Post: #1
Title: معقوله دى تنتحر كده ساااى بس ياناس مكه ...!!!
Author: ملهم كردفان
Date: 02-17-2015, 10:42 PM
09:42 PM Feb, 17 2015
سودانيز أون لاين
ملهم كردفان - الإسكندريه
مكتبتي في سودانيزاونلاين
خبر
سيده صينيه معتمره تلقى بنفسها من صحن المطاف العلوى ...!!!
الفهم شنووووووووووو؟؟؟
.............................................
ألقت معتمرة صينية أربعينية بنفسها من صحن المطاف العلوي للحرم المكي، بالمملكة العربية السعودية، بحسب تقارير إخبارية.
وقالت وكالة ''إرام'' الإماراتية إلى أن التقارير الأولية تشير إلى أن المرأة، وهي في عقدها الرابع،
وضعت كرسياً على حافة المطاف العلوي، وصعدت عليه، ومن ثم ألقت نفسها من صحن المطاف لتلقى حتفها في الحال.
ونقلت فورا إلى مستشفى الملك فيصل، ولكنها كانت قد لفظت أنفاسها الأخيرة، وحتى الآن لم يتم الوصول إلى أي تفاصيل تبرر سبب انتحاراها.
....
منقول
|
Post: #2
Title: Re: معقوله دى تنتحر كده ساااى بس ياناس مكه ...!!!
Author: مازن الجمّال
Date: 02-18-2015, 01:34 PM
Parent: #1
الاخ ملهم تحياتي واشواقي
ووينك يا زول اختفيت كدا
بخصوص موضوع انتحار المعتمرين دا فالموضوع عادي زي الزبادي
اعتبرو نوع من الهوس او حاجة زي كدا
السنة الفاتت نيجيرية تلبت من شباك غرفتها والسنة القبلها ماليزية كذلك وهكذا سنويا
الحاجة الانا سمعتها انو في بعض الجنسيات عندهم فهم انو يومتو في المناطق المقدسة دي بيدخلوا الجنة طوالي
وعموما وحسب متابعتي للصحف المحلية فان المعتمرة الصينية لديها مرض نفسي اساسا وبشهادة اهلها وقامت بمحاولة الانتحار في اليوم القبل بقطع شريان
في يدها وتم اسعافها .
بس دا كل الحنك يا حبيب
|
Post: #3
Title: Re: معقوله دى تنتحر كده ساااى بس ياناس مكه ...!!!
Author: Asim Fageary
Date: 02-18-2015, 01:53 PM
Parent: #2
سلام مربع .. يا ملهم
دخلت أسلم على مازن الجمال النسانا دا .. بس
|
Post: #4
Title: Re: معقوله دى تنتحر كده ساااى بس ياناس مكه ...!!!
Author: مازن الجمّال
Date: 02-18-2015, 01:57 PM
Parent: #1
عاصم والله مشتاقين كميات تجارية
وانشغال وجري وسفر الفترة الفاتت دي
بتصل عليك
|
Post: #5
Title: Re: معقوله دى تنتحر كده ساااى بس ياناس مكه ...!!!
Author: ملهم كردفان
Date: 02-18-2015, 02:14 PM
Parent: #4
ماااااااااااااااااااااااااااااااااازن ياخ ماممكن ...
طلتك بالدنيا ياحبيبنا والله
....
وبالمناسبه دى يعنى نستنى كل سنه كل عمره او حجه تتلب فيها انسيه او انسى عشان نشوفك والاشنو
ياخ انت مكانك هنا مفروش مخمل
...
ربنا يرحم الفقيده بما انها عندها حاله نفسيه ...
بس طلتك عدلت الحاله النفسيه تبعنا يامان
...
الفخيم عاصم فقيرى ده ماترمى كلامو واطه ... خليك بى نورك جمبنا
|
Post: #6
Title: Re: معقوله دى تنتحر كده ساااى بس ياناس مكه ...!!!
Author: ملهم كردفان
Date: 02-18-2015, 02:48 PM
Parent: #5
مرحباااااااااااااابك ياعاصم فقيرى ...
تعر كلام مازن ده البقول فيهو النو الحكايه عادى وكده
بودينى للتساؤل ...
يعنى كل زول يمشى يحج او يعتمر ثم ينتحر وضعو حيكون شنو؟؟؟
شهيد وله نعيم الجنان
والا
قتل نفسا بغير الحق وسيتردى لنار جهنم خالدا مخلدا فيها ابدا
...
تحليه ...
لو الحكايه لفقت عندى زول بحاول أقنعوا انو يمشى يعتمر وياخد نصيبو...!!!
|
Post: #7
Title: Re: معقوله دى تنتحر كده ساااى بس ياناس مكه ...!!!
Author: Asim Fageary
Date: 02-18-2015, 02:52 PM
Parent: #6
يا ملهم ياخي شنو بتباصي لي فتاوي زي دي .. عاوز ناس عماد حسين يجوا ناطين لينا في رقبتنا ؟
لكن نقول ليك كلام العقل .. باقي أنا بتعامل مع الموضوع زي حساب التفاضل والتكامل Integration and Differentiation
طبعاً لو هي عارفة حكم الإنتحار أكيد حتتحاسب .. أما إذا كانت تجهل ذلك فالله أعلم .. لا أعتقد أنها تحاسب فيما لا تعلم !
شفت كيف ناس مدني هندسة وقرآن !
|
Post: #8
Title: Re: معقوله دى تنتحر كده ساااى بس ياناس مكه ...!!!
Author: ملهم كردفان
Date: 02-18-2015, 03:03 PM
Parent: #7
كلام عقل ياهندسه... لأنو المرونه والوسطيه والإعتدال هم المطلوبين فيا لاعلم لبشر به ياعاصم
...
Quote: يا ملهم ياخي شنو بتباصي لي فتاوي زي دي .. عاوز ناس عماد حسين يجوا ناطين لينا في رقبتنا ؟
لكن نقول ليك كلام العقل .. باقي أنا بتعامل مع الموضوع زي حساب التفاضل والتكامل Integration and Differentiation
طبعاً لو هي عارفة حكم الإنتحار أكيد حتتحاسب .. أما إذا كانت تجهل ذلك فالله أعلم .. لا أعتقد أنها تحاسب فيما لا تعلم !
شفت كيف ناس مدني هندسة وقرآن ! |
لو عارفه حتتحاسب وانا بقول كده برضو...
ولو ماعارفه ربك غفور رحيم وعارف...
أما التفاضل والتكامل والنهايات العظمى لدرجة الإنتحار الشتوى فديل انا وقعت منهم بى تحت القفه
...
تسلم مدنى ويسلموا ناسها
...
تحليه
ربما عماد حسين له رأى مخالف فمرحبا بطلته الثره
|
|