ... بيت شعرك دا مناسبتو شنو ؟؟؟ والكلاب ديل ما تكوني قاصدة بيهن شخصي وود الباهي
Post: #32 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-25-2015, 10:37 PM Parent: #31
الاستاذ عادل الباهي ما معانا سمح البجينا بالدرب برد عليه
Post: #33 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-25-2015, 10:49 PM Parent: #31
Quote: الاستاذ عادل الباهي سألتنيوبجاوبك لسته اساسي معروف الفيها وكيف سارت الامور فيها و وود البشري انا خير شر ما يتداخل معاه لاسباب هو يعلمها وقسم الفضيل داير يقول شئ يقولو عديل اتمني اكون رديت عليك
الاخت إخلاص حقيقة بوست الأخ اساسي قرأت فيه الصفحه الاولي ولكنني لم أتابعه لعدم وجود زمن وفي هذا البوست بالتحديد الأخ ود البشرى كان تعليقو علي اللستة واكاد أجزم لا يقصدك من قريب أوبعيد والاخ قسم الفضيل أقتبس جزية من كلامي عن أنو مصطفي بيقطع نفس المدافعين بالجري وبيشوت خارج الثلاثة خشبات وأتي بفيديو كترجمة لحديثي ولم يلمح ولا أداني أحساس انو قاصد أي عضو . فختي الرحمن في قلبك يا إخلاص وماتتسرعي في الحكم علي نوايا الناس لان الكلمة الشينة كالرصاصة أذا إنطلقت لا ترجع .
مع فائق شكري وتقديري الاكيدين .
Post: #34 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-25-2015, 10:53 PM Parent: #33
طيب ح اعتبر انو انا فهمت خطأ
Post: #35 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-25-2015, 10:56 PM Parent: #34
Quote: طيب ح اعتبر انو انا فهمت خطأ
يديك الف عافية
Post: #36 Title: Re: المنبر أصبح يمتلك أثنين رأس حربة Author: محمد البشرى الخضر Date: 02-26-2015, 04:13 AM Parent: #35
تحياتي أستاذة إخلاص بالنسبة لتعليقي على لستة أساسي فللتذكير فقط أنا أيضا مذكور فيها ـ وإن ان أساسي ظلمني في الترتيب المتأخر :) و بالتأكيد لم أقصدك لا من قريب أو بعيد بل وذكرت أسماء من عنيتهم بالتحديد عموما لك العتبى إن كان ذكر موضوعها سبب لك إزعاج وخلاك تستشهدي بأبيات الشعر أعلاه
وحقيقة فاجأتني عبارة أنك لا تتداخلي معي لأسباب أنا أعلمها! للأمانة لا علم لي بهذه الأسباب و للامانة أيضا لم أنتبه لمسالة إنك مقاطعة التداخل معي يمكن لأننا ما حصل تقاطعنا في نقاش ما يستدعي التداخل يا ريت توريني شنو هي الأسباب المفروض إني اعلمها لو بيدي أعالجها بالتأكيد لن أتأخر و أكون لك من الشاكرين
Post: #37 Title: Re: المنبر أصبح يمتلك أثنين رأس حربة Author: جلالدونا Date: 02-26-2015, 04:55 AM Parent: #36
سلام اخلاص قسم و ود البشري بصراحة البوست ده عاجبنى و عىدى فيهو عود لولا حفظ الحقوق لمالك البوست و التيم كان ضميتكم للتيم وطالما ما بنقدر نضم ,, نقترح د/ اخلاص .. طبيب الفريق ابو حتحوت.. مدرب لياقة قسم .. مجهز معدات التدريب ___ الشغلة مجرد ضحكة فى زمن ردئ .. باركوها تتبارك ايامكم يا رب المهم .. تجو بكرة تمضو العقودات و الا ,, ود الباهى ح يجيكم فى محلاتكم
Post: #38 Title: Re: المنبر أصبح يمتلك أثنين رأس حربة Author: محمد البشرى الخضر Date: 02-26-2015, 06:36 AM Parent: #37
مباركنها يا جلّي .. أكيد مباركنّها و بالنسبة للتيم ماعندي مشكلة في التوقيع أهو أخير من قعاد ساكت وانت ذاتك بالمناسبة خانتك فاضية راجياك
Post: #39 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-26-2015, 07:18 AM Parent: #38
الإخوة المتداخلين بالنسبه لبيت الشعر ماتزعلوا انا ذاتي اول زول في = الحديقة = ونعتذر ود البشري نسي انو = هرشني = لمن وقف قلبي وكان بسبب الامام المهم شيء جميل انو نسي
Post: #40 Title: Re: المنبر أصبح يمتلك أثنين رأس حربة Author: جلالدونا Date: 02-26-2015, 07:36 AM Parent: #39
Quote: مباركنها يا جلّي .. أكيد مباركنّها و بالنسبة للتيم ماعندي مشكلة في التوقيع أهو أخير من قعاد ساكت وانت ذاتك بالمناسبة خانتك فاضية راجياك
ياخى يباركولك سمح وليداتك اقول ليك الشغلة عندى فيها عود تقول لى خانتك فاضية شايفك كترت من جلي مى قايمة اساسى و مباركنها يا جلى و بقت عليك حالة فى لحظة تجلى.... تقع نزلناك لى وظيفة جلب الكورة من ورا القون اوعاك تقول لى منو ده.. انا ده... يبربر كيك
Post: #41 Title: Re: المنبر أصبح يمتلك أثنين رأس حربة Author: tabaldy Date: 02-26-2015, 08:04 AM Parent: #40
Quote: للمغامرين ال13
حصلوا 13؟ ياخ الإنقاذ دي
سلامات
الدوري ناقلنوا في ياتو قناة؟
Post: #42 Title: Re: المنبر أصبح يمتلك أثنين رأس حربة Author: محمد البشرى الخضر Date: 02-26-2015, 11:37 AM Parent: #39
حولا يا إخت إخلاص!! هرشة توقّف القلب عديل كدا! منو دا, أنا دا هههههههه خلّيتيني أضيّع الساعة الفاتت في الأرشيف اشوف وين محل الهرشة البتقولي عليها دي غايتو ما لقيت إلاّ التعليق دا
إن كان دا هو المقصود فا تكوني بالغتي, لأن لو في هرش بالجد ح يكون من تعليقات مواهب وكانتونا
و لقيت بوست تاني اعتقد ليه علاقة بنفس الموضوع يا ود البشري يا ود البشري. بلحيل أتذكّر إني قرأت البوست لكن لم أفهم من متنه شيئا فقلت أكيد مكتوب لود البشرى آخر, عشان كدا ما علّقت عليه عموما أعتذر عن تعليق (بالحيل) طالما حسيتي فيه هرشة توقّف القلب وإن لم يكن هذا مقصدي منه, وإن كان نقد سيدي الإمام يستاهل الهرش
يا جلّي نجيب الكور ماله ما فيها حاجة المهم المشاركة لكن انت برضو خانتك محفوظة :)
سوري ود الباهي على حرف البوست, ولاّ أقول ليك ما سوري ولا حاجة :) هو وينو الموضوع الحرفناه دا ذاته
Post: #43 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-26-2015, 11:51 AM Parent: #42
السيد الامام السودان كلو بريدو = صفاتو وطبعو = عشان كده يتعشمون منو الكتير وطبعا التنظير حقنا وإلا ما نبقي سودانيه كانتونا اتصالحنا معاه اما الباقين والله ديل عملو شخيت وقالو نبعد بعيد وبعدين معليش علي الوقت ال ضاع = الوقت من دهب وباقي الأساطير ال كان بنحفظها = وزي ما قال الفنان الذري الوقت ال بمر وين نلقاهو تاني
Post: #44 Title: Re: المنبر أصبح يمتلك أثنين رأس حربة Author: عادل الباهي عبدالرازق Date: 02-26-2015, 02:47 PM Parent: #43
Quote: سوري ود الباهي على حرف البوست, ولاّ أقول ليك ما سوري ولا حاجة :) هو وينو الموضوع الحرفناه دا ذاته
ياجلالدونا ود البشرى دا مابنفع مدرب لياقة أسبوع واحد وحأقيلو ليك زي البلجيكي باتريك اوسيمس
من فوائد البوست دا صفاء النفوس بين ود البشرى وإخلاص المشرف، بت المشرف شايلا في نفسها من ود البشرى وود البشرى ماعارف الحاصل شنو دي براها بشرة خير . حرفو زي ماعاوزين لكن نهاية الموسم رأس الحربه الجديد مصطفي عيسي انا العندي الحق كوكيل لاعبين في تسويقة في احدي الدوريات الاوربية زول لياقتو البدنية عشرة علي عشرة لكن جادات يعوضني فيهو صاحب العوض والله فريق مقديشو الصومالي مايرضي بيهو ، أهو خليهو يقعد يشلت هنا كدة زي الشغيل لمن نشوف ليهو خروج آمن في الاعتزال ، لكن بيني بينكم جادات دانفسو طويل زي قيصل العجب كل مانقول ليهو أعتزل يقول ليك قادر علي العطاء
الاخوة المتداخلين حياكم الله بجيكم برواقة واحد واحد
Post: #45 Title: Re: المنبر أصبح يمتلك أثنين رأس حربة Author: أبوبكر عباس Date: 02-26-2015, 03:13 PM Parent: #44
سلام يا باهي، الرجل نجح في تشتيت أي تحليل أو حوار جاد كان ممكن يتم في المنتدى حول زيارة البشير للإمارات.
البوست بتاعك دا علامة من علامات نجاح كتابات الرجل أبان الزيارة
Post: #46 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-26-2015, 04:20 PM Parent: #45
ونواصل حرف البوست الي حين الطرد اليوم البمر وين نلقاهو تاني
Post: #47 Title: Re: المنبر أصبح يمتلك أثنين رأس حربة Author: قسم الفضيل مضوي محمد Date: 02-26-2015, 05:36 PM Parent: #46
يا ود الباهي ... بعد دخول بت المشرف على الخط ... اصبح المنبر يمتلك 3 رؤوس حربة ...
____
يا اخت اخلاص ارجو عدم أخذ المداخلات في البوست دا بحساسية ... البوست دا بتاع فرفشة ... ولو دايرة جدية امشي بوستات محمد E سليمان ... تكتري تقللي بخلي عادل يستخدم المقشاشة المنبرية معاك :)
ويبقى الود بيننا ...
Post: #48 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-26-2015, 05:42 PM Parent: #47
قسم طيرت قلبي اسع مستنياك لي 7 سساعات عديل كدي قوقل الشعر ده وبعدين ودي = اليمين = محل ما داير , خور بكري ولا المقشاشه
Post: #49 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-26-2015, 06:26 PM Parent: #48
Post: #50 Title: Re: المنبر أصبح يمتلك أثنين رأس حربة Author: قسم الفضيل مضوي محمد Date: 02-26-2015, 08:00 PM Parent: #49
Quote: قسم طيرت قلبي اسع مستنياك لي 7 سساعات عديل
يا اخلاص احسن ليك تلعبي كويس :) ...
Post: #51 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-26-2015, 08:09 PM Parent: #50
طيب شوف عدد المتابعين ههههههههه اكثر من ال ح يصوتو ده دوري المحترفين
Post: #52 Title: Re: المنبر أصبح يمتلك أثنين رأس حربة Author: قسم الفضيل مضوي محمد Date: 02-26-2015, 08:45 PM Parent: #51
يا اخلاص انتي لو سجلناك في منتخب السودان ... ح نشيل كأس العالم لبيع ساي :)
Post: #53 Title: Re: المنبر أصبح يمتلك أثنين رأس حربة Author: اخلاص عبدالرحمن المشرف Date: 02-26-2015, 09:10 PM Parent: #52
الزوله دي والله احسن من ناس = الويكه = بس الحكم ما يشوفها
