Post: #1
Title: فاطمة - زهو المساء الموشى بالألق
Author: أبوذر بابكر
Date: 02-23-2015, 06:13 AM
05:13 AM Feb, 22 2015
سودانيز أون لاين
أبوذر بابكر -
مكتبتي في سودانيزاونلاين
قال بعض العائدين
لبثنا بعض أسىً أو قليلا
وقال الغائبون
لبسنا رصيف الشوق
جلبابا يستر ما تناثر
من خجل الأيام
من عرى السنين
فالأيام عتمة مشرعة
على عتبات العمر
واللحظات موج من الأسى
فى لجة الحزن
وفى كهف الحنين
وفاطمة
فرح القمر المضمخ بالعبق
لطالما اشتهينا
أن تطمئننا منارات الوصول
وتطعمنا كف الإله
سحبا هنية
تضمر كل أعراس الخريف
تحبس عن صبا الأشجار
أشباح الذبول
وتهديها اناشيدا
عطرها فى الدرب
يفتح أبواب الفصول
يحالف اللقيا لنأتى
كيما يستحى وجه النزيف
وفاطمة
زهو المساء الموشى بالألق
لوجهها سنقرع أبواب الرجاء
وننصب كرنفال زهوها
فوق ساحات الغناء
فالشمس برتقالة
حبلى بالسناء
وبشارة من الليل الصديق
تعطن الضوء فى شهد اللقاء
وفاطمة أغنية البهاء
تجلى سر طعمها للعالمين وانطلق
يا فاطمة
باركينا والمسى
أرق الجباه المر فينا
عمدى الأشواق فينا
بكفك المكسو بالفرح الأليف
المجدول بعسجد الشفق
باركينا
كى تنام أحزان المسير
ويغفو حارس الوجع الحصيف
يغفل عن خطايا التيه
يغسل صفحة الحزن المرير
ويغفر نزوة البعد المخيف
وفاطمة
حلم ينبع من كوثر الليل
من فضة النهار
من إبتسام الفجر
ومن سحر الغسق
|
Post: #2
Title: Re: فاطمة - زهو المساء الموشى بالألق
Author: جورج بنيوتي
Date: 02-23-2015, 01:28 PM
Parent: #1
Quote: باركينا
كى تنام أحزان المسير
ويغفو حارس الوجع الحصيف
يغفل عن خطايا التيه
يغسل صفحة الحزن المرير
ويغفر نزوة البعد المخيف
|
وليته يغفر نزوة القرب
حين تسرِفُ في التناءي
يكفينا أن لفاطمة عطرا كم شنف أنوفنا
لك الود.
|
Post: #3
Title: Re: فاطمة - زهو المساء الموشى بالألق
Author: أبوذر بابكر
Date: 02-24-2015, 08:28 AM
Parent: #2
تكون فى عمق أمنية الخريف
حين يحلم بلقاء االأرض، هناك حيث تعتلى الخضرة قداسة الشجر
ويشتهيها العطر
عندما يخرج مناديا الناس للقاء العيد
تأتى مع ضحكات الأطفال حين يستعمرهم فرح لا محدود
وتضيئ كما قناديل الأناشيد السماوية، عندما تحضر الملائكة
لتشارك الناس ترااتيل أعراسهم الأرضية
تغفر الأرواح سيئات غيابها وتنادى فى معاشر الغائبين التائهين
إذهبوا فأنتم السعداء
فنحشر مع الحاضرين
|
Post: #4
Title: Re: فاطمة - زهو المساء الموشى بالألق
Author: Abdalla Gaafar
Date: 02-24-2015, 11:20 AM
Parent: #3
ابوذر
اذن هي (متاورة) الحنين لكتابة عرضحال فاطمة البنت العصافير في حضرة القمر
تكتبها لحظات من عبير واغنيات ..خارج نطاق الممكن من احاديث العشق التقليدية....ندي جدا هذا النظم من غناء العاشقين لفاطمة ..التي لا تزال هناك....في انتظار ....فوارس احلام البنيات ...وليالي اللقاءات القصيرة ... واسرار الاحاديث المسائية..
ياصديقي
تلك هي البنية التي لا تقبل القسمة الا علي نفسها لتعطي.....جمالا صحيحا واحدا...فاكتبنا علي دفاترها ..غناءا وعشاقا ودهشة
عبد الله جعفر
|
Post: #5
Title: Re: فاطمة - زهو المساء الموشى بالألق
Author: ابو جهينة
Date: 02-24-2015, 12:00 PM
Parent: #4
يا أبا ذر المطر
نقلنا نصك الموشى بنواقيس قديمة كانت قد خفتْ ، إلى رحابها
فاطمة ....
هي لا تدري ، ولكنها تدري ...
***
وفاطمة
فرح القمر المضمخ بالعبق
لطالما اشتهينا
أن تطمئننا منارات الوصول
وتطعمنا كف الإله
سحبا هنية
تضمر كل أعراس الخريف
تحبس عن صبا الأشجار
أشباح الذبول
وتهديها اناشيدا
عطرها فى الدرب
يفتح أبواب الفصول
يحالف اللقيا لنأتى
كيما يستحى وجه النزيف
****
دفق أصاب رذاذه أرضا مجدبة فأنتشتْ وربتْ
|
Post: #6
Title: Re: فاطمة - زهو المساء الموشى بالألق
Author: نصر الدين عثمان
Date: 02-24-2015, 12:46 PM
Parent: #5
Quote: عطــرها فى الدرب
يفتح أبواب الفصــول
يحالف اللقيا لنأتــــي
كيما يستحى وجه النزيــف
وفاطمة
زهو المساء الموشـــى بالألق
لوجهها سنقرع أبواب الرجــاء
وننصب كرنفال زهـوها
فوق ساحات الغنــاء
فالشمس برتقــالة
حبلى بالسنــــــــاء
وبشارة من الليــل الصديق
تعطن الضوء فى شهــد اللقاء
|
يا الله .... يكاد يحرقنا لظى تلك النداءات اللاهبة.. وهي تتقرى فاطمة ... "زهو المساء الموشى بالألق"...
شكراً أبو ذر....
|
Post: #11
Title: Re: فاطمة - زهو المساء الموشى بالألق
Author: أبوذر بابكر
Date: 02-25-2015, 01:44 PM
Parent: #6
يا نصر الدين
نورت والله
بيتنا وبيوت الجيران الحوالينا
ولا اقول ليك
بيوت الحلة كلها
يوم ما جيتنا
شكرا عليك
|
Post: #9
Title: Re: فاطمة - زهو المساء الموشى بالألق
Author: أبوذر بابكر
Date: 02-25-2015, 07:20 AM
Parent: #5
كيف الحال يا أبا جهينة
آنسنا ضوءا يشع
وأريجا يضوع
فوافينا المكان وإذا أنت به حضور
فازددنا نورا
وغمرنا فيض أريجك العيق
وسعدنا
|
Post: #8
Title: Re: فاطمة - زهو المساء الموشى بالألق
Author: أبوذر بابكر
Date: 02-24-2015, 02:56 PM
Parent: #4
نعم
نعم يا صديقى الأخضر
هى التى تكتبنا على لوح الإشتهاء
تشرق فى الصباح ويكتمل حضور الضوء الملون
تشرق وهى ترتدى ثوبا معطرا برائحة الضياء الملائكية
وتتخير مقعدها عاليا
فى أعلى ذرى الأرواح، فينا
على يمينها يجرى نهر من كوثر الرحيق
على يسارها باب الدخول الى حيث يخبئ الفرح طعمه القديم
نأت نحن مجاذيب الضياء
نجلس خاشعين
وتبتسم اللحظة من فرط حبورها
تبتسم حتى تبين نواجذ السرور
|
Post: #10
Title: Re: فاطمة - زهو المساء الموشى بالألق
Author: Abdalla Gaafar
Date: 02-25-2015, 08:07 AM
Parent: #8
الصديق ابوذر
السلام مليون
اذن هو الفطام المستحيل ...حين تضيق بك الدروب ولا تري من حوالك الا ظلها ....تعود اليها عودة المحتاج الي حلم يبقيه علي قيد الكتابة... غناء يكتب علي نبض الدائرين في مدار الحضرة... لفاطمة النهر تعود انت عودة العاشق لتكتبك علي لوح الاشتهاء قصيدا واحاجي.... ثم تمضي من اجل عودة اخري اليها
يا صديقي
هل تذكر طيف العام الاول قبل الجدب
يا الله
النيل وصوتك والايام غناء
الليل وفاطمة قمر في نصف الشهر وعشق من بارود
قمر فاطمة حتي في العام الاول بعد الحزن
تلك المسكونة بالاحلام وعشق الارض
ما زالت كالنخل تقبل وجه الشمس
وتسأل عنك الغيم
قالت
للقلب حريق الشوق وللاحباب سؤال الالفة عنك
.......
فقط من أجل عودتك اليها.......
عبد الله جعفر
|
Post: #12
Title: Re: فاطمة - زهو المساء الموشى بالألق
Author: Osman Musa
Date: 02-25-2015, 02:02 PM
Parent: #10
عزيزنا الشاعر الجميل
السلام مطبوق
كنا هناك في بطن الحبيبة .
حقيقة العتمة الوصفتها .. وعتمة ليها ضل .. والله مسكينة فاطمة السمحة ما تستاهل شح الودك والكركار وزيت المشاط .
الحكاية وقفت كك . يا أب ذر أخوي .
ألف شكر علي الغناء المرتب البديع . تحياتي
|
Post: #17
Title: Re: فاطمة - زهو المساء الموشى بالألق
Author: أبوذر بابكر
Date: 02-25-2015, 03:20 PM
Parent: #12
ازيك يا عوسمان
يا البى السماح مليان
كيفك بالله
يمين بالله مشتاق ليك
وطولنا من شوفتك المفرحه
كنت وين
فى البلد ؟
|
Post: #16
Title: Re: فاطمة - زهو المساء الموشى بالألق
Author: أبوذر بابكر
Date: 02-25-2015, 03:18 PM
Parent: #10
ياها فاطنه
ياها يا عبد الله
فاطنة القبيل
راوى الحلة غناها
بالفا فرح
يغشاها يملاها
بالأ أرض
مكسيه بى خدرة بهاها
بالطا طعم
اطعم من الشهد
السكن جواها
بالنون نعيم
يغمر رباها
بالها هيام
ماسك تلابيب البريدا
ومن زمن سادر وراها
بجيك تانى لى "الفطام"
وضرع الريد المحيّن نيل
|
Post: #13
Title: Re: فاطمة - زهو المساء الموشى بالألق
Author: أبوذر بابكر
Date: 02-25-2015, 02:48 PM
Parent: #1
بسم الله
المحل ده اتسكن ولا شنو ؟
ههههههههههههههههه
الحاصل شنو يا عمر يا فاروق
أمس ولا قبيل لقيت كلامك وقلت متين بس اصلك
واقول ليك احكى لينا النكتة
تانى جيت لقيت مافى نضمى
وهسه اسمك مكتوب بره فى الحيطة
الشى شنو ؟
افيدونا يا قوم
هههههههههه
|
Post: #14
Title: Re: فاطمة - زهو المساء الموشى بالألق
Author: عبد العزيز محمد عمر
Date: 02-25-2015, 02:56 PM
Parent: #13
انا ذاتي كنت منتظر النكتة وعاوز اعرف الطير ديل منو؟
اباذر..
دا نص مبالغة .. ومريح.. وجدا كمان
شكرا ياااااخ
|
Post: #15
Title: Re: فاطمة - زهو المساء الموشى بالألق
Author: عمر الفاروق
Date: 02-25-2015, 03:09 PM
Parent: #14
الحاصل إنو في زول عوير و فاضي ما عندو شغلة بكري مديهو الباسوورد حقو يتابع بيهو المنبر ويقوم يقصد الناس الما بيدورهم وبيكرههم لي الله كده يقوم يمسح ليهم مداخلاتهم
|
Post: #19
Title: Re: فاطمة - زهو المساء الموشى بالألق
Author: أبوذر بابكر
Date: 02-25-2015, 03:25 PM
Parent: #15
والله يا عمر لى زمن من ضحكت زى هسه
قلت لى جارى عكازه المضبب
ولابس سكينه فى ضراعو وحايم
هههههههههههههههه
ممكن يكون أى سبب تانى
بس كونه يكون بكرهك دى ما لاتقة ابدا
ياخ الكراهية ولا بتخيل فيك اصلا
اقول ليك شى
ممكن الزول يقتلك
آى يقتلك عديل
لكين ما يقدر يكرهك
والله جد
عارف مشكلتك شنو ؟
إنك ما بتتكره
ههههههههههههههههههههه
|
Post: #20
Title: Re: فاطمة - زهو المساء الموشى بالألق
Author: أبوذر بابكر
Date: 02-25-2015, 03:29 PM
Parent: #15
دقيقة دقيقة بالله يا عمر
اتذكرت حاجة بخصوص الكراهية دى
غايتو لو فى سبب الزول الحايم ده يكون مكجنك بيهو وشاميك
غالبا غالبا
يكون :سيتزنابى" وبكره الأولدترافورديين كلهم
ههههههههههههههههههه
انا غايتو احتمال اقتلك فى حالة واحدة
انك تنبذ لى برشلونة
احتمال يعنى ما أكيد
هههههههههههههههههههههه
|
Post: #18
Title: Re: فاطمة - زهو المساء الموشى بالألق
Author: أبوذر بابكر
Date: 02-25-2015, 03:22 PM
Parent: #14
العزيز عبد العزيز
كيفنك يا سمح
النكتة راحت ساى
بندق فى بحر
شكله كده مقطوع منها النصيب
ههههههههههههههه
ياخ شكرا ليك انت
شكر شديد جدا والله
|
Post: #21
Title: Re: فاطمة - زهو المساء الموشى بالألق
Author: عمر الفاروق
Date: 02-26-2015, 06:02 AM
Parent: #18
ابوذر ياخ إنت الزييك ده بيكون مرهف ..النوع اللو فلقوهو بي قطنة يخيطو ليو الجرح سبعة فلتات :) فما أنت بقاتل يا صديقي..
أما إن دار محور سؤالكم عن برشلونة فيبدو إنو بديتو تفرفرو من جديد بعد كورتكم مع السيتي بعد أن أصبحتم في الفترة الماضية مساكين الغنماااية تاكل عشاكم ..
لكن لا بأس فالعرجاء لي مراحا ..وهي مسألة وقت ليس إلا وتغلقوا ملف الأبطال للتفرغو لي كأس إسبانيا :)
|
Post: #22
Title: Re: فاطمة - زهو المساء الموشى بالألق
Author: Abdalla Gaafar
Date: 02-26-2015, 08:22 AM
Parent: #21
Quote: ياها فاطنه
ياها يا عبد الله
فاطنة القبيل
راوى الحلة غناها
بالفا فرح
يغشاها يملاها
بالأ أرض
مكسيه بى خدرة بهاها
بالطا طعم
اطعم من الشهد
السكن جواها
بالنون نعيم
يغمر رباها
بالها هيام
ماسك تلابيب البريدا
ومن زمن سادر وراها
بجيك تانى لى "الفطام"
وضرع الريد المحيّن نيل |
ياها زاتا
فاطمة غنا الترابلة وفقراء العشق وحلم اغنياء الاحلام
فاطمة تفرد قامة النخل البخت وهج الشمس ضحكات
علي النيل البصفق دهشة وكتين فاطمة تقدل
يقدل الفرح البشارة وآهة تطلع
لما فاطمة السمحة تندافق علي رمل الكتابة
غيوم قصيدة وتبدا تهطل
يا مطر ما ضو برقك الا ضحكة
وياعيوم ما سال رزازك الا نيل
يا نخيل
.....
راجيك لي حكاية الفطام المستحيل (قالت نشوف فهمو شنو)
سلام يا صديقي
|
Post: #23
Title: Re: فاطمة - زهو المساء الموشى بالألق
Author: أبوذر بابكر
Date: 02-26-2015, 02:37 PM
Parent: #21
تعرف يا عمر
من شدة النشاف والجدب والمحل
بقينا نشك فى دمنا
يمكن الزول لو انجرح ما يسيل منه دم
نبقى زى محجوب سراج وجرحه الأبيض الما بسيل
بالنسبة لصاحبة الفخامة برشلونة
برشلونة المدينة اول شى طبعا
الواقعة نواحى ربوع الكاتالان
برشلونة دى معنى يا فاروق قبل ما تكون أى شى
وبرشلونة النادى إسم عالى ومعنى أعلى
الكوبا ديل رى تقريبا شبه اتحسم لينا خلاص
باقى فيهو شوية تلاقيط ويجى طائعا مختارا
وقيل
عاشقا ومسرورا كمان
الى ربى البارساب
اما فيما يتصل بموضوع الشامبيونز
انريكى قالو قال ليهم يعنى غوارديولا احسن منى فى شنو ؟
ثم طفق يدوبى
الميسى مسينا
وسجم البلاقينا
النمرو نيمارنا
والبلاقينا بنضوقو نارنا
وكان دايرين لوحات السواريز
نديكن ليها مع البراويز
الخ الخ الخ
ههههههههههههههههههههههه
|
|