Post: #1
Title: مطلوب عمالة زراعية
Author: ودقاسم
Date: 02-15-2015, 03:17 PM
Parent: #0
02:17 PM Feb, 15 2015
سودانيز أون لاين
ودقاسم -
مكتبتي في سودانيزاونلاين
الشروط :
خبرة في زراعة البصل
خبرة في زراغة الطماطم
خبرة في زراعة الشمام القاليا
خبرة في زراعة الباذنجان
خبرة في زراعة الفلفل الحار والرومي
العمل بالخرطوم
السكن بالموقع نفسه
كل العمال الزراعيين ذوي الخبرة يعرفون علاقات الإنتاج التي تحدد ( نصيبهم في الدخل )
العمل الفعلي يبدأ في مايو
|
Post: #2
Title: Re: مطلوب عمالة زراعية
Author: يوسف الطيب احمد إدريس
Date: 02-15-2015, 03:33 PM
Parent: #1
الأخ ود قاسم
كيف الحال
عندنا شباب في منطقتنا الجيلي ما شاء الله خبرة طويلة في زراعة الخضروات بكافة أنواعها ، يا ريت تشرح أكتر يمكن نجمع بينك وبينهم.
زي المساحة الإجمالي كم ونصيب الفرد كم في المساحة وباقي التفاصيل مدخلات الزراعة حتكون على منو وغيرها من التفاصيل.
وتسلم
|
Post: #3
Title: ماشي كويس ود قاسم
Author: Nasr
Date: 02-16-2015, 04:49 AM
Parent: #2
غايتو لو عمالك ديل بيقروا سودانيزأونلاين
بختك وبخت السودان
|
Post: #4
Title: Re: ماشي كويس ود قاسم
Author: عبدالمنعم الطيب حسن
Date: 02-16-2015, 06:34 AM
Parent: #3
ود قاسم
صباح الخير...
معظم اهلي شباب واوسي، خبرة
في الزراعة، وكراعن خدرا،
يشقوا العتمور يتحول لواحة...
وكمان ايدن طاعمة..
ياخ ديل عادي الواحد فيهم يزرع مسمار بكرة يصبح فرار...
ضع العنوان،
ساوصله لاصدقائي،
وحا يجوك،
ويعجبوك.....
|
Post: #10
Title: Re: ماشي كويس ود قاسم
Author: ودقاسم
Date: 02-16-2015, 07:44 AM
Parent: #4
شكرا لك عبدالمنعم
سأرسل لك هاتفي بالماسينجر
آمل أن يتجاوب معي
|
Post: #6
Title: Re: ماشي كويس ود قاسم
Author: ودقاسم
Date: 02-16-2015, 07:04 AM
Parent: #3
ودعباس
أظنك بتتذكر بروفيسور استيفنس بتاع البوليتكس
بعد ما انتهت علاقتو بجامعة الخرطوم مشى الكويت
وتم استدعاءه للعمل مع إدارة كارتر ، فجاء زائرا لللخرطوم قبل عودته للus
وقابلناه ونحن قد تخرجنا لكنا عدنا لنمضي أمسية في نادي الأساتذة
فسأل عمن درّسه منّا
فقلت أنا فسألني في أي فصل
قلت في ثالثة
قال : politcal philosophy؟
قلت نعم
فسالني أين أعمل الآن
فقلت بوزارة المالية
فضحك ضحكة عالية التفت إليها كل من بالنادي
وقال : and how much philosophy is there?
وطبعا يا ودعباس جماعتكم ديل بتاعين تخصصات دقيقة ، بس نحن شغالين بي فهم
كلّو عند العرب صابون
بيقروا ليهم قرايبهم ..
|
Post: #8
Title: Re: ماشي كويس ود قاسم
Author: ودقاسم
Date: 02-16-2015, 07:30 AM
Parent: #6
نغدين يا ود عباس وليدات المدرسة ديل بيعملوا عمايل
هم دليل الحلة عندما تجد نفسها واقفة أمام الكتابة وكأنها فرعونية الأحرف
قالوا واحد في الحلة جاتو برقية وجابوهاا ليهو في البيت
والمدرسة في الحلة جديدة ، ووما في ولا زول بيعرف قراية
والوليدات كلهم في المدرسة والدنيا صباح
بس في واحد فكي .. شالوا البرقية ودوها لي عمك الفكي
قام قراها ليهم .. قال
رقبة التور وقعت بينا
فسألوه أي تور وأي رقبة وأي ناس وقعت بيهم رقبة التور ؟
قال : ما بعرف
والنساوين فقعن البكا والسكليب والرماد فوق الرسين
بعد شوية الوليدات طلعوا من المدرسة ..نادوا أول وليد ، أدوهو البرقية عشان يفسّر ليهم قراية الفكي
الوليد قرا البرقية: رقية النور وضعت بنتاً
فانقلب البكاء والنويح إلى زغاريد وفرح وضبيحة كمان
|
Post: #5
Title: Re: مطلوب عمالة زراعية
Author: ودقاسم
Date: 02-16-2015, 06:48 AM
Parent: #2
الأخ يوسف الطيب
لعلك طيب
المساحة 10 فدان في سوبا غرب
ري انسيابي
كل الناس االبيزرعوا الخدار عارفين نظام الشراكة
تمويل من صاحب الأرض وعمل من العمال
والنص بي النص
|
Post: #7
Title: Re: مطلوب عمالة زراعية
Author: يوسف الطيب احمد إدريس
Date: 02-16-2015, 07:10 AM
Parent: #5
ود قاسم
كيف حالك
شكراً للتوضيح المطلوب كم مزارع وكيفية التواصل؟
|
Post: #9
Title: ماشي كويس ود قاسم
Author: Nasr
Date: 02-16-2015, 07:37 AM
Parent: #7
ياسر أخوي عنده حواشة في مشروعك دا
كدا إتصل بيه
عنده مزارعين نجاض
|
Post: #11
Title: Re: ماشي كويس ود قاسم
Author: ودقاسم
Date: 02-16-2015, 07:48 AM
Parent: #9
جيب تلفون ياسر في الماسينجر
|
|