Post: #1
Title: وين قصي محمد؟
Author: أيمن محمود
Date: 02-14-2015, 10:55 AM
09:55 AM Feb, 14 2015
سودانيز أون لاين
أيمن محمود - في قلبكم .. او عليه
مكتبتي في سودانيزاونلاين
هل اعتزل البورد؟
والا استراحة محارب؟
والا بكتب في الدراسة الوعدنا بيها؟
ان شاء الله المانع خير
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الناس الوصفوه بانو ماسورة واسوأ كتاب البورد يتحملون المسؤولية كاملة
|
Post: #2
Title: Re: وين قصي محمد؟
Author: أيمن محمود
Date: 02-14-2015, 11:19 AM
Parent: #1
يا قصي لو بتقرا سودانيزاونلاين وشفت البوست ده هاك النقاط دي فكر فيها وانت في استراحتك
1. مسألة انك الاسوأ في البورد ده كلام فارغ ساي وانت ما الاسوأ بكل تأكيد، في ناس كتيرة أسوا منك.
2. لو فكرت بعدين كتبت بكون أفضل كتير مما تكتب بعدين تفكر
3. الحقيقة قدراتك العقلية ما متفوقة على قدرات الانسان العادي وما زي ما انت متخيل (الحاجة دي سببت وحا تسبب ليك مشاكل كتيرة) وده بيتطلب منك تبذل مجهود أكبر في فهم الحاجات!
4. كدي جرب مدة اسبوع اسبوعين شهر شهرين انك تجلي موضوع الجماعة السلفية دي - الناس ديل ماسورة.
5. لو غلبك تجليها اتصل علي - عندي صاحبي ايام الجامعة كان سلفي قعدت معاهو شهر كامل بس الحمد الله هسا بقى كويس
6. في أسوأ الاحوال لو ما رجعت للكتابة ما تخلي القراية - وانتبه لكتابات المخالفين اكتر من كتابات المؤيدين البشر يا قصي اكتر من 99% منهم تقريبا ما سلفيين.
|
Post: #3
Title: Re: وين قصي محمد؟
Author: Alfarwq
Date: 02-14-2015, 11:44 AM
Parent: #2
السلام عليكم يا ايمن ... انت عارف مشكلتنا الكبيرة يا ايمن عدم قبول الاخر ... و دي ينطبق عليك كما ينطبق على قصي و غيركم كتار في البورد.
كدي راجع كلامك التحت دي ...
1. مسألة انك الاسوأ في البورد ده كلام فارغ ساي وانت ما الاسوأ بكل تأكيد، في ناس كتيرة أسوا منك. شنو معاير السوء عندك .. و كيف نصنف فلان سئ و علان ممتاز
2. لو فكرت بعدين كتبت بكون أفضل كتير مما تكتب بعدين تفكر
3. الحقيقة قدراتك العقلية ما متفوقة على قدرات الانسان العادي وما زي ما انت متخيل (الحاجة دي سببت وحا تسبب ليك مشاكل كتيرة) وده بيتطلب منك تبذل مجهود أكبر في فهم الحاجات! هل عملت لقصي امتحان قدرات ... دي كما تعالي و تعدي و اساءة نسميه شنو... طيب انت يا ايمن قدراتك العقلية اعلى من قصي؟ ... يا جماعة ما نبطل الغاغة دي و التعالي الفي الفارغة دي
4. كدي جرب مدة اسبوع اسبوعين شهر شهرين انك تجلي موضوع الجماعة السلفية دي - الناس ديل ماسورة. عرفت كيف الناس ديل ماسورة؟؟ اجزم بانك ما قريت ليهم و لا عاشرتهم ... اهو تصنيف و السلام ... و حكاية صحبك دي اتبات لعبقريتك الخارقة في الاقتناع و قدراتك العقلية الافضل من قصي
5. لو غلبك تجليها اتصل علي - عندي صاحبي ايام الجامعة كان سلفي قعدت معاهو شهر كامل بس الحمد الله هسا بقى كويس
6. في أسوأ الاحوال لو ما رجعت للكتابة ما تخلي القراية - وانتبه لكتابات المخالفين اكتر من كتابات المؤيدين البشر يا قصي اكتر من 99% منهم تقريبا ما سلفيين. 99% اكيد نجرتها من راسك .... و زي ما نصحة قصي بانه يقرا ... انت برضوك اقرا ... امسك كتب الفكر السلفي و اعرف عنهم بدل التنميط والتصيف المبني على التلقي و الانطباع
خ
|
Post: #4
Title: Re: وين قصي محمد؟
Author: أيمن محمود
Date: 02-14-2015, 12:03 PM
Parent: #3
يا الفاروق احنا بنتكلم عن كتابات ما عنو كشخص كويس والا ما كويس
غايتو براك كده لو ما لاحظ سوء الكتابات تكون بالغت معاهو.
مثلا في بوستو الاخير كتب:
| Quote: يقول العضو - ذو العامين اسفيرا - أيمن محمود في إحدى كتاباته: |
ممكن توريني ذو العامين اسفيرا معناها شنو؟
Quote: أيمن يصرح بوجود أعضاء هنا مؤيدين لتنظيم عالمي مصنف إرهابي. وملاحق أعضاءه حيثما حلوا،
الأمر ده لو تحركنا فيه قضائيا - وكل شئ وارد - بتعرف كويس وين الباقير وما هو الطير البطير ليها.
لأن أيمن لم يقم بالتبليغ عن أعضاء هذه الجماعة الإرهابية المؤيدة لداعش والمدافعة عنها.
عند ذلك اليوم سيقفل باب أنصاف الأجاويد. |
ممكن توريني (بتعرف كويس وين الباقير وما هو الطير البطير ليها) معناها شنو؟
دي مثالين بسيطين جدا لسوء الكتابة بتاعتو ولغوثتها ورغم ذلك قلنا ما هو الاسوأ
وتقييم الكتابة ما حاجة معقدة وعسيرة زي ما بتتخيل - لاحظ مافي اي زول دافع عن سوء كتابتو في البوست المعني
|
Post: #5
Title: Re: وين قصي محمد؟
Author: محمد أبوالعزائم أبوالريش
Date: 02-14-2015, 12:10 PM
Parent: #3
تقصد إنو مختفي من البورد؟
يكون بيطبخ ليهو في (منشور).
بالجد، سلفي أو غير سلفي، الناس البفتكروا إنهم بيملكوا كل الحقيقة، وانهم دوماً على حق ديل، ما بعرف أتفاهم معاهم
|
Post: #6
Title: Re: وين قصي محمد؟
Author: عماد حسين
Date: 02-14-2015, 01:35 PM
Parent: #5
| Quote: بالجد، سلفي أو غير سلفي، الناس البفتكروا إنهم بيملكوا كل الحقيقة، وانهم دوماً على حق ديل، ما بعرف أتفاهم معاهم |
Quote: أولاً، لي ملاحظة، أن رجال الدين حين يتحدثوا (سواء في برنامج تلفزيوني أو منابر الخطابة)
يستخدموا تعابير وجه ولغة جسد توصل إليك أن المتحدث يملك الحقيقة الكاملة، فيتبسم عند استصغاره لأمر أو فكرةِ ما مثلاً. |
أبو الريش
لو سمحت.. غيّر نغمة جوالك 
|
Post: #7
Title: Re: وين قصي محمد؟
Author: محمد أبوالعزائم أبوالريش
Date: 02-14-2015, 01:46 PM
Parent: #6
| Quote: لو سمحت.. غيّر نغمة جوالك |
ده رأيي بقولو في كل مكان ......... عايزني أغيّرو من مكان لي مكان؟
|
Post: #8
Title: Re: وين قصي محمد؟
Author: محمد المسلمي
Date: 02-14-2015, 02:01 PM
Parent: #7
Quote:
السلام عليكم يا ايمن ... انت عارف مشكلتنا الكبيرة يا ايمن عدم قبول الاخر ... و دي ينطبق عليك كما ينطبق على قصي و غيركم كتار في البورد.
كدي راجع كلامك التحت دي ...
1. مسألة انك الاسوأ في البورد ده كلام فارغ ساي وانت ما الاسوأ بكل تأكيد، في ناس كتيرة أسوا منك. شنو معاير السوء عندك .. و كيف نصنف فلان سئ و علان ممتاز
2. لو فكرت بعدين كتبت بكون أفضل كتير مما تكتب بعدين تفكر
3. الحقيقة قدراتك العقلية ما متفوقة على قدرات الانسان العادي وما زي ما انت متخيل (الحاجة دي سببت وحا تسبب ليك مشاكل كتيرة) وده بيتطلب منك تبذل مجهود أكبر في فهم الحاجات! هل عملت لقصي امتحان قدرات ... دي كما تعالي و تعدي و اساءة نسميه شنو... طيب انت يا ايمن قدراتك العقلية اعلى من قصي؟ ... يا جماعة ما نبطل الغاغة دي و التعالي الفي الفارغة دي
4. كدي جرب مدة اسبوع اسبوعين شهر شهرين انك تجلي موضوع الجماعة السلفية دي - الناس ديل ماسورة. عرفت كيف الناس ديل ماسورة؟؟ اجزم بانك ما قريت ليهم و لا عاشرتهم ... اهو تصنيف و السلام ... و حكاية صحبك دي اتبات لعبقريتك الخارقة في الاقتناع و قدراتك العقلية الافضل من قصي
5. لو غلبك تجليها اتصل علي - عندي صاحبي ايام الجامعة كان سلفي قعدت معاهو شهر كامل بس الحمد الله هسا بقى كويس
6. في أسوأ الاحوال لو ما رجعت للكتابة ما تخلي القراية - وانتبه لكتابات المخالفين اكتر من كتابات المؤيدين البشر يا قصي اكتر من 99% منهم تقريبا ما سلفيين. 99% اكيد نجرتها من راسك .... و زي ما نصحة قصي بانه يقرا ... انت برضوك اقرا ... امسك كتب الفكر السلفي و اعرف عنهم بدل التنميط والتصيف المبني على التلقي و الانطباع
خ |
الفاروق سلام يسلم قلمك
|
Post: #9
Title: Re: وين قصي محمد؟
Author: عبدالمنعم الطيب حسن
Date: 02-14-2015, 03:27 PM
Parent: #8
عمنا الحبر لديه اربعة اولاد ناجحين ومغتربين في ابوظبي، الاربعة
اها ولدو الخامس صاحبنا عبدالحميد كاسر ركبة معانا في الحلة، وعطال شديد...
جاءت مجموعة سالت عم الحبر، وين عبدالحميد؟
رد: ما عارفو،
ومجموعة تانية ؟
كان رد عمنا الحبر: هوي يا ولاد دحين عبدالحميد دا زولن، الزول بسعل منو!!!
سلام يا ايمن،
ياخ في الاحتفال شايل كمرتك، تصور يمين وشمال،
ولا حتى صورة واحدة بيها نطمن شوية،
|
Post: #10
Title: Re: وين قصي محمد؟
Author: أيمن محمود
Date: 02-15-2015, 06:50 AM
Parent: #5
| Quote: يكون بيطبخ ليهو في (منشور). |
والله يا محمد غياب قصي ده ما مريحني كلو كلو ... ما يكون بدبر ليهو في مصيبة اسفيرية
تصدق الزول ده عندو نكهة
|
Post: #11
Title: Re: وين قصي محمد؟
Author: أيمن محمود
Date: 02-22-2015, 10:17 PM
Parent: #10
اظهر وبان ليك الامان
|
Post: #12
Title: Re: وين قصي محمد؟
Author: حسين عبد المجيد
Date: 02-23-2015, 06:01 AM
Parent: #11
اساسي وايمن محمود، وعلى شاكلتهم اخرون
والله فاكينها في روحكم ساي اقعدوا في علبكم وخلوا خلق الله في شئونهم تنظير سودانيين اضر بالبلاد والعباد
|
Post: #13
Title: Re: وين قصي محمد؟
Author: الجنيد حمد
Date: 02-23-2015, 06:14 AM
Parent: #12
اختلفنا او اتفقنا مع ما يطرحه الزميل قصي
شهادة لله هو زول دغري والفي قلبو تلقاها على كيبوردو
اتمنى يكون المانع خير
تحياتي ايمن والتحية للزميل قصي
|
Post: #14
Title: Re: وين قصي محمد؟
Author: عبدالحفيظ ابوسن
Date: 02-23-2015, 06:45 AM
Parent: #13
تحياتي للجميع
اتمني عودة قصي
وكل الغائبين غيره
|
Post: #15
Title: Re: وين قصي محمد؟
Author: امجد الجميعابى
Date: 02-23-2015, 02:36 PM
Parent: #14
انشاء الله جمعت يا ايمن
|
Post: #16
Title: Re: وين قصي محمد؟
Author: ahmedona
Date: 02-23-2015, 04:48 PM
Parent: #14
الأخوة الكرام ....
قصي --- بدأ التحضير للدراسات العليا ....
|
Post: #17
Title: Re: وين قصي محمد؟
Author: أيمن محمود
Date: 02-23-2015, 09:28 PM
Parent: #16
| Quote: قصي --- بدأ التحضير للدراسات العليا |
ربنا يوفقو وييسر ليه الدرب الشاق ده
|
|