Post: #2
Title: Re: من هؤلاء المغنيين ....
Author: صديق الموج
Date: 02-24-2015, 03:57 AM
Parent: #1
زينب كيف حالك
وحات سيد الضريح سؤالك ده وزير الثقافة ما يجاوب عليه
لكن من اللكنة وطريقة لبس التوب يخيل لى ديل حبش
ونحن اصلو قاعدين ساكت المصريين يغنوا غنانا فى المهرجانات
ويقولو من التراث النوبى الحبش يغنوا ويشاركو فى المهرجانات
الدوليه ويرفع علم بلدهم على اساس ده فن اثيوبى وعييييييييك
جبانة هايصة، وناسنا بهناك بتكاتلو فى نحن عرب واللا عجم؟
وعشان تعرفى اسباب الازمة وزير ثقافة من وزراء ثقافة الانقاذ
دى جاء زيارة الى هنا وبحلف انه ما شاف المسرح القومى الا عندما
اصبح وزيراً للثقافة، فى بلد كان فيها الطيب صالح وابراهيم الصلحى
وعثمان وقيع الله وحسن ابشر الطيب والنور عثمان ابكر وعوض حسن
احمد والمجذوب وعلى المك والاف غيرهم، مرة يكون وزير الثقافة الطيب سيخة
ومره سليمان محمد سليمان ومره مسؤول منها الطيب مصطفى ومرة عبد الباسط
عبد الماجد وهلم كرور من اعداء الثقافة. لانملك الا ان نقول:
ربنا لاتؤاخذنا بما فعل السفهاء منا،،،
|
Post: #3
Title: Re: من هؤلاء المغنيين ....
Author: معتصم سليمان
Date: 02-24-2015, 07:25 AM
Parent: #1
غايتو البيمين دي بت متأكد منها وبالشمال كمان بت برضو متأكد منها
عنداللفة بس :
------------
الفي النص دي غلبني /تني كلو كلو
|
Post: #4
Title: Re: من هؤلاء المغنيين ....
Author: ياسر السر
Date: 02-24-2015, 02:41 PM
Parent: #3
غايتو ما عارف اقول شنو ود الموج ما قصر لكن الناس ديل بشتنو الاغنية دي جنس بشتنه شديدة ,,,, الله يرحم الفن السوداني يا ناس
تحياتي : ياسر العيلفون
|
|