الخارطة السياسية في السودان بعد عشرين تلتين سنة كدا...

06:57 PM Feb, 15 2015
سودانيز أون لاين
محمد البشرى الخضر - العين-الإمارات
مكتبتي في سودانيزاونلاين



دا ما تحليل مبني على معطيات و قراءات واسلوب علمي وكدا
القصة قراية أهالي ساكت, فا شنو .. ما عايزين غلاط ومحاققة :)

تسجيل حضور ومتابعة

أولا نشوف الخارطة الحالية
- أحزاب الأمة و الإتحادي و الفكة المنشقة عنهم
- الكيزان (وطني وشعبي )
- الحزب الشيوعي
- المؤتمر السوداني
- حركات حق
- أحزاب البعث
- الناصري وما في حكمه
- أحزاب النت و الفيس بووك (ليبرالي 1 و 2 و خضر و جبهة عريضة.. إلخ )
- قرفنا وما في حكمها

المجموعة أدناه لا أدري هل يصح تصنيفها كأحزاب سياسية أم لا لكن لها تاثير و أتباع - عضوية - لا يمكن اغفالها

- الجمهوريين
- السلفيين (بمختلف جماعاتهم)
- الطرق الصوفية


لو نسيت حزب أو جماعة أو قروب واتساب فا أعفوا لينا وأدونا خاتركم :)

احزاب النت او كما تقول داخل المنظومة السياسية
والجمهوريين خارج المنظومة ولرؤية بعد عشرين سنة
معقولة دي ؟؟؟؟؟؟؟؟؟؟؟
الطرق الصوفية معروف عنها عدم تبنيها لمواقف سياسية وبعضها يساند الديكتاتوريات وغير معترفين بلعب دور سياسي بالتالي
وجودهم في المنظومة السياسية حشو لا اكثر
السلفيين والمؤتمرجية والشعبي اديتم اكتر من حجمهم المنظومة دي ممكن تكون
(( جماعات الاسلام السياسي ومستبلقها في السياسة السودانية ))
المهم حنتابع
رمى الودع ومرة مرة بنجي نكشكشو

ما عايزين نطفشك من البوست دا يا محمد
لكن بلة الغائب قال ليك البشير حا ينصب
نفسه ملكا

والسودان حا يكون مملكة السودان
والحكاية دي حا تتم قبل نهاية الدورة
الرئاسية الجاية دي ما تنتهي

هلا جلالدونا, أبوروضة و نزار حسين

يا جلّي مرحب بيك أحنا لاقينك وين؟ الأيقونة دي مش لطلب الإذن لكن - حسب فهمي - حتكون لتشليح و تصفية المداخلات البتوّر الضرس لصاحب البوست وكدا :)

ابوروضة اقرا كويس الله يرضى عليك قبل تجري تكتب, انا ما قلت خارج المنظومة قلت بالنص

Quote: لا أدري هل يصح تصنيفها كأحزاب سياسية أم لا لكن لها تاثير و أتباع - عضوية - لا يمكن اغفالها

هل يوجد الآن حزب جمهوري يتعاطى السياسة و يسعى لتطبيق برامجه وأفكاره للحكم؟ إجابة السؤال دا هي الفيها الفايدة
وحتى لو كانت الإجابة بلا فهذا لا يعني تجاهلهم لأن أعضاء - لنقل أتباع و المتأثرين بالفكرة - عدد مقدر
وينطبق للحديث على السلفيين و الطرق الصوفية فعلى كثرة المنتمين لهم لا نستطيع اعتبارهم أحزابا سياسية بالمعنى المفهوم و البسيط للحزب لكن أيضا لن يتم تجاهلهم
ثانيا الترتيب أعلاه لا علاقة له بالوزن- بل لا يوجد ترتيب مقصود اصلا, و الحديث ليس عن منظومة سياسية بل خارطة
وتابع كما تحب, مرحب بيك بس تريّث وأدي نفسك فرصة تقرا و تفهم :)

مرحب نزار
لا إحباط ولا حاجة, زي ما قلت هي قراية اهالي مستقبلية ساكت ومدى التغيير الح يطل على الخارطة السياسية
استمرار النظام أو ذهابه أكيد حيكون عامل مهم اخذه في الإعتبار في القراية المستقبلية
_______________________________________________________

نواصل

حقيقة انا انتبهت لأني أغفلت جماعات / أحزاب مهمة في الخارطة الحالية لها عضوية و تأثير كبير
وأعني تحديدا الحركة الشعبية قطاع الشمال و حركات دارفور المسلّحة, بالطبع الحرب لن تستمر للأبد - نأمل - وح يجي يوم يلقي الجميع السلاح ويتحوّلوا للمارسة السياسية الطبيعية
حينها الحركات المذكورة -من يكتب له البقاء منها - ح يكون ليها وجود وتأثيركبير في الخارطة المستقبلية - على الأقل في دارفور
عليه ساعيد ذكر مكوّنات الخارطة الحالية

كلامك - في أسوأ حالاته - فيه تفاؤل شديد.

لأنك بتقول (الخارطة السياسية في السودان) ...... يعني السودان زاتو حيكون موجود ..... ده مش تفاؤل؟

طبعاً الحكاية كلها والحسابات ممكن تتغير، إذا حصل تغيير عاجلاً.

المهم ... نتابع.

ياااااااه
دا تشاؤم شديد يا أبو الريش !! خلّينا نتفاءل شوية

ود البشرى .. كش ملك


حزب عام آدمي Aam Adami Party - AAP

بمعني إنسان عادي أو Common Man

حزب هندي تأسس من قبل نشطاء التواصل الإجتماعي يعني من النت وكدا يا محمد البشرى

أعلن تأسيسه رسمياً سنة 2012

نزل إنتخابات تجريبية بعد رفضه لأي دعم مالي .. حيث أنه بدأ نشاطه معلناً مكافحة الفساد المالي والإداري في الدولة

نال بعض الأصوات دون أن يحصل على مقاعد في البرلمان في تلك الإنتخابات التجريبية عام 2013

نزل في هذه السنة وكانت نتيجة إنتخابات نيودلهي بتاريخ 10 فبراير 2015 أن هذا الحزب نسبة 67% من أصوات الناخبين وحصل بذلك على 70 مقعد في البرلمان


وهاك الرابط دا موضوع جنبك هنا أنا كتبته في لحظة إعلان النتيجة عشان السياسة الهندية دي أنا مواكبها


http://www.sudaneseonline.com/board/480/msg/%d8%aa%d8%ad%d9%...-%21-1423577086.html

التعديل لخطا لفي النسبة التي كتبت 637 عن طريق الخطأ والصحيح 67%

عطفا على كلام عاصم فقيري
الانترنت وبرامج التواصل الاجتماعي حسب توقعي حا تقلب الساحة السياسية راساً على عقب يا سيد محمد البشرى
ما باعتبار انها بتجمع ناس ... لا لا باعتبار انها بتوعي الناس

لكن ما ننسى (الطبقة) الحاكمة الحالية وتمركز السلطة والثروة الحالي ودورو في تاطير مستقبل الخارطة السياسية في السودان

Quote: لكن ما ننسى (الطبقة) الحاكمة الحالية وتمركز السلطة والثروة الحالي ودورو في تاطير مستقبل الخارطة السياسية في السودان

والله يا أيمن وما طالبني حليفة .. مداخلتك دي المفروض كانت تكون في البوست بتاعي المهم داك

بعنوان: تغيرات دراماتيكية في الإنتخابات الهندية

لأنه بوست فيه قراية لتجربة واقعية معاشة ومعاصرة

بوست ود البشرى دا قال براه كلام خارم بارم ونحنا حولناه ليه لكلام منظم ومرتب .. يمكن يتضايق من التقعيد والتنظيم دا !

يا ود البشرى
ما تضيع بوستك ساكت بكترة الكلام
الحاصل الجمهوريين موجودين ويتعاطون السياسة قبل المؤتمر الوطني والشعبي وقبل ان تعرف الجبهة الاسلامية او جبهة الميثاق العمل السياسي
اللهم الا لو كنت تريد ان تعترف بهم احزاب التوالي ده شي اخر
ثانياً
وين الحركات المسلحة في طرحك ده والقوى الثورية في الهامش يعني بلعتها ساكت حمرة عين ولا بعد عشرين سنة ستتمكن الانقاذ من القضاء
على الهامش وفصله ؟؟
وزي ما قلت ليك اخد الحزب الجمهوري وبرضه الحركات الثورية وقوى الهامش في افاق المستقبل لانو حيكون ليها حضورها القوي كقوى مؤثرة
على حساب قوى اخرى
وادمج المؤتمرين وانصار السنة تحت مسمى جماعة الاسلام السياسي
طول بالك
وحنتعاطى مع البوست في حدود الاخذ والرد ما امكن

هلا عاصم فقيري وأبويمن
ح أأجل التعليق على حديثكم حتى يحين دور أحزاب النت حاضرها ومستقبلها

بس ليه يا عاصم مديني إحساس إنّك offended خالص و توّر نَفَسَك تعبير أحزاب النت دا :) تيك إت إيزي مان
وبالعكس ما بتضايق منكم بل سعيد بمشاركتكم وترتيب البوست وتقعيده - أو كما تحسب :)

أبو روضة ياخي الله يرضى عليك أقرأ مرّة و التانية و التالتة إذا أمكن قبل ما تضغط أيقونة الجديدة دي :)
يا ود الحلال أنا ما مرقت الجمهوريين من زمرة الأحزاب السياسية ساكت كدا أو فنجرة مني, أنا قلت محتار ولا أدري هل لا زال هناك حزب سياسي بطرح تقليدي - كما بقية الأحزاب السياسية - يمارس نشاطه
سمح الغنا فوق خشم سيده, لامن نسمع من أصحاب الشأن يبقى الموضوع سهل
وقلت ليك رغم الجيرة دي لازلت واضعهم في الإعتبار كجماعة ذات أتباع (عضوية) وتأثير
أمّا بالنسبة لسؤالك عن وين الحركات المسلحة وقوى الهامش فا شنو؟ تقوم ترجع تقرأ مرّة رابعة - عسى ولعل - و تراجع مداخلتي الفوق دي ح تلقى الكوت دا

Quote: حقيقة انا انتبهت لأني أغفلت جماعات / أحزاب مهمة في الخارطة الحالية لها عضوية و تأثير كبير وأعني تحديدا الحركة الشعبية قطاع الشمال و حركات دارفور المسلّحة, بالطبع الحرب لن تستمر للأبد - نأمل - وح يجي يوم يلقي الجميع السلاح ويتحوّلوا للمارسة السياسية الطبيعية حينها الحركات المذكورة -من يكتب له البقاء منها - ح يكون ليها وجود وتأثيركبير في الخارطة المستقبلية - على الأقل في دارفور عليه ساعيد ذكر مكوّنات الخارطة الحالية

يمكن ما كان ظاهر عندك لمّا قريت أول مرة
أها .. أفتكر كدا وضحت, لو ما وقعت ليك بعد دا تديني خاترك وتعفيني أبوي, دا اقصى ما لدي من قدرة على شرح العنقريب

يا محمد البشرى
فيما يخص الجمهورين اذن متفقين انو هم جزء اصيل في العملية السياسية في الماضي والحاضر والمستقبل خلاص بطل ما تحتار تاني
اها نجي لموضوع الحركات المسلحة
المقتبس ده مش التمهيد البديت بيه استهلاليه البوست ؟؟

Quote: أولا نشوف الخارطة الحالية - أحزاب الأمة و الإتحادي و الفكة المنشقة عنهم - الكيزان (وطني وشعبي ) - الحزب الشيوعي - المؤتمر السوداني - حركات حق - أحزاب البعث - الناصري وما في حكمه - أحزاب النت و الفيس بووك (ليبرالي 1 و 2 و خضر و جبهة عريضة.. إلخ ) - قرفنا وما في حكمها المجموعة أدناه لا أدري هل يصح تصنيفها كأحزاب سياسية أم لا لكن لها تاثير و أتباع - عضوية - لا يمكن اغفالها - الجمهوريين - السلفيين (بمختلف جماعاتهم) - الطرق الصوفية

ومش قلت لو نسيت حزب ذكروني ؟؟
طيب انت تتجاهل حركات مهمة ستكون جزء من حاضر ومستقبل السودان في استهلالية البوست وتجي تذكره في رد لاحد الزملاء يعني على هامش البوست
ثانياً
ياخ انا كما غيري ما ملتزم بمتابعة كافة الردود لكن بالمحاور الاساسية التي وضعتها على البوست وانحنا بنتكلم من باب انك قلت يذكروك
ومن باب نلملم كل الحاجات مرة واحدة عشان نبدأ
لانو في مجموعة من قضايا مهمة الهوية مثلاً
لانها جزء من الصراع الحاصل في السودان والوحدة سوى كانت مع دولة الجنوب او مع اقاليم تتطلع الان للانفصال
حدود السودان والتسوية مع دول الجوار في بعض المناطق المحتلة
المهم حنتابع ونسجل حضور ولو شفت اني ضيف ثقيل على البوست كمان بوستك عندك

أوكي .. سمح
شكرا على التذكير وإن كان متأخر شوية :)

Quote: أوكي .. سمح شكرا على التذكير وإن كان متأخر شوية :)

الشكر خلي وراء شوية ممكن تتراجع عنه حتى لو ما جاء على عجل
المهم
عوس عواستك
وبرضه
تسجيل متاوقة