Post: #1 Title: عالم الطمبور ... غايتو يا الشوايقة مافي سر حب بتبل في خشمكم ههههه . فيديوهات مبااااااالغة . Author: مني بت نفيسة Date: 02-22-2015, 12:04 PM Parent: #0
11:04 AM Feb, 22 2015 سودانيز أون لاين مني بت نفيسة - هولندا مكتبتي في سودانيزاونلاين
سلامك ماهو من قلبك ... سلام زولآ علي مجبور .
مبااااااااااااااااالغة . طيب موش اول كنت تسألها قبال ما تكتب القصيدة ههههه غايتو يا الشوايقة مافي سر حب بتبل في خشمكم .
Post: #2 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: مني بت نفيسة Date: 02-22-2015, 12:32 PM Parent: #1
من الملاحظ تلقي الحجج لاهلنا الشوايقة يعني اسه ما عرف اسباب فتور السلام دا شنو ههههههههههههه طوالي مشي عملو غنيوة ونادي شيالين الحال اقصد الغنيوة وهاك يا تشهير هههههههههههه .
هولاء هم الشوايقة تحبهم ووووووووب وتسيبهم وبييييييييين .
لكن حقيقة غنيوة في الصميم هههههههههه .
اجيك مشتاق اجيك ولهان !!!
Post: #3 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: علي عبدالوهاب عثمان Date: 02-22-2015, 12:37 PM Parent: #2
الاستاذة منى .. ديل أحلى ناس وفنانين بالسليقة .. نيل ونخيل وجنائن .. وتاريخ .. وجغرافيا .. يستاهوا .. لقد جملوا وجه البلد بأحلى الأنغام ..
تحياتي وشكراً على هذا الجمال ..
Post: #4 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: الزبير بشير Date: 02-22-2015, 12:49 PM Parent: #1
تمام
التحيه للمبدع محمد النصري الرجل الخلوق
Post: #5 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: حسن الطيب يس Date: 02-22-2015, 11:12 PM Parent: #4
الست مني يديكي الصحة علي هذه الاستراحة ود الحسين و باقي شلة الشايقية الكلام السمح ده ما يفوتكم
Post: #6 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: علاء سيداحمد Date: 02-23-2015, 01:11 AM Parent: #5
تحياتى الاستاذه / منى
الشوايقة ناس فنانين .. الطبيعة فى مناطفهم تخلى الابكم يتكلم النصرى زول فنان بمعنى الكلمة .. لمـحـت بين الحـضـور الفنان الكبير / صديق أحمد واطمأننت على صحته ودائما ربنا يواليه بالصحة والعافية .. صديق احمد أوتى مزمارا من مزامير آل داود اشجى بها واطرب الملايين من ابناء بلادى ..
شكرا يا منى على الطرب الاصيل ..
Post: #7 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: ABDALLAH ABDALLAH Date: 02-23-2015, 02:47 AM Parent: #6
الله يديك العافيه يا بت حاجه نفيسه هذا إبداع ما بعده إبداع هذا الفنان الشاب أعاد إلى ذاكرتى إلى ما كان قبل عشرات السنين . قى داخلية مدرسة كسلا الأميريه الوسطى ونحن نجلس حول صديقى العزيز كمال بابكر سيداحمد ( من القرير ) وهو يتغى بأغانى الفنان الكبير النعام آدم البنات إتجمعن جن زى كهارب المينا بقن دى بتقول أنا من دى أحسن وآمنه فايته الكل عشره طن يا جنى أين أنت الآن يا صديقى كمال ؟
Post: #8 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: ABU QUSAI Date: 02-23-2015, 08:48 AM
بت نفيسة زوقك عالي جدا .... وعبرك تحية للرائع محمد النصري.
أخي عبد الله عبد الله صديقك كمال بابكر سيد أحمد بخير وصحة وعافية بعد أن تقاعد من القوات المسلحة ... قابلته في الخرطوم قبل شهرين وهو كعادته دائما مبتسم.
أبو قصي
Post: #9 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: جلالدونا Date: 02-23-2015, 10:42 AM Parent: #8
بت عمسيب سلام ليك و لى ضيوفك و قرائك الكرام اهلى الشايقية ديل ناس حنينين خلاس كتبو اجمل الاشعار و زادوها عذوبة بالالحان من حقيبة الغنا الشايقى ... قالو بيت شعر مسخ علينا باقى الاشعار ادخل ايدى فى رحلى ترابا فيهو يسوى الكون فى القصيدى دى تـراب بلـدى انا وآآآ مغستي رحل تلوت الليل شقاوتي رحل تلوت الليل مسالكي ضلمه ما بتنشق سكت روح نويرة الفرقـة جـــوة الجـــوف تســـوي الـــبق مشيت لا زاد أشيلو معاي ولا زولاً مـــــعا اترفــــق ولما خلاص بقيت مارق نجيم الليل مــشي إتفــــرق بكيت وبكيت طريف العين متمسح بالدموع رقـــرق عشان مظلوم زماني الليلي شتت للشمـــــل فــــــرق بسوي الووب نحاس احزاني جــــوه قليبي ينقـر دق يوهدبي يلوعني واخــــاف من المـــــصير واشفـــق اوادع الناس وافوت مجبور يجيني نغيم من الطنبور كل ما اشوفلي جني وقف صفق ينط لا فوق يـــــــــطير ينــدق واطـــير وانـــدق وادنقر فوق تراب بلدي أخم بي إيدي فـــــي رحـلي اقول يا ليل وافارق الدار اجر فوق الوداع مسـدار أنــــوني أنــــوني شـــاق الـــواح محــال ارتــــاح ادخل إيدي في رحلي تراباً فيهو تســــوى الكــــون تــــراب بلـــــدي اشـيل مــــنو اشـــم وارتـــــاح اشـــم طـــــيبة اهــــلي مـــــــــــــنو تفوح ترد الروح عويناتن تلـوح وتلـــوح عــــــراريقن طـــواقيهـن طــــــــواريهـــن سواقيهـــن انين الســــاقي لــــما تنوح حــــسيس البربخ المفتـوح واعاين يا تراب بلدي اشوف فيك صورة ماب تنشاف واشم ريحة الكُليت والشاف بنات بلدي بنات بلـــــدي طريحاتن مناديلن رقيصاتن شبابيلن حـــليلي حـــليلي يــحليلن واشيل من زادي واتكرف واشوف فيك يا تراب بلدي الحنين المـــابي يتوصف سماح ناساً حلاة ناساً بلا السكر طعم قراصه في قدحاً من الدبكر كواريك شفع المغرب يقلبوا في الجمــــر قنــــقر ولاد بلدي نقاقيرن طنابيرن جـــبابيدن سنــانيرن وافوت يا ناسي في دربي أقول يا أهلى واغلبـــي خلاص ريدكن ملك قلبي منو الغيركن بشيل حبي تراب بلدي بنات بلدي ولاد بلدي تـراب بلـدى
--- ما لقيت ليها تسجيل نضيف و رسمى لكن ده تسجيل ونسة اهديهو لقرائك و ضيوفك الكرام
Post: #10 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: ABDALLAH ABDALLAH Date: 02-23-2015, 01:43 PM Parent: #9
Quote: بت نفيسة زوقك عالي جدا .... وعبرك تحية للرائع محمد النصري.
أخي عبد الله عبد الله صديقك كمال بابكر سيد أحمد بخير وصحة وعافية بعد أن تقاعد من القوات المسلحة ... قابلته في الخرطوم قبل شهرين وهو كعادته دائما مبتسم.
أبو قصي
الله يطمن قلبك أخى أبى قصى التحيه إلى أحد أعز أصدقاء مرحلة الصبا والتحيه لبت حاجه نفيسه لفتحها لنا هذا النفَاج لتتعطر الذاكره ببعض ما هو جميل .
Post: #11 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: مني بت نفيسة Date: 02-23-2015, 09:28 PM Parent: #10
الآخ العزيز \ علي عبد الوهاب .
لك التحية والشكر علي الاضافة .
طبعآ يا اخي علي شايف اعجابك باهل الطمبور من البوست الفات لكن بيني وبينك هم جديرين بالقلتو عنهم وبستحقوهو ناس في غاية الاخلاص والوفاء والصدق في اي كلمة شعر خطوها التحية لك ولهم .. واكرر تقديري وشكري باعجابك واخلاصك لهم .
Post: #12 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: بدرالدين بابكر مصطفى Date: 02-24-2015, 09:30 AM Parent: #11
سماح ناساً حلات ناساً بلا السكر طعم قراصة في قدحاً من الدبكر
Post: #13 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: مني بت نفيسة Date: 02-26-2015, 12:22 PM Parent: #12
معذور ..
ما اتزعزع الايمان جوا لكنو في الاخر بشر !!!!
Post: #14 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: مني بت نفيسة Date: 02-26-2015, 12:43 PM Parent: #13
اخوتي احبتي ...
الزبير ,, حسن الطيب ,, علاء ,, عبد الله ,, ابو قصي ,, جلالدونا ,, بدر الدين .
لكم التحايا المعطرة .. والشكر الجزيل لهذا المرور الفني المبدع واضافتكم الرقيقة .
مع اهدائي لكلم كل اغنية وكل لحظة جميلة علي نغمة هذا الطمبور . ودمتم احبتي ..
بت نفيسة ..
Post: #15 Title: Re: عالم الطمبور ... غايتو يا الشوايقة مافي سر حب بقعد في خشمكم ههههه . فيديوهات Author: Osman Musa Date: 02-26-2015, 02:03 PM Parent: #14
يطول عمرك يا بت حاجة نفيسة ويملاك عوافي . ود النصري تربع علي البحر والبر .. له وللفرقة الذهبية التحية
Post: #16 Title: Re: عالم الطمبور ... غايتو يا الشوايقة مافي سر � Author: مني بت نفيسة Date: 03-10-2015, 08:56 AM Parent: #15
بعد التحية للجميييع ..
من الملاحظ عن اهلنا الشوايقة وبغض النظر عن بساطة الكلمات وحنية اللحن والاداء الصادق
بنجدهم بجمعوا دائمأ بين ... الله ... والوطن ... والحبيبة ... واغانيهم ملئية بالتورية والبلاغة التلقائية .
تعالوا نسمع اغنية بحر الشاع ونستمتع بكمية من البساطة واللحن ونغمة الطمبور الكلاسيكي العظيم .
بحر الشعاع !!!!
Post: #17 Title: Re: عالم الطمبور ... غايتو يا الشوايقة مافي سر � Author: مني بت نفيسة Date: 03-10-2015, 09:09 AM Parent: #16
حباااااابك عسمين ود عمي موسي .. ولعلك طيبة يا المريود
وان شاء الله دعواتك تلحقني وتلحقك يا الحبيب ومشكور علي الحضور المبارك
والكلام المبارك وتسلم محل ما تقبل ..
Quote: يطول عمرك يا بت حاجة نفيسة ويملاك عوافي . ود النصري تربع علي البحر والبر .. له وللفرقة الذهبية التحية
Post: #18 Title: Re: عالم الطمبور ... غايتو يا الشوايقة مافي سر � Author: ياسر حسين طه Date: 03-10-2015, 09:44 AM Parent: #1
بت عمسيب ايتها الرائعه الشوايقة هم نخل السودان الدان قطوفه شكرا لهذا الالق الجميل شكرا النصري