Post: #1
Title: هسع الواحد يفتح بوست ولا ما يفتح ؟!!
Author: محمد حيدر المشرف
Date: 02-19-2015, 09:00 PM
Parent: #0
08:00 PM Feb, 19 2015 سودانيز أون لاين محمد حيدر المشرف - دولة قطر مكتبتي في سودانيزاونلاين
كثير من الأشياء عالقة في ذهني ..
أولها أنه بتاريخ 4 يناير فتح الأخ محمد كابيلا بوستا جاء فيه ..
Quote: صور ضحايا قصف المستشفيات (المذبحة) في جبال النوبة 3 فبراير 2015...
هذه الصور التقطت بواسطة الدكتور توم وفريقه في منطقة كاودا في جبال النوبة وهو طبيب في مستشفي أم الرحمة (Mother of Mercy hospital) في القديل (Gidel) هو مستشفي الجراحه الوحيد في جبال النوبة الذي ظلت طائرات النظام تقصفه بصورة متكررة بواسطة طائرات الساخوي وهذا يدل ان (الهدف محدد مسبقاً). في يوم 3/2/2015 قتل في المستشفي 3 اطفال اعمارهم (9, 12, 18) واصيب 6 اعمارهم (2, 5, 6, 13, 7, 10) |
وأعتقد أن الصور حذفت لبشاعتها .. أذكر أنني شاهدتها في ذلك البوست أو في غيره ..
كان عدد المتداخلين في هذا البوست 8 أعضاء من المنبر محمد كابيلا مهيرة خالد كودي بريمة محمد عوض سليمان آدم عمر عبدالله فقيري جاويش
حسناً .. تلك الصور كانت لاطفال سودانيين .. ضحايا لحرب شديدة القذارة تجرى رحاها وتطحن في سودانيين دم ولحم .. تقتل الأطفال وتشوههم وتوسمهم بقساوتها ..
وعندما تحدث تلك الحرب عن أخبارها نتواري جميعا منها .. وقد لا نكلف نفسنا قساوة التطلع في بشاعة الصور .. ولو تطلعنا .. طوينا الصفحة سريعا ثم لا نعود اليها مطلقا ..
هل هذا فعل لائق ؟!! دعك من لائق وتلك المعاني المترفة .. هل هذا الفعل او اللافعل واللاكلام أخلاقي ؟!
|
Post: #2
Title: Re: هسع الواحد يفتح بوست ولا ما يفتح ؟!!
Author: محمد حيدر المشرف
Date: 02-19-2015, 09:07 PM
Parent: #1
ثانيا أعجبني تناول هشام المجمر لقضية السيدة حرم على عثمان مع سكان الطائف .. والقصة في حد ذاتها كانت لتمر مرور الكرام .. بل واجزم أن المستشفى الخاص كان يكون هسع شغال تش .. لو كان الكلام ده في اي حي من أحياء الفقراء في العاصمة وما أكثرها .. الا أن العزة بالفساد لا حد لها ..
المهم أعجبني التناول .. وأقول ذلك في مقابل تناول العديد من الأصدقاء لمثل هذه القضايا .. وأعتقد أن هشام قد أتم رسالته التي يريد ايصالها .. دون أدنى قدر من التهاتر ..
بوست معارض محترم لي زول محترم جدا .. شكرا هشام ..
|
Post: #3
Title: Re: هسع الواحد يفتح بوست ولا ما يفتح ؟!!
Author: محمد حيدر المشرف
Date: 02-19-2015, 09:14 PM
Parent: #1
تالتا كان فتحت لي بوست مخستك كده .. وما اكثر بوستاتي المخستكة في التلاته سنين الفاتو .. كان عن مكتبة سودانيزاونلاين ..
المهم وكما ذكرت تماما البوست كان مخستك الا فيهو حبة فكرة .. هو اعلاء من شأن "نقنقة" المظاليم .. ودي حاجة مهمة جدا ويتخلق حالة من تواتر المظالم مقابل انقطاعها ..
هسع دي فكرة دي ؟!! لا حولااااا ياخ البوست داك كان مخستك اكتر مما اتخيلتو !!
|
Post: #4
Title: Re: هسع الواحد يفتح بوست ولا ما يفتح ؟!!
Author: محمد حيدر المشرف
Date: 02-19-2015, 09:22 PM
Parent: #1
رابعا موضوع شخصي ..
قريت بوست لايمن محمود يسأل فيه عن قصى .. اها يا اخوانا انا زول مسالم جدا واهلنا ربونا على جبر الخواطر وتربية اليسار السوداني العظيم وكده .. اها قمت كده شالتني الهاشمية وهممت بكتابة اعتذار لقصي .. واعتقد - وكل حاجه براها يا اخوانا - انو قصى ده زول كريم .. وابدا ما كان عمل فيني عملية هيثم وسناء في زهير ..
ليتني كتبت ذلك الاعتذار .. وايه الدنيا غير ..
|
Post: #7
Title: Re: هسع الواحد يفتح بوست ولا ما يفتح ؟!!
Author: اخلاص عبدالرحمن المشرف
Date: 02-19-2015, 09:41 PM
Parent: #4
ليتك فعلت قصي تختلف معاهو او تتفق هو زول صادق ومحترم وبعدين ازيك
|
Post: #5
Title: Re: هسع الواحد يفتح بوست ولا ما يفتح ؟!!
Author: محمد حيدر المشرف
Date: 02-19-2015, 09:24 PM
Parent: #1
خامسا مسؤولين من الخير .. بوست أساسي بتاع اسوا كتاب المنبر داك .. حصل الخيران الجديدة دي ولا ياهو خور الحكومة القديم ؟!!
هو حصل شنو ؟!!
|
Post: #6
Title: Re: هسع الواحد يفتح بوست ولا ما يفتح ؟!!
Author: محمد حيدر المشرف
Date: 02-19-2015, 09:36 PM
Parent: #1
سادسا داعش ..
خطرت لي خاطرة أن هؤلاء الدواعش ما جاؤوا الا لاختبار ايماننا .. تذكرت الحديث "يأتي على الناس زمان القابض على دينه كالقابض على الجمر" ..
هو زمان داعش دونما شك .. لا تنفك من السؤال "هل هذا هو الإسلام الذي أؤمن به" ؟!
كلما ما شاهدتهم ينحرون الاعناق ويحرقون ويقتلون ويرجمون لا أنفك من الأسئله " وهل يرضى الله هذا" .. " كيف يعتقد انسان ما بأن من شأن ذلك مرضاة الله" ..
ولكنهم , قطعا, لم يأتوا من العدم .. لا .. لم يخرجوا بغتة من تواريخ ديانة أخرى غير الإسلام .. فكيف الموضوع ده ؟!!
"يأتي على الناس زمان القابض على دينه كالقابض على الجمر"
|
Post: #8
Title: Re: هسع الواحد يفتح بوست ولا ما يفتح ؟!!
Author: محمد حيدر المشرف
Date: 02-19-2015, 09:45 PM
Parent: #1
تراجعت في الأسبوعين الأخيرين ديل بوستات المتعة الخالصة .. أعني مصطفي مدثر بالتأكيد .. ياخي ده زول عجيب وغريب .. لن أغفر لنفسي سخريتي الجاهلة بقدره الادبي في اول ايامي في المنبر .. كان ذلك في موقعة "المبدعين والهكر " المعروفة .. سامحنا يا درش ياخ .. تذكرها وسامح .. كان ما التذكرها بكبشرها ليك هنا والما يشتري يتفرج :)
how to mention someone here?! لو في زول لاقاهو يكلمو لينا بالله !!
|
Post: #9
Title: Re: هسع الواحد يفتح بوست ولا ما يفتح ؟!!
Author: محمد حيدر المشرف
Date: 02-19-2015, 09:59 PM
Parent: #1
اهلاااا يا اخلاص .. "اخلاص عمتي" ..
آفة الاعتذار لكن .. واعتذاري لقصي مرهون بها .. ب "لكن"أعني .. لذلك لم أكتبه سابقا ذلك لا يعني أنني كتبته الآن .. هههههه ..
هي مماحكات شخصية يا دكتورة .. تتنازعني الأشياء .. فقط لا غير .. وهي في مجملها رسالة مقصودة .. فلربما ازالت شيء من الأشياء العالقة بشكلها هذا .. عسى ولعل يا صديقتي ..
|
Post: #10
Title: Re: هسع الواحد يفتح بوست ولا ما يفتح ؟!!
Author: عبدالحفيظ ابوسن
Date: 02-20-2015, 03:40 AM
Parent: #9
مرحبا عيال المشرف البوست مالو المتداخل واحد بس .. فيهو استيكة وش مندهش وما عارف يضحك ولا يصر !! تعرف يا محمد ما يسمي ب ثقافة الاعتذار قاعد اقيف عندها مرات !!! اي والله .. كقيمة انسانية فالاعتذار يعلي من انسانيتك .. ويقلل من انفة جوفاء داخلنا واحساس بالتفرد الزائف لكن البحصل في الاسافير كما شاهدت ولا اعني بوست الصديق زهير تحديدا ولا بوستا محددا هنا . لازمن يقرأ الاستدراك حقي دة بشكل جاد مما شاهدت بعض الاعتذارات تشبه تمجيد الذات وتسعي نحو القول بأن كاتبها لا يعتذر بل يقول اي هو كدة لكن انا احسن منو .. وبعتذر بس ترفعا وسموا الاعتذار البعرفو هو محض اعتذار دون تبرير انا غلطان وسافي التراب ومالي حق في القلتو في شنو بوستات الاعتذار مرات شراك ملغومة احكي ليك واحد اخونا عندو اخوهو برة البلد ووالدهم بكون عيان مرات .. فصاحبي بضرب لي اخوهو ابوك عيان اها اخوهو بكون اتكيس .. يقوم يتخمخم ويجي ياخد ليهو ايام وهو كاره لتعطل عملو .. قام حكاها معاهو انت بتقول لي ابوي عيان شان اجي بس وهو ما بكون عيان شديد صجبي استعمل معاهو اسلوب جديد يضرب ليهو اها ابوي كيف كويس والله والحمد لله خاشي في غيبوبة وراقد مستشفي ومركبين ليهو انبوبة المعدة .. لكن كويس الحمد لله طمنو صاح اها في اعتذارات بتثبت الكلام زاتو .. مع كلمة اسف في كلام غيرها
|
Post: #11
Title: Re: هسع الواحد يفتح بوست ولا ما يفتح ؟!!
Author: محمد كابيلا
Date: 02-20-2015, 10:33 AM
Parent: #1
دكتور المشرف
تحياتي وتقديري !!
Quote: وعندما تحدث تلك الحرب عن أخبارها نتواري جميعا منها .. وقد لا نكلف نفسنا قساوة التطلع في بشاعة الصور .. ولو تطلعنا .. طوينا الصفحة سريعا ثم لا نعود اليها مطلقا .. |
|
Post: #15
Title: Re: هسع الواحد يفتح بوست ولا ما يفتح ؟!!
Author: عمر نملة
Date: 02-21-2015, 00:19 AM
Parent: #11
سلام QUOTE]اها يا اخوانا انا زول مسالم جدا واهلنا ربونا على جبر الخواطر |
بوست شجاع وماقادر افتح بوست مثله. أولا اكمل الصوره الجميله لما تكتب وازال ما حاول البعض استغلاله لاغتيال شخصك. فتح من يعرفك عن قرب يقول انت ليس كما تصفون. صدقت بوسته ولكن رد فعلك عندما حاول قصي ان يستفزك وبشرح معنى كلمة صحابه وكانه ينزلك من مكانتك العلميه الي الفصول الأولى من التعليم . ظل عالقا. فكان رد فعلك طبيعي لكل من يستفز. لكنه جرفك وضعك ووضع من من يرى اتزان رايك في مكان حرج فكان لابد من هذا البوست الشجاع لتصالحك مع نفسك ومع من يستوزيزون رايك. اما فيما يخص الإبادة لشعب النوبه العظيم كل مره أحاول ادانتة ما يحصل وطرحت السؤال للاخ خالد كودي بنقدر نعمل شنو بعد الادانة؟ شكرا لك على هذا البوست
|