متي يتم رفع الحظر التقني فعليا

02:45 PM Feb, 20 2015
سودانيز أون لاين
عبدالحفيظ ابوسن - كوستي / حي الشاطئ
مكتبتي في سودانيزاونلاين



بخصوص رفع الحظر وكدة
لي اليوم قوقل بلاي ممنوع من السودان لغاية هذة اللحظة ..
كلمو وخلي يورينا الفهم شنو يعني
الموضوع جد جد ولا طق حنك ساي وحنك مجلي
اي عليكم الله كلموهو لو جد يستعجل لينا شوية

والحظر دة منجضنا نحن ابناء الشعب
اهل السلطة مشاكلهم محلولة
ف حظر منتجات التكنولوجيا ماذينا نحن بس

كل مستخدمي الاندرويد يعانون من ترقية البرامج و تنزيل الجديدة
فمنتجات قوقل محظورة بالسودان .. وقوقل محتكرة الاندرويد
ف مافي سكة الا تنزل برنامج هكر لتنزيل البرامج مجازفا ب موبايلك
او
تنزل بروكسي للدخول ل قوقل بلاي ولا تسلم من الفيروسات

سلامات أبو سن

ياريت تعدل عنوانك وتضيف فيه (متى يتم رفع الحظر التقني فعليا؟ )
عشان يجوا الناس البفهموا في القانون والوثائق يورونا هل فعلاً منتجات قوقل والشركات الأمريكية حتبقى متاحة في السودان ولا نحن فهمنا الموضوع غلط

تحياتي لك أخي عبد الحفيظ

بانتظار جميع المختصين وأصحاب الخبرة ليفتونا

فالموضوع حيوي ويهم شريحة ضخمة من السودانيين

تشكر احمد
في انتظار رأي الخبراء
وفي ظني تقنيا لن يكلف الامر سوي دقيقة في سيرفر الشركات المقاطعة
معظم من اعرفهم يحملون اندرويد .. ويعانون من ترقية البرامج او انزالها او الاستفادة من خدمات الشركات المصنعة

سلام ابوسن والمرور...
بالنسبة للغووغل بلاي رفع الحظر او عدمو ما مؤثر كتير ببساطة ادخل اي واحد من المواقع البتنزل ليك البرامج نيابة عنك من الغوغل بلاي ... طريقتها ساهلة : افتح الغوغل بلاي وابحث عن البرنامج العايز تنزلو وانسخ العنوان من شريط العنوان فوق وامشي اي واحد من المواقع البديلة ولصق العنوان واضغط داونلود.. بنزل ليك البرنامج حالا

تشكر وائل للاضافة فقط اقول ان البرامج البديلة هي برامج تحفها الفيروسات وبرامج التجسس
مثلا انا جربت ون موبايل ماركت وموبي جيني ولم يعجبني الامر .. فقد احسست ببطء في الجهاز واضطررت لتهيئة الموبايل وبطاقة الذاكرة مخاطرا بفقد كثير من المعلومات والملفات الشخصية
الآن ادخل لقوقل بلاي من خلال بروكسي ولا اضمن البروكسي

مرحبا عبد الحفيظ
انا ما قاصد المواقع البديلة زي ون موبايل ماركت
قاصد انو في مواقع بتنزل الحاجات نيابة عنك من الموقع الرسمي للغووغل ، يعني بتنزل ليك برامج الغووغل بلاي زاتها ، بس باللفة يعني :)
المواقع دي ما عندها برامج ، بس بتشتغل وسيط بينك وبين الغووغل بلاي ، ومافي اي فيروسات وا اعلانات مزعجة ،
واحد من المواقع دي الموقع دا :
http://apps.evozi.com/apk-downloader
موقع مفيد جدا ، انسخ الرابط من الغووغل بلاي ، ولصقو هنا ، واعمل داونلود طوالي
موقع مفيد وانا شغال بيهو من فترة طويلة ..

تعرف المشكلة العندي القوقل بلاي ولا بفتح بحث .. ولو بحث بقول لي لا توجد نتائج

غايتو عاوزين النصيحة أحسن ليكم الحظر من إحتكار الطفيلية الكيزانية لتراخيص المنتجات و السوفتوير.

في عام 2005 و بعد توقيع إتفاقية (الإنفصال) توقع الكيزان رفع الحظر الأمريكي كاملا.
بالصدفة في معرض جايتكس في دبي لذلك العام شاهدت مجموعة من الشباب السوداني (المرتاح) يقفون في موقع أوركل و يتحدثون معهم عن كيفية الحصول على توكيل شامل لأوركل في السودان و عن اسعار الرخص. الذي ادهشني انهم كانوا يحاولون ان يعرفوا كيفية جعل المستخدمين الحاليين و الذين يستخدمون منتجات أوركل منذ أكثر من 15 سنة في السودان أن يدفعوا بأثر رجعي لهم حال حصولهم لهذا الإحتكار.
بعد أن إنتهوا تعرفت عليهم و طبعا معظمهم عندهم شركات خاصة في السودان و تناقشت معهم لماذا يريدون ان يستفيد الأمريكان من السودان باثر رجعي وهم من فرض هذه المقاطعة علينا. وقلت لهم إننا نستعمل أوركل في السودان منذ عام 1989 و أنه كانت هنالك نسخة واحدة لافة في كل الوزارات و الجهات الحكومية. كان ردهم أنهم سوف يصلون إلى معادلة تجعل هذه الوزارات الحكومية تدفع (لهم) قيمة إستخدامهم طيلة هذه السنوات.
بعد ذلك عرفت ان هؤلاء الشباب هم الجيل الثاني من أبناء الكيزان الجشيعين و انهم نافذون جدا و يستطيعون فعلا ان ينفذوا إبتذاذهم للشعب المسكين.

إن شاء الله لا يتم رفع هذ الحظر ابدا طالما بقيت هذه العصابة حاكمة لبلدنا.

مرحبا عمار يسن
هم كدة كدة ماصين دمنا اقصد اهل السطة وانسباؤهم واصهارهم
ونحن قاعدين نعاني والله .. وما قاعدين نشتري اياها المنتجات المجانية بس
لكن
احمد الله بعد العمر الطويل تأكد ظني
ان امريكا لن تساهم في قلع هذا النظام
من سيقلع النظام هم اهل الداخل فقط

واحد قال لي
قالوا
13 مارس
قوالات ساي

و13 فات

حتي الان لم يتم رفع الحظر

لم يتم رفع الحظر حتي اليوم رغما عن قتالنا في عاصفة الحزم

ومازال الحظر التقني مستمرا حتى اللحظة...
يبدو أن القرار كذبة وإشاعة...