إستيكة الخبير تكسح وتمسح مداخلاتى دون أدنى شفقة أو رحمة مما أدخلنى فى حالة نفسية سيئة

10:40 PM Feb, 21 2015
سودانيز أون لاين
جمال خضر -
مكتبتي في سودانيزاونلاين



المداخلات المؤودة بإستيكة الخبير


(((* ساقوم بحذف كل المداخلات التي لا تتناسب مع رؤى ورسالة المرصد ...... والشكر للمهندس بكري ابو بكر في ذلك .

م. صلاح غريبة
اعلام وكاتب صحف خبير استراتيجي
القاهرة
00201112892835))))

نثمن هذه الخطوة جيدا لأن هنالك من يستهدف الخبير ويشتت جهوده فآن للخبير أن يستعمل كل السبل للدفاع عن رؤى وأهداف أفكاره النيرة .

نبارك للخبير عودة الألقاب مهندس - إعلامى - كاتب صحفى - خبير إستراتيجى وعقبال بقية الألقاب وخصوصا دكتور الذى أُستخدم من قبل

الخبير لفترة محدودة جدا فهلا أعدت إستخدامه حتى تُغبط محبيك وتغيظ أعدائك .

نشد من أزرك ونقف من خلفك لمسح وكسح أى مداخلة خارجة عن السياق خصوصا من قبل متفلتى العتالة فهم لم يأتوا لنقاش .

سير وعين الله ترعاك
رد · · 1 · منذ ‏4‏ ساعات

وكان ذلك الكسح والمسح فى البوست أدناه والغريبة لم يترك خلفه أى أثر .

http://sudaneseonline.com/board/480/msg/......-%D9%85%D8%B1%D8%B5%D9%80%D9%80%D9%80%D8%AF-%D8%B5%D9%80%D9%80%D9%80%D9%80%D9%84%D8%A7%D8%AD-%.......-1424510658.html

((كما انه خصص لمتابعة الحقائق من نشر الاشاعات والاخبار الزائفة
والاشارة الى المصداقية والمستندات والوثائق لذلك .))

العبارة دى قلبتها شمال يمين ما فهمت منها التكتح فهلا تكرم سيادة الخبير بشرح محتواها

لأن العامة من أمثالنا تستعصى عليهم اللغة الرفيعة بتاعة الخبراء دى .

غايتو يا العتالة تعبتوا واكلتوا نيم بعد سياسة أمس أكسح تانى بوستات الخبير تشموها قدحة

سأظل مرابطا فى البوست ناصبا شباك المرصد لإصطياد أى مداخلة متفلتة الى حين عودة

الخبير تصحبه السلامة وسنكثف الجهود لمطاردة المتفلتين حتى ولو تعلقوا بأستار الفيس .

تحسبوا لعب جاكم السم القدر غداكم .

نظرا للأعمال التخريبية التى يقوم بها متفلتو العتالة بإستهداف المداخلات وتدميرها كان الخيار

الإحتفاظ بنسخة إحتياطية فى الفيس أسفل الصفحة حتى لا يتمكنوا من تحقيق أغراضهم الخبيثة

بسياسات أكسح أمسح لن يغمض للعتالة جفن أبدا .

أخونا يوسف الطيب لك التحية

سأفشى لك سرا أرجو أن تحفر ليك بير وتدفنه

(أنا غواصة الخبير وسط العتالة ) وإذا قام بمسح

كل مداخلاتى فهذا يتم بالإتفاق التام بيننا حتى

نحبك القصة علشان كده خاتى فى بطنى بطيخة صيفى .

((ساقوم بحذف كل المداخلات التي لا تتناسب مع رؤى ورسالة المرصد))

هذا هو شعار المرحلة شاء من شاء وأبى من أبى والما عاجبو يشرب من البحر .

التحية للخبير وهو يقوم بواجبه المقدس فى سبيل النهوض بالسودان وفى سبيل ذلك نقول له أضرب بيد من حديد لمحاربة المتفلتين حيث ما حلوا .

وا شماتة أبلة ظاظا فيك يا الممسوح مداخلاتك وطبعا الكلام ليك با المنطط عينيك

المداخلات أعلاه هى المداخلات التى قامت بلدوزرات الخبير بتجريفها ودفنها

أنا الآن فى حالة صدمة ,الإكتئاب ممسكا بتلابيبى ,الدموع تسيل أنهارا والمخاخيت تأبى التوقف وخايف الوساوس والهواجس

تحضنى على تسور المنبر والتردى من أعلاه . غايتو ربنا يستر

سلام جمال
وكل العتالة ومعاهم ناس "الكلكات"
أنا شفت هذة الاستراتجية منذ اخر واول بوست مشفر للخبير ، وبحكم اخوك متخصصفى (البعاتية )
بشقيها التاريخي والفلكلورى وليس الروحى بالطبع . كما عودة الخبير بعد منّ اللة علية بالشفاء بالاسم الإنجليزي
، وأصبح يكتب عنوانين بالعجمية ، و ومهتم باللغويات ، و بوستات تهاني الترفيعات ... الخ يعنى بوستاتة كلها حصل
ليها ترفيع فى مستوى الوعى الذى يناسب
مرتادو الحوش ، والآن حضرت الاستيكة
والتى سوف تؤدى تؤدى الى الى إضافات قيمة ل( لمكتبة ) الخبير . !!!
بعدين قالوا القاهرة بقت غالية جدا هذا الأيام ، كمان
ناس ما قبل (الفتح التقنى ) الأخير أصبحوا
منافسين (للخبراء ) .
لذا انادى كل (العتالة ) القدامى والجدد
بتحويل عناية البوستات بتاعة ( الخبراء )
صلاح غريبة الى هذا البوست . وذلك
للمساهمة فى سرعة تغذية (المكتبة)
وكمان عشان نساهم فى (رفع قيمة الأسهم )
للشركة الاستشارية المستقبلية التى يخطط لانطلاقها قريبا فى مايو القادم وتسمى ( غريبة اخوان للاستشارات الاسفيرية ) .
وليكن شعارنا (صامدون ، صامدون ،
ولا نرضى بديلا عن غريبة مصدرا للمعلومة)
----
وعاش (الخبراء) صلاح غريبة . وعاش
الناطق الرسمي ، وأعضاء اللجنة الموقرة
وكل العتالة المنتشرين فى بقاع العالم
ونرحب بعتالة (جوة ) الجدد و الذين
يعلمون بفضل الخبير عليهم فى فك
الحظر عن (تقنية المعلومات ) عنهم .
واكتفى بذلك ، واترك التفاصيل
للناطق .
-------

جيمي
المتحدث الرسمي باسم العتالة
انت بكري عمل خاصية مسح مداخلات ولا شنو؟
كان كدا وطاتنا اصبحت

Quote: نا الآن فى حالة صدمة ,الإكتئاب ممسكا بتلابيبى ,الدموع تسيل أنهارا والمخاخيت تأبى التوقف وخايف الوساوس والهواجس تحضنى على تسور المنبر والتردى من أعلاه . غايتو ربنا يستر

ممثلنا ومتحدثنا الرسمي ..
الخبير يترفع دائماً عن معرفة التكنولوجيات البسيطة رغم أنه مهندس تكنولوجيا معلومات ..
أمسح .. كبشر .. ( ليس من أهتماماته أبداً ) هو يعمل في مجالات معقدة ولديه تواصل الالكتروني مع أحدث المنظومات العالمية ..
المعروف عنه أنه لا يستوعب الحاجات البسيطة العادية ( أمسح وكبشر ) لا لا .. أخي جمال ..
وإذا كان لابد من ذلك على الاخ بكري أبوبكر إرسال مندوب خاص الى القاهرة لعمل دورس خصوصية للخبير ..

تحياتي للجميع .. ومحبتي بلا حدود ..

Quote: كان كدا وطاتنا اصبحت

هههههههههههههههههههههههههههه

السواها بكرى رقدت .. تانى الا نزازى فى بوست الناطق الرسمى ده

الإخوة الأعزاء هاشم برمودا ومحمد الفكى وعلى عبد الوهاب ومصطفى البشارى

ساعود اليكم بعد إنتهاء حالة الحداد على المشاركات المقبورة دهسا من قبل

بلدوزرات الخبير .

فوق الى حين العودة

Quote: سلام جمال وكل العتالة ومعاهم ناس "الكلكات" أنا شفت هذة الاستراتجية منذ اخر واول بوست مشفر للخبير ، وبحكم اخوك متخصصفى (البعاتية ) بشقيها التاريخي والفلكلورى وليس الروحى بالطبع . كما عودة الخبير بعد منّ اللة علية بالشفاء بالاسم الإنجليزي ، وأصبح يكتب عنوانين بالعجمية ، و ومهتم باللغويات ، و بوستات تهاني الترفيعات ... الخ يعنى بوستاتة كلها حصل ليها ترفيع فى مستوى الوعى الذى يناسب مرتادو الحوش ، والآن حضرت الاستيكة والتى سوف تؤدى تؤدى الى الى إضافات قيمة ل( لمكتبة ) الخبير . !!! بعدين قالوا القاهرة بقت غالية جدا هذا الأيام ، كمان ناس ما قبل (الفتح التقنى ) الأخير أصبحوا منافسين (للخبراء ) . لذا انادى كل (العتالة ) القدامى والجدد بتحويل عناية البوستات بتاعة ( الخبراء ) صلاح غريبة الى هذا البوست . وذلك للمساهمة فى سرعة تغذية (المكتبة) وكمان عشان نساهم فى (رفع قيمة الأسهم ) للشركة الاستشارية المستقبلية التى يخطط لانطلاقها قريبا فى مايو القادم وتسمى ( غريبة اخوان للاستشارات الاسفيرية ) . وليكن شعارنا (صامدون ، صامدون ، ولا نرضى بديلا عن غريبة مصدرا للمعلومة) ---- وعاش (الخبراء) صلاح غريبة . وعاش الناطق الرسمي ، وأعضاء اللجنة الموقرة وكل العتالة المنتشرين فى بقاع العالم ونرحب بعتالة (جوة ) الجدد و الذين يعلمون بفضل الخبير عليهم فى فك الحظر عن (تقنية المعلومات ) عنهم . واكتفى بذلك ، واترك التفاصيل للناطق .

الأخ هاشم لك التحية والتجلة عدت بعد أن تجاوزت أثر الصدمة التى أصابتنى بعد تهديم الخبير لمداخلاتى التى تعبت فيها وسهرت لها الليالى

لكن نقول شنو ؟ فالخبير لا يمسح كده ساى بل بعد دراسة وتمحيص وتدقيق و نظرة ثاقبة للمستقبل لا يراها أمثالنا فربما رأى فى تلكم المداخلات

شر مستطير وخطر مُحدق علشان كده الواحد تقبل الأمر بصدر منقبض فى البداية لكن الآن أتقبله بصدر رحب . لذا سنقف وندعم شركة

(غُريبة أخوان للإستشارات الأسفيرية ) المزمع قيامها فى القريب العاجل وسيقوم أصدقاء الخبير فى البورد والفيس والواتس بشراء كل أسهم

الشركة التى ستطرح للإكتتاب فى قريبا . وأود أن أشكرك إنابة عن العتالة على ما قلته فى حقهم من كلمات طيبة أخجلت تواضعهم .

شكرا شكرا هاشم على المداخلة القيمة .

العزيز \ جمال

مالك بعد الشر ...؟ ههههههههههههههههههه

Quote: جيمي المتحدث الرسمي باسم العتالة انت بكري عمل خاصية مسح مداخلات ولا شنو؟ كان كدا وطاتنا اصبحت

أخونا محمد عمر الفكى لك التحية

والله الخبير أزال المداخلات من الوجود بدون أثر وكنت متخيل ان المسح بيكون للكلمات لكن الإطار بتاع المداخلة

يبقى دليل على المسح لكن لقيته قلع المداخلة من جذورها والغريبة لم يتعرض لمداخلاتكم بأى سوء وهذا دليل

ملموس على أن الخبير قاعد يكيل بمكيالين غايتو يا الخبير الفيك إنعرفت .

Quote: ممثلنا ومتحدثنا الرسمي .. الخبير يترفع دائماً عن معرفة التكنولوجيات البسيطة رغم أنه مهندس تكنولوجيا معلومات .. أمسح .. كبشر .. ( ليس من أهتماماته أبداً ) هو يعمل في مجالات معقدة ولديه تواصل الالكتروني مع أحدث المنظومات العالمية .. المعروف عنه أنه لا يستوعب الحاجات البسيطة العادية ( أمسح وكبشر ) لا لا .. أخي جمال .. وإذا كان لابد من ذلك على الاخ بكري أبوبكر إرسال مندوب خاص الى القاهرة لعمل دورس خصوصية للخبير .. تحياتي للجميع .. ومحبتي بلا حدود ..

الأخ على عبد الوهاب عثمان لك التحية والتجلة

أنا ذاتى كان عندى إعتقاد أن مشغوليات الخبير الكبيرة التى لا تجعل له المقدرة على حك راسه ستحول دون دخول الخبير فى قصة أمسح وأكسح دى

لكن ما هى الا لحظات وأتفاجأ بالبلدوزرات تجرف فى البوستات دون سابق إنذار ما عرفت نفسى فى بورد بكرى ولا إسرائيل .

غايتو يا الخبير الفيك إتعرفت .

Quote: هههههههههههههههههههههههههههه السواها بكرى رقدت .. تانى الا نزازى فى بوست الناطق الرسمى ده

الأخ مصطفى البشارى لك التحية غايتو الخبير بالغ معاى عديل كده وخلانى

أراقب بوستتاته من على البعد خوفا من الفضيحة وشماتة الشُمات تانى إلا

الواحد ينتظره لامن ينوم الواحد يجى يخت مداخلته والصباح بدرى يجى

يلملمه وهكذا لحدى ما نشوف موضوع الإستيكة ده .

Quote: العزيز \ جمال مالك بعد الشر ...؟ ههههههههههههههههههه

الأخت منى لك التحايا

اليوم مرور 21 يوم على الذكرى الحزينة التى تمثلت فى قيام بلدوزرات الخبير بتجريف وتدمير مداخلاتى

والتى حزت فى نفسى كثيرا فدخلت فى أزمة نفسية حادة واكتئاب فى الفترة الماضية و زرت عيادات نفسية

كثيرة وأخيرا تماثلت للشفاء فعدت من أجل عمل تأبين لمداخلاتى المقبورة .

Quote: بذلت لهم نصحي بمنعرج اللوى فلم يستبينوا النصح إلا ضحى الغد

Quote: بذلت لهم نصحي بمنعرج اللوى فلم يستبينوا النصح إلا ضحى الغد

الاخ يوسف لك التحية

نعم أخى يوسف ما قصرت معاى لكن تقول شنو قلنا الخبير ما ممكن ينسى تعتيلنا لبوستاته تحت شمس الصيف الحارقة

وفى زمهرير الشتاء لكنه ألقى بكل تضحياتنا تلك عرض الحائط وأتى ببلدوزراته ودون سابق إنذار فهرس مداخلاتى دون رحمة.

وشايف طرف السوط هبشك برضو غايتو الجاتك فى مداخلاتك سامحتك

الأخ جمال
سلام ليك ولجماعتك
أولاً: نعزي أنفسنا وإياكم في الفقد الجلل .
ثانيا: زولكم دا ما بعرف تضحيات جسام وشتاء وخريف وصيف، ديل شعارهم (أكسح أمسح ما تجيبو حي).
ثم :

Quote: وشايف طرف السوط هبشك برضو غايتو الجاتك فى مداخلاتك سامحتك

موت الجماعة عرس

تستاهل ....
إنت البدخلك البوستات دي شنو؟

زول بكامل قواه العقلية يمشي حتة بتفقع المرارة .... يخم ويصر بس.

Quote: انت بكري عمل خاصية مسح مداخلات ولا شنو؟

محمد عُمر،
إنت قاعد وين أبوي؟

Quote: لأخ جمال سلام ليك ولجماعتك أولاً: نعزي أنفسنا وإياكم في الفقد الجلل . ثانيا: زولكم دا ما بعرف تضحيات جسام وشتاء وخريف وصيف، ديل شعارهم (أكسح أمسح ما تجيبو حي). ثم :

الأخ يوسف لك التحية مشكور على التعزية والمواساة ونقول ده حال الدنيا

كان إعتقادى أن الخبير ده شخص مسالم ولا يعرف لغة العنف لكن بعد العنف

الذى مارسه تجاه مداخلاتى هدم الصورة المثالية المرسومة له فى خيالى.

Quote: تستاهل .... إنت البدخلك البوستات دي شنو؟ زول بكامل قواه العقلية يمشي حتة بتفقع المرارة .... يخم ويصر بس.

أخونا أبو الريش لك التحية

أنا ذاتى ما عارف كنت بدخل بوستاته لى شنو لكن يتخيل لى الخبير ده زى العامل لينا عمل وكده

ما نصدق نلقى ليهو بوست نجيب شناكلنا وهاك يا تعتيل لامن حيلنا إتهد وبعد ده كله لقينا جزاء

سنمار .