ويندوز 8 بورتابل 350 ميجابايت فقط... لإنقاذ ملفاتك فى حال الكراش داون ...!!!

06:41 PM Feb, 18 2015
سودانيز أون لاين
ملهم كردفان - الإسكندريه
مكتبتي في سودانيزاونلاين



سطب الويندوز فى فلاشه وخليهو معاك وخش جهازك من خلال التبويت من الفلاشه وافتح الكمبيوتر عادى واتصفح الإنترنت
حتى لو كان النظام الأساسى للكمبيوتر متعطل ....
وكمان ممكن يستعملوهو ناس الصيانه فى الدخول للكمبيوترات بتاعت الزباين ويصلحوها بمزاج
لنكات التحميل
http://www.gulfup.com/?UqCemGhttp://www.gulfup.com/?UqCemG

http://www.gulfup.com/?s194Ivhttp://www.gulfup.com/?s194Iv

انسخ الرابط والصقه على المتصفح


منقول

يعنى تخلى اعدادات الboot انو يقلع من الفلاشه ...بتغيير الاعدادات من ال hard disk
لليو اس بى
....
طوالى تلقى الجهاز بدأ فى تشغيل وبندوز 8 بتاع الفلاشه

Quote: يعنى تخلى اعدادات الboot انو يقلع من الفلاشه ...بتغيير الاعدادات من ال hard disk لليو اس بى .... طوالى تلقى الجهاز بدأ فى تشغيل وبندوز 8 بتاع الفلاشه

والله يا ملهم يا اخوي ما عارف اشكرك كيف ..
معلومة مفيدة جدا ..

مشكور مشكور ..

مرحبابك ياهشام وتستاهل اكتر والله
لاشكرا علي واجب تستحقه ياخي

الملفين موجودات ياحاتم وانا مجربهم من شويه انسخ الروابط التحت دى وجرب

مع تمنياتى لك بالتوفيق

ملحوظه
الموقع احيانا بيكون ماشغال عشان فى عطل فى الشبكه الايام دى
ولو ماعرفت ليهو طريقه ادينى خبر بالله احاول ارفعهم فى موقع تانى تقترحو انت

سلام يا ملهم كردفان
شكرا على المعلومات.. بس شوية أسئلة تقفز للذهن..
و gulfup.com دخلها شنو وندوس؟ وين مايكروسوفت.. هل مايكروسفت هي التي طورت ويندوز 8 بورتابل؟

مرحباااابك ابو الريش
...
من طرق الضليعين فى فك وتعديل برامج التشغيل التطبيقات المختلفه انهم بيعدلو فى البرامج بحيث لاتحتاج الى تنصيب فى كمبيوتر بالطريقه المعتاده
وعندهم برامج هم بيستخدموها عشان يتجاوزوا الحته بتاعت تنصيب البرامج المعتاده الكلنا بنعرفا...
وده فيهو فايده للمستخدم وسهوله فى استخدام البرنامج
بس فى نفس الوقت مازى الكيجن ومولد السيريالات ...
يعنى بخش للشل بتااع البرنامج وبيحذف منوالملفات الغير ضروريه وبخفف النسخه للإستعمالات الطوارىء والمتنقله


اما موقع قلف أب فهو موقع الذى تم فيه رفع الملفات بتاعت التطبيق ...

وويندوز 8 بورتابل هو نتاج فك الشل وتخفيفه لإستخدامه بغرض الصيانه ... وده مابيقدر عليهو الا زول تمساح بتاع برمجه

مرحب يامصعب ياود القدال
وربنا يقدرنى على تقديم المفيد وتكون من المستفيدين ياخى
ولاشكرا لاعلى واجب والله ياحبيبنا
احترامى

شكرا يا ملهم كردفان

يعنى الموضوع هكــر..

زمان بدرى سنـة الف وتسعمية وشوية.. لو تذكر اخر نسخة لنظام تشغيل دوس كانت 6.22 لكن حولته لنسخـة دوس 7 .. الحيلة كانت انك تفتحـه في باينرى مود Binary mode بواسطـة
برنامج تحريرى صغير كان اسمه ديبق Debug بعد داك تفتش لرقم النسخة. وتخت (بايتات) مختلفة بدل بايتات النسخة.. لكن عددها لازم يكون قدر العدد الاصلى وإلا فسوف تكون فتنة وفساد.

التهكير هو اقتحام كمبيوترات غير محميه بقوه وسرقة محتوياتها او تدمير بياناتها او تغيير ماهيتها او زرع برامج تتبع الخ
ومنه تهكير المواقع وغالبا مايتم التهكير بعدما يتسلم الضحيه رساله مفخخه
...
أما نظام التشغيل المعدل لغرض الصيانه وانقاذ الملفات هو نظام تم حذف الاكواد البرمجيه لبعض التطبيقات الغير ضروريه مثل الطابعه والإسكانر
وبعض الاضافات الجانبيه

وشتان مابين نظام بورتابل وتهكير لأن نظام الصيانه حده الكمبيوتر
لكن
لو كنت حأستعمل هذا النظام للولوج لكمبيوترات الآخرين وسرقة بياناتهم فهذا لايصح وهو جرم يفقد مهندس الصيانه المصداقيه
...
لك اللتحيه يا ابو الريش

يا أخ ملهم كلامك دا عن ال hacking يحتاج مراجعة شاملـة.. والتهكير معناه الفني هو تغيير البرنامج.. ولأن المجرمين يغيروا البرامج عشان يضروا الضحية من هنا جاء اسمهم
لكن عبارة هاكنج hacking في حد ذاتها هي نوع اخر من الرمجة.. ممكن تعمل قوقل عن hack , hacking..
التعريفات دى من ويكيبيديـا:

##Hacker (term), is a term used in computing that can describe several types of persons ##Hacker (computer security) someone who seeks and exploits weaknesses in a computer system or computer network
##Hacker (hobbyist), who makes innovative customizations or combinations of retail electronic and computer equipment
##Hacker (programmer subculture), who combines excellence, playfulness, cleverness and exploration in performed activities

ماشى يا ابو الريش ناخدها مع بعض حته حته ..عشان استفيد أكتر

Quote: يا أخ ملهم كلامك دا عن ال hacking يحتاج مراجعة شاملـة.. والتهكير معناه الفني هو تغيير البرنامج.. ولأن المجرمين يغيروا البرامج عشان يضروا الضحية من هنا جاء اسمهم

ناخذ
التهكير ومعناه الفنى هو تغيير البرامج ...
...
وتغيير البرامج ده يابيتم والبرنامج قدام الهاكر ويفتحو ويضيف ليهو أو يحذف منو
...
وبعد كده يسجربو بالخصائص الأضافها او حذفها
...
وبعد كده يرفعوا على الإنترنت ويخلى الضحايا يستعملوه
...
او
الهكر ده برسل برمجيه مضمنه فى صوره او رساله للضحيه والبرمجيه دى بتفتش عن معلومات محدده وبترسلها لكمبيوتر الهكر ده
...
طيب انا لمن اجيب برنامج او نظام تشغيل وأعدل فيهو من غير ما أضيف ليهو برمجيه ضاره لمستقبل ومستعمل البرنامج ده
يبقى مكسب للمستعمل بس خساره للشركه الإقطاعيه المعنيه ...
وفى نفس الوقت بحل مشاكل كمبيوتر متعطل ...
...
وانا معاك فى انو تعديل البرامج وانظمة التشغيل الغير مفتوحة المصدر نوع من الهاكينج
...
بس تحويل البرنامج لبورتابل وتغيير بعض خصائصه لمصلحة المستخدم فده منتشر فى كل انظمة التشغيل بغض النظر عن قانونيته او عدم قانونيته
وأسطوانات الصيانه حبلى بالنسخ المعدله والتى تلبى كافة متطلبات ناس الصيانه والمحترفين ...
...
يبقى ما اختلفنا فى انو الهاكينج غير قانونى ونتيجته تحتمل الإفاده لمن تكون حميده وتحتمل إلاضرارلمن تكون مضمنه ببرنامج خبيثه
...
نزل الويندوز البورتابل ده عندك وجربوا فى كمبيوتر خارجى من خلال الفلاشه وادينى رايك فيهو
على فكره ممكن تتصفح بيهو الإنترنت عادى
...
تحليه
فى واحد منزل ويندوز مسمكيهو ويندوز10.8.1
خاتى فيهو بعض تطبيقات ويندوز 7 و8.! وعشره الجديد
غير الانتى فايروس والداون لود منجر وهلم جرا
يعنى مذخره بالكثير الكثير وفخور بى انجازه ...بس الغرض من تنزيل هذا البوست هو
الإستفاده
من الويندوز المخفف ده فى حالة الكراش داون ...

ملهم السلام عليكم!
قمت بنسخ الرابطين معاً،
لكن لحد الآن ما تم التحميل!
هل ممكن ألقاهم في 4hared؟
أولاً!
ثانياً: أنا شغال بويندوز 7 ما فيش إشكال؟
وشكراً جزيلاً!

الحبيب صلاح عباس فقير
....

اللنكات فى نافذة الفيس بوك تحت

وانا زيك شغال ويندوز 7 وماعندى مشكله لحدى اللحظه
بس ده بيتخت فى الفلاشه احتياطى فى حال انهيار النظام لأى سبب من الأسباب

احترامى

أخ ملهم باللاى ركز معانا شوية ياخ.. لو قريت تعليقى الفوق في واحد من التعريفات يقول الهاكر هو رجل خلاق ومفيد ..يعنى يعمل أشياء مفيدة

تقول:
"يبقى مكسب للمستعمل بس خساره للشركه الإقطاعيه المعنيه ..."

خسارة للشركة كيف؟ هو الشركة أساسا باعت البرنامج بعدين كونه انا اعدله او ما اعدله حر في مالى.. خصوصا ويندوس 8 لأنه فيه عيوب كثيرة، فلو استطعت ان تحسن فيه
بما لا يقل عن 30% من حلول لمشاكل موجودة فيه، فيمكنك بيعه في السوق وتسجيله بإسمك.. وهذا قانونا حسب قانون براءة الإختراع.

تقولايضاً:
"وتغيير البرامج ده يابيتم والبرنامج قدام الهاكر ويفتحو ويضيف ليهو أو يحذف منو ...
وبعد كده يسجربو بالخصائص الأضافها او حذفها ...
وبعد كده يرفعوا على الإنترنت ويخلى الضحايا يستعملوه"

كنت ماش كويس وفجأة قلت ويخلى الضحايا.. لماذا لا تكون هذه الإضافات وتعديل الخصائص لمصلحـة المستعمل.. فتقول "المستفيدين" بدل الضحايا.. أنا الحين استعمل وندوز 8 مع ايقونة البداية Start بتاعة وندوز 7
يعنى الهاكر رجع إستارت تانى وسهل على خلق الله.. وهو لا يبيع وندوس وإنما يبيع هذه الخاصيـة فقط.. تعمل ليها تثبيت براها تلصق نفسها في الوندوس، وإسمها Startback

كل ما ارجوه ان تنظر لعبارة هكر بصورة محايدة وأنا اعرف ان كثير من الناس أخذوا معنى الهكر الذى يعدل الرامج ليضر الناس.. وسأجرب الوندوس المعدل ان شاء الله لو لقيت كومبيوتر تانى..

يا ابو الريش طول بالك على ياخ...
أولا

Quote: في واحد من التعريفات يقول الهاكر هو رجل خلاق ومفيد ..\يعنى يعمل أشياء مفيدة تقول: "يبقى مكسب للمستعمل بس خساره للشركه الإقطاعيه المعنيه ..." خسارة للشركة كيف؟ ..

ايوه الهاكر ممكن يعمل حاجات مفيده وممكن يعمل حاجات مامفيده
,....
خساره للشركه لمن يكون حصل على البرنامج من غير مايدفع مليم
وجاب ليهو كيجن او مولد سيريلات واستعمله
............................................................

Quote: هو الشركة أساسا باعت البرنامج بعدين كونه انا اعدله او ما اعدله حر في مالى.. خصوصا ويندوس 8 لأنه فيه عيوب كثيرة، فلو استطعت ان تحسن فيه بما لا يقل عن 30% من حلول لمشاكل موجودة فيه، فيمكنك بيعه في السوق وتسجيله بإسمك.. وهذا قانونا حسب قانون براءة الإختراع.

ماكل الناس بتشترى انظمة التشغيل وهنا كنا بنستعمل ويندوز اكس بى فى مصر بى سيريال واحد لف كل الاجهزه
ولحدى هسى عندى لا اشتريتو ولادفعت فيهو مليم
....
اما حكاية انك تعدل فى ويندوز وتبيع العدلتو او تسجلوا بى اسمك فدى ماعندى اكيده فيها
لكن عندى اكيده انو نظام لينوكس وتفريعاته مفتوح المصدر وللجميع الحق فى تطويره وتسجيله بالطريقه التريحهم
......................................................

Quote: تقولايضاً: "وتغيير البرامج ده يابيتم والبرنامج قدام الهاكر ويفتحو ويضيف ليهو أو يحذف منو ... وبعد كده يسجربو بالخصائص الأضافها او حذفها ... وبعد كده يرفعوا على الإنترنت ويخلى الضحايا يستعملوه" كنت ماش كويس وفجأة قلت ويخلى الضحايا.. لماذا لا تكون هذه الإضافات وتعديل الخصائص لمصلحـة المستعمل.. فتقول "المستفيدين" بدل الضحايا..

الضحايا بتتقال لمن يكون البرنامح فيهو برمجيه خبيثه
المستفيدين لمن يكون البرنامج كليييييين
....................................................

Quote: كل ما ارجوه ان تنظر لعبارة هكر بصورة محايدة وأنا اعرف ان كثير من الناس أخذوا معنى الهكر الذى يعدل الرامج ليضر الناس.

انافاهم كويس جدا جدا انو فى هكر تمام وفى هكر بتستفيد منهم الشركات الكبرى زى مايكروسوفت ومكافى وبتديفندر فى سد الثغرات التى يكتشفونها
ولهم مرتبات عاليه جدا جدا ....
وفى هكر بينفع الناس وفى هكر بيسرق بياناتك وفى هكر بجيب كمبيوترك الواطا
.....

إتفقنا يا عزيزى، ودخول وندوس 8 وتعديله وجعله اسرع، فهذا تهكير، وارجو ان لا تذهب الى المعنى السالب لعبارة هاكر..

In order to improve windows 8, you must hack it and slash away all un-necessary code