ود أبوسن سلام ولعلك بخير سوف أقوم بتطبيق السياسة الجديدة كاملة دون نقصان
الله هونيني
Post: #8 Title: Re: اعلان شخصي Author: على ابراهيم رفاى حمد Date: 02-17-2015, 08:23 PM Parent: #4
تحياتي يا عبدالحفيظ
المداخلة الغير مسئولة سوف تظل شاهدا على صاحبها وسوف تخصم منه كثيرا ، بوجودها سوف يقوم الجميع بالرد عليها وادانتها ورفضها أخلاقيا ،لن امسح اي مداخلة إساءة مهما بلغت ولدى كيبورد اترك لنفسي حق الرد في الزمان والمكان المناسبين . الامر الذي لم اجد له تفسير يا عبد الحفيظ ياخي هل الباشمهندس بكري ابوبكر محتاج لهذا الامر ؟الإجابة لا لانه بتفعيل قوانين المنبر يظل الجميع يعي دورة جيدا ،لان هناك أمور مفهومة للأعضاء بالضرورة وهي التعرض للغير في معتقدة أسرته حياته الخاصة .
هو في ناس جنها كبشرة، اها يقوم يمسح كيف؟ ......................... شخصيا لن امسح اي مداخلة، امسحا ليه؟ خليها تقعد، هو انا كاتبا....
Post: #44 Title: Re: اعلان شخصي Author: فتح العليم محمد أبوالقاسم Date: 02-19-2015, 09:53 AM Parent: #12
تحياتي أبوسن اتفق معك بإن المداخلة السيئة تنقص من رصيد محررها ولن نمسحها هذا إذا وجدنا زمننا للمداخلات .
Quote:
عبدالمنعم الطيب حسن هو في ناس جنها كبشرة، اها يقوم يمسح كيف؟ ......................... شخصيا لن امسح اي مداخلة، امسحا ليه؟ خليها تقعد، هو انا كاتبا....
تحياتي منعم والله انا شايف التعديلات الدستورية الجديدة ربما تفيدك يوماً لانك سابقاً واجهت كثير من القسوة والظلم في منتدي مجاور . مودتي لك
عمدة من نواحي كوستي .. عندو واحد مشاغب وقريب الضابط التنفيذي انذاك .. قدر ما يحكمو يمشي لي قريبو ويلغي ليهو العقوبة اخر مرة حكموا بي عشرين جلدة وينجلد الآن بعد جلدوهو .. ناداهو وقال ليهو اها امشي لي قريبك يسلهم ليك من جعباتك بعض الردود سيطان تبقي وان تم مسحها
قالوا الزول مشي ينكوي ومعاهو بتو من شاف المحور ضرط وقال اللهم استرنا بتو قالت ليهو السترة فت محلها قول الله يجعل الشفا المسح لا يلغي المداخلة في النفوس
طبعاً يا ود اب سن الموضوع (مسح المداخلات) دا إمتحان ومؤشر ليوضح من هم الذين يضيقون ذرعاً بالرأي الآخر
وطبعاً هؤلاء ستمسح مداخلاتهم أيضاً كمعاملة بالمثل
والشيء الأهم إذا كان في موضوع فيه خلاف صاحب البوست يخلي المداخلات البتتفق معاه ويمسح المداخلات المختلفة معاه وبذلك تحصل دغمسة ولا تضح الرؤيا
وماشين بعيد ليه هسة في البوست ممكن صاحب البوست يحتفظ بمدخلات المؤيدين ويمسح مداخلات المختلفين أو المعترضين وبكدا يكون المسح الميداني للعينة نتيجته 100% ضد مسح المداخلات !
صحي والله يا عاصم ويفقد المنبر ميزته كمرجع .. يعني قوقل لامن يحولك لموضوع مكتوب هنا بتلقا فكرة آحادية ذات عين واحدة عليلة التمرين الحقيقي للديمقراطية ان يكون الناس شهودا عليها . لكن هسة ممكن تمسح مداخلة زول دون ان يعرفها الا صاحبها واتوقع بوستات تبدأ من مداخلات محذوفة
Post: #24 Title: Re: اعلان شخصي Author: محمد أبوالعزائم أبوالريش Date: 02-18-2015, 06:07 AM Parent: #23
سلام ود أبسن،
عايز أعلق على (هل أنت معي) ..... لقيتا ما فاتت على قباني.
عبد الحفيظ وضيوفه لكم التحية المداخلات التي تمس الاسر والاعراض دي انا ما معاكم فيها يجب ان تحذف و فوراً ما ذنب التعريض بهم ؟؟؟؟ الاساءة للشخص لا يجب ان تكون اساءة لآخر ما عندو اي ذنب
تشكري مهيرة وكتر خيرك تشكر سيف اليزل وكتر خيرك الاساءة لامن تكون موجودة فهي معروضات تظل باقية وتذكر بجريمة المعتدي اقلاها تدين الشخص ودليل اثبات لا اعتقد ان شخصا واحدا في المنبر غير المعتدي يوافق علي التعرض للاسر او التعرض والطعن في خصوصيات الاخرين الاساءات مضرة نعم ولكنها تظهر معدن الاخرين وللاسف لا تجد اساءة من شخص الا وكال له الاخر اضعافا مضاعفة من الشتم والسب
Post: #32 Title: Re: اعلان شخصي Author: بدرالدين بابكر مصطفى Date: 02-18-2015, 09:38 AM Parent: #31
Quote: عد جلدوهو .. ناداهو وقال ليهو اها امشي لي قريبك يسلهم ليك من جعباتك
ههههههههههههههه والله إنت أحلى زول في المنبر دا والبمسح مداخلتك غبيان ..
تحياتي مثنى وثلاث ورباع
Post: #33 Title: Re: اعلان شخصي Author: فيصل محمد خليل Date: 02-18-2015, 11:52 AM Parent: #32
Quote: لا اعتقد ان شخصا واحدا في المنبر غير المعتدي يوافق علي التعرض للاسر او التعرض والطعن في خصوصيات الاخرين
ما شرط.. علّمتنا التجارب إنها تعتمد على من هو المعتدِي ومن هو المعتدَى عليه وعلى ضوء قربك / بعدك منهم يتحدد موقفك سواء بالرفض أو التبرير والبحث عن الشماعة المناسبة
Post: #36 Title: Re: اعلان شخصي Author: راشد سيد أحمد الشيخ Date: 02-18-2015, 04:19 PM Parent: #1
بالحيل يا ودأبسن تحدث حتى أراك أو اكتب حتى أراك وكل زول معلق من كي بورضو ... إلخ هذه الخاصية وسيلة للهروب من إستحقاق ما نكتب وننشر في المنابر كل زول إستيكتو في عنقو والداير يمسح ... يتفكر قبل ما يرمي جلايطو هنا
مرحبا ود البشري معقولاااا !! نبذ الاسر دة في زول بوافق عليهو ! وكنت احسب ان حتي المسئ يكون نادما ولكنه عجز عن التراجع حتي لا يحس بالهزيمة وبعدينك تبرير شنو .. النبذ واضح يبررو يقولو شنو زاتو الاسر ليست طرفا في الحوار وعيب والله .. مافينا جاهل ولا صغير لامن نلجأ لساقط القول وقد بلغ العمر منا ما بلغ عموما النفس السوية تأنف من ذلك
مرحب راشد صحي والله الواحد لا يلق بالقول جزافا وكيفما اتفق فيصيب به اناسا غافلين وليسوا طرفا فيما يشجر هنا الواحد يبقي قدر كتابته هنا وتظل موجودة شاهدة عليه وودت لو ان خاصية التعديل كانت واحدة !
Post: #42 Title: Re: اعلان شخصي Author: محمد البشرى الخضر Date: 02-19-2015, 08:27 AM Parent: #38
لا يا عبدو ما في زول بوافق على نبذ الأسر - أو على الأقل ما بقدر يعلن الموافقة دي عشان كدا انا قلت
Quote: سواء بالرفض أو التبرير والبحث عن الشماعة المناسبة
ذكرت الرفض ووضعت مقابلها التبرير ولم أضع الموافقة وأنا في رايي أن التبرير زيو وزي الموافقة, يعني كأنو زولك دا - الطارح نفسه فاتية شايل وش القباحة - عمل الديرتي ورك بتاعك الما بتقدر تعمله بنفسك وتوسّخ بيه صورتك الظريفة الراسمها أديك مثال تاني لمّا واحد يجي ينقل من الفيس بووك مداخلات تحمل شتائم وإساءات لآخرين في متن البوست ولا يكلّف نفسه حتى بمجرد إدانتها دا تسميه شنو؟ تيكنيكالي هو لم يشتم وما تقدر تقول عليه موافق عليها لكن كمان نقله إيّاها لا يعفيه من المشاركة في إثمها يا عزيزي البورد دا قائم على الشلليات ومعي وضدي, زيّو زي أي حاجة في السودان, ما شرط الشلة تكون معلنة يكفي التفاهم على المواقف و الاشتراك في الوقوف على نفس الضفة و اتخاذ نفس الجانب تجاه أمر ما طبعا التعميم لا يستقيم فلا بد من الإستثناء اللازم, لذا أضيف: إلاّ من رحم ربي وأتسقت مواقفه مع نفسه وما يكتبه ويدعو له.
والتبرير اسوأ من الخطأ يا ود البشري . فهو يضع المسوغات المقبولة للأخرين لجعل الامر موضوعيا .. والله انه لأمر مؤسف ومؤسف جدا ان يحدث ذلك لا استثني نفسي من جريرة الصمت احيانا . فقد علمني المنبر ان وقوفك ضد شتم احدهم يعرضك للمساككة والملاحقة ويجعلك طرفا اصيلا في الشقاق . لذا جنبت نفسي ان لا اقرأ بوستا يتعرض لاحدهم بشكل شخصي اتفق مع البعض في ارائهم ولكن لا يسمح لي ذلك ان اكون موافقا لهم علي الدوام .. فكل امر ينفصل عن غيره وخاضعا لحيثياته واقول دوما ان عجزت عن ادانة الاسفاف ف علي الاقل ان لا اشارك فيه وليبدو ذلك واضحا جليا في كتاباتي
Post: #45 Title: Re: اعلان شخصي Author: د.محمد حسن Date: 02-19-2015, 10:40 AM Parent: #43
مرحبا براري كتر خيرك والله قالوا ريسين غرقوا المركب فما بالك بكل الرؤساء في مكان واحد المكاواة ! تكتب امسح ليك اكتب ليك تمسح لي تمرق بوست بمداخلة محذوفة اكتب ليك واحد
المداخلات المشاترة وجودها هام جدا .. واهم منها انكارها من قبل الآخرين . زمان الناس قالت فشل التجربة الديمقراطية . والتعببر ما كان سليم فلم تتح للديمقراطية الزمن للخطأ واصلاحه . فالديمقراطية تعلم من خلال التجربة