بعثة السفارة جايين المنطقة الشرقية (السعودية) شايلين ليهم 1000 رقم وطني كملت من أول يوم هاهاهاها

11:36 AM Feb, 23 2015
سودانيز أون لاين
نادر -
مكتبتي في سودانيزاونلاين



هسع شغالين إصدار جوازات إلكترونية للعندهم أرقام وطنية already
وتجديد جواز للعندهم أصلاً جوازات الكترونية
تجديد جواز قديم
غايتو ضحكتونا ضحك السنين.
مصدري في مكالمة هاتفية قال ضابط الجوازات قال ليهو العاوز رق وطني
ينتظر لي شهر مايو أو يمشي الرياض.
والأدهى المعاملات دي كوووووولها Manual جت
الشغل ده بودوهو الرياض، من الرياض يودوهو السودان
من السودان يرجع الرياض ثم يجي الشرقية،
والله لو المعلومة دي حقيقية معناها الوضع أسوأ مما نتصور بكثير جداً.
عليك أمان الله شغل زي ده بس أيام الحرب العالمية الأولى.

نادر سلامات
في ديسمبر إضطريت أمشي السودان بي اولادي عشان الرقم الوطني والجواز الإلكتروني
خلصت الرقم الوطني في نفس اليوم من جهاز المغتربين وبعديها ماتشوف إلا النور!
قدمت للجواز الإلكتروني يوم 24 ؟12 بعد معافرات ودفير ومعاي تلاتة أطفال والحجة امي وام العيال وفي الصالة الرئيسية تشوف وتسمع العجب من الموظفيين والناس الورا الكاميرات ,عموما بعد تلاتة ايام من المدافرات وسماع كلام فارغ ,وصلنا التصوير وقالوا تجوا تستلمو بعد أسبوع
مشيت بعد اسبوع وتاني بديت رحلة المكابسة بس عشان اخد (فيدباك ) وعلي الساعة 6 م لميت في ملازم وحنستو ,قت ليه انا مسافر الإتنين وكان في إجازة طويلة لغاية الاتنيين !قال لي تجي بدري التنين عشان تعرف الحاصل شنو؟؟؟
مشيت الاتنين صباح يوم سفري قالو لي جوازات الاطفال والحجة فيها أخطاء (خطأ 902) لازم تعيد التصوير وضيعوا الرسوم )
وما كان في طريقة إلا إنتظر واصورم تاني ومنها علي الساعة 330 المطار ؟!
غستلمو جوازاتي تحديدا في يوم 12 فبراير؟؟؟؟؟؟؟!!!
ياخي البلد خربت خراب ؟
تبا للكيزان ومن والاهم..
تحياتي

احنا يا ابومحمود نشوف لينا بعثة في بلد تاني.. شكلهم الناس ديل قاصديننا جايبين لينا ناس مبشتنين ساي... ومرسّلين لناس قطر ودبي ناس كويسين...! يا ربي احنا ما بنشبهش ولا إيه!

سلامات يا مرتضى
ياخي دي بهدلة وتلتلة ما ليها حد، والسبب إنو الماسكين البلدي دي شوية أغبياء وطفيليين
بهمهم في المقام الأول سرقة البلد حتى بدون ما يقدموا الحد الأدنى من الخدمات، ياخي أسرق
مافي زول أصلاً منعكم لمدة 25 سنة، بس كمان خلوها حلوة ما تستحمروا الشعب للدرجة دي،
بلد واقعة وهاملة وشعب ملطشة بره وجوه.
مشروع رقم وطني بدون أدنى بنية تحتية لشعب كامل؟؟ ومشروع أساساً شكلو
باقي مأكلة كبيرة خلتو في الصقيعة، نتألم ونتلتل مقابل هذه المأكلة أنا وأنت وأسرنا وأمهاتنا وآبائنا.

هو في النهاية إذا كان بلد رئيسها عمر البشير ننتظر من وراها شنو أكتر من الحاصل ده.
الله المستعان

تحياتي يا ابو محمود
هو الرقم الوطني دا عبارة عن بينات بدخلوها سيستم في الكمبيوتر ويعملو ليها برنت اوت على ورق A4 فما فاهم هل القدرة بتاعة السيستم دا الف رقم وللا كيف ؟

بالمناسبة امس انا مشيت الصباح بدري انتظرت للساعة 9 الضابط جا وبلغ ناس الجالية انو الارقام خلصت وما حنشتغل الا للناس العندها ارقام !!! قت ليهم انتو الارقام دي شايلنها في قفة وللا هو ادخال بيانات وحفظ وبرنت والسلام ؟

بعدين الناس الدخلت عن طريق التسجيل والصفوف ما بزيدو عن 50 شخص وباقي 950 معاملة كانت بتتم بالباب الخلفي عن طريق الواسطة

الفكرة كالاتي:
ليس هناك ادخال مباشر للبيانات على النظام الرئيس وانما بيعتمدوا طريقة الادخال في نظام محلي غير مربوط بالشبكة
وفي اعتقادي عشان ما تحصل ليهم بلبلة بقوموا مثلاً بافتراض كوتة للسعودية مع البعثة ويحددوا لكل جهة تزوارها
البعثة مثلاً 1000 رقم وبعدين لما يرجعوا يقوم بادخال البيانات في النظام الرئيس ومنه يتم اصدار الرقم الوطني
ثم تليه باقي الاجراءات.و الا اذا كان الادخال للنظام مباشرة فعملية توليد ارقام جديدة من السهولة بمكان اذا انه ب
مجرد ادخال البيات يتم اصدار الرقم من السيرفا و هذا ما لايحدث في اعتقادي
اصلاً الخلا الشغل يمشي بالطريقة دي هو باعتقادي بيحصل crash للسيستم في حال تم الادخال مباشرة من المراكز العاملة
في اكثر من موقع وانا اعني عند بداية العمل على هذا النظام الجديد فعشان يمشوا الشغل واصلاً كان تم الاعلان عن تدشين العمل فكان لازم
يواصلوا عملهم باي طريقة لذا لجؤ لعمل طريقة لم تكن بالحسبان وهي بدلاً من توقيف العمل يتم تجهيز مجموعة كبيرة من اللابتوب
تساوي بالظبط عدد الاجهزة المحددة لادخال البيانات في كل الفروع على مستوى الجمهورية كي يتم الادخال على نظام محلي غير موصل بالشبكة
ويتم ترحيل كل الاجهزة اللابتوب نهاية اليوم الى المركز الرئيس ومن هناك يتم اعادة تفريغ البيانات المدخلة الى النظام يعني يحصل كالاتي
تكرار عملية الادخال
توفير اجهزة للادخال حسب الخطة الموضوعة لعمل النظام بالمراكز
توفير نفس الكمية من اللابتوب وهذه جاءت كمعالجة لتلافي مشكلة خروج السيرفا من الخدمة
الملاحظ مضاعفات الصرف بصورة خرافية وكلها بسبب اخطاء كان من الممكن تلافيها حتى لو تم تاخير تدشين العمل من الاول.
كذلك الاعتماد على ايدي بيوت خبرة وشركات اجنبية مما جعل مشكلة المعالجة مكلفة للوقت والمال اذا ان الشركة الاجنبية يكون احضارها
كل مرة للمعالجة مكلف بينما كان من الممكن اجبار الشركات الوطنية على توفير فني في كل مركز وهذا كان يقلل الكثير من الوقت المهدر وتلافي المشاكل المستقبلية
هذا السيناريو هو مجرد محاولة مني لما يحصل وربما سيكون مرتبط بهذا النظام الى ماشاء الله من العمر و لا عتقد انه هناك انعدام لحلول يمكن اللجؤ اليها لتجويد العمل
اذا ارادت الجهات القائمة على العمل ذلك
تحياتي لصاحب البوست و المتداخلين

سلام للجميع ...
الادهى والامر والمحزن والمبكى انو اول يوم لوفد السفارة الميمون كان الجمعة الماضية وكان الناس منتظرين تحسبا من صلاة الصبح :) الحصل انو وفد السفارة الميمون تكرم بالحضور
مابعد صلاة العصر ووجدو قدامهم ما لا يقل عن تلاة الف شخص وتعال شوف الكبسيبة والهرجلة الحصلت وورقى ورقك واقيفو صف وتانى فرتقوا الصف ومهزلة للحد الانت قدر ما تمد مدى خيالك
ما تتخيل انو يحصل فى القرن الحالى .... المهم ناسنا القاعدين من صلاة الصبح ديل وقاعدين يلفوا من صف لى صف فجاة اكتشفوا انو الصالة حقت الاجراءات دى فيها باب تانى وناسك ناس السفارة
سفارة الهنا شغالين يدخلو قريبى وقريبك وصاحبى وصاحبك بى هناك ... اها قوموا يا مغبونين انتو قومو اهجموا على الوفد داخل الصالة بى قنصلهم وضابطهم وتم ايقاف الاجراءات ؟
قوموا يا ناس السفارة السودانية بقيادة القنصل ووفد جهاز المغتربين اجتمعو ليلا وقالوا يا جماعة ما دام العميان شايل المكسر ودايرين جوازنا الاخدر ده نحن مانقوم نزيد الرسوم : )
وهذا ما حصل لما جوا الناس تانى يوم وبدوا اجراءات فاذا بهم امام رسوم مختلفة تماما عن رسوم الامس ؟ اها يا سفارة الحصل شنو ودى شنو الزيادات المهولة دى ؟ اها قوموا يا ناس السفارة
تعالوا بى فكرة جهنمية جدا وهى انو يا جماعة نحن امبارح بالليل جانا منشور من وزارة المالية بزيادة الرسوم :)
الى هنا مافى مشكلة ؟ المشكلة وين ؟ والله زول واحد قال يا جماعة الرسوم دى ذدتوها ليه مافى :) ادفع يا حبيب دعما للاقتصاد الوطنى
والى اليوم وبعد اربعة ايام من عمل اللجنة تتوالى الكبسيبة الى ان انتهت الارقام الوطنية بحمد الله وتوفيقه

Quote: الى هنا مافى مشكلة ؟ المشكلة وين ؟ والله زول واحد قال يا جماعة الرسوم دى ذدتوها ليه مافى :) ادفع يا حبيب دعما للاقتصاد الوطنى

بالله.. زول اعترض مافي ... .. كان كده يستاهلوا.. اي شي يحصل ليهم يستاهلوا.. خليه اليدفعوا...

عليك الله من باب العلم بالشيء، الرسوم بقت كم!؟ قال ليك ناس دبي خفّضوا ليهم الرسوم... .. والله الوش الاخضر ده دليل مغسه مبالغ فيها..

أخونا نادر

لك التحية

حسب ما تواتر من أنباء فهنالك حاوية مليئة بالأرقام الوطنية قد رست فى ميناء جدة والعمل جارى على قدم وساق لتفريغها

وترحيل الأرقام الى الدمام على جناح السرعة .

فوق علشان الما يشترى يتفرج فى كيفية إدارة السودان فما تعوسه الجالية فهو نموذج مصغر لعواسة حكومة المشروع الحضارى

Quote: القنصلية المصرية تقدم خدماتها للجالية "بالانترنت" الدمام ـ ابراهيم رضوان في بادرة جديدة تهدف الى تسهيل خدماتها الى ابناء الجالية المصرية العاملة بالمملكة العربية السعودية.. اطلقت امس القنصلية العامة المصرية بالرياض موقعها على شبكة الانترنت الدولية.. صرح بذلك القنصل العام المصري محمود عوف الذي اضاف بان الموقع يضم كافة الخدمات القنصلية التي يحتاجها المواطن المصري ويرد على كافة الاستفسارات المتعلقة بكيفية اصداره جواز سفر جديد او تجديد جواز السفر القديم او الاضافة او تجديد تصاريح العمل او التصديقات وكذلك عمل التوكيلات الخاصة والعامة وايضا شروط منح التأشيرات لدخول مصر.. واضاف القنصل العام بأن الموقع يتيح ايضا للمستخدم الحصول على كافة الاستمارات اللازمة له وكتابة كافة البيانات بها واستكمال كل المستندات دون تكبد مشقة الوصول الى مقر القنصلية سواء كان في الرياض او في أي من المدن والمناطق التابعة لها.. وان هذا من شأنه ايضا توفير الوقت والجهد لكل المتعاملين والمترددين على القنصلية بالرياض واشار القنصل العام محمود عوف الى اهمية استخدام ابناء الجالية المصرية وكل من له حاجة من الاخوة السعوديين والعرب والاجانب باستخدام امكانات الموقع والاستفادة به قدر الامكان في سبيل راحتهم وتقديم خدمة اسرع لهم. وافاد بأن عنوان الموقع هو http://http://www.egconrh.orgwww.egconrh.org. كما اوضح عوف بان القنصلية تقدم خدماتها ايضا عبر البريد حيث يمكن لاي مواطن مصري ان يرفق الاوراق المطلوبة وارسال معاملته بالبريد السريع او الممتاز او الخدمة التي يريد ارسال الاوراق بها، وسوف تعيد القنصلية المعاملة بعد انهائها بنفس وسيلة البريد التي ارسل بها معاملته على ان تسدد الرسوم بشيك بنكي يرفق مع الاوراق للقنصلية.

سلامات يا جمال
صعبتها عليهم شديد والله

.