Post: #1
Title: عـبـرات
Author: singawi
Date: 02-23-2015, 07:59 AM
06:59 AM Feb, 23 2015
سودانيز أون لاين
singawi - Saudia-Jeddah
مكتبتي في سودانيزاونلاين
عـبـرات
أجر الآهة بعد الآهة واتنهد
وأهاتيـبك
أهوّم في جمال روحك
واناجي خيالك المحجوب
والاهيبك
أنا الآسرني نور حرفك
تبعت خطاك لا كليت ولا مليت
لا هماني قِل الزاد
ولا والدرب المحال ينطال
ولا بنحـد
تبعت سرابك المنشور
على مد البصر ممتد
غمرني الشوق وفات الحد
وعارف لا السراب ملحوق
ولا بلقالي فكة ريق
ولا بدخل حدود دنياك
ولا بجمعني بيكي طريق
تبعت خطاكي لا عشمان أشوف شخصك
تبوح عيني لي عينيك
ولا بحلم
أمد إيـدي تصافح إيديـك
وما بقنع
أسائل عنك الدرب السعيد انك مشيتيهو
ألاقي الدهشة غامرة كيانو
لا بنضم ولا بسمـع
وأسأل عنك الليل الصبح ما ليل
عشان نورك عليو بسطع
ماني الحاسد البطلب زوال النعمة من غيرو
إلا حسدت كل نسّـام دخل صدرك زفرتيهو
وكل حرفاً طلع فرحان يطير انك نطقتيهو
وهسة الآن بغير من الألم جواي
عشان انتي السبب فيهو
ودعتك الله يا دنياي
صحيح وحقيقة ما بنفك أسير ريدك
وما بتفتر وراكي خطـاي
إلا العارفو مؤمن بيهو
لا بلقاك
ولا بقنـع
|
Post: #2
Title: Re: عـبـرات
Author: singawi
Date: 02-24-2015, 09:15 AM
Parent: #1
عفريتة
|
Post: #3
Title: Re: عـبـرات
Author: Abdalla Gaafar
Date: 02-24-2015, 09:55 AM
Parent: #2
سنجاوي
(وعاد لي وين)
كما كحالك
العزيز سنجاوي
((
وما بتفتر وراكي خطـاي
إلا العارفو مؤمن بيهو
لا بلقاك
ولا بقنـع)
.......
(وعاد لي وين)
تظل مصلوب علي ضهر السراب والبين
تظل شايل رحيق قلبك علي ايديك
تفتش للبنية الفيك
وما تلقي الببل شوق القلب والعين
وما تتعب
تباري الشوق
(وعاد لي وين)
تحياتي
عبد الله جعفر
|
Post: #4
Title: Re: عـبـرات
Author: Asim Fageary
Date: 02-24-2015, 09:59 AM
Parent: #3
روعة يا سنجاوي .. ونحن هكذا بشر .. نفرح ونحزن ونفرح ونحزن .. نذرف الدمع حزناً وفرحاً
تحياتي يا رائع .. ما هذا العشق الصوفي .. أكاد أجزم أنك ترنحت كما الدرويش في حلقة الذكر ليلة الحضرة .. عندما أظهرت له شفافية روحه شيخه
فهل له غير أن ينحني ويقبل الأيادي ..!
سلام مربع يا سنجاوي
|
Post: #5
Title: Re: عـبـرات
Author: singawi
Date: 02-25-2015, 08:12 AM
Parent: #4
الحبيب عبد الله جعفر
حباب أمير وادي عبقر
إيييييييييييه يا صاحب
( وعاد لي وين )
وعاد لي متين
تكون الغصة عاد لي وين
يا عبد الله من طبعـو الغـزال جـفـال
قانـص ليهو لكن ما بتصيدو حبـال
كل ما أقول أبلغو شوق قليبي الطال
ألقى سلامي كيف عاملين وكيف الحال
منى إن تكن حقاً تكن أحسن المنى ... وإلا فقد عشنا بها زمناً رغدا
|
Post: #6
Title: Re: عـبـرات
Author: أبوذر بابكر
Date: 02-25-2015, 08:56 AM
Parent: #1
ما تقنع
الدرب الطويل بقصر
ضلام الفجه ما بمنع
شوف العين وكت تنصر
ضو الروح يبق يلمع
و عز العتمة يتبصر
تتبارك ياخ
|
Post: #7
Title: Re: عـبـرات
Author: singawi
Date: 02-26-2015, 06:51 AM
Parent: #6
Quote: ما هذا العشق الصوفي .. أكاد أجزم أنك ترنحت كما الدرويش في حلقة الذكر ليلة الحضرة .. عندما أظهرت له شفافية روحه شيخه
فهل له غير أن ينحني ويقبل الأيادي ..! |
الجميل عاصم فقيري
مدد مدد مداااااااااااااد
أطربني وصفك حد الرقص
ولولا الملامه يا هوى لولا الملامه
لافرد جناحي عالهوا زي اليمامه
واطير وارفرف بالفضا
واهرب من الدنيا الفضا
وكفايه عمري .. كفايه عمري اللي انقضى
وانا بخاف الملامه
وآه من الملامه
تحياتي وأطيب أمنياتي
|
Post: #8
Title: Re: عـبـرات
Author: singawi
Date: 03-11-2015, 11:48 AM
Parent: #7
الحبيب أبو ذر
معذرة .. طشيت شبكة ياخ
حروفك هي الدستور
لكن الرماد كتر على الجمرة
خوفي عليها يا خليلي
ﺃﺧﺎﻑ ﻏﻴﻢ ﺍﻟﻤﻨﻰ ﺍﻟﺸﺎﻳﻞ
ﺗﺴﻮﻗﻮﺍ ﺍﻟﺮﻳﺢ ﻭﻳﺘﻔﺮﻕ
ﻭﺍﻻﻗﻴﻚ ﻳﺎ ﺃﻣﺎﻧﻲ ﺳﺮﺍﺏ
ﻣﻮﺍﻫﺒﻰ ﻋﻠﻴﻪ ﺗﺪﻓﻖ
أخاف وأخاف .. أخاف وأخاف
|
Post: #9
Title: Re: عـبـرات
Author: singawi
Date: 09-06-2015, 11:25 AM
Parent: #8
وعاد لمتييييين
|
|