Post: #1
Title: ده قرن شنو ده ...يادوب ضاقو بى طرف لسانو وكضم ... قصه واقعيه ...!!!
Author: ملهم كردفان
Date: 02-20-2015, 07:31 PM
06:31 PM Feb, 20 2015
سودانيز أون لاين
ملهم كردفان - الإسكندريه
مكتبتي في سودانيزاونلاين
كنا بنتلاقى فى شقة عبد الحفيظ اب شنب
عشان نلعب كوتشينه ...ونتعشى مع بعضنا وكل واحد يتطلب الله بعد ما نشبع من الفول والكشاتين
...
وطبعا هم فطاحلة أكل الشطه فى طنطا ..
اب شنب
وعبد الكريم الطيار
وفتح الرحمن ..
.وعبد الحفيظ الكوز ...وانا ماشديد عليها ...
يوم جانى ليك الكوووز قال لى ياخ امبارح حصل حاجه عجيبه خلاص
جبنا الفول والعيش والسلطه والشطه الخضره ...والجبنه
ووضبنا العشا
وختينا الشطه الخضره قدامنا ....
اها بدينا نقرم فى الشطه مع لاكل لقمه لقمه وماشين كويس فى الموضوع
فتح الرحمن غووول فى اكل الشطه ...
اها فتح الرحمن ده رفع ليهو قرن وختاهو فى خشمو ويادوب قرم منو قرمه
وقعد يبلع فى ريقو ..ويمسح فى عرقوا قطم تماما عن الكلام
حاول يلحق نفسو بى كم لقمه لااحظنا انو اضنينو بقن لونهم احمااااااااار وحالتو بقت حاله
...
شويه قال لعبد الكريم الطيار......... القرن ده كعب شديد ...هاك جربو
الطيار اتناول القرن ..ويادوب قرم قرمه ...وعيونو حمرو
...
عبد الحفيظ بقى ذكى شويه يادوب ضاقو بى طرف لسانو وكضم ...!!!
...
شويه كده اضان فتح الرحمن انسلخت من السخانه ...
بعد ماكملو عشاهم
دخلو ليك القرن فى التلاجه
بقو كل يوم لو الواحد فيهم داير ياكل شطه ...
يمشى يجيب القرن ده من التلاجه
ويادوب يضوقو بى طرف لسانو ويتجاهلو ...لأنو بيكون اكتفى تماما من حاجه اسمها شطه
عبد الحفيظ الكوز يحلف لى انو القرن قعد فى التلاجه اسبوع مافى زول قادر يقرم منو قرمه
...
قال لى وحاة الله امسك القرن ويادوبك امد طرف لسانى ليهو واتوحوح .........
بالله التقول بااااااا......... فيهو شيطان ...!!!
ووو
|
Post: #2
Title: Re: ده قرن شنو ده ...يادوب ضاقو بى طرف لسانو وكضم ... قصه واقعيه ...!!!
Author: سيف اليزل سعد عمر
Date: 02-20-2015, 08:37 PM
Parent: #1
يا ملهم إنت بوستاتك الإيام دي شطة بس..
في شرق إفريقيا في عينة شطة خليها ساي..
إسمها Pilipili Mbozi (شطة التيس)..
بتحرق الشلالايف وطوالي بتعمل أب شهاق..
دخولها هين لكن مروقها صعب..
قبل شوية دخلت لي مطعم شعبي في نايروبي طلبت لي شية وشوربة كوارع
الجرسون قال أجيب ليك شطة؟ قلت ليهو جايبها..جاب لي حقت التيس دي حسيت بسخانتها في أطراف أصابعي..
غايتو باقي الليل ده الله يستر...
|
Post: #3
Title: Re: ده قرن شنو ده ...يادوب ضاقو بى طرف لسانو وكضم ... قصه واقعيه ...!!!
Author: ملهم كردفان
Date: 02-21-2015, 06:36 AM
Parent: #2
Quote: يا ملهم إنت بوستاتك الإيام دي شطة بس..
في شرق إفريقيا في عينة شطة خليها ساي..
إسمها Pilipili Mbozi (شطة التيس)..
بتحرق الشلالايف وطوالي بتعمل أب شهاق..
دخولها هين لكن مروقها صعب..
قبل شوية دخلت لي مطعم شعبي في نايروبي طلبت لي شية وشوربة كوارع
الجرسون قال أجيب ليك شطة؟ قلت ليهو جايبها..جاب لي حقت التيس دي حسيت بسخانتها في أطراف أصابعي..
غايتو باقي الليل ده الله يستر... |
حبيبنا الاديب الحكااااى
سيف اليزل سعد عمر ...كيفنك يامان
اها
بيلبيلي موبونزى ... ياتا فيهم المعناها شطه وياتا التويس
...
وطبعا الحكى بتاعك كلو بطعم الشطه والليمون والجبنه المضفره كمان ...ياخ والله
شهيتنى الشيه وشوربة الكوارع وهنا فى محل شغلى ده
الا اركب ليها مواصلات وأقطع الفيافى والقفارعشان امشى لى محلها
وادينا خبر مابعد الهضم بالله حصلت كركبه والا مظاهرات
|
Post: #4
Title: Re: ده قرن شنو ده ...يادوب ضاقو بى طرف لسانو وكضم ... قصه واقعيه ...!!!
Author: Omer Abdalla Omer
Date: 02-21-2015, 08:50 AM
Parent: #3
قرن شطتك دا يا ملهمها أظنه قرن الشطة الإستعملوا الطبيب القتيت الدجال الذي إدعى أنه يعالج أي مرض ب 100 جنية و إذا لم تتعالج يرجع لك ال100 و معها 100 أخرى يعني 200
المهم جاء واحد حاول يحتال عليهو فقال ليهو أنا فاقد حاسة الذوق تماما، فنادى على بنته و قال ليها جيب لي البرطمانية رقم 54, جابتها فيها قرن شطة خلي ساكت. طلب الدجال من المحتال أن يخرج لسانه! دعك لسانه بقرن الشطة فصرخ الرجل من شدة حرارة الشطة و صرخ يردد شطة شطة! قال ليهو الحمد لله شفيت!
غضب المحتال و عاد في اليوم التالي و أيضا دفع 100 جنية و قابل الطبيب الدجال و قال ليهو والله أنا فاقد الذاكرة! فنادى الطبيب الدجال على بنته و قال ليها جيب لي البرطمانية رقم 54 فقال له المحتال لكن دي ما الشطة! قال ليهو الطبيب الحمد لله أهو شفيت!
هذا و حياك الله و حيا الغمام كردفان.
|
Post: #5
Title: Re: ده قرن شنو ده ...يادوب ضاقو بى طرف لسانو وكضم ... قصه واقعيه ...!!!
Author: ملهم كردفان
Date: 02-21-2015, 11:20 AM
Parent: #4
عمر عبد الله عمر ...اثريت البوست بى طلتك ياحبيبنا...
54 دى
منها جفله 
|
Post: #6
Title: Re: ده قرن شنو ده ...يادوب ضاقو بى طرف لسانو وكضم ... قصه واقعيه ...!!!
Author: مني بت نفيسة
Date: 02-21-2015, 11:41 AM
Parent: #5
اسه الجفلة من منو ؟؟؟ ههههههههههههههه
كيفك يا صديق وكيف العقاب حقيقة اشتقتة لي رجعة تاني لقاهرة المعز .
تسلم يا صديق .
|
Post: #7
Title: Re: ده قرن شنو ده ...يادوب ضاقو بى طرف لسانو وكضم ... قصه واقعيه ...!!!
Author: ملهم كردفان
Date: 02-21-2015, 12:01 PM
Parent: #6
منى ياخ انا قصرتا معاكم ... وربك يقدرنا بس نرد جمايلكم
المهم الحمد الله على السلامه
تحليه
رجعتى وانتى اكتر اصرار على الصمود وده شىء حلو
|
|