Post: #1 Title: إنا لله ... الليلة جيتكم بي غُنا طيرو عجم ... الله يستر بس Author: يحي قباني Date: 02-21-2015, 06:19 AM
05:19 AM Feb, 20 2015 سودانيز أون لاين يحي قباني - فى الدنيا العجيبة مكتبتي في سودانيزاونلاين
جانا اليوم في مكتبة الأغنية السودانية http://www.sudanesesongs.net/index.php?act=idxhttp://www.sudanesesongs.net/index.php?act=idxhttp://www.sudanesesongs.net/index.php?act=idxhttp://www.sud...et/index.php?act=idx
ولدنا بابكر بي تسجيل بالعود عجيب الشكل ل بتتعلم من الأيام ...
22 دقيقة من الطرب اللانهائي ...
22 دقيقة من المزيكا العجيبة ...
بتتعلم من الأيام مصيرك بكرة تتعلم وتعرف كيف يكون الريد وليه الناس بتتألم متين عرف الهوى قلبك متين صابك بآهاتو متين سهّر عيونك ليل طويلة طويلة ساعاتو وحاتك لسة مابتقدر تقاسم قلبي دقاتو _______________________________ الحلنقي قال كتبها في ربع ساعة !!!
يا ربي لو كان نام عليها كم يوم ... كان حصل لينا شنو ؟؟
Post: #2 Title: Re: إنا لله ... الليلة جيتكم بي غُنا طيرو عجم ... الله يستر بس Author: ملهم كردفان Date: 02-21-2015, 06:23 AM Parent: #1
هو انت ياتو يوم جبت حاجه كعبه يايحى
Post: #3 Title: Re: إنا لله ... الليلة جيتكم بي غُنا طيرو عجم ... الله يستر بس Author: يحي قباني Date: 02-21-2015, 06:37 AM Parent: #2
Quote: هو انت ياتو يوم جبت حاجه كعبه يايحى
يا ملهم ... لكن ياخ الكلام ده عجيب البيسو فوقو أبو اللمين ده ...
Post: #4 Title: Re: إنا لله ... الليلة جيتكم بي غُنا طيرو عجم ... الله يستر بس Author: جمال المنصوري Date: 02-21-2015, 06:38 AM Parent: #2
قباني !! كيف حالك ؟؟ اعلك طيب، والجنبك كلهم طيبين؟؟ صرة الغنية دي يا ( قباني) هني:
اقابلك وكلى حنيه واخاف من نظرتك لليا
واخاف شوق العمر كلو يفاجئك يوم فى عينيه
ورى البسمات كتمت دموع وبكيت من غير تحس بيا
مع خالص حبي وتقديري
Post: #5 Title: Re: إنا لله ... الليلة جيتكم بي غُنا طيرو عجم ... الله يستر بس Author: يحي قباني Date: 02-21-2015, 06:57 AM Parent: #4
Quote: قباني !! كيف حالك ؟؟ اعلك طيب، والجنبك كلهم طيبين؟؟ صرة الغنية دي يا ( قباني) هني:
اقابلك وكلى حنيه واخاف من نظرتك لليا
واخاف شوق العمر كلو يفاجئك يوم فى عينيه
ورى البسمات كتمت دموع وبكيت من غير تحس بيا
مع خالص حبي وتقديري
يا منصوري يا بديع ...
و الله صرة و ما عندنا أي كلام فوق كلامك ده ...
ياخ ده كلام عجيب ...
Post: #6 Title: Re: إنا لله ... الليلة جيتكم بي غُنا طيرو عجم ... الله يستر بس Author: محمد الهادى عبد الرحيم Date: 02-21-2015, 07:21 AM Parent: #5
و الله آ ود قباني اخوي ذكرتني قصة عندنا في البلد خلي بالك عندنا زول غنيان خلاس و صديق لعمنا و علاقتو معاهو سمحة بالحيل قامت بت اعمنا دي سألت ابوها قالتلو هسه حاج فلان دا نجازي كيفن قالها يا بتي بالطيبة دحين نحن ما عندنا حاجة نجازيك بيها الا بالطيبة تسلم يا سيدي
Post: #11 Title: Re: إنا لله ... الليلة جيتكم بي غُنا طيرو عجم ... الله يستر بس Author: يحي قباني Date: 02-22-2015, 01:57 AM Parent: #8
Quote: قبة يا حبيبنا
بالله هسع متوقع نقول ليك شنو ؟؟ عن الكلمات ؟؟ موسيقاها الداخلية ؟؟ اللحن العجيب ؟؟ العود الساحر ؟؟ ود الأمين ؟؟؟ كل مقطع يرددوا بابداع مختلف ؟؟
عن شنو ياخينا ؟؟ عن ذكريات الصبابة؟؟ عن الجغرافيا والناس الذين تذكرك بهم الأغنية ؟؟
عن أيامنا .. يا النسيت أيامنا ؟؟
أم عن
( أغــرب شــيء وأعـجـب مسـائـل ) ؟؟ وليست كما ظنها عمنا أبو صلاح ( حـلـم الصـاحـي ودمـعــو سـايــل )
بل إن أغرب شئ وأعجب مسائل هو ..... أن الحلنقي موجود ... وود الأمين موجود ..... وزادتهم الأيام خبرات ....... لكن توقف مثل هذا الإبداع الذي به نحتفي
_______________
صورتك شرط
جيت اختصر في الاقتباس ... غلبني ...
يا توفي ... قلت أن الحلنقي موجود ... وود الأمين موجود ..... وزادتهم الأيام خبرات ....... لكن توقف مثل هذا الإبداع الذي به نحتفي
لو شباك بيتكم كان بطل على حديقة مليانة ورود و رياحين ...
و برندتكم فاتحة على حيضان مزروعة خيرات ربنا كلها ...
حتماً حتمرق من بيتكم مبتسم و تقابل كل الناس بي كلام جميل و إحساس راقي ...
لكن لو البيت فاتح على ( داعش ) ... حتمرق تقول شنو ؟
انا بفتكر انو المبدعين اشد الماً منا لحبس ابداعهم داخلهم و اجبارهم على رؤية القبح في كل يوم ... ______________________________________________________________ قلت لي شرط ؟
ما باقي لي الا التي سكوير ما كده هههههههههه
Post: #12 Title: Re: إنا لله ... الليلة جيتكم بي غُنا طيرو عجم ... الله يستر بس Author: بَلّة البكري Date: 02-22-2015, 04:56 AM Parent: #11
تعرف يا يحيى زيارة (المنبر العام) في الويك اند انا بقيت بشبهها بي قدلة في شارع المكتبة المين الذي تعرفه في جامعة الخرطوم زمان. تمر فيه على الندوات واركان النقاش الجاد وغيره وركن عمر أومو كمان وندوة سياسية هنا او هناك ونقرشة على العود في ميدان الاداب وشوية ظرفاء تتونس معاهم حبة حبتين، وشح يجهرك برق عبادي وقِبْلي كمان يخليك ملخبت ما تعرف تدك المحاضرة الجاية ولا تصنقر تسمع وبس! يا خي مالك علينا في الغربة دي..
تحياتي لك وكل المعزة يا صديق وللاستاذ ايضا فقد فطومونا على روائعه ودوزنة العود الما بتغباك.. الله يدرّق عليه..
Post: #13 Title: Re: إنا لله ... الليلة جيتكم بي غُنا طيرو عجم ... الله يستر بس Author: dardiri satti Date: 02-22-2015, 05:42 AM Parent: #12
يحي قباني ، السلام عليكم ورحمة الله وبركلته ، ارجو أن تكونوا بخير كما نحن بخير ولا ينقصنا شيء سوى (عدم) رؤياكم!! نفيدكم بأننا من المتابعين الدائمين ، لبوستاتكم الفنانة الراقية؛ ومن هنا تقبلوا تحياتنا وتحيات الجميع وبلغوها لجميع من بطرفكم. أخوكم د. ساتي
Post: #14 Title: Re: إنا لله ... الليلة جيتكم بي غُنا طيرو عجم ... الله يستر بس Author: dardiri satti Date: 02-22-2015, 05:45 AM Parent: #13
د. ساتي دا إختصار لإسمي ، ما في واحد يجي بكرة ويتهمني بإنتحال أو misrepresentation وهذا لعلم الجميع.
تحياتي
Post: #15 Title: Re: إنا لله ... الليلة جيتكم بي غُنا طيرو عجم ... الله يستر بس Author: عبدالحفيظ ابوسن Date: 02-22-2015, 05:56 AM Parent: #14
اخرم ليك بالشارع الفوقاني بعد التأكيد علي ملاحظة عاطف صورتك في السلك العريان لا خلاف حول جمال الاغنية من جميع الزوايا الفنية والابداعية .. فهي تطربك وتحرض ذاكرتك وتشعلك اتونا من نيران العشق والوله لكن آخر مرة سمعها فيكم منو كاملة الزمن بقا ولا بحوق والله
Post: #16 Title: Re: إنا لله ... الليلة جيتكم بي غُنا طيرو عجم ... الله يستر بس Author: عبدالحليم حامد النعيم Date: 02-22-2015, 09:33 AM Parent: #15
.. ود قباني ... سلام يغشاك .. والجواب بيكفيك عنوانو ... والجواب الكتبو ليك د. ساتي ... زكرني ... عماً لينا ... كان ابنه اغترب مع بداية الاغتراب في اوائل السبعينيات وكل ما الولد يرسل جواب لي ابوه ( زمن كان للجواب قيمة كبيرة ) ... ينادي ولد بنته ..تعال اقرا الجواب دة من الاخر ... اذا فيهو ... مرسل ليكم .... ارجع اقراهو من الاول واذا ... كما نحن وكما انتم ... دة ما تقراهو لي .. .. فجوابك دة ... كفاية علينا ... مقدمته ... بس بتكفي ..
..
Post: #18 Title: Re: إنا لله ... الليلة جيتكم بي غُنا طيرو عجم ... الله يستر بس Author: يحي قباني Date: 02-23-2015, 03:04 AM Parent: #13
Quote: يحي قباني ، السلام عليكم ورحمة الله وبركلته ، ارجو أن تكونوا بخير كما نحن بخير ولا ينقصنا شيء سوى (عدم) رؤياكم!! نفيدكم بأننا من المتابعين الدائمين ، لبوستاتكم الفنانة الراقية؛ ومن هنا تقبلوا تحياتنا وتحيات الجميع وبلغوها لجميع من بطرفكم. أخوكم د. ساتي
د. ساتي ... سلامات :)
ياخي سعيد انا برؤياك هنا و الله ...
ما الفن و الابداع ما بجيب الا الناس السمحة الزيك ...
Quote: تعرف يا يحيى زيارة (المنبر العام) في الويك اند انا بقيت بشبهها بي قدلة في شارع المكتبة المين الذي تعرفه في جامعة الخرطوم زمان. تمر فيه على الندوات واركان النقاش الجاد وغيره وركن عمر أومو كمان وندوة سياسية هنا او هناك ونقرشة على العود في ميدان الاداب وشوية ظرفاء تتونس معاهم حبة حبتين، وشح يجهرك برق عبادي وقِبْلي كمان يخليك ملخبت ما تعرف تدك المحاضرة الجاية ولا تصنقر تسمع وبس! يا خي مالك علينا في الغربة دي..
تحياتي لك وكل المعزة يا صديق وللاستاذ ايضا فقد فطومونا على روائعه ودوزنة العود الما بتغباك.. الله يدرّق عليه..
انحن ما دفناهو سوا زمان يا صديقي ...
حاجة توجع القلب يا بله ... بسمع فوقها متواصل ...
مريت علي جميع داخليات البركس ...
و عرجت على حفلات شمبات و التربية ...
و شفت محمد الأمين على المسرح و حسنا المبحوح ...
و قبل ما ارجع الداخلية مريت على دار الاتحاد و اتذكرت يوم كنا واقفين في حفلة لعركي ...
15 فوق كل تربيزه ... روحنا مشعلقة و نغني ...
هو الألم بعينه يا صديقي ... ان تتذكر الأماكن و المواقف ... و لا تقدر ان تزورها او تقف عليها ... ______________________________________________________________ مشتاقين يا بله و مستقطعين حسك ...