لن استخدم المكنسة الا لهذا العضو

02:47 PM Feb, 21 2015
سودانيز أون لاين
فرح الطاهر ابو روضة - ...................
مكتبتي في سودانيزاونلاين



فكرة المكنسة
زي ما قال صاحب المنبر شي من المسئولية منحت للعضو لادارة بوستاته بحسب رؤيته
الفكرة
وجدت النقد من الكثيرين خوفاً من مستقبل الحرية والرأي الاخر بالمنبر
والبعض تململ من اضافة خاصية المكنسة لمجرد حرمانه من الملاحقات والمطاردات التي يمارسها بهذا المنبر
المهم
انا من ناحيتي من اكثر انصار للمكنسة
مع اني لن استخدمها الا في مداخلات
العضو عدالعزيز حسين حتى لو اتت مداخلات هذا العضو (( السلام عليكم ورحمة الله )) وياريت يوفر علىه كيبورده ويكون وفر علينا
مكنستنا
عدى ذلك البختلف معانا في حدود الادب والاحترام حبابه عشرة
والبتجاوز ذلك حبابه عشرة
والبتفق مع ما نطرحه حبابه عشرة
وياريت الناس الضد المكنسة ما يقيفوا من المنبر وما يستخدموا الخاصيه وبس
مهما اختلفنا حول الخاصية تظل رية خاضعة للتقييم والمتابعة لنرى النتيجة
ونتمنى تكون هناك وقفة من قبل الادارة لمن يتسخدم هذه الخاصية في بتر الرأي الاخر
او من يستخدمون هذه الخاصية
لمجرد الكيد
واي عضو لديه مداخلة يرى بانها لا تمس الاخر بصورة شخصية او مهاترة يتقدم بشكوى ممكن
لمنع اساءة استخدام المكنسة في فرض الرأي الواحد
وفي تقديري لا باس من ان تفرض قيم الحرية والديمقراطية فرضاً لمن يكفرون بها
والتحييييييييية للجميع

ولو جاك بالدرب التحت (الفيسبوك) ........ حتعمل شنو؟

في رأيي، مهما كانت المداخلات قبيحة، تعود على كاتبها وليس على صاحب البوست.

Quote: ولو جاك بالدرب التحت (الفيسبوك) ........ حتعمل شنو؟ في رأيي، مهما كانت المداخلات قبيحة، تعود على كاتبها وليس على صاحب البوست.

ومال الحظر ده عملوه لي شنو
على الاقل تكون ابعدت منك لا شي لا رغبة لك في التواصل معه
من سنتين الحظر مرتاح
ومريحنا

فرح ماممكن تحل مشكلتك مع عبدالعزيز
وانت ديمقراطي كيف تمسح مداخلة أين
الديمقراطية

Quote: فرح ماممكن تحل مشكلتك مع عبدالعزيز وانت ديمقراطي كيف تمسح مداخلة أين الديمقراطية

المشكلة في انو انا ما عندي معاهو مشكلة
المشكلة في انو صاحبك ده هو ذاتو مشكلة

أنا طبعا ضد المكنسة مبدئيا و لكن اود سؤالك يا أبا روضة هل عداك مع عبد العزيز يتعدى هذا المنبر؟
هل إذا ما تقابلتما مع عبد العزيز وجها لوجه ستتعاركان و تتقاتلان مثلا؟
أنا اعرف عبد العزيز صعبا و لكن إذا ما فشلت في إدارة حوار سأجهله و أتعداه في الحوار و لكن سوف لن أمسح مداخلاته.
أما إذا تقابلنا معه وجه لوجه فسأحييه و أقول له يا صديقي اللدود الإختلاف لا ينبغي أن يفسد الود و سأخذه للعشاء او السينما و أغالطه لمن عينو تطلع وعند الفراق احضنه و اقول ليهو مع السلامة و اوع تطول و أغيظه كمان و أقول ليهو عند الفراق و مع سلامة و كدا اقول ليهو لكن لازم تعرف إنك إنت زول كيسك فاضي و تاني الشكلة تبدأ من جديد و هكذا.
غايتو أنا بعمل كدا و حقو أخونا عبد العزيز يعمل الشي ذاتو

Quote: أنا طبعا ضد المكنسة مبدئيا و لكن اود سؤالك يا أبا روضة هل عداك مع عبد العزيز يتعدى هذا المنبر؟ هل إذا ما تقابلتما مع عبد العزيز وجها لوجه ستتعاركان و تتقاتلان مثلا؟ أنا اعرف عبد العزيز صعبا و لكن إذا ما فشلت في إدارة حوار سأجهله و أتعداه في الحوار و لكن سوف لن أمسح مداخلاته. أما إذا تقابلنا معه وجه لوجه فسأحييه و أقول له يا صديقي اللدود الإختلاف لا ينبغي أن يفسد الود و سأخذه للعشاء او السينما و أغالطه لمن عينو تطلع وعند الفراق احضنه و اقول ليهو مع السلامة و اوع تطول و أغيظه كمان و أقول ليهو عند الفراق و مع سلامة و كدا اقول ليهو لكن لازم تعرف إنك إنت زول كيسك فاضي و تاني الشكلة تبدأ من جديد و هكذا. غايتو أنا بعمل كدا و حقو أخونا عبد العزيز يعمل الشي ذاتو

لو اتقدم خطوة نحو حسن النيئة يا صديقي تاكد ستجدني اتقدم خطوات
ولا اعتقد ذلك لذا
المكنسة هي ابغض الحلال ونستخدمه بوضوح تام
وتسلم على المرور

الاخ فرح تحياتى
صدمنى ما تدعيه من مثالية فى هذا البوست
وما فعلته فى بوست الاخ ابو حسين (مداخلاتى)
برفعك لصورة لم افهم دلالاتها ولا اظن انك
تملك تبريرا مقنعا لرفعها
كتب الكثير فى هذا المنبر عن الحلول اللازمة
لحل الاشكالات بين الاعطاء واظن ان انجع
وسيلة لذلك هى بمواجهة المخطئ وتذكيره
فقد اعلن ابو حسين فى بوسته المعنى بكل
وضوح انه لن يذهب الى الاخرين لكى يمسحو
مداخلاته وانه لن يمسح مداخلات الاخرين

سلام

Quote: انا من ناحيتي من اكثر انصار للمكنسة

ممكن رجاء صغير

Quote: الاخ فرح تحياتى صدمنى ما تدعيه من مثالية فى هذا البوست وما فعلته فى بوست الاخ ابو حسين (مداخلاتى) برفعك لصورة لم افهم دلالاتها ولا اظن انك تملك تبريرا مقنعا لرفعها كتب الكثير فى هذا المنبر عن الحلول اللازمة لحل الاشكالات بين الاعطاء واظن ان انجع وسيلة لذلك هى بمواجهة المخطئ وتذكيره فقد اعلن ابو حسين فى بوسته المعنى بكل وضوح انه لن يذهب الى الاخرين لكى يمسحو مداخلاته وانه لن يمسح مداخلات الاخرين

لو ابو حسين اداك تفويض للحديث عن مشاركة بوست (( خور ابو حسين ))
بعد داك ممكن نرد ليك
وانا بحزم انك ما حتستفيد كتير لو فهمت المشاركة او ما فهمتها
المعني اولاً واخيراً صاحب البوست المسمى بالخور
ثانياً
انت ابو حسين قال ليك انا ما فهمت ابو روضة قاصد شنو ؟؟
ثالثاً
هنا مافي حديث عن مثالية في توضيح واحتفال بمنح العضو حق ادارة بوستاته

الحقيقة لى كم يوم ما متابع الانترنت كدى اشرحوا لينا حكاية المكنسة دى وطريقتها


تحياتى ابو روضة

Quote: الحقيقة لى كم يوم ما متابع الانترنت كدى اشرحوا لينا حكاية المكنسة دى وطريقتها تحياتى ابو روضة

ازيك يا هشام اخبارك
المكنسة
خاصية منحتها ادارة المنبر لادارة العضو موضوعاته بنفسه بما في ذلك امكانية حذف بعض المداخلات التي لا يرغب في فيها
غايتو انا لسه ما عرفت طريقة بي وين لكن خطوة وجدت الكثير من النقد الكثير من الاشادة وفي رائي حتنعكس على المنبر بصورة ايجابية
لو استخدمت بطريقة جيدة وفي حدود ما يخدم موضوع ما هو مطروح